loading...

ნატალია რუდოვა / Наталья Рудова

რეიტინგი: 5.0 (2 ხმა)
  • დაბადების სახელი: ნატალია რუდოვა
  • დაბადების თარიღი: 2 ივლისი, 1983 წელი
  • დაბადების ადგილი: პახტაკორი, უზბეკეთი
  • პროფესია: მსახიობი, ფოტომოდელი
  • კარიერა: 2005 წლიდან
  • ზოდიაქო: კირჩხიბი
  • სიმაღლე: 172 სმ.


  • ბიოგრაფია: ნატალია რუდოვას ქართველი მაყურებელი კარგად იცნობს 2007-2008 წელს გადაღებული გახმაურებული რუსული სერიალიდან „ტატიანა“ – „Татьянин день“. იგი უზბეკეთში დაიბადა, ქალაქ პახტაგორში 1983 წელს. გოგონა 12 წლამდე ზღვისპირა ქალაქ აკტაუში იზრდებოდა. მსახიობის ბებია წარმოშობით ლელინგრადელი იყო, მაგრამ ევაკუაციის დროს უზბეკეთში გადასახლდა. აქ გაიცნო გოგონას დედამ თავისი მომავალი ქმარი.

    ბავშვობაში, ნატალია ყველა პროფესიაზე ოცნებობდა, გარდა მსახიობობისა. მაგრამ საკმაოდ მალე აღმოაჩინა, რომ შემოქმედობითობის ნიჭს ფლობდა. სკოლის ასაკში ცეკვებით იყო დაკავებული, ქსოვდა და კერავდა კიდეც. უკვე მეშვიდე კლასში იყო, როცა აქტიურად ჩაება შემოქმედებით მოღვაწეობაში: სისტემატურად უწევდა ორგანიზებას სასკოლო დღესასწაულებს, კონკურსებსა და კონცერტებს. მოგვიანებით კი - სკოლის თეატრალურ დასში ჩაება. აქ კი ყველამ აღიარა, რომ გოგონა აუცილებლად მსახიობი უნდა გამოსულიყო.

    ნატალიამ ბავშვობაში საქანელიდან გადმოვარდა და სერიოზული თვინის შერყევა და ფსიქიკური სტრესი მიიღო, რის გამოც ხანგრძლივად იწვა საავადმყოფოში. ექიმებმა ფარხმალი დაყარეს, მაგრამ გოგონამ შეძლო სიცოცხლის გადარჩენა. ამიერიდან, ნატალიას ექიმებისგან გონებრივი გადატვირთვა და ლოგიკური მეცნიერებებით დაინტერესება სასტიკად აეკრძალა.

    მაგრამ თეატრალურ სასწავლებელში სწავლისას, მეოთხე კურსზე ახალი საგანი, მათემატიკა დაამატეს. ამასთან დაკავშირებით მსახიობი სიცილით იხსენებს: „კიდევ კარგი, რომ შევხვდი და გავიცანი ისეთი ბიჭი, რომელიც ფიზიკა-მათემატიკურზე სწავლობდა! ის მიყვანდა ყველა ამოცანას“.

    უნდა აღინიშნოს, რომ ბავშვობაში ნატალია ძალიან ცელქი გოგონა იყო, რის გამოც მას მეტსახელად „«партизанка»“ შეარქვეს. თავაშვებული დარბოდა ეზოში, დაძვრებოდა ხეებზე და მუხლებგადაყვლეფილი დაიარებოდა.

    უზბეკეთიდან გოგონა, მშობლების გაყრის შემდეგ, ივანოვოში დამკვიდრდა და აქვე შევიდა თეატრალურ ინსტიტუტში. მოსკოვის უმაღლეს სასწავლებლებში მოწყობისთვის მის ოჯახს ფული არ ჰქონდა. ნატაშა 17 წლის ასაკიდან თავად ირჩენდა თავს. სასწავლებლის დამთავრების შემდეგ, მან მაინც გადაწყვიტა მოსკოვს შეჭიდებოდა. აქ ის ნაქირავებ ბინაში ცხოვრობდა და კუტუზოვის პროსპექტზე სპორტულ მაღაზიაში მენეჯერად დაიწყო მუშაობა. თავისუფალ დროს ის ქასთინგებზე დადიოდა. მაღაზიის დირექტორი გოგონას ხელს უწყობდა და ხშირად სამუშაო დღეებშიც უშვებდა მოსმენებზე.

    მშვენიერმა გარეგნობამ ნატალის ფოტომოდელობაშიც შეუწყო ხელი. გოგონას სურათები რამდენიმე ცნობილ ჟურნალში გამოჩნდა.

    ერთ მშვენიერ დღეს, მას გაუმართლა და რეჟისორმა ოლგა სიდოროვამ სერიალში «Примадонна» აიყვანა. თავდაპირველად, გოგონას პატარა როლებს აძლევდნენ. მან ითამაშა ისეთ ცნობილ სერილაებში, როგორიცაა: «Кто в доме хозяин?», «В мире преступных страстей», «Воспоминания Сталина» и «Проводница».

    ამის შემდეგ, ნატალია შეამჩნიეს და ისეთ ფართომასშტაბიან სერიალში მიიწვიეს ერთ-ერთ მთავარ როლზე, როგორიცაა 2007-2008 წლებში გადაღებული დრამა «Татьянин день». თითქოს ბედის ირონიააო, ღარიბი ნატალია, რომელიც „მოსკოვის დაპყრობას“ აპირებდა, უცებ მდიდარი მოსკოველი გოგონას - ტატიანა ბარინოვას როლს ასრულებს. ამ როლს მან ბრწყინვალედ გაართვა თავი. გმირი მრავალფეროვანი და წინააღმდეგობრივი ხასიათების აღმოჩნდა, ამიტომაც იწვევს ის მნახველებში გასაოცარ ინტერესს.

    სიღარიბეში გაზრდილ მსახიობს, სულაც არ მოსწონდა თავისი გმირის ცხოვრება და არანაირად არ ამართლებდა მის საქციელს.

    აღნიშნული სერიალის შემდეგ, ნატალიამ სერიალში «Путейцы» ითამაშა და მაშინვე დაიწყო ახალი პროექტისთვის სამზადისი, რომელიც თრილერის ჟანრს განეკუთვნებოდა. ეს მსახიობისთვის სრულიად ახალი ხილი შეიქნა.

    რაც შეეხება თეატრს, აქ ძალების მოსინჯვას მსახიობი ჯერჯერობით არ ჩქარობს, რადგან 2015 წლისთვის მეტად დატვირთული გრაფიკი ჰქონდა: გადაიღეს სამ ფილმში: "Мафия: Игра на выживание", "Женщины против мужчин", Что творят мужчины! 2". ისე წინააღმდეგი არ არის ახალგაზრდული პროგრამების წამყვანად ან მუსიკალურ სცენაზე გამოჩნდეს, რადგან ჩინებულადაც მღერის. თუმცა, ამისთვის ამჟამად დაძაბული გრაფიკის გამო, მზად არ არის.

    პ ი რ ა დ ი: ნატალიას ხშირად ნახავთ ღამის კლუბებში. ბავშვებსა და ოჯახზე ის ჯერ არ დაფიქრებულა, რადგან მისი აზრით, მზად არ არის ოჯახური პასუხისმგებლობისა და პრობლემების სატვირთად, რადგან ამან შეიძლება მისი კარიერა შეაბრკოლოს. მიუხედავად ასეთი შეხედულებისა, მსახიობი ძალიან დიდ პატივს სცემს ოჯახის ერთგულსა და მოამაგე ქალბატონებს. ნატალიას მომავლისთვის დიდი გეგმები აქვს. მას სურს ისეთი ცნობილი გახდეს, როგორიც მილა იოვოვიჩია. შემდეგ კი, ნამდვილად იფიქრებს ოჯახის შექმნაზე.

    მსახიობი ხატვითაა გატაცებული. მიუხედავად იმისა, რომ ის არასოდეს დადის ფიტნეს კლუბში, ჩინებულ აღნაგობას ფლობს. ძალიან უყვარს კარტოფილის პიურე. დილას ყავის სმით იწყებს. ჭამაში თავს არ იზღუდავს, მაგრამ 6 საათის შემდეგ, არაფერს მიირთმევს. წონაში არასოდეს იმატებს. ეს ალბათ იმითაა განპირობებული, რომ ტკბილეულობა არ უყვარს და ბევრსაც მოძრაობს. არ უყვარს ქურასთან ტრიალი, რის გამოც განაცხადა, რომ ჩემგან მეოჯახე ქალი ალბათ არ გამოვაო. თუ თავისუფალი დღე გამოუჩნდა, ურჩევნია რაღაც გაღებოს, ან ლურსმანი მიაჭედოს.
    ფ ი ლ მ ე ბ ი:
    Мафия: Игра на выживание (2015)
    Женщины против мужчин (2015)
    Что творят мужчины! 2 (2015)
    Невидимки (2013)
    Проверка на любовь (2013)
    Поцелуй в голову (2012)
    Ночная фиалка (2012)
    Свидетельница (2011)
    Ночной таверны огонёк (2011)
    Зайцев, жги! История шоумена (2010)
    V Центурия. В поисках зачарованных сокровищ (2010)
    Цветок дьявола (2010)
    Ирония любви (2010)
    Третье желание (2009)
    Героиня своего романа (2008)
    Казаки-разбойники - (2008)

    ს ე რ ი ა ლ ე ბ ი:
    Кто в доме хозяин?- (2006 – 2008)
    Рельсы счастья - (2006)
    Сталин: Live - (2006)
    Татьянин день - (2007 – 2008)
    Путейцы - (2007)
    Казаки-разбойники - (2008)
    Две стороны одной Анны - (2009)
    Дыши со мной - (2010)
    Амазонки - (2011)
    Условия контракта - (2011)
    Универ. Новая общага ( 2011 – ...)
    Гюльчатай - (2011)
    Дыши со мной 2 - (2011)
    Джамайка - (2012)
    Условия контракта 2 - (2013)
    Исцеление - (2013)
    Гюльчатай. Ради любви - (2014)





















სხვა მსახიობები
კომენტარი (0)
avatar
ნავიგაცია
სიახლე
Загрузка...
მსახიობები ყველას ნახვა
კინო სიახლე ყველას ნახვა
შემთხვევითი
ემილია კლარკი / Emilia Clarke
რეიტინგი: 3.8
ხმა: (2)
პიტერ დინქლეიჯი / Peter Dinklage
რეიტინგი: 0.0
ხმა: (0)
ფრიდა პინტო / Freida Pinto
რეიტინგი: 0.0
ხმა: (0)
ველ კილმერი / Val Kilmer
რეიტინგი: 3.0
ხმა: (1)
დრაშტი დჰამი / Drashti Dhami
რეიტინგი: 3.0
ხმა: (2)
სონგიულ ოდენი / Songul Oden
რეიტინგი: 5.0
ხმა: (3)
იულია ტაკშინა / Юлия Такшина
რეიტინგი: 0.0
ხმა: (0)
საავტორო მფლობელებისთვისკონტაქტი

© 2015
მაღლა
loading...