VAKINO.COM
მთავარი მსახიობები სერიალები

» » პატრიკ სუეიზი / Patrick Swayze

პატრიკ სუეიზი / Patrick Swayze

რეიტინგი:
დაბადების სახელი:
პატრიკ უეინ სუეიზი
დაბადების თარიღი:
18 აგვისტო, 1952 წელი
დაბადების ადგილი:
ლოს-ანჯელესი, კალიფორნია, აშშ
პროფესია:
მსახიობი, პროდიუსერი
კარიერა:
1972 წლიდან
ჰოროსკოპი:
ლომი
სიმაღლე:
178 სმ.
ბიოგრაფია: პტრიკი 1952 წელს დაიბადა კალიფორნიის შტატის ქალაქ ჰიუსტონში. მას ჰყავდა უფროსი და ვიკი, ორი უმცროსი ძმა დონი და შონ კაილი და დაიკო ბემბი, რომელიც მისმა მშობლებმა იშვილეს. მსახიობის მამა ინჟინერ-დამპროექტებელი იყო. დედა - ქორეოგრაფი და საკუთარი საბალეტო სკოლა ჰქონდა. დედის ხელმძღვანელობით, პატრიკი მუსიკასა და ცეკვაში მეცადინეობდა. ამბიციური დედა, შვილს ყველაფერში პირველობის სურვილს უნერგავდა.

პატრიკი ძალიან ნიჭიერი ბიჭი იყო. ის ხშირად იღებდა სხვადასხვა სპორტულ პრიზებს და საუკეთესოდ სწავლობდა სკოლაში. მაგრამ თანაკლასელებთან ურთიერთობებს ვერ აწყობდა. პატრიკი მათ არ მოსწონდათ, „დედიკოს ბიჭს“ ეძახდნენ და ხშირად სთავაზობდნენ მუჯლუგუნს. პატრიკი ბუნებით ნაზი ბიჭი იყო და სხვისადმი ბოროტებას გულში არ ივლებდა. თვალცრემლიანი იტანდა ყველანაირ დამცირებას. ერთხელაც დედამ მას უთხრა: „გეყოფა წუწუნი, ისწავლე საკუთარი თავის დაცვა!“ დედამ შვილი აღმოსავლური ორთაბრძოლების სკოლაში შეიყვანა.

ამის შემდეგ, პატრიკმა თავის მწვალებლებს რამდენჯერმე გვარიანად მიუნგრია ცხვიპრირი და როგორც ხშირად ხდება ხოლმე ცხოვრებაში, ქუჩაშიც და სკოლაშიც მას ლაქუცი დაუწყეს და პატივისცემით ეკიდებოდნენ.

პატრიკმა ორი: „ჰარკნესისა და „“ჯოფრის“, საბალეტო სკოლა დაამთავრა. ამის შემდეგ, იგი ნიუ-იორკში გაემგზავრა, სადაც ბროდვეის მიუზიკლ „ბრილიანტინ“-ში დაიწყო გამოსვლა. ლამაზი და გრაციოზული პატრიკი, მალე გახდა მაყურებელთა სიმპათია და ვარსკვლავი. იგი პრესტიჟული დასის «Elliot Feld Dance Company» წამყვანი მოცეკვავე გახდა. პატრიკი პროფესიონალ ბალეტმეისტერობაზე ოცნებობდა, მაგრამ ოცნება ოცნებად დარჩა. ამაში მას მუხლის ტრავმამ შეუშალა ხელი.

პატრიკისთვის ეს დიდი სულიერი დარტყმა აღმოჩნდა. მას სხვა არაფრის კეთება შეეძლო და მაშინ დედამ ურჩია, რომ სამსახიობო ხელოვნებით დაკავებულიყო. შეახსენა რა მას, ბავშვობაში რომ სერიალებში მონაწილეობდა.

1979 წელს, მსახიობმა პირველი დებიუტი შეასრულა სერიალში „Skatetown, U.S.A“. შემდეგ გადაიღეს სერიალებში: „M*A*S*H“, „he Comeback Kid“, „Return of the Rebel“, „Uncommon Valor“ და „North and South“. ამას შემდეგ სრულმეტრაჟიან მხატვრულ ფილმებში გადაღებები მოჰყვა: „The Outsiders“, „Red Dawn“, „Youngblood“.

მსახიობს პირველი დიდი წარმატება, 1987 წელს მხატვრულ ფილმში „Dirty Dancing“ ჯონი კასტლის როლის შესრულებამ მოუტანა. ფილმმა გაქირავებაში პირველ წელს,170 მილიონი დოლარი შემოსავალი მიიღო, ხოლო, მსახიობის ბიუჯეტი 200 ათასი დოლარით შეივსო. 1988 წელს, მან აღნიშნულ ფილმში შესრულებული როლისთვის, „ოქროს გლობუსი“ მოიპოვა.

ამის შემდეგ, პატრიკი ძალიან პოპულარული გახდა და მას ყოველწლიურად იღებდნენ სხვადასხვა ფილმებში. 1990 წელს მას მთავარი როლი შესთავაზეს დემი მურთან ერთად, დრამაში „Ghost“. ეს ფილმიც ძალიან წარმატებული აღმოჩნდა. 1991 წელს, აქ შესრულებული როლისთვის პატრიკმა „სატურნის“ პრემია დაიმსახურა. მან უკვე ჰოლივუდის მსახიობის სტატუსი მიიღო და ჰოლივუდის და დიდ კინოში, გზა წარმატებულად გაიკაფა.

კარგი კოორდინაციის წყალობით, პატრიკი ყოველთვის თავად ასრულებდა ტრიუკებს და ამაში კასკადიორების დახმარებას არ საჭიროებდა. ცხენზე ჯდომისას, ერთ-ერთი ტრიუკის დროს, მან ტრავმა მიიღო და კარგა ხანი მოუწია მკურნალობამ. ამ მოვლენამ მსახიობს განსაკუთრებული ინტერესი გაუღვივა ცხენოსნობის მიმართ და ჩრდილოეთ კალიფორნიაში საკუთარი ცხენსაშენი მოაწყო. მოგვიანებით მან, მონაწილეობა მიიღო არაბეთის ემირატებში გამართულ ცხენოსნობის მსოფლიო ჩემპიონატის შეჯიბრზე, სადაც 35-ე ადგილი დაიკავა. 4 წლის შემდეგ კი, პატრიკი პირველი ცხენოსანი იყო ამერიკისა და ევროპის ისტორიაში, ვინც დისტანცია ბოლომდე დაფარა და ფინიში გადაკვეთა.

პატრიკის ბოლო სამსახიობო ნამუშევრებიდან, განსაკუთრებით აღსანიშანავია ფილმები: „Dirty Dancing: Havana Nights“. (აქ მან 5 მილიონი შემოსავალი აიღო), „King Solomon's Mines“, „Keeping Mum“ და სერიალი „The Beast“. თავისი კინოკარიერის მანძილზე, მსახიობი ნომინირებული იყო „ოქროს გლობუსის“ პრემიაზე, რომელიც აშშ-ში მეორე რანგის ჯილდოდ ითვლება „ოსკარის“ შემდეგ და რომლის მოპოვებაც მან ვერ შესძლო, მაგრამ სხვებს კი - დაეხმარა ამ ჯილდოს მოპოვებაში. მსახიობმა ვუპი გოლდბერგმა განაცხადა, რომ სახელდობრ, პატრიკის დახმარებით შესძლო მან ოსკარის მოპოვება მეორე ხარისხოვანი როლის შესრულებისთვის ფილმში „Ghost“.

სამსახიობო მოღვაწეობასთან ერთად, პატრიკ სუეიზი წერდა და ასრულებდა სიმღერებს: «Time of my life», «She’s Like The Wind», «On The Cliff's Edge», «Raising Heaven».

პ ი რ ა დ ი: 18 წლის ასაკში, პატრიკს ლიზა ნიემი შეუყვარდა, რომელიც მასთან ერთად, ერთ-ერთ საბალეტო სკოლაში სწავლობდა. გოგონა მაშინ 15 წლის იყო. 1975 წელს ისინი დაქორწინდნენ. მათი ქორწინება 34 წელი გაგრძელდა. მათ შვილები არ ჰყოლიათ. 55 წლის ასაკში მსახიობს პანკრიასის კიბოს დიაგნოზი დაუსვეს და მან რადიოქირურგიული მკურნალობის კურსი გაიარა.

ავადმყოფობის მიუხედავად, მსახიობმა გადაღებებშიც განაგრძო მოღვაწეობა და მემუარების წერაც დაიწყო. 2009 წელს პატრიკი პნევმონიის დაავადებით საავადმყოფოში მოხვდა. აპრილიის თვეში მას ღვიძლის კიბო აღმოაჩნდა და 2009 წლის 14 სექტემბერს იგი ლოს-ანჯელესში გარდაიცვალა. მის სხეულს კრემანაცია ჩაუტარეს და ფერფლი მის რანჩოში, რომელსაც „ბედნიერი დღეები“ ერქვა, მიმოფანტეს.
ფ ი ლ მ ე ბ ი:
1983 - The Outsiders
1983 - Uncommon Valor
1984 - Red Dawn
1985 - North And South
1986 - Youngblood
1987 - Dirty Dancing
1987 - Steel Dawn
1988 - Tiger Warsaw
1989 - Road House
1989 - Next of Kin
1990 - Ghost
1991 - Point Break
1992 - City Of Joy
1993 - Father Hood
1995 - Three Wishes
1995 - Tall Tale
1995 - To Wong Foo Thanks for Everything, Julie Newmar
1998 - Black dog
1998 - Letters from a Killer
2000 - Forever Lulu
2001 - Donnie Darko
2001 - Green Dragon
2002 - Waking Up in Reno
2003 - One last dance
2003 - Eleven Fourteen
2004 - Dirty Dancing: Havana Nights
2004 - George and the Dragon
2004 - King Solomon's Mines
2005 - Icon
2005 - Keeping Mum
2008 - Jump!
2009 - Powder Blue

ს ე რ ი ა ლ ე ბ ი:
1981 - M*A*S*H
1986 - Amazing Stories
2009 - The Beast







თარგმნა: ვ. ჩომახიძე

პატრიკ სუეიზი / Patrick Swayze

კომენტარები

დატოვე კომენტარი
avatar