loading...

ველ კილმერი / Val Kilmer

რეიტინგი: 3.0 (1 ხმა)
  • დაბადების სახელი: ველ ედვარდ კილმერი / Val Edward Kilmer
  • დაბადების თარიღი: 1959 წლის 31 დეკემბერს
  • დაბადების ადგილი: ლოს-ანჯელესი, კალფორნია, აშშ
  • პროფესია: მსახიობი
  • კარიერა: 1984 წლიდან დღემდე
  • ზოდიაქო: თხის რქა
  • სიმაღლე: 183 სმ


  • ბიოგრაფია: ველ ედვარდ კილმერი, გლედის და იუჯინა კილმერების რიგით მეორე შვილია. ოჯახის წინაპრები წარმომავლობით შვედები, გერმანელები, მონღოლები, შოტლანდიელები, ირლანდიელები და ინდიელები იყვნენ. მსახიობის დედა დიასახლისი იყო, მამა კი - უძრავი ქონების აგენტი. წარუმატებელი საქმის გამო, მან მთელი ქონება დაჰკარგა და ცოლს გაეყარა. ველი ამ დროს 9 წლის იყო.

    მშობლების გაყრის შემდეგ, ველი ხან მამასთან ცხოვრობდა ლოს-ნჯელესში და ხან ძმებსა და დედასთან ერთად სან-ფერნანდოში. კილმერი ჩატსვორტის საშუალო სკოლაში სწავლობდა. მისი თანაკლასელები იყვნენ მომავალში ცნობილი მსახიობები: მერ უინინგემი და ქევინ სპეისი. ველი ბავშვობაში თეატრით იყო დაინტერესებული. შეისწავლა დრამატული ხელოვნება და სასკოლო თეატრალურ დადგმებში მონაწილეობდა. საშუალო სკოლის დამთავრების შემდეგ, მან სწავლა ნიუ-იორკის ჯულიარდის დრამატული ხელოვნების სკოლაში განაგრძო.

    1977 წელს ველის ოჯახში უბედურება დატრიალდა. მისი ძმა უესლი იმ მომენტისთვის 16 წლის იყო, როცა ეპილეფსიის შეტევის გამო, საცურაო აუზში დაიხრჩო. ხელოვნების სკოლაში სწავლისას კილმერი კლასიკით იყო გატაცებული. იგი მონაწილეობას იღებდა შექსპირის პიესებსა და ბერძნულ ტრაგედიებში. თამაშობდა რიჩარდ III - სა და მაკბეტს. 1981 წლიდან მან თეატრში დაიწყო მოღვაწეობა, ხოლო, 1983 წლიდან - ბროდვეიში. 1988 წელს მან კოლორადოს შტატში გამართულ შექსპირის ფესტივალზე ჰამლეტის როლი ითამაშა. თეატრი მსახიობისთვის დროებითი მოვლენა იყო. იგი მის მთავარ ოცნებას, კინოს უმიზნებდა.

    ველ კილმერის კინოდებიუტი 1984 წელს შედგა, რეჟისორ ჯიმ აბრაჰამსის პაროდიულ კომედიაში „Top Secret!“ მას მაშინვე მისცეს ერთ-ერთი მთავარი, როკ მომღერალ ნიკ რივერსის როლი. მსახიობმა ფილმში ყველა სიმღერა დამოუკიდებლად შეასრულა. მოგვიანებით კი, თავისი გმირის სიმღერების ალბომი გამოსცა. გადაღებების შემდეგ, ველმა მხრებზე ზურგჩანთა მოგდო და სამოგზაუროდ ევროპაში გაემართა, საიდანაც დაბრუნების შემდეგ, 1985 წელს გადაიღეს სათავგადასავლო კომედიაში „Real Genius“, ქრის ნაითის მთავარ როლში. მომდევნო წელს, მსახიობმა ლეიტენანტ ტომ კაზანსკის როლი შეასრულა დრამაში „Top Gun“ . აქ ის ტომ კრუზთან ერთად თამაშობდა. ფილმმა, რომელიც მოიერიშე მფრინავების ცხოვრებას ასახავდა, 350 მილიონი მოუტანა კინო გაქირავებას.

    1988 წელს ჯორჯ ლუკასის ფილმ-ზღაპარის „Willow“ გადაღებისას, მსახიობმა თავისი მომავალი მეუღლე - მსახიობი ჯოან უოლი გაიცნო. ფილმის გადაღების დასრულების შემდეგ, თებერვალში წყვილმა იქორწინა. ერთი წლის შემდეგ, ცოლ-ქმარმა ისევ ერთად ითამაშა ფილმში „Kill Me Again“. 80-იან წლებში მათ ერთად „Billy the Kid“-სა და რამდენიმე ფილმში ითამაშეს. 90-იან წლებში მსახიობმა რეჟისორი ოლივერ სთოუნი გაიცნო, რომელმაც მას მთავარი, მომღერალ ჯიმ მორისონის როლი შესთავაზა ბიოგრაფიულ ფილმში „The Doors“. ამ როლისთვის რეჟისორმა 200 კაცი შეამოწმა, მაგრამ ველის ნაირი მსგავსება მომღერალთან არავის ჰქონია. მან გადაღებებზე ჯიმ მორისონის 20 სიმღერა იმღერა. მსახიობმა ორიგინალთან მიახლოებით, ისე ოსტატურად შეასრულა სიმღერები, რომ ჯგუფის წევრებს გაუჭირდათ გამოცნობა - რომელი სიმღერა იყო მორისონის შესრულებით და რომელი -კილმერის. ფილმის ერთ-ერთი სცენის გადაღებისას მსახიობი სცენიდან გადმოხტა და ხელი მოიტეხა. მიუხედვად იმისა, რომ ფილმი კომერციულად წარმატებული არ ყოფილა, ბრწყინვალედ შესრულებულმა როლმა ველ კილმერის პოპულარობა არნახულად გაზარდა. 1992 წელს ამ როლისთვის ის, MTV Movie Awards-ის ჯილდოზე იყო ნომინირებული, როგორც „საუკეთესო მსახიობი“.

    1995წელს მსახიობმა კილმერის - სუპერგმირ ბრიუს უეინის, იგივე ბეთმენის როლი შეასრულა ბლოკბასტერში „Batman Forever“. იმავე წელს მან დამნაშავის როლი ითამაშა კრიმინალურ დრამაში „Heat“. მასთან ერთად ამ ფილმში ალ პაჩინო და რობერტ დე ნირო თამაშობდა. თავისი როლის შესრულებისთვის, ველი ნომინირებული იყო, როგორც „მეორე რანგის საუკეთესო მსახიობი“ Saturn-ის პრემიაზე, ხოლო, MTV Movie Awards-ზე „ყველაზე სასურველი მამაკაცის“ პრემია მოიგო. კილმერი მიმზიდველი გარეგნობისაა და კარგ სამსახიობო მომზადებას ფლობს, რაც ბუნებრივია, ჰოლივუდის ბევრ ვარსკვლავს შურს. ჰოლივუდში მას დიადი მეამბოხის იმიჯი აქვს. მსახიობის მორიგი წარმატება, ქურდ საიმონ ტემპლერის როლი იყო მძაფრსიუჟეტიან ფილმში „The Saint“. ამ ფილმის წარმატება ბევრითაა დავალებული კილმერისგან.

    2000-იან წლებში კილმერს ძირითადად ფანტასტიკურსა და მძაფრსიუჟეტიან ფილმებში იღებენ. 2002 წელს მან ითამაშა კრიმინალურ დრამაში „The Salton Sea“, რისთვისაც მსახიობმა კრიტიკოსებისგან კარგი შეფასება მიიღო. 2004 წელს მსახიობმა ფილმში „Alexander“ როლის შესრულებისთვის 20 კგ-ზე მეტი დაიკლო. მთელი საათობით ადებდნენ მას მაკიაჟს სახეზე, რომ დაებერებინათ და მოხუცი ფილიპესთვის დაემსგავსებინათ. კილმერთან ერთად, ამ ფილმში მონაწილეობდნენ ვარსკვლავები: ანჯელინა ჯოლი, ენთონი ჰოპკინსი, კოლინ ფარელი და ჯერარდ ლეტო.

    2010 წელს მსახიობმა ჰოლანდიელის როლი შეასრულა რუსეთ-საქართველოს აგვისტოს ომზე გადაღებულ ფილმში „5 Days of August“.

    2014 წელს გამოჩნდა ფილმში „Psych“.

    პ ი რ ა დ ი 1984 წელს მსახიობს რომანი ჰქონდა მომღერალ შერთან. 1988-დან 1995-ის ჩათვლით ოფიციალურ ქორწინებაში იყო ჯოან უოლისთან. 1991 წლის 29 ოქტომბერს მათ გოგონა მერსედესი შეეძინათ, ხოლო, 1995 წლის ივნისში ვაჟი - ჯეკი. ვაჟიშვილის დაბადებიდან მერვე თვეს, ცოლქმარი ერთმანეთს დაშორდა. შემდეგ, ველს ხანგრძლივი ურთიერთობა ჰქონდა მოდელ სინდი კროუფორდთან. 1998 წლიდან 2000 წლის ჩათვლით, მსახიობ ჯეისი გოსეტთან ნებივრობდა. ველის ქალ მეგობრებს შორის ასევე შეამჩნიეს: დრიუ ბერიმორი, მიშელ პფაიფერი, დერილ ჰანა და ანჯელინა ჯოლი.

    წყაროებიდან ინფორმაციები მოიპოვა და მასალა მოამზადა: ვაჟა ჩომახიძემ

    ფ ი ლ მ ე ბ ი:
    1984 - Top Secret!
    1985 - Real Genius
    1986 - Top Gun
    1988 - Willow
    1989 - Kill Me Again
    1991 - The Doors
    1992 - Thunderheart
    1993 - The Real McCoy
    1993 - True Romance
    1995 - Batman Forever
    1995 - Wings of Courage
    1996 - Dead Girl
    1996 - The Ghost & the Darkness
    1997 - The Saint
    2000 - Red Planet
    2002 - The Salton Sea
    2003 - Blind Horizon
    2003 - The Missing
    2004 - Spartan
    2004 - George and the Dragon
    2004 - Alexander
    2004 - Mindhunters
    2005 - Kiss Kiss Bang Bang
    2006 - Summer Love
    2006 - Moscow Zero
    2006 - The Ten Commandments
    2009 - Streets of Blood
    2009 - The Thaw
    2010 - МакГрубер
    2010 - Gun
    2010 -The Traveler
    2011 - 5 Days of August
    2011 - Blood Out
    2011 - Kill the Irishman
    2012 - Seven Below
    2013 - Riddle
    2014 - Psych

    ს ე რ ი ა ლ ე ბ ი:
    2008 - XIII





სხვა მსახიობები
კომენტარი (0)
avatar
ნავიგაცია
სიახლე
Загрузка...
მსახიობები ყველას ნახვა
კინო სიახლე ყველას ნახვა
შემთხვევითი
ჯანსუ თოსუნი / Cansu Tosun
რეიტინგი: 5.0
ხმა: (3)
ლინდსი ლოჰანი / Lindsay Lohan
რეიტინგი: 4.0
ხმა: (4)
ნეჯიპ მემილი / Necip Memili
რეიტინგი: 0.8
ხმა: (2)
სემ უორტინგტონი / Sam Huntington
რეიტინგი: 0.0
ხმა: (0)
მეთ დეიმონი / Matt Damon
რეიტინგი: 5.0
ხმა: (1)
მონიკა ბელუჩი / Monica Bellucci
რეიტინგი: 0.0
ხმა: (0)
მაიკ კოლტერი / Mike Colter
რეიტინგი: 2.5
ხმა: (5)
საავტორო მფლობელებისთვისკონტაქტი

© 2015
მაღლა