loading...

უოტკინ ტიუდორ ჯონსი / Watkin Tudor Jones (Ninja)

რეიტინგი: 0.0 (0 ხმა)
  • დაბადების სახელი: უოტკინ ტიუდორ ჯონსი
  • დაბადების თარიღი: 1974 წლის 27 სექტემბერი
  • დაბადების ადგილი: იოჰანესბურგი, სამხრეთ აფრიკა
  • პროფესია: მომღერალი რეპერი, რეჟისორი, სცენარისტი, პროდიუსერი, მხატვარ-სატირიკოსი, მსახიობი
  • კარიერა: 1995 წლიდან
  • ზოდიაქო: სასწორი
  • სიმაღლე: 185


  • ბიოგრაფია: ნინძა, სამხრეთ აფრიკელი მომღერალი რეპერის, რეჟისორის, სცენარისტის, პროდიუსერის, მხატვარ-სატირიკოსისა და მსახიობის, უოტკინ ტუდორ ჯონსის სასცენო სახელია. ადრე მას Max Normal-ისა და MC Totally Rad-ის სახელით იცნობდნენ. უოტკინმა დიდი დრო შესწირა სამხრეთ აფრიკულ ჰიპ-ჰოპს. თანამშრომლობდა The Original Evergreens, MaxNormal.TV-სა და The Constructus Corporation- ში. ამჟამად, ჯგუფ Die Antwoord -ის ლიდერია, სადაც ფსევდონიმ Ninja - თი გამოდის.

    ჯონსმა სხვადასხვა ეტიკეტებით რამდენიმე მუსიკალური ალბომი გამოსცა. გატაცებულია გრაფიკით, რბილი სათამაშოების წარმოებით და ბევრი სხვადასხვა შემოქმედებითი ჰობია აქვს. მოცემული მომენტისთვის, ის ქორწინებაში არ არის, თუმცა, ერთობლივი შვილი, გოგონა სიქსტი ჯონსი ჰყავს იოლანდი ფისერისგან, რომელიც მისი კოლეგაა და ერთად მონაწილეობენ ბევრ პროექტსა და ჯგუფ Die Antwoord - ში.

    ჯონსი რეპ-ჯგუფ Max Normal- ის ლიდერი იყო, რომელმაც სადებიუტო და ერთადერთი ალბომი, 2001 წელს გამოსცა სახელწოდებით Songs From The Mall.

    ჯგუფი სამხრეთ აფრიკის სხვადასხვა ფესტივალებზე გამოდიოდა. მაგ: Up the Creek, Splashy Fen, Oppikoppi. ასევე, რამდენიმე პროექტით ლონდონშიც იმყოფებოდა. ბელგიაში Pukkelpop- ის ფესტივალზე 3 კონცერტი გამართა. კოლექტივი ხელახლა დაიბადა, როცა ჰიპ-ჰოპის კოორპორაციულ ჯგუფად, MaxNormal.tv -ად გადაკეთდა და 2008 წელს გამოსცა ალბომი Good Morning South Africa, რომელიც ხმოვანებით ძალიან ჰგავდა ცოტა მოგვიანებით შექმნილ რეპ ჯგუფ Die Antwoord-ს. სამხრეთ აფრიკისთვის ჰიპ-ჰოპის ჯგუფის ყოლა უჩვეულო მოვლენა გახლდათ. ისინი სცენაზე სამნი, უცნაურად გამოწყობილნი გამოდიოდნენ, ჯგუფის ვოკალისტი მაქს ნორმალი კი - აუდიტორიას თავისი სამოტივაციო სიტყვებით მიმართავდა. ჯგუფის ტექსტების ილუსტრაციის მიზნითა და პუბლიკისთვის შესაბამისი განწყობის შექმნისთვის, დიდ ეკრანებზე PowerPoint-ის პრეზენტაციის სტილში სლაიდების პროექტირება მიმდინარეობდა.

    2002 წელს, მიუხედავად ჯგუფში პოპულარობისა, ჯონსმა ის მაინც დატოვა. თავისი გადაწყვეტილება მან იმით ახსნა, რომ შემოქმედებით კრიზისს განვიცდიო. ჯონსი Cape Town-ში გადავიდა და მუშაობა დაიწყო DJ Dope of Krushed & Sorted-ისა და Felix Laband-ის მულტიმედიურ პროექტში, რომლის არსიც იმაში მდგომარეობდა, რომ ერთმანეთთან უნდა შეერწყათ ტექსტი, გრაფიკა, სურათები, დიზაინი და მსახიობთა მუსიკალური გამოსვლები. ამდაგვარი მუშაობით შეიქმნა „იმ ადამიანის სახე, რომელიც არასოდეს ბრუნდება უკან“ (The Man Who Never Came Back), რომელიც მომდინარეობს პროექტის ერთ-ერთი თრექის სახელწოდებიდან. თუმცა, რამდენიმე ხნის შემდეგ, ის პროექტი The Constructus Corporation-ს შეერწყა. იმავე დროს, ჯგუფს შემოუერთდა იო-ლანდი ფისერი, სახელით Anica The Snuffling.

    2002 წელს Max Normal-ის დაშლის შემდეგ, ჯონსმა შეკრიბა მუსიკოსები (Sibot, Markus Wormstorm და Felix Laband), რომ ერთობლივად ემუშავათ პროექტ The Constructus Corporation-ის ფარგლებში თავისი გრაფიკული ნოველების ალბომის The Ziggurat-ის ჩასაწერად. 2002 წლის დეკემბერში ალბომი პუბლიკამ იხილა. ეს გახლდათ 88 გვერდიანი წიგნი ვარდისფერი ხისტი ყდით, რომელიც ჯონსის მერ ჰიპ-ჰოპის სტილში შესრულებულ ფენტეზ ისტორიების ხელნაწერ ვერსიას წარმოადგენდა. წიგნის სიუჟეტი ორი ბავშვის თავგადასავალს გვამცნობდა, რომლიც გრანდიოზულ, ჯადოსნურ ფუტურისტულ სამყაროში მოხვდა. ალბომის მხატვრობა კაშკაშა, დამამახსოვრებელი ილუსტრაციებით Nikhil Singh-მა შეასრულა. კომპლექტი გამიზნული იყო ორ კომპაქტ დისკზე. პირველი CD - ისტორიის აუდიოვერსიას წარმოადგენდა, სადაც ჯონსი რამდენიმე პერსონაჟს ახმოვანებს. მეორე CD - ცარიელი იყო, რომელიც მხოლოდ იმას ატყობინებდა მსმენელს, თუ საიდან უნდა გადმოეტვირთად უფასოდ ავტორის მეორე მუსიკალური ალბომი და ახალი მოთხრობები. The Constructus Corporation 2003 წელს დაიშალა.

    2008 წელს ჯეიმსმა საფუძველი დაუდო ჯგუფ Die Antwoord-ის ჩამოყალიბებას, რომელიც სამი მუსიკოსისგან შედგება: ჯონსი, იო-ლანდი ფისერი და DJ Hi-Tech. ჯგუფის სტილი «zef»-ის ალტერნატიული კულტურისა და ფოტოგრაფ როჯერ ბალენის შემოქმედებით განისაზღვრა. 2009 წელს ჯგუფმა თავისი პირველი ალბომი $O$ გამოსცა და ის თავისუფლად გადმოზიდვის რეჟიმში დადო საკუთარ საიტზე. ამან დიდი ეფექტი მოახდინა პუბლიკაზე და პირველი 9 თვის მანძილზე, ალბომს რამდენიმე მილიონი ნახვა ჰქონდა ინტერნეტში. მოულოდნელმა პოპულარობამ ჯგუფის ვებ-საიტის ჩამოშლა გამოიწვია და იძულებულნი შეიქნენ, რომ ჯგუფისთვის უფრო ძლიერი ჰოსტინგი შეექმნათ. ვიდეოში ასევე გამორჩეულია ცნობილი სამხრეთ აფრიკელი მხატვრი, მუსიკოსი და DJ Leon Botha.

    Die Antwoord თავის მუსიკას «Zef»-ის სტილში ასრულებს, სამხრეთ აფრიკული ჟარგონიდან Zef შეიძლება ვთარგმნოთ, როგორც დაახლოებთ „თეთრი ნაგავი“ ან სხვაგვარად – «rap-rave» -ს. სტილის იდეოლოგია, სამხრეთ აფრიკაში მცხოვრები თანამედროვე თეთრკანიანების და სიღარიბეში მცხოვრები ძველი კულტურის ელემენტების შერწყმით არის განსაზღვრული. მათი სიმღერები სავსეა მწარე იუმორითა და ირონიით. სიმღერების ტექსტები წარმოადგენს აფრიკულისა და ინგლისურის ნარევს. ფართო საზოგდოებისთვის ჯგუფი ცნობილია, როგორც ჰიპ-ჰოპის კოლექტივი,ხოლო, თავად ჯგუფის წევრები, თავიანთ სტილს «zef rap-rave"-ს უწოდებს,რომელიც ხშირად ელექტრონული მუსიკითაა გაჯერებული.

    რამდენიმე ხნის წინ ჯგუფმა გამოსცა ახალი კლიპი სახელწოდებით „I Fink U Freeky“, რომელიც უხვადაა გაჯერებული გიჟური ცეკვებით და ნახევრადშიშველი, დაუნის სინდრომით შეპყრობილი ადამიანებით. აქვე იხილავთ: შეღებილი სახეებით წარმოდგენილ უცნაურ ბავშვებს, ვირთხებს, გველებსა და კიდევ უამრავ სხვა რამეს.

    2015 წელს ჯონსმა თავისი სადებიუტო როლი შეასრულა მისი თანამემამულის, რეჟისორ ნილ ბლომკამპის გახმაურებულ ფილმში „Chappie“. ითამაშა „ნინძას“ როლი.

    პ ი რ ა დ ი ჯონსი 1974 წელს დაიბადა იოჰანესბურგში. იქვე ბიჭების საშუალო სკოლაში Parktown Boys' High School-ში სწავლობდა. 1992 წელს სკოლის დამთავრებამდე ერთი წლით ადრე, ის მიატოვა. იო-ლანდი ფისერზე დაქორწინებული არ ყოფილა, მაგრამ მათ საერთო შვილი ჰყავთ. მათი ქალიშვილი სიქსთინ ჯონსი, რამდენიმე კლიპში მონაწილეობს, მათ შორის «I Fink U Freeky»-ში. ერთ-ერთ ინტერვიუში ჯონსი ამბობს, რომ მას ახლა იოლანდისთან არაფერი აკავშირებს, გარდა კოლეგიალობისა და არც ადრე ჰქონიათ სხვაგვარი კავშირი, ხოლო, 2012 წელს მიცემულ ინტერვიუში მან განაცხადა, რომ ის და იო-ლანდი, ორთავე ვეგეტერიანელია.

    ჯონსი სხვადასხვა ინტერვიუებში თავისთავზე ურთიერთგამომრიცხავი ფაქტებით საუბრობს. მაგალითად, ერთ-ერთ ინტერვიუში ამბობს, რომ იო-ლანდის ბავშვობიდან იცნობს და აქვე სხვა ინტერვიუში ამბობს, რომ ისინი ერთმანეთს მოზრდილობის ასაკში შეხვდნენ. რაც შეეხება მის ოჯახს, ჯონსმა განაცხადა, რომ მამამისი დახვრიტეს, ძმამ კი - სიცოცხლე თვითმკვლელობით დაასრულა.

    წყაროებიდან ინფორმაციები მოიპოვა და მასლა მოამზადა: ვაჟა ჩომახიძემ

    ფ ი ლ მ ე ბ ი:
    2015 – Chappie - ნინძას როლი
    2014 - Die Antwoord: Ugly Boy
    2010 – Tokoloshe (ვიდეო) - თამაშობს საკუთარ თავს
    2010 – Umshini Wam
    2011 – Umshini Wam ...
    2012 - Die Antwoord: Fatty Boom Boom

















სხვა მსახიობები
კომენტარი (0)
avatar
ნავიგაცია
სიახლე
Загрузка...
მსახიობები ყველას ნახვა
კინო სიახლე ყველას ნახვა
შემთხვევითი
ანა საფრონჩიკი / Anna Safroncik
რეიტინგი: 4.0
ხმა: (1)
რამი მალეკი / Rami Malek
რეიტინგი: 0.0
ხმა: (0)
ბრედ პიტი / Brad Pitt
რეიტინგი: 0.0
ხმა: (0)
მარია ანიკანოვა / Мария Аниканова
რეიტინგი: 0.0
ხმა: (0)
დებორა ენ უოლი / Deborah Ann Woll
რეიტინგი: 5.0
ხმა: (1)
ჯულიანა მური / Julianne Moore
რეიტინგი: 0.0
ხმა: (0)
შინ სე კიუნგი / Shin Se Kyung
რეიტინგი: 5.0
ხმა: (1)
საავტორო მფლობელებისთვისკონტაქტი

© 2015
მაღლა
loading...
loading...