loading...

ტონი ჯაა / Tony Jaa

რეიტინგი: 4.5 (2 ხმა)
  • დაბადების სახელი: პანომ იირუმი
  • დაბადების თარიღი: 1976 წლის 5 თებერვალი
  • დაბადების ადგილი: სურინი, ტაილანდი
  • პროფესია: მსახიობი, რეჟისორი, სცენარისტი, პროდიუსერი
  • კარიერა: 1994 წლიდან
  • ზოდიაქო: მერწყული
  • სიმაღლე: 168 სმ


  • ბიოგრაფია: ტონი ჯაა 1976 წელს ტაილანდის ჩრდილოეთით, სურინის პროვინციაში დაიბადა. მისი მშობლები სპილოების მოთვინიერებითა და მოშენებით იყვნენ დაკავებულნი. მსახიობი ბავშვობიდნვე იყო გატაცებული ისეთი ფილმების ყურებით, რომლებშიც ბრიუს ლი, ჯეკი ჩანი და ჯეტ ლი მონაწილეობდნენ. ის განსაკუთრებით მოიხიბლა ტაილანდური კრივით. მისი გატაცება მძაფრსიუჟეტიანი აღმოსავლური ორთაბრძოლის ფილმებით ყოველგვარ ზღვარს გადასცდა და მართლაც, 15 წლის ასაკში, ჯაას გაუმართლა და იგი ლეგენდალური ტაილანდელი კასკადიორისა და ხრიკების დიდოსტატის პანი რიტიკრაიას მოსწავლე გახდა. მეცადინეობები მაჰა სარაჰამის ფიზიკური მომზადების კოლეჯში ტარდებოდა. ჯაამ რამდენიმე ტექნიკა შეისწავლა და განსაკუთრებით ტაიკვანდო. როგორც ცნობილია, ტონი ასევე კარგად ფლობს აიკიდოსა და ჯიუ-ჯიცუს.

    მალე მსახიობი პანი რიტიკრაიას კასკადიორთა ჯგუფის წევრი გახდა. ასე დაიწყო მან კამერის წინ მუშაობა. პირველად სარეკლამო რგოლებში მონაწილეობდა, შემდეგ კი - დიდ კინოში გადაინაცვლა. მისი პირველი დებიუტი კინოსამყაროში ფილმით „Mortal Kombat: Annihilation“ შედგა, სადაც იგი მსახიობ რობინ შოუს სცვლიდა ტრიუკებში. ტონისადმი ინტერესი, არა მხოლოდ როგორც დუბლიორისადმი, არამედ როგორც მსახი-ობისადმი, განსაკუთრებით მოკლემეტრაჟიანი ფილმის, რომელიც უძველესი ორთაბრძოლის მუაი-ბორანის ისტორიას ასახავდა და რომელმაც საფუძველი თანამედროვე მუაი-ტაის სტილს საბრძოლო ხელოვნებას დაუდო, გადაღების შემდეგ გამოიჩინეს. რეჟისორმა და პროდიუსერმა პრაჩია პინკაიმ იხილა რა ეს ფილმი, გადაწყვიტა, რომ ტონი ჯაა თავისი ფილმის მთავარ როლში გადაეღო.

    2003 წელს მსახიობი მთავარ როლში გამოჩნდა ფილმში „Ong-Bak: Muay Thai Warrior“, რომელშიც მოქმედებები ტაიტის პატარა სოფელში ვითარდება. სოფლის მაცხოვრებ-ლებმა ერთ მშვენიერ დღეს შენიშნეს, რომ სამლოცველოდან ბუდას ქანდაკების თავი გაქჰრა. მისი პოვნა და ადგილზე დაბრუნება მხოლოდ იმ ადამიანს შეეძლო, რომელიც მუაი-ტაის უძველეს საბრძოლო ხელოვნებას ფლობდა და ცხადია, ასეთი ტონი ჯაას გმირი გახლდათ. ამ ფილმმმა უდიდესი მოწონება დაიმსახურა დასავლეთის კინო სამყაროში. განსაკუთრებით, აღსანიშანავია ის გარემოება, რომ ფილმი გადაღებულია სუფთად, ყოველგვარი კომპიუტერული გრაფიკის გარეშე და ყველა ურთულეს ილეთს მსახიობი თავად ასრულებდა სურათის გადაღებისას. 2004 წელს ჯაა ტაიტურ მძაფრსიუჟეტიან ფილმში „The Bodyguard“ გადაიღეს, რომლის მეორე ნაწილი „The Bodyguard 2“ 2007 წელს გამოვიდა ეკრანებზე.

    კინო სამყაროს წარმომადგენელთა გამსაკუთრებული ყურადღება დაიმსახურა 2005 წელს გამოსულმა მძაფრსიუჟეტიანმა დრამამ „Tom yum goong“, სადაც მსახიობი უბრალო გლეხი ბიჭის როლს თამაშობს, რომელიც დანაშაულებრივი სინდიკატის წინააღმდეგ ბრძოლაში ჩებმება. ფილმმა, დასავლეთი კიდევ ერთხელ აღაფრთოვანა მშვენიერი საბ-რძოლო სცენარებითა და მსახიობის დიდოსტატობით. 20010 წელს აღნიშნული სურათის მესამე ნაწილი გამოვიდა, სადაც ტონი არა მარტო მსახიობად, არამედ სცენარისტად, რეჟისორად და პროდიუსერადაც მოგვევლინა.

    2012 წელს გამოვიდა ფილმის „Tom Yum Goong“ გაგრძელება - მეორე ნაწილი. 2013 წელს მან მთავარი როლი შეასრულა ამერიკულ მძაფრსიუჟეტიან ფილმში „Machete Kills“. ერთი სიტყვით, ტონი ჯაას, როგორც აღმოსავლური ბრძოლების თანამედროვე დიდოსტატის სახელი, გასცდა თავისი ქვეყნის საზღვრებს. მისმა ურთულესმა ტრიუკებმა, რომლებიც ექსტრემალური აკრობატული ელემენტებითაა გაჯერებული, მსახიობი აზოიური ორთაბრძოლების ახალ ვარსკვლავად აქცია. ფ ი ლ მ ე ბ ი:
    1994 Spirited Killer
    1996 Hard Gun
    1996 Mission Hunter 2
    1997 Mortal Kombat: Annihilation
    2001 Nuk leng klong yao
    2003 Ong-Bak: Muay Thai Warrior Ting
    2004 The Bodyguard Himself
    2005 Tom-Yum-Goong
    2007 The Bodyguard 2
    2008 Ong Bak 2
    2010 Ong Bak 3
    2013 Tom Yum Goong 2
    2015 Furious 7
    2016 Never Back Down 3
სხვა მსახიობები
კომენტარი (0)
avatar
ნავიგაცია
სიახლე
Загрузка...
მსახიობები ყველას ნახვა
კინო სიახლე ყველას ნახვა
შემთხვევითი
პრაჩი დესაი / Prachi Desai
რეიტინგი: 0.0
ხმა: (0)
დრაშტი დჰამი / Drashti Dhami
რეიტინგი: 3.0
ხმა: (2)
კულრაჯ რანდჰავა / Kulraj Randhawa
რეიტინგი: 0.0
ხმა: (0)
ეჯე უსლუ / Ece Uslu
რეიტინგი: 3.2
ხმა: (4)
გრანტ ტოხატიანი / Грант Тохатян
რეიტინგი: 0.0
ხმა: (0)
ოკან იალაბიკი / Okan Yalabık
რეიტინგი: 5.0
ხმა: (1)
ჯენიფერ უინგეტი / Jennifer Winget
რეიტინგი: 5.0
ხმა: (3)
საავტორო მფლობელებისთვისკონტაქტი

© 2015
მაღლა
loading...