VAKINO.COM
მთავარი მსახიობები სერიალები

» » სუშანტ სინგჰ რაჯპუტი / Sushant Singh Rajput

სუშანტ სინგჰ რაჯპუტი / Sushant Singh Rajput

რეიტინგი:
დაბადების სახელი:
სუშანტ სინგჰ რაჯპუტი
დაბადების თარიღი:
1986 წლის 21 იანვარი
დაბადების ადგილი:
პატნა, ინდოეთი
პროფესია:
ტელევიზიისა და კინოს მსახიობი
კარიერა:
1998 წლიდან
ჰოროსკოპი:
მერწყული
სიმაღლე:
185 სმ.
ბიოგრაფია: სუშანტ სინგი ქალაქ პატნეში დაიბადა, სადაც მამამისი სახელმწიფო ჩინოვნიკად მუშაობდა. 2000 წელს ოჯახი ნიუ-დელიში გადავიდა საცხოვრებლად. სუშანტს 2002 წელს დედა გარდაეცვალა, რაც ძალიან განიცადაი იგი ოჯახში უმცროსი შვილია. მას ოთხი და ჰყავს. მისი ერთი და, მიტუ სინგი კრიკეტის მოთამაშეა ნაციონალურ ლიგაში.

სუშანტი მშობლიურ ქალაქ პატენში Karen's High-ის სკოლაში სწავლობდა, ასევე სწავლობდა Kulachi Hansraj Model School-ში. ამ სკოლის დევიზი გახლდათ: "იბრძოლე და ეძებე, იპოვე და არ დანებდე". მსახიობმა ერთიანი ეროვნული გამოცდები (AIEEE) ჩააბარა, სადაც მე-7 ადგილზე გავიდა და დელის საინჟინრო კოლეჯის სტუდენტი გახდა. სუშანტი დელიში შიმაკ დავარის ცეკვის აკადემიაში და ჯონ ბერის თეატრალურ კლასსი ჩაირიცხა. სამი წლის სწავლის შემდეგ, მსახიობმა კოლეჯი დატოვა და მუმბაიში გადავიდა სამსახიობო კარიერის ასაწყობად. სუშანტის თქმით, მსახიობობა ყოველთვის მისი "ოცნება და ვნება" იყო.

დავარის მომავალი მოწაფე დასის ნაწილი გახდა. იგი მათთან ერთად გამოდიოდა 2006 წელს მსოფლიო თანამეგობრობის დადგმებზე და Filmfare -ს დაჯილდოვებისადმი მიძღვნილ 51-ე ცერემონიალში ცეკვებს ასრულებდა. მუმბაიში გადასვლის შემდეგ, სუშანტი ეშლი ლობოს დასში ცეკვავდა. საბრძოლო ხელოვნებას ალან ამინასთან სწავლობდა და მოჰიტა სურის თანაშემწედ მუშაობდა მხატვრული ფილმის "Raaz 2"-ის გადაღებისას. ამ პერიოდში, იგი ნადირ ბაბარას თეატრალური დასის წევრიც გახლდათ.

2008 წელს რაჯპუტი "ბალაჯი ტელეფილმის" (Balaji Telefilms) ასისტენტად განიხილებოდა, რომელიც: ეკტე, შობჰე და ჯიტენდრე კაპურებს ეკუთვნოდა. იგი მათ ქასტინგებზე მიიწვიეს. მან ტელეარხ Star Plus-ში, პრიტა ჯუნეჯის მეორე ხარისხოვანი როლი მიიღო სერიალში "Kis Desh Mein Hai Dil Meraa". სერიალის პოპულარობამ მსახიობს საშუალება მისცა, 2009 წელს ტელეარხ Zee TV -ს პროექტ

"Rishta Pavitra"-ი მიეღო მონაწილეობა, რასაც კრიტიკოსებისა და მაყურებელთა მხრიდან მსახიობის საყოველთაო აღიარება მოჰყვა. იმავე წელს, მან ამ პროექტში შესრულებული როლისთვის რამდენიმე ჯილდო აიღო.

2010 წელს სუშანტი ტელეარხ Star Plus-ის "Zara Nachke Dikha 2"-ში, საცეკვაო რეალითი-შოუში გამოვიდა. მიუხედავად იმისა, რომ იგი ავად გახდა და ტრავმებიც მიიღო, საზოგადოებისა და კრიტიკის ყურადღების ცენტრში მაინც მოექცა. იმავე წლის დეკემბრის თვეში, ქორეოგრაფ შამპოი სანტალიესთან ერთად, რეალითი-შოუში "Jhalak Dikhhla Jaa 4" გამოვიდა. მისმა მონდომებამ მსახიობს საუკეთესი მოცეკვავის ტიტული მოუპოვა. მიუხედავად იმისა, რომ იგი ამ დროისთვის საქვეყნოდ ცნობილი გახლდათ. ამ შოუმ მსახიობი ტელევიზიის ყველაზე პოპულარულ სახედ აქცია. 2011 წლის ოქტომბერში, სუშანტმა გადაწყვიტა თავი დაენებებინა სერიალში "Rishta Pavitra" მონაწილეობისთვის და ბედი დიდ ბოლივუდში, პროფესიონალურ კინოსამყაროში ეცადა.

ბოლივუდში რაჯპუტმა ქასტინგები გაიარა აბიშეკ კაპურის ფილმში "Kai Po Che" და სამი მთავარი როლიდან, ერთ-ერთი მოიპოვა. ფილმი მსოფლიო ეკრანებზე 2013 წლის 22 თებერვალს გამოვიდა და კრიტიკისა და კომერციული თვალსაზრისით საკმაოდ წარმატებული აღმოჩნდა. ფილმში სუშანტმა იშაან ბჰატას როლი შეასრულა და მრავალრიცხოვანი დადებითი გამოძახილი მიიღო. მასზე კრიტიკოსი რაჯივ მასანდი წერდა: "ძნელია თვალი მოწყვიტო სუშანტ სიჰგ რაჯპუტს. მსახიობს ენითუთქმელი ხიბლი გააჩნია. იგი თავდაჯერებულია და ცხადია, რომ ახალი ვარსკვლავი დაიბადა"!

ამ ფილმის შემდეგ, მსახიობი რამდენიმე სურათში მიიწვიეს. 2013 წელს მას თავის ფილმსი როლი შესთავაზა რეჟისორმა კარან ჯოხარმა. იშვიათად თუ შეხვდა ვინმეს სადებიუტო როლის სემდეგ ისეთი წარმატება, როგორიც ხვდა წილად სუშანტს. მისი სარეკლამო ბანერებით ინდოეთის ქალაქები აივსო!

პ ი რ ა დ ი: მსახიობს უკვე ოთხი წელია რომანი აქვს ანკიტა ლკხანტესთან, რომელიც მისი პარტნიორი იყო სერიალში "Pavitra Rishta". წყვილი თავიანთ ურთიერთობებს არ მალავს. ისინი ერთად ცხოვრობენ და სამოქალაქო ქორწინებაში იმყოფებიან. სუშანტმა განაცხადა, რომ როგორც კი ქორწინებას გადაწყვეტენ, ამის შესახებ, მაშინვე გააჟღერებენ.

ფილმი სერიალი
2013 - Kai Po Che 2008–2010 - Kis Desh Mein Hai Meraa Dil
2013 - Shuddh Desi Romance 2009–2011 - Pavitra Rishta
2014 - PK 2010–2010 - Zara Nachke Dikha
2015 - Detective Byomkesh Bakshy! 2010–2010 - Jhalak Dikhhla Jaa 4
2016 - M. S. Dhoni: The Untold Story
2017 - Raabta Films that have not yet been released
თარგმნა: ვ. ჩომახიძე

სუშანტ სინგჰ რაჯპუტი / Sushant Singh Rajput

კომენტარები

დატოვე კომენტარი
avatar
2016-10-21 2:40 PM
0
sushan sing rajputi super msaxiobi
2016-10-21 2:44 PM
0
zalian minda sushan singi da lanxeta lxantestan erta bednierebi ikvnen da dakorcindnen.