loading...

მერილ სტრიპი / Meryl Streep

რეიტინგი: 5.0 (3 ხმა)
  • დაბადების სახელი: მერილ ლუიზ სტრიპი
  • დაბადების თარიღი: 22 ივნისი 1949 წელი
  • დაბადების ადგილი: სამიტი, ნიუ-ჯერსის შტატი, აშშ
  • პროფესია: მსახიობი, პროდიუსერი
  • კარიერა: 1971 წლიდან
  • ზოდიაქო: კირჩხიბი
  • სიმაღლე: 168 სმ.


  • ბიოგრაფია: მერილ სტრიპი, კინომცოდნეებისა და კრიტიკოსების მიერ თანა-მედროვეობის ერთ-ერთ უდიდეს მსახიობადაა მიჩნეული.

    მსახიობის მამა, ჰარი უილიამ სტრიპ-უმცროსი, ფარმაციული კომპანიის მენეჯერი იყო. დედა - მარი ვულფი კი, მხატვარი. ოჯახში კიდევ ორი ბავშვი - დენი და ჰარი გაიზარდა. ოჯახი პრესვიტერიანული ეკლესიის წევრი გახლდათ. მსახიობის დედა შვეიცარულ, ირლანდიურ-ინგლისური წარმოშობის იყო. მამა კი - ჰოლანდიური. გოგონამ მთელი ბავშვობა ბორო ბერნანდსვილში გაატარა, სადაც ბერნანდსვილის უმაღლეს სკოლაში მიიღო განათლება.

    1973 წელს მან ვასარის კოლეჯში, ხელოვნების ბაკალავრის ხარისხი მიიღო „დრამის“ სპეციალობით. შემდეგ კი, იელის დრამის სკოლაში, გამომსახველობითი ხელოვნების მაგისტრის წოდებაც დაიმსახურა. აქ სწავლის პერიოდში, მერილი ადგილობრივი თაეტრალური დასის დადგმებში ღებულობდა მონაწილეობას.

    იელის დრამის სკოლის დამთავრების შემდეგ, მსახიობი ნიუ-იორკში გადავიდა, სადაც კვლავ განაგრძო თეატრალური მოღვაწეობა.

    1975 წელს, მერილმა მხატვრული ფილმი „"King Kong“-ის ქასტინგი გაიარა. პროდიუ-სერმა დინო დე ლაურენტისმა, თავის შვილს იტალიურად გადაულაპარაკა: „რატომ გამომიგზავნე ეს ღორი? ეს ქალი იმდენად მახინჯია...“ და შოკში ჩავარდა, როცა მსახიობმა იტალიურადვე უპასუხა: „მე ძალიან ვწუხვარ, იმედი რომ გაგიცრუეთ“.

    მერილის კინოდებიუტი 1977 წელს შედგა, როცა ფართო ეკრანებზე რეჟისორ ფრედ ცინენმანის ფილმი „Julia“ გამოვიდა. პირველი ნომინაცია „ოსკარზე“, მერილმა მაიკლ ჩიმინოს საბრძოლო დრამაში „The Deer Hunter“ ლინდას როლის შესრულებისთვის მოიპოვა, ხოლო, „ოსკარის“ ქანდაკება ფილმში „Kramer vs. Kramer“ ჯოანა კრამერის როლის შესრულებისთვის. მეორე „ოსკარი“ მსახიობმა, დრამაში „Sophie's Choice“ პოლონელი ემიგრანტის სოფი ზავისტოვსკის როლის განსახიერებისთვის მიიღო. მესამე ოსკარი, ბრიტანეთის პრემიერ-მინისტრის მარგარეტ ტეტჩერის გარდასახვისთვის ბიოგრაფიულ ფილმში „The Iron Lady“.

    სტრიპმა, მართალია სამჯერ აიღო „ოსკარი“, მაგრამ აღსანიშნავია ის ფაქტიც, რომ კინემატოგრაფის ისტორიაში ის ერთადერთი მსახიობია, რომელიც აღნიშნულ ჯილდოზე 19-ჯერ იყო ნომინირებული. 8-ჯერ მოიპოვა პრემია „ოქროს გლობუსი“, ხოლო, 29-ჯერ იყო წარდგენილი ამ პრემიის ნომინაციაზე. 2-ჯერ ფლობდა ასევე, აშშ-ის კინომსახიობთა გილდიის პრემია BAFTA-ს და პრემია „Emmy“-ის. მას ჰოლივუდის მსახიობთა „დიდების ხეივანში“ ვარსკვლავი გაუხსნეს. არის აგრეთვე 1989 წელს „კანის“ და 2003 წელს „ბერლინის“ მსოფლიო კინოფესტივალების პრიზიორი.

    დიდია მსახიობის მონაწილეობით გადაღებელი ფილმების ჩამონათვალი, მაგრამ მათგან განსაკუთრებით აღსანიშნავია: „The Deer Hunter“ (1978), „Kramer vs. Kramer“ (1979), „Sophie's Choice“ (1982), „Out of Africa“ (1985), „The Bridges of Madison County“ (1995), „Adaptation“ (2002), „The Hours“ (2002), „The Devil Wears Prada“ (2006), „Mamma Mia!“ (2008), „Doubt“ (2008), „Julie & Julia“ (2009) და „The Iron Lady“ (2011).

    პ ი რ ა დ ი: მერილ სტრიპი 1976 წელს მსახიობ ჯონ კაზალეზე დაქორწინდა, რომელიც 2 წლის შემდეგ, კიბოთი გარდაიცვალა. იმავე წელს, მერილი ცოლად გაჰყვა დონ გამერს, რომლისგანაც 4 შვილი ეყოლა: ჰენრი, მერი, გრეისი და ლუიზა. მერი და გრეისი მსახიობები გახდნენ. ჰენრი მუსიკოსია. ერთ-ერთ ინტერვიუში მსახიობს ჰკითხეს, არის თუ არა იგი რელიგიური. მერლიმ უპასუხა: „მე არ მივსდევ არანაირ დოქტრინას. არც ეკლესიის კუთვნილება ვარ, არც ტაძრის, არც სინაგოგისა და აშრამის. მაგრამ არ გამოვრიცხავ, რომ ღმერთი არსებობს. მე იმის განცდა მაქვს, რომ სამყარო უკეთესი გავხადო. მაგრამ საიდან მოდის ეს გრძნობა?“

    2001 წელს, მსახიობი ლიამ ნისონთან ერთად, ნობელის ცერემონიალის წამყვანი იყო. 2010 წელს იგი ხელოვნებისა და ლიტერატურის ამერიკული აკადემიის შემადგენლო-ბაში შეიყვანეს და ჰარვარდის უნივერსიტეტში ხელოვნებათმცოდნეობის დოქტორის წოდება მიანიჭეს.

    ის არის ნაციონალური მუზეუმის ქალთა ისტორიის ორატორი, რომლის ჩამოყალიბე-ბაშიც მნიშვნელოვანი თანხები ჩადო. მერილ სტრიპი აქ ბევრ სხვადასხვა ღონისძიებებს ატარებს.


სხვა მსახიობები
კომენტარი (0)
avatar
ნავიგაცია
სიახლე
Загрузка...
მსახიობები ყველას ნახვა
კინო სიახლე ყველას ნახვა
შემთხვევითი
პინარ ჩაგლარ გენჩთურქი / Pinar Caglar Gencturk
რეიტინგი: 0.0
ხმა: (0)
ტაილერ პერი / Tyler Perry
რეიტინგი: 0.0
ხმა: (0)
დალჯიტ კაურ ბჰანოტი / Daljit Kaur Bhanot
რეიტინგი: 3.9
ხმა: (11)
მილა იოვოვიჩი / Milla Jovovich
რეიტინგი: 5.0
ხმა: (1)
იულია ტაკშინა / Юлия Такшина
რეიტინგი: 0.0
ხმა: (0)
ბრედ პიტი / Brad Pitt
რეიტინგი: 0.0
ხმა: (0)
ევა გრინი / Eva Green
რეიტინგი: 5.0
ხმა: (2)
საავტორო მფლობელებისთვისკონტაქტი

© 2015
მაღლა
loading...