loading...

უილ სმითი / Will Smith

რეიტინგი: 5.0 (1 ხმა)
  • დაბადების სახელი: უილარდ კრისტოფერ სმით უმცროსი
  • დაბადების თარიღი: 1968 წელი 25 სექტემბერი
  • დაბადების ადგილი: ფილალდეფია, პენსილვანიის შტატი, აშშ
  • პროფესია:მსახიობი, პროდიუსერი, სცენარისტი, რეჟისორი, კომპოზიტორი
  • კარიერა: 1989 წლიდან
  • ზოდიაქო: სასწორი
  • სიმაღლე: 188 სმ.


  • ბიოგრაფია უილს ბავშვობიდანვე თანამედროვე მუსიკა იტაცებდა და იმდენად სერიოზულად, რომ რეპი მის პროფესიად გადაიქცა. მან თავის საუკეთესო მეგობარ ჯეფ ტაუსონთან ერთად ჯგუფი „დი-ჯეი ჯაზი ჯეფი და ფრეშ-პრინცი“ შექმნა. ეს ჯგუფი უილის დაწერილ სიმღერებს მღეროდა და შიგ არც ერთი უცენზურო სიტყვა არ ერია. ამიტომ მოზარდებს მშობლების თანხმობის გარეშე შეეძლოთ მათი სიმღერების ყიდვა, რამაც ბიჭებს გვარიანი შემოსავალი მოუტანა. დუეტმა სწრაფად მოიპოვა პოპულარობა. მაგალითად, სინგლი სახელწოდებით "მშობლებს უბრალოდ არ ესმით," ჰიტად იქცა. უნდა აღინიშნოს, რომ ჯგუფის წევრები პირველი რეპერები იყვნენ, რომლებიც „გრემის“ პრემიით დაჯილდოვდნენ.
    მალე 18 წლის ცნობილმა უილ სმითმა შეიტყო, რომ გამომუშავებული მილიონები დახარჯული აღმოჩნდა, უფრო მეტიც, ახალ ვალებში ჩაეფლო, რომლებიც აუცილებლად უნდა გადაეხადა. ამას ზედ ისიც დაერთო, რომ ჯგუფი პოპულარობას სწრაფად კარგავდა. მას უეცრად მხსნელად კომპანია «NBC» მოევლინა, რომელმაც საკუთარი როლის შემსრულებლად მიიწვია სატელევიზიო სერიალში - „ფრეშ-პრინცი ბეილ-ეირიდან“. ეს სერიალი 6 წელი გრძელდებოდა და მისგან მოპოვებულმა შემოსავალმა, მსახიობს იმის საშუალება მისცა, რომ ყველა ვალი გაესტუმრებინა. უილი უკვე ჰოლივუდის პროფესიონალთა წრეში ტრიალებდა. რამდენიმე ხნის შემდეგ, ტელევიზიაში თავისი წარმატებით აღფრთოვანებულმა უილმა, დიდ კინოში გადასვლა გადაწყვიტა.
    1992 წელს უილის დებიუტი შედგა დიდ კინოში. ეს იყო მხატვრული ფილმი „დღე ანგელოზების ქალაქში“, სადაც მან უსახლკარო მანის როლი შეასრულა. 1993 წელს იგი ფილმში „დამზადებულია ამერიკაში“ მოგვევლინა. კრიტიკოსებმა კი ის ბროდვეის ჰიტში „გაუცხოების ექვსი საფეხური“ შეამჩნიეს, ხოლო, მათგან პირველი უმაღლესი შეფასება და მაყურებელთა დიდი სიყვარული უილ სმითმა დიდ ეკრანებზე მძაფრსიუჟეტიანი ფილმის „ცუდი ბიჭების“ გამოსვლის შემდეგ დაიმსახურა. აქ მან პოლიციელის როლი შეასრულა მარტინ ლოურენსთან ერთად.
    1996 წელს მსახიობმა გმირი მფრინავი კაპიტნის, როლი შეასრულა, რომელიც უცხოპლანეტელებს ებრძოდა მძაფრსიუჟეტიან-ფანტასტიურ ფილმში „დამოუკიდებლობის დღე“. მსახიობის კარიერა მწვერვალებისკენ მიიწევდა. მას მუდმივად თავაზობდნენ სხვადასხვა წინადადებებს, ხოლო, მისი ჰონორარი 5 მილიონი დოლარით გაიზარდა, რაც ფართო ეკრანზე გამოჩნდა. მსახიობის პოპულარობა განსაკუთრებით მას შემდეგ გაიზარდა, რაც ის აგენტის როლში გამოჩნდა სამეცნიერო-ფანტასტიურ სერიალში „ადამიანები შავებში“, ხოლო, სინგლმა ბლოკბასტერიდან «Men in Black» კვლავ მოუტანა პოპულარობა უილ-რეპერს. ეს მუსიკალური თემატიკა ბრიტანულ ჩარტებში პირველ ადგილს იკავებდა. ამის შედეგ უილმა შეუფერხებლად ორი მუსიკალური ალბომი გამოსცა, რომლებიც ასევე წარმატებული აღმოჩნდა.
    1998 წელს მსახიობმა ჯინ ჰეკმენთან ერთად ითამაშა ფილმში „სახელმწიფოს მტერი“. თუმცა, მისი მომდევნო ნამუშევარი, ბარი ზონენფელდის კომედიაში „ველური, ველური დასავლეთი“ ჩავარდა. მაგრამ მუსიკალურმა თრეკმა ამ ფილმიდან, კვლავ დაიპყრო ამერიკული ჩარტები. შემდეგ, მსახიობმა მუჰამედ ალის როლი შეასრულა ბიოგრაფიული ჟანრის ფილმში „ალი“. ამ სურათმა ძლიერ შეცვალა თავად მსახიობი. ის ამ როლისთვის სერიოზულად ემზადებოდა და თავისი ფიზიკური და სულიერი გსანვითარების სრულ კონდიციას მიაღწია. მსახიობი ყოველწლიურად გამოჩნდებოდა ხოლმე რამდენიმე სურათში. მალე მან კომედიურიდან დრამატულ როლებში დაიწყო გადასვლა. მან სერიოზული დეტექტივის ალექს პროიასას როლი შეასრულა ფილმში „მე რობოტი!“
    მომდევნო წლებში მსახიობი შერჩევითი როლებით კავდება. 2005 წელს მსახიობმა დოქტორ სვატის როლი შეასრულა ფილმში „ჰითჩი“. 2007 წელს საშინელი ვირუსისგან გადარჩენილ ერთადერთ ნიუ-იორკელად მოგვევლინა ფილმში „მე ვარ ლეგენდა“. ამის კვლდაკვალ, ავადმყოფობისგან სასიკვდილოდ განწირული გოგონას შეყვარებულის როლი ითამაშა ფილმში „შვიდი სიცოცხლე“. შემდეგ კი იყო ეპოქალური ნამუშევარი სურათში - „ჰენკოკი“, ატიკუს შაფერთან და შარლიზ თერონთან ერთად.
    „ფორბსის“ მიხედვით, 2008 წელს მსახიობი პირველ ადგილზე მოხვდა ჰოლივუდის ყველაზე მაღალანაზღაურებად მსახიობებს შორის. უილმა წელიწადშო 80 მილიონი დოლარი გამოიმუშავა. სმითი პირველი მსახიობი იყო ჰოლივუდის ისტორიაში, რომელმაც ზედიზედ 8 ფილმიდან 100 მილიონი დოლარი მოაგროვა.
    პ ი რ ა დ ი: უილ სმითმა 3 წელი იცხოვრა თავის ცოლ შერი ზამპიონთან ერთად. 1995 წელს მსახიობი მას დაცილდა და ორი წლის შემდეგ, თავის დიდი ხნის მეგობარზე, მსახიობ ჯადე პიმკეტზე დაქორწინდა. უილმა ის „უფლისწული ბევერლი-ჰილზიდან“ გადაღებისას გაიცნო. მაშინ სუსტი ჯადა ორმეტრიან უზარმაზარ უილს ვერ შეეწყო და გოგონა უშედეგოდ დაცილდა. მაგრამ მოგვიანებით, მათ ჩინებული პირადი ურთიერთობები გააჩაღეს. მათ ვაჟი ჯეიდენი და გოგონა უილოუ შეეძინათ. 1998 წელს ურნალ «Peоple» -ეს გამოკითხვით უილ სმითი პლანეტის 50 ყველაზე ლამაზ ადამიანს შორის დაასახელეს!
    ფ ი ლ მ ე ბ ი:
    1995 - ცუდი ბიჭები Bad Boys მაიკ ლოვრი
    1997 - ადამიანები შავებში Men in Black აგენტი ჯეი
    1999 - ველური, ველური დასავლეთი Wild Wild West კაპიტანი ჯეიმზ ვესტი
    2002 - ადამიანები შავებში II Men in Black II აგენტი ჯეი
    2003 - ცუდი ბიჭები II Bad Boys II მაიკ ლოვრი
    2004 - მე რობოტი I, Robot დეტექტივი დელ სპუნერი
    2006 - ბედნიერების დევნა დევნა ბედნიერება კრის გარდნერი
    2007 - მე ლეგენდა ვარ მე ვარ ლეგენდა კრის გარდნერი
    2008 - შვიდი ფუნტი Seven Pounds ბენ ტომასი
    2012 - ადამიანები შავებში III Men in Black III აგენტი ჯეი
    2014 - ზამთრის ზღაპარი ზამთრის ზღაპარი ლუციფერი
    2015 - ფოკუსი

    ს ე რ ი ა ლ ე ბ ი:
    1990 - ABC Afterschool Specials
    1990-96 - The Fresh Prince of Bel-Air
    2003-2007 - All of Us







სხვა მსახიობები
კომენტარი (0)
avatar
ნავიგაცია
სიახლე
Загрузка...
მსახიობები ყველას ნახვა
კინო სიახლე ყველას ნახვა
შემთხვევითი
ელიზა ტეილორი / Eliza Taylor
რეიტინგი: 0.0
ხმა: (0)
დილან მაკდერმოტი / Dylan McDermott
რეიტინგი: 0.0
ხმა: (0)
სონგიულ ოდენი / Songul Oden
რეიტინგი: 5.0
ხმა: (3)
ფარა ზეინეპ აბდულა / Farah Zeynep Abdullah
რეიტინგი: 5.0
ხმა: (1)
კიანუ რივზი / Keanu Reeves
რეიტინგი: 5.0
ხმა: (3)
ჰალით ერგენჩი / Halit Ergenc
რეიტინგი: 3.0
ხმა: (3)
დრაშტი დჰამი / Drashti Dhami
რეიტინგი: 3.0
ხმა: (2)
საავტორო მფლობელებისთვისკონტაქტი

© 2015
მაღლა
loading...