loading...

მიშელ ტრახტენბერგი / Michelle Trachtenberg

რეიტინგი: 5.0 (1 ხმა)
  • დაბადების სახელი: მიშელ კრისტინ ტრახტენბერგი
  • დაბადების თარიღი: 11 ოქტომბერი, 1985 წელი
  • დაბადების ადგილი: ნიუ-იორკი, აშშ
  • პროფესია: მსახიობი
  • კარიერა: 1991 წლიდან
  • ზოდიაქო: სასწორი
  • სიმაღლე: 168 სმ.


  • ბიოგრაფია: მიშელი ნიუ-იორკში დაიბადა. დედამისი საბჭოელი ემიგრანტი იყო, წარმოშობით ოდესიდან. მამა გერმანელი ჰყავს. მსახიობს ებრაული და რუსული ძირები აქვს. მისი ბებია და ბაბუა ისრაელში ცხოვრობს. მიშელს 7 წლით უფროსი და, აირინი ჰყავს. გოგონები ბრუკლინში აღიზარდნენ და იქვე სწავლობდნენ სკოლაში. მამამისი ოპტიკურ-ბოჭკოვან სფეროშიმუშაობდა. დედა კი - ბანკში.

    ემიგრაციაში წასვლამდე მსახიობის დედა თოჯინების თეატრის მსახიობი იყო, რის გამოც გოგონამ ბავშვობიდანვე შეიყვარა სცენა და კინემატოგრაფია.

    მიშელი დაბადებიდანვე ძალიან ფოტოგენური იყო. ამას გარდა, დამჯერი ბავშიც გახლდათ. ერთხელაც რომ გადაიღებდნენ რეკლამაში, შემდეგ მიწვევებს ზედიზედ ღებულობდა. გოგონას მიერ მოტანილი შემოსავალი ოჯახისთვის კარგი დახმარება გახლდათ.

    როცა მიშელი წამოიზარდა, ის კინოშიც გამოჩნდა. პირველად 1993 წელს მოევლინა მაყურებელს სერიალში „All My Children“. 1994- 96 წწ-ში გადაიღეს სერიალებში: „The Adventures of Pete & Pete“, „Dave’s World“ და „Space Cases“.

    ტელეფილმ „All My Children“ გადაღებისას გოგონამ სარა მიშელ გელარი გაიცნო, რომელიც შემდეგ "Buffy the Vampire Slayer"-ის ვარსკვლავი გახდა.

    რაც შეეხება დამწყები მსახიობის კინოკარიერას, მან სტარტი მხატვრული ფილმიდან „Harriet the Spy“ აიღო, რომელიც 1996 წელს გადაიღეს. აქ მსახიობმა მთავარი (ჰერიეტ უელში) როლი შეასრულა. 1997 წელს, სერიალში „Meego“, მეგი პარკერის როლის შესრულებისთვის გოგონამ „დამწყები საუკეთესო მსახიობის“ ჯილდო პოიპოვა.

    მალე ახალგაზრდა მსახიობი, ძალიან მოთხოვნადი გახდა. მას ინტენსიურად იღებენ სხვადასხვა ჟანრის ფილმებსა და სახასიათო როლებში. მაგრამ განსაკუთრებული გავლენა მის საკარიერო ცხოვრების წინსვლაში, სერიალში „Buffy the Vampire Slayer“ შესრულებულმა (დონ სამერსი) როლმა მოიტანა.

    2004 წელს მიშელმა მხატვრულ ფილმში „EuroTrip“ ჯენის როლი შეასრულა. მალე მან მოციგურავე კეისი კარლაილის შესამჩნევი როლი ითამაშა ფილმში „Ice Princess“.

    2006 წელს მსახიობი სერიალებში: „House M.D.“ (მელინდა ბარდაჩი) და „Law & Order: Criminal Intent“ (ლიზა უილოუ ტაილერი) გამოჩნდა. ამ უკანასკნელში შესრულებული როლისთვის ის „ემის“ პრემიაზე იყო ნომინირებული.

    2008 წელს ტრახტენბერგი სერიალში „Gossip Girl“ მიიწვიეს ჯორჯინა სპარკსის როლზე. იმავე წელს მედდა ქლოა პეინის როლი შეასრულა სერიალში „Mercy“.

    მსახიობი კომედიური ჟანრის ფილმებშიცაა გადაღებული, რომელთაგან აღსანიშნავია „17 Again“.

    2010 წელს მიშელი მძაფრსიუჟეტიან ფილმში „Cop Out“ მოგვევლინა ევა მონროს როლით. აქედამ მოყოლებული 2014 წლის ჩათვლით გამოჩნდა ფილმებში: „Weeds“, „Take Me Home Tonight“, „The Scribbler“, „Sexy Evil Genius“ და „Killing Kennedy“.

    კინოკრიტიკოსების განსაკუთრებული დადებითი შეფასება, მიშელ ტრახტენბერგმა საშინელებათა ფილმში „Black Christmas“ მელისა კიტის და დრამაში „Ice Princess“ კეისი კარლაილი შესრულებული როლებისთვის დაიმსახურა.

    პ ი რ ა დ ი: ყვითელი პრესა ხშირად ასახავს მიშელის ცხოვრების მოვლენებს, განსაკუთრებით კი - პირადულს. ისინი ბევრს წერენ მისი რომანების შესახებ. მიშელს რომანი ჰქონდა ადამ გოლდშტეინთან, პიტ ვენცესთან და ცნობილ მუსიკოს რობი უილიამსთან.

    მოზრდილობის ასაკში, მიშელი უფრო სერიოზულად მოეკიდა პირადულ საკითხებს და გადაწყვიტა შოუ-ბიზნესის წარმომადგენლებს ჩამოშორებოდა. მისი ბოლო მსხვერპლი ნიუ-იორკელი ბიზნესმენი იყო.

    მსახიობმა განაცხადა, რომ მისი გულის დაპყრობა იოლია, ოღონდ ამისთვის გულწრფელობაა საჭირო. მას ისეთი ადამიანები მოსწონს, რომლებსაც გოგონას გაოცება და სიურპრიზების მოწყობა შეუძლიათ, თუნდაც სრულიად უბრალო საშუალებებით.

    მას ძალიან უყვარს საჩუქრები და განსაკუთრებით მათი მიღება ვალენტინობის დღესასწაულზე. ოღონდ არ მოსწონს საჩუქარი საჩუქრებისთვის, როგორც დადგენილი წესი. მისი აზრით, ამგვარი ქმედება სისულელეა. უფრო სასიამოვნოა მიიღო საჩუქარი საყვარელი ადამიანისგან ნებისმიერ დღეს, თუკი ის გულიდან მოდისო, განაცხადა ინტერვიუში. მსახიობს ძალიან უყვარს არაქისის კარაქი. ის ამბობს, რომ ყოველდღიუ-რად შეუძლია მიირთვას მცირე რაოდენობით.

    მიშელი პერის ჰილტონთან მეგობრობს და ხშირად აწყობს და მონაწილეობს ჰოლივუდურ წვეულებებში. დაკავებულია უმაღლესი საზოგადოებისათვის დამახასიათებელი ცხოვრების წესით.

    პოპულარული ჟურნალები ხშირად ბეჭდავენ მსახიობის პიკანტურ სურათებს. თავად მიშელი იშვიათად ამბობს უარს ამგვარი ფოტოების გადაღებაზე.

    მსახიობი არასოდეს ყოფილა ქორწინებაში, არ ჰყავს ბავშვები. მან საკუთარი თავი ტელევიზიაში, ტელეწამყვანის პოზიციაზეც მოსინჯა. კერძოდ, მოზრდილების შოუში. მისი თემატიკაა - ქალაქური ლეგენდები და creep-ისტორია.
    ფ ი ლ მ ე ბ ი:
    1995 - Melissa
    1996 - Harriet the Spy
    1996 - Christmas in My Hometown
    1999 - Inspector Gadget
    2000 - Can’t Be Heaven
    2004 - EuroTrip
    2004 - Mysterious Skin
    2005 - Ice Princess
    2006 - Beautiful Ohio
    2006 - Black Christmas
    2009 - Against the Current
    2009 - 17 Again
    2010 - Cop Out
    2011 - Take Me Home Tonight
    2013 - Killing Kennedy
    2013 - Sexy Evil Genius
    2014 - The Scribbler

    ს ე რ ი ა ლ ე ბ ი:
    1991 - Law & Order 1993 - Clarissa Explains It All
    1993 -1996 - All My Children
    1994 -1996 - The Adventures of Pete & Pete
    1996 - Dave's World
    1996 - Space Cases
    1997 - Meego
    1998 - Guys Like Us
    2000 - 2003 - Buffy the Vampire Slayer
    2004 - Six Feet Under
    2006 - House M.D.
    2006 - Law & Order: Criminal Intent
    2006 – 2007 - Robot Chicken
    2011 - Weeds
    2009 – 2010 - Mercy
    2008 – 2012 - Gossip Girl









სხვა მსახიობები
კომენტარი (0)
avatar
ნავიგაცია
სიახლე
Загрузка...
მსახიობები ყველას ნახვა
კინო სიახლე ყველას ნახვა
შემთხვევითი
ჰატიჯე შენდილი / Hatice Sendil
რეიტინგი: 4.0
ხმა: (6)
ჯესიკა ბილი / Jessica Biel
რეიტინგი: 0.0
ხმა: (0)
კირილ საფონოვი / Кирилл Сафонов
რეიტინგი: 4.4
ხმა: (7)
ევა გრინი / Eva Green
რეიტინგი: 5.0
ხმა: (2)
ნეჯიპ მემილი / Necip Memili
რეიტინგი: 0.8
ხმა: (2)
ოუენ ვილსონი / Owen Wilson
რეიტინგი: 0.0
ხმა: (0)
დრაშტი დჰამი / Drashti Dhami
რეიტინგი: 3.0
ხმა: (2)
საავტორო მფლობელებისთვისკონტაქტი

© 2015
მაღლა
loading...