loading...

შარლტო ქოპლი / Sharlto Copley

რეიტინგი: 0.0 (0 ხმა)
  • დაბადების სახელი: შარლტო ქოპლი
  • დაბადების თარიღი: 1973 წლის 27 ნოემბერი
  • დაბადების ადგილი: იოჰანესბურგი, სამხრეთ აფრიკა
  • პროფესია: მსახიობი, პროდიუსერი, რეჟისორი, სცენარისტი, მემონტაჟე
  • კარიერა: 2005 წლიდან
  • ზოდიაქო: მშვილდოსანი
  • სიმაღლე: 182 სმ.


  • ბიოგრაფია: სამხრეთ აფრიკელი მსახიობი შარლტო ქოპლი 1973 წლის 27 ნოემბერს დაიბადა იოჰანესბურგში. იგი მაყურებლისთვის ცნობილია რეჟისორ ნილ ბლომკაპის მიერ გადაღებული ფანტასტიური ჟანრის გახმაურებული ფილმებით: „District 9“, „The A-Team“, „Maleficent“ და „Chappie“. ის თავისი მოკლე მეტრაჟიანი ფილმებით კანის ფესტივალზეც გამოჩნდა. მას იცნობენ სარეკლამო რგოლებითა და მუსიკალური კლიპებითაც.

    შარლტო 1987- 1991 წწ-ში იოჰანესბურგის გარეუბანში, ჰედჰილის კერძო უმაღლეს სკოლაში სწავლობდა. ის ჯერ კიდევ მაშინ იყო დაინტერესებული და დაკავებული სამოყვარულო სპექტაკლებში (როგორც თეატრალურ წარმოდგენებში, ასევე კინოში). აქ გაიცნო მან სიმონ ჰანსენომი (მისი მომავალი ბიზნეს პარტნიორი), რომელმაც საბოლოო ჯამში, შარლტოს მისცა იმის საშუალება, რომ მას გაეფართოვებინა თავისი სამუშაო და რეჟისურის ახალ საფეხურებზე ასულიყო.

    შარლტო, სკოლის დამთავრებიდან რამდენიმე ხნის შემდეგ ქეიპთაუნში გადადის, რათა ჰანსენთან ერთად საკუთარი მედია-კომპანია Channel 69 Studios შექმნას. მათი ფირმა სამხრეთ აფრიკის სატელევიზიო მაუწყებლობის მეხუთე არხზე e.tv. ღებულობს ლიცენზიას. მაგრამ, მალე არხის შიდა პოლიტიკის გამო, ისინი კვლავ დამოუკიდებელ კომპანიად ჩამოყალიბდნენ. ამ დროს, 20 წლის შარლტო გაიცნობს 14 წლის ნილ ბლომკამპს (მომავალი რეჟისორი ფილმისა „District 9“) და მიიღებს მას თავის ფირმაში კომპიუტერული გრაფიკის დიზაინერად. თავისი კარიერის მანძილზე ისინი ერთობლივად იღებენ ვიდეო კლიპებსა და მოკლემეტრაჟიან ფილმებს.

    2005 წელს ქოპლი და ჰანსენი პროდიუსერობას უწევენ ბლომკამპის 6 წთიან ფილმს „Alive in Joburg“, რომელიც 2009 წელს პიტერ ჯექსონმა და ნილ ბლომკამპმა ხელახლა გადაიღო, სახელწოდებით „District 9“, სადაც შარლტო მთავარ, ვიკუს ვან დე მერვეს როლს თამაშობს. ფილმის გადაღებისას ქოპლი უმეტესწილად გამოსვლებისა და დიალოგების იმპროვიზაციით იყო დაკავებული, რათა დოკუმენტური სტილის მაქსიმალური ეფექტისთვის მიეღწია. შემდეგში, შარლტომ რამდენიმე როლი ითამაშა ბლომკამპის სხვადასხვა ფანტასტიურ ფილმებში. ფილმში „Elysium“ მან მთავარი ბოროტმოქმედის, დაქირავებული მკვლელის კრიუგერის როლი შეასრულა. ფილმში „Chappie“ კი - ვუნდერკინდი ბავშვი რობოტი ჩაპის, რომელიც თავისი გარემოცვის გავლენის ქვეშაა მოქცეული და მხოლოდ თავისი გული და სული დაეხმარება მას ჭეშმარიტი გზის პოვნაში, გახდეს პირველი რობოტი, რომელსაც აქვს გრძნობებისა და ფიქრის უნარი. მსახიობი გულისხმიერებით და დიდი ენერგიით სწავლობდა ყველა მოძრაობას, რომ ამ საოცრად ჭკვიანი რობოტის როლი მკაცრი სიზუსტით შეესრულებინა.

    პ ი რ ა დ ი შარლტომ დაწყებითი განათლება იოჰანესბურგის წმინდა ანდრეის Grahamstown და Redhill -ის დაწყებით სკოლაში მიიღო. მამამისი დოქტორი ბრიუს ქოპლი, უნივერსიტეტის ყოფილი პროფესორია. ამჟამად, სრულფასოვანი პედაგოგი, მსახიობი და მულტი-ინსტრუმენტალისტია. დედამისი ლინდა- აკციი ქიპლი კეიპთაუნში ცხოვრობს და ქრისტიანი მკურნალია. მისი ძმა, დონოვანი ქეიპთაუნის ჯგუფ „Hot water“-ის სოლისტია, რომლის მუსიკაც BBC World-ზე აღინიშნა და მისი სიმღერა „Bushfire" ფეხსაცმელების მწარმოებელი იტალიური ბრენდის Primigi-ის რეკლამაშია გამოყენებული. მსახიობის და მარისა მოცეკვავეა და fashion & costume. იგი ასევე ტექსტილის ფირმის მფლობელია.

    ამჟამად, შარლტო ქოპლი დაუოჯახებელია. მისი რომანული ეპიზოდების შესახებ, ჯერჯერობით ცნობები არ მოიპოვება.
    წყაროებიდან ინფორმაციები მოიპოვა და მასალა მოამზადა: ვაჟა ჩომახიძემ

    ფ ი ლ მ ე ბ ი:
    2006 - Alive in Joburg - სნაიპერის როლი
    2009 - District 9 - ვიკუს ვან დე მერვეს როლი
    2010 - The A-Team - მიორდოკის როლი
    2013 - Europa Report - ჯეიმს კორიგანის როლი
    2013 - Elysium - კრიუგერის როლი
    2013 - Open Grave - ჯონის როლი
    2013 - Oldboy - ედრიან პრაისის როლი
    2014 - Maleficent - მეფე სტეფანის როლი
    2015 - chappie - ჩაპის როლი
    2015 - The Hollars - რონ ჰოლარი
    2015 – Hardcore - ჯიმის როლი

    ს ე რ ი ა ლ ე ბ ი:
    2015 – Powers - კრისტიან უოლკერი









სხვა მსახიობები
კომენტარი (0)
avatar
ნავიგაცია
სიახლე
Загрузка...
მსახიობები ყველას ნახვა
კინო სიახლე ყველას ნახვა
შემთხვევითი
ჩონ კვან რიოლი / Jun Kwang Ryul
რეიტინგი: 4.5
ხმა: (2)
გაუტამ როუდი / Gautam Rode
რეიტინგი: 3.2
ხმა: (3)
ჯესიკა ალბა / Jessica Alba
რეიტინგი: 5.0
ხმა: (2)
დებორა ენ უოლი / Deborah Ann Woll
რეიტინგი: 5.0
ხმა: (2)
მარია ანიკანოვა / Мария Аниканова
რეიტინგი: 0.0
ხმა: (0)
იულია ტაკშინა / Юлия Такшина
რეიტინგი: 0.0
ხმა: (0)
შარლტო ქოპლი / Sharlto Copley
რეიტინგი: 0.0
ხმა: (0)
საავტორო მფლობელებისთვისკონტაქტი

© 2015
მაღლა