VAKINO.COM
მთავარი მსახიობები სერიალები

» » სარა უეინ კელისი / Sarah Wayne Callies

სარა უეინ კელისი / Sarah Wayne Callies

რეიტინგი:
დაბადების სახელი:
სარა უეინ კელისი
დაბადების თარიღი:
1 ივნისი, 1977 წელი
დაბადების ადგილი:
ლა-გრანჟი, ილინოისის შტატი, აშშ
პროფესია:
მსახიობი
კარიერა:
1999 წლიდან
ჰოროსკოპი:
ტყუპები
სიმაღლე:
175 სმ.
ბიოგრაფია: სარა ლა-გრანჟში დაიბადა. ორი წლის ასაკში მშობლებთან ერთად, ჰავაიზე, გონოლულუში გადასახლდა. ამის მიზეზი მისი ერთ-ერთი ნათესავის გარდაცვალება გახდა. ამ სამოთხეში გაატარა მან მთელი ბავშვობა. ის Punahou-ს კერძო სკოლაში სწავლობდა. სარა სიამოვნებით ღებულობდა მონაწილეობას სასკოლო დადგმებსა და კონცერტებში.

სარას მშობლები უნივერსიტეტში ასწავლიდნენ. მამა პროფესორი იყო და ჰავაის უნივერსიტეტში იურისპრუდენციაში კითხულობდა ლექციებს. დედა კი - იმავე უნივერსიტეტის ინგლისური ენის კათედრაზე მუშაობდა ლექტორად. ასეთი ოჯახის შვილი, ალბათ მშობლების კვალს უნდა გაჰყოლოდა, მაგრამ სარას ცხოვრებაში სხვაგვარად მოხდა. 1995 წელს მშობლებმა ქალიშვილი დრამატულ კოლეჯში გაგზავნეს სასწავლებლად. სტუდენტობაში გოგონა სცენაზე გამოსვლა სდიდი ენთუზიაზმით განაგრძობდა.

კოლეჯის დამთავრების შემდეგ, სარამ განაგრძო განათლების გაფართოვება. იგი 1999 წელს, დენვერის კონსერვატორიის ნაციონალური თეატრის სტუდენტი გახდა და საბოლოო პროფესიად მსახიობობა აირჩია. 2002 წელს სარა სახვითი ხელოვნების მაგისტრი გახდა.

2003 წელს სარამ პირველი ეპიზოდური როლი შეასრულა კინოში. ეს გახლდათ სერიალი «Queens Supreme». შემდეგ სერიალში „Law & Order: Special Victims Unit“ გამოჩნდა, სადაც ჯეი როჩისტერის როლზე აიყვანეს. მსახიობი მაშინვე შენიშნეს სარეკლამო აგენტებმა და იგი ლორეალის კოსმეტიკური ფირმის რეკლამებში გადაიღეს. მისი ფოტოები პრესტიჟული სარეკლამო გამოცემების პირველ გვერდზე აღმოჩნდა. იმავე წელს, მსახიობი მხატვრულ ფილმში „Dragnet“ გამოჩნდა, სადაც ის ოფიცერ ჯეინ პორტერის როლს თამაშობდა. სამწუხაროდ, ეს პროექტი მალე დახურეს.

2006 წელს მსახიობს შესთავაზეს როლი, რომლის წყალობითაც მან ცნობადობა და საყოველთაო აღიარება მოიპოვა. ეს გახლდათ სერიალი „Prison Break“, სადაც სარა დოქტორ სარა ტანკერდის როლს თამაშობს. ამის შემდეგ, მსახიობი ახალ სერიალში „The Celestine Prophecy“ მიიწვიეს. 2007 წელს იგი როქსანას როლით გამოჩნდა დიდ ეკრანზე, ფილმში „Whisper“.

მსახიობი გადაიღეს აგრეთვე ფილმში „Prison Break: The Final Break“, ასევე საქვეყნოდ ცნობილ სერიალში „House, M.D.“ – „დოქტორი ჰაუსი“, ჯულიას როლში. მალე ტელესერიალ „Chloe“-ს გადაღებები დაიწყეს. სარა აქ მთავარ როლში (სალი) მოგვევლინა. აღსანიშნავია, რომ მსახიობი ამ სერიალის თანაპროდიუსერი იყო და ცნობილ მსახიობებთან: ფორეს უიტაკერთან და რუპერტ ფრენდომთან ერთად მონაწილეობდა.

2010 წელს მსახიობი მიიწვიეს გახმაურებულ ტელესერიალში „The Walking Dead“ – „მოსიარულე მკვდრები“, ლორი გრიმესის როლზე, სადაც მან ბრწყინვალედ შეასრულა აღნიშნული გმირის სახე, რომელიც სერიალის მეოთხე სეზონში იღუპება. 2011 წელს კელისი ცნობილ მსახიობ მილა იოვოვიჩთან ერთად გადაიღეს ფილმში „Faces in the Crowd“.

20015 წელს მსახიობი მხატვრულ ფილმში „The Other Side of the Door“ გამოჩნდა მარიას როლით. ამავე წელს, კელისი სერიალში „Colony“ – „კოლონია“ მიიწვიეს კეტი ბოვმანის როლზე.

პ ი რ ა დ ი: თავისი მომავალი ქმარი სარამ ჯერ კიდევ სტუდენტობაში, კოლეჯში სწავლისას გაიცნო. ეს გახლდათ ჯოშ უინტერჰოლტი. მათი ქორწილი 2002 წელს შედგა. 2007 წელს წყვილს ქალიშვილი შეეძინა. მსახიობს ძალიან უყვარს ლაშქრობებში მონაწილეობა. მას იტაცებს ასევე: ჭადრაკის თამაში და ცეკვები. მისი საყვარელი ცეკვაა - არგენტინული ტანგო. საფირმო კერძი - მაკარონი.
ფ ი ლ მ ე ბ ი:
2004 - The Secret Service
2006 - The Celestine Prophecy
2007 - Whisper
2008 - Bittersweet
2009 - Prison Break: The Final Break
2010 - Tangled
2010 - Lullaby for Pi
2011 - Black Gold
2011 - Faces in the Crowd
2014 - Into the Storm
2015 - The Other Side of the Door

ს ე რ ი ა ლ ე ბ ი:
2003 - Law & Order: Special Victims Unit
2003 - Dragnet
2003 - Tarzan
2005 - Numb3rs
2003 - 2007 - Queens Supreme
2005 - 2009 - Prison Break
2010 - House, M.D.
2010 - 2012 - The Walking Dead
2015 - Colony











თარგმნა: ვ. ჩომახიძე

სარა უეინ კელისი / Sarah Wayne Callies

კომენტარები

დატოვე კომენტარი
avatar