loading...

ოლგა კურილენკო / Ольга Куриленко

რეიტინგი: 3.8 (5 ხმა)
  • დაბადების სახელი: ოლგა კურილენკო
  • დაბადების თარიღი: 14 ნოემბერი, 1979 წელი
  • დაბადების ადგილი: ბერდიანსკი, ზაპოროჟიეს ოლქი, უკრაინა
  • პროფესია: მოდელი, მსახიობი, სცენარისტი, პროდიუსერი
  • კარიერა: 2001 წლიდან
  • ზოდიაქო: მორიელი
  • სიმაღლე: 175 სმ.


  • ბიოგრაფია: ოლგას მამა უკრაინელია. დედა - რუსულ-ბელორუსული წარმომავლობის. შვილის შეძენის შემდეგ, მსახიობის მშობლები გაიყარნენ. მამა უბრალოდ წავიდა და დედა-შვილი დატოვა. ოლგას დედა სკოლაში ხატვის მასწავლებლად მუშაობდა და შიგადაშიგ გაკვეთილებსაც უტარებდა მსურველებს. დედაშვილი შიმშილის ზღვარზე ცხოვრობდა. ამიტომ დედამ გოგონა მზრუნველობისთვის ბებიას გადასცა. ოლგას პატარა ოთახში უწევდა ცხოვრება: ბებია-ბაბუასა, ბიძა-დეიდასა და ბიძაშვილთან ერთად.
    ოლგა ბავშვობიდანვე სერიოზულად ეკიდებოდა სწავლას. 7 წლის ასაკში მუსიკალურ სკოლაში შევიდა და ფორტეპიანოს ეუფლებოდა, დადიოდა ბალეტის სტუდიაში. ასევე დრამატულ წრეზეც ჩაეწერა და თეატრალურ დადგმებში ღებულობდა მონაწილეობას. გატაცებული იყო ხატვით, ხოლო, 8 წლის ასაკიდან ინგლისური ენის შესწავლა დაიწყო.
    ოლგა სკოლაში სწავლისას მსახიობობაზე არ ფიქრობდა. მას სურდა ბებიასავით ექიმი გამხდარიყო.
    1992 წელს, როცა ოლგა 13 წლის იყო, არდადეგებზე დედასთან ერთად მოსკოვში გაემგზავრა. ერთხელ მოსკოვის მეტროში, გოგონა სამოდელო სააგენტოს წარმომადგენელმა შენიშნა და მას ქასთინგში მონაწილეობა შესთავაზა. რომ გაიგო გოგონა 13 წლის იყო შეწუხდა, მაგრამ ტელეფონის ნომერი მაინც დაუტოვა.
    ორი წლის შემდეგ, ოლგა ისევ ჩამოვიდა მოსკოვში ქასთინგში მონაწილეობის მისაღებად, რამაც წარმატებულად ჩაიარა და იგი სამოდელო კურსებზე მოხვდა. გოგონას სამოდელო კარიერა წარმატებით მიემართებოდა. ერთი წლის შემდეგ მასთან კონტრაქტი სამოდელო სააგენტომ «Madison»-მა გააფორმა. 16 წლის ოლგა დედასთან ერთად პარიზში გადასახლდა. მან მალე დაიწყო გამოჩენა პოპულარული ჟურნალების: «Madame Figaro», «Vogue», «Elle», «Marie Claire» - გარეყდებზე. კოსმეტიკურმა კომპანიამ Nivea-მ კი - თავისი სახე გახადა იაპონიაში.
    თავდაპირველად, ოლგას უცხო ქვეყანაში ენის უცოდინარობის გამო, ბარიერები შეექმნა. იმ დროისთვის, მან საერთოდ არ იცოდა ფრანგული. ჰქონდა მხოლოდ ინგლისურის საბაზო ცოდნა. პირველ კვირეებში, ოლგა ტიროდა. მას სურდა ყველაფრისთვის თავი დაენებებინა და რუსეთში დაბრუნებულიყო. გოგონას საკმაოდ სთავაზობდნენ სამუშაოებს და არასოდეს ამბობდა უარს. ცდილობდა ყველაფერი მოესწრო.
    1999 წლისთვის ოლგას სამოდელო კარიერა აღმასვლას განიცდიდა. მისი ფოტოები ნიუ-იორკის დიდ ბილბორდებზეც გამოჩნდა, შეკვეთები კი - აურაცხელი მისდიოდა. მაგრამ ოლგამ მტკიცედ გადაწყვიტა სამოდელო ბიზნესიდან წამოსვლა და სამსახიობო კარიერის გაკეთება. მან პარიზის ერთ-ერთი პრესტიჟული სააგენტოს სამსახიობო დაოსტატების კურსებზე დაიწყო სწავლა.
    2001 წელს ოლგა სერიალ „ლარგოს“ ეპიზოდურ როლში გამოჩნდა. 2005 წელს მსახიობს დაბალ ბიუჯეტიან ფრანგულ ეროტიულ ფილმში «L'Annulaire» (ბეჭედი), მთავარი (ირისი) როლი მისცეს. მომდევნო წელს ოლგა კინოალმანახ „Paris, je t'aime“ (პარიზო, მე შენ მიყვარხარ) გადაიღეს, სადაც ვამპირის როლი შეასრულა. იმავე წელსვე ორ ფრანგულ ფილმში მიიღო მონაწილეობა.
    2007 წელს ოლგამ მთავარი როლი შეასრულა ფილმში „დაქირავებული მკვლელი“ (Hitman). იმავე წელსვე, მსახიობი სერიალში „ეჭვმიტანილი“ (Suspectes) გამოჩნდა ევა პირესის როლით. ყოველი ახალი როლის შესრულებისას მსახიობის პოპულარობა იზრდებოდა.
    2008 წლის იანვარში კი - მას გაუმართლა და ახალ როლზე აიყვანეს „ჯეიმს ბონდის გოგონებში“, რამაც მსახიობს მსოფლიო ცნობადობა მოუტანა. მოგვიანებით, გოგონა კიდევ გამოჩნდა რამდენიმე „ჰოლივუდურ“ ფილმში: „ცენტუნიონი“, „ტირანია“ და „იქ დრაკონები ცხოვრობენ“.
    2011 წელს მსახიობი ჩერნობილის თემაზე გადაღებულ ფრანგულ-უკრაინულ ფილმში გამოჩნდა. 2012 წელი განსაკუთრებულად წარმატებული აღმოჩნდა მსახიობისთვის. იგი ერთდროულად ოთხ ფილმში გადაიღეს. იმავე წელსვე, ჩინურ-ამერიკულ ფილმში „იპმერიების სიღრმეში“ გამოჩნდა, სადაც ქალთევზას როლი შეასრულა.
    ამჟამად, მსახიობი დიდი პოპულარობით სარგებლობს და მოთხოვნადია. იღებენ ფილმებში და ცნობილი ჟურნალების გვერდებზეც ხვდება.
    პ ი რ ა დ ი: ოლგას პირველი ქმარი, მისი ფრანგი მეგობარი ფოტოგრაფი - სედრიკ ვან მოლია იყო. ისინი 1999 წელს შეუღლდნენ. ეს ქორწინება სულ 4 წელი გაგრძელდა.
    2006 წელს, მსახიობი მეორედ, ამერიკელ მეწარმე - დემიან გაბრიელზე გათხოვდა, რომელსაც 2007 წელს გაეყარა.
    2011 წელს მსახიობმა განაცხადა, რომ კვლავ აპირებდა გათხოვებას - ვიღაც მექსიკელ მეწარმეზე.
    დღესდრეისობით, ის პარიზში ცხოვრობს.
    2013 წელს ოლგა კურილენკო ჟურნალ Men's Health-ის გამოკითხვით „ყველაზე სექსუალური ქალები“ – 30-ე ადგილზე გავიდა. მისი საყვარელი დასასვენებელი ადგილი საფრანგეთის სამხრეთ ნაწილია. ატარებს Мini Сooper-ისა და Aston Martin-ის მარკის ავტომობილებს. მისი საყვარელი დიზაინერებია: Thomas Wylde, Ann Demeulemeester, Givenchy, Diesel. პარფიუმერია კი - Come des Garçons 2, Kenzo Amour I Cerruti 1881. საყვარელი სამზარეულო: იაპონური და უკრაინული სამზარეულოებია.
    მსახიობის საყვარელი ფილმებია: „სკაფანდრი და პეპლები“. საყვარელი მსახიობი კი - მეთიუ ამალრიკი. საყვარელი მწერლებია: ტოლსტოი, დოსტოევსკი, სიმონა დე ბოვუარი და ოსკარ უაილდი. საყვარელი წიგნია - ოსკარ უაილდის „დორეან გრეის პორტრეტი.“


    ფ ი ლ მ ე ბ ი:
    2005 - L’annulaire
    2006 - Paris, je t'aime
    2006 - Le serpent
    2007 – Hitman
    2008 - Max Payne
    2008 - Quantum of Solace
    2008 - À l'est de moi
    2009 – Kirot
    2010 – Centurion
    2011 - There Be Dragons
    2011 - Terre outragée
    2012 - The Expatriate
    2012 - Seven Psychopaths
    2013 - Oblivion
    2014 - Empires of the Deep
    2014 - Vampire Academy
    2014 - November Man
    2014 - The Water Diviner
    2015 - Momentum

    ს ე რ ი ა ლ ე ბ ი:
    2001 - Largo Winch
    2007 – Suspectes
    2010 – Tyranny
    2012-2013 - Magic city



















სხვა მსახიობები
კომენტარი (0)
avatar
ნავიგაცია
სიახლე
Загрузка...
მსახიობები ყველას ნახვა
კინო სიახლე ყველას ნახვა
შემთხვევითი
ჯეიმს მაკევოი / James McAvoy
რეიტინგი: 0.0
ხმა: (0)
სემ უორტინგტონი / Sam Huntington
რეიტინგი: 0.0
ხმა: (0)
ნეჯიპ მემილი / Necip Memili
რეიტინგი: 0.8
ხმა: (2)
ლინა ჯუმანი / Leena Jumani
რეიტინგი: 5.0
ხმა: (1)
აგატა მუცენიეცე / Agata Muceniece
რეიტინგი: 5.0
ხმა: (1)
ნორმან რიდუსი / Norman Reedus
რეიტინგი: 0.0
ხმა: (0)
ბრედ პიტი / Brad Pitt
რეიტინგი: 0.0
ხმა: (0)
საავტორო მფლობელებისთვისკონტაქტი

© 2015
მაღლა
loading...