VAKINO.COM
მთავარი მსახიობები სერიალები

» » შაჰიდ კაპური / Shahid Kapoor

შაჰიდ კაპური / Shahid Kapoor

რეიტინგი:
დაბადების სახელი:
შაჰიდ კაპური
დაბადების თარიღი:
1981 წლის 25 თებერვალი
დაბადების ადგილი:
დელი, ინდოეთი
პროფესია:
მსახიობი
კარიერა:
1999 წლიდან - დღემდე
ჰოროსკოპი:
თევზები
სიმაღლე:
174 სმ.
ბიოგრაფია: შაჰიდი ქალაქ დელში დაიბადა ცნობილი ინდოელი მსახიობისა და რეჟისორის (Pankaj kapoor) პანჯარ კაპურის ოჯახში. დედამისი - ნილიმა აზიმი ინდოელი მსახიობი და პროფესიონალი მოცეკვავეა იყო. შაჰიდი მე-4 კლასამდე «gian Bharti» -ის სკოლაში სწავლობდა.

1984 წელს, როცა შაჰიდი სამი წლის იყო, მისი მშობლები ერთმანეთს დაშორდნენ. მამა ბომბეიში გადავიდა საცოვრებლად და, როცა მსახიობი 11 წლის შესრულდა, დედამ მასთან ერთად გადაწყვიტა ბომბეიში გადასვლა, რათა მამასა და შვილს შორის ურთიერთობა დამყარებულიყო. შაჰიდმა სწავლა ბომბეიში Rajhans Vidyalaya-ის სკოლაში დაასრულა. ამის შემდეგ, ბიჭმა ერთი წელი «Mithibhai»-ის კოლეჯში ხელოვნების განყოფილებაზე ისწავლა. სამის ნაცვლად, ორი წელი სწავლობდა Shiamak davar-ის ცეკვის აკადემიაში (SDIPA), საიდანაც იგი 1999 წელს მოცეკვავის როლში მიიწვიეს სუბჰაშა გჰაიას ფილმში „სიყვარულის რიტმები“, აიშვარი რაისთან, ანილა კაპურთან და აკშეი კჰაანთან ერთად, მთავარ როლში.

ამის შემდეგ, მსახიობმა ყველაფერს თავი დაანება და საზღვარგარეთ გაემგზავრა, საიდანაც 18 წლის ასაკში, მტკიცე გადაწყვეტილებით დაბრუნდა, რომ სერიოზულად დაკავებულიყო შოუ-ბიზნესით. მაგრამ, შაჰიდმა ზუსტად არ იცოდა, რაზე გაეკეთებინა არჩევანი: რეჟისორობაზე, მსხიობობაზე, თუ ოპერატორობაზე. გადაწყვეტილება მოულოდნელი იყო. შაჰიდი უკვე შიამაკას ცეკვის აკადემიაში ასწავლიდა, რადგან ის ბატონმა დავარმა თავისი ყველაზე საუკეთესო ყოფილი მოსწავლეებისგან შეარჩია ინსტრუქტორად, რომ დამწყები სტუდენტებისთვის ესწავლებინა. მოულოდნელად, მასწავლებელმა, ყოფილ მოსწავლეს დაუძახა და „კომპანიის“ რეკლამისთვის სინჯებში მონაწილეობა შესთავაზა. რეჟისორის ერთ-ერთმა თანაშემწემ შენიშნა სიმპათიური ბიჭი და ორი დღის შემდეგ, შაჰიდმა შეიტყო, რომ ის დაამტკიცეს PEPSI-ის რეკლამაზე შაჰ რუჰ ხანთან, კაჯოლთან და რანი მუკჰერჯისთან ერთად. იგრძნო რა თავისი ნამდვილი მოწოდება, შაჰიდმა ქორეოგრაფიის აკადემიაში მასწავლებლობას თავი დაანება და ნასირუდინ შაჰთან და სატიადევა დუბეისთან სამსახიობო სემინარებზე დაიწყო მეცადინეობა. ამასთან ერთად, სარეკლამო რგოლებში გადაღებები გააგრძელა. გადაიღეს აგრეთვე რამდენიმე ვიდეო კლიპში. მსახიობმა თავის მამასთან ერთადაც იმუშავა სერიალებში: «MOHANDAS B.A.» и «L.L.B» ოპერატორად.

შაჰიდს უკვე დიდი ხანია სერიოზულად შესთავაზეს ჭეშმარიტ მსახიობობაზე ეფიქრა. მან გარეგნობა მოიწესრიგა, ვარჯიშის შედეგად მუსკულატურა დაიყენა და თავისი ფოტოები ბოლივუდის აგენტებს დაუგზავნა ქასთინგებისთვის. მას მთავარი როლი შესთავაზეს რეჟისორ კენ გჰოშას ახალგაზრდულ კომედიაში „როგორია ეს, სიყვარული“, სადაც შაჰიდის პარტნიორები იყვნენ ასევე, ახალგაზრდა და უცნობი გოგონები: ტელეწამყვანი (Shenaz Treasurywala) შენაზ ტრეჟარივალა და მდიდარი მშობლების ქალიშვილი (Amrita Rao) ამრიტა რაო. სამთავეს ფილმმა წარმატება მოუტანა. 2003 წელს Filmfare Awards -ზე შაჰიდი „საუკეთესო დებიუტანტად“ აღიარეს და მრავალწლიანი კონტრაქტი დაუდეს კინოკომპანიასთან TIPS. თავად ფილმი კი - ყველაზე შემოსავლიან ფილმთა ათეულში მოხვდა.

მომდევნო წელს მსახიობი კვლავ გადაიღეს რეჟისორ კენ გჰოშას თრილერში „სიყვარულში თამაში“, სადაც მისი პარტნიორები იყვნენ: კარინა კაპური და ფარდინ ხანი. გაქირავებაში ფილმს ფული არ შემოუტანია, მაგრამ კაპურის მიერ შესრულებულმა როლმა უმაღლესი შეფასება დაიმსახურა.

2005 წელს მსახიობმა მონაწილეობა მიიღო აგრეთვე სამ ფილმში, მაგრამ საყოველთაო აღიარებისგან ჯერ კიდევ შორს იყო. მაგრამ დადგა ნანატრი დღეც. ჯონ მეთიუმ გადაიღო დრამა „არაშემთხვევითი ნაცნობები“, სადაც მსახიობმა ბრწყინვალედ ითამაშა, რასაც კრიტიკოსებს შორის ხმაურიანი გამოძახილები მოჰყვა. ის, Star Screen Award -ზე წარადგინეს ნომინაციაში როგორც „საუკეთესო მსახიობი“.

2006 წლიდან კაპურის სამსახიობო კარიერაში განსაკუთრებული მომენტი დგება. მან მულტივარსკვლავის ტიტული და დიდი შემოსავალი მოიპოვა ფილმში „ჩაინ თაუნის კაზინო 36“ შესრულებული როლით. ფილმს არნახული წარმატება ხვდა წილად. კრიტიკოსები აღტაცებას ვერ მალავდნენ. იმავე წელს, შაჰიდ კაპურმა ახალი რელიზი შესთავაზა მაყურებელს ფილმით „შეცდომების კომედია“. ამ ფილმმაც დიდი შემოსავალი მოიტანა. ასეთივე წარმატება მოუტანა მას ფილმმა „ნიშნობა“. ამ ფილმში კაპურის მიერ შესრულებული როლი ერთნაირი წარმატებით შეაფასა როგორც მაყურებელმა, ისე კინოკრიტიკამ და იგი მეორედ გავიდა Star Screen Awards-ის ნომინაციაზე.

2006 წლის მთელი ზაფხულის მანძილზე, შაჰიდ კაპური თავის პირველ მსოფლიო the Rockstars Concert ტურნეში იმყოფებოდა ბოლივუდის ცნობილ ვარსკვლავებთან ერთად.

2007 წელს შაჰიდ კაპური ორ ფილმში გამოჩნდა: აჰმედ კჰანის კომედიაში „სრული ფინიში“, სადაც ფილმმა სრული კრახი განიცადა მსახიობთან ერთად. მაგრამ, ძალიან დიდი წარმატება და აღიარება ხვდა მეორე - რომანტიულ კომედიაში „როცა ჩვენ შევხვდით“, რომელიც იმთიაზა ალიმ გადაიღო. აქ შესრულებული როლით მსახიობი რამდენიმე ნომინაციაში გავიდა როგორც „საუკეთესო მსახიობი“.

2008 წელს მსახიობმა მხოლოდ ერთ ფილმში „წარმატების თილისმა“ ითამაშა და მუშაობა დაამთავრა ფილმზე „სკოლა“, რომელიც 2009 წელს გამოვიდა. ამავე წელს ის გადაიღეს ვიშალ ბჰარდჯავას ფილმში „არამზადა“. ასევე გადაიღეს კიდევ რამდენიმე ფილმში.

2015 წელს მსახიობი გახდა Star Screen Awards-ის ლაურეატი „მამაკაცის საუკეთესო როლისთვის“.
წყაროებიდან ინფორმაციები მოიპოვა და მასალა მოამზადა: ვაჟა ჩომახიძემ

ფილმები:
1999 - dancer
2003 - Ishq Vishk
2004 - Fida
2004 - Dil Maange More
2005 - Vaah! Life Ho Toh Aisi!
2005 - Deewane Huye Paagal
2005 - Shikhar
2006 - Chup Chup Ke
2006 - 36 China Town
2006 - Vivah
2007 - Fool & Final
2007 - Jab We Met
2008 - Kismat Konnection
2009 - Kaminey
2009 - Dil Bole Hadippa!
2010 - Paathshaala
2010 - Chance Pe Dance
2010 - Badmaash Company
2010 - Milenge, Milenge
2011 - Mausam
2012 -Teri Meri Kahaani
2013 - Phata Poster Nikla Hero
2013 - R...Rajkumar
2014 -Haider
2015 - Shaandaar
2015 - Udta Punjab

თარგმნა: ვ. ჩომახიძე

შაჰიდ კაპური / Shahid Kapoor

კომენტარები

დატოვე კომენტარი
avatar