VAKINO.COM
მთავარი მსახიობები სერიალები

» » ლინდსი ლოჰანი / Lindsay Lohan

ლინდსი ლოჰანი / Lindsay Lohan

რეიტინგი:
დაბადების სახელი:
ლინდსი დი ლოჰანი
დაბადების თარიღი:
1986 წლის 2 ივლისი
დაბადების ადგილი:
ნიუ-იორკი, აშშ
პროფესია:
მსახიობი, პროდიუსერი, მომღერალი, დიზაინერი, მოდელი
კარიერა:
1997 წლიდან
ჰოროსკოპი:
კირჩხიბი
სიმაღლე:
165 სმ
ბიოგრაფია: ჯერ კიდევ ბავშვობიდანვე აშკარა იყო, რომ ლინდსი უბრალო ადამიანი არ იქნებოდა, რომელიც ინჟინრად, ან მასწავლებლად იმუშავებდა. ყველაფერი იმით აიხსნებოდა, რომ გოგონას საკმაოდ შეძლებული და ცნობილი მშობლები ჰყავდა. მსახიობის მამა, მაიკლ ლოჰანი - მსხვილი მეწარმე გახლდათ, რომელმაც მულტიმილიონიანი მაკარონის ბიზნესი გაჰყიდა და ჰოლივუდის დამოუკიდებელი პროექტები დააფინანსა. ლინდსის დედა - დინა ლოჰანი რადიო City «Rockette»-ში მუშაობდა და Wall Street ანალიტიკოსი იყო. შემდეგ კი - საკუთარი ქალიშვილის მენეჯერი გახდა.

გოგონამ ადრეული ბავშვობიდანვე დაიწყო ყველა შესაძლებელ ქასთინგზე მონაწილეობის მიღება. პატარა ჭორფლიანი წითური გოგონა, ყველასთვის მაშინვე შესამჩნევი ხდებოდა. პირ-ველი, ვინც ყურადღება მიაქცია ლინდსის არაორიდინალურობასა და ტალანტს ფორდის სამო-დელო სააგენტო გახლდათ. ასე გამოჩნდა ლოჰანი Wendy’s & Jell-O и Pizza Hut -ის რეკლამაში. კომერციულმა ვიდეო რგოლებმა გოგონა პატარების სამოდელო ბიზნესის ერთ-ერთ ყველაზე მოთხოვნად სახედ აქცია. ლინდსის ერთმანეთზე მიყოლებით მისდიოდა სარეკლამო შეთავაზებები. ჯერ კიდევ მოზარდობის ასაკში, მისი მონაწილეობით 60 სარეკლამო რგოლი იყო გამოცემული. მას სხვადასხვა რადიო გადაცემებსა და ტელეშოუებში იწვევდნენ.

სამსახიობო კარიერა ლოჰანმა 1996 წლიდან, 10 წლის ასაკში დაიწყო, მას ორ სერიალში შესთავაზეს მონაწილეობა. ამის შემდეგ კი - პატარა მსახიობი, ალი ფოულერი გახდა ტელესერიალში „Another World“. გოგონა გადაღებებზე ერთი წელიწადი მუშაობდა და იგი მისთვის ყველაზე მსხვილი პროექტი აღმოჩნდა.

ამ სერიალის შემდეგ, რეჟისორებმა უკვე კარგად იცოდნენ გოგონას შესაძლებლობები და 1998 წელს მან პირველი მთავარი როლი მიიღო ფილმში „The Parent Trap“. აქ მან ერთობლივად ორი, გოგონების ჰოლისა და ენის როლი შეასრულა, რომლებიც ერთმანეთს გაჭრილი ვაშლი-ვით ჰგვანან და ამასთან ერთად, სრულიად განსხვავებული ხასიათისანი არიან. ამ როლმა ლოჰანს "Young actress" ტიტული მოუტანა ნომინაციებთან: "Young Star" და "The best blockbuster" ერთად.

აღნიშნული ფილმის მსოფლიო ეკრანებზე გამოსვლის შემდეგ, რომელმაც ლინდსი საქვეყნოდ ცნობილი გახადა, მსახიობთან კომპანიამ Walt Disney Pictures მაშინვე სამ ფილმში მონა-წილეობაზე დადო ხელშეკრულება. პატარა მსახიობის მუშაობას კოორდინაციას დედამისი უწევდა. ქალბატონმა დინამ კარგად იცოდა, რომ თუკი, ბავშვს უმოწყალო ექსპლუატაციას გაუწევდნენ, მისგან არა ტალანტი, არამედ ერთი უღიმღამო მსახიობი გამოვიდოდა. ამიტომ ფილმებში მონაწილეობა და როლებიც შეუზღუდა. გოგონამ ძირითადად მცირე ეკრანზე დაიწყო გამოჩენა.

მიუხედავად იმისა, რომ ლინდსი მუდმივად გადასაღებ მოედანზე იყო დაკავებული, იგი ბრწყინვალედ სწავლობდა სკოლაში და სპორტულ ცხოვრებაშიც კი იყო ჩართული. ამასთან ერთად, გოგონა სამსახიობო დაოსტატებასაც ახერხებდა. წინადადებები პროექტებში მონაწილე-ობებზე, არ წყდებოდა და 1999 წელს ის ტირ ბენკსთან ერთად, მხატვრულ ფილმში „Life-Size“ გადაიღეს კეისი სტიუარტის როლში. ერთი წლის შემდეგ კი, ის სერიალის «Bette» რამდენიმე ნაწილის გადაღებებზე მიიწვიეს, მაგრამ აქ მუშაობის გრაფიკი იმდენად უღიმღამო იყო, რომ გოგონამ მალე როლზე უარი განაცხადა და იგი სხვას დაუთმო. 2001 წელს ეკრა-ნებზე გამოჩნდა სერიალი «Get a Clue», სადაც ლინდსი მთავარ როლს ასრულებდა. დატვირ-თული სამუშაო გრაფიკი, გოგონას ხელს ვერ უშლიდა შოუ - ბიზნესის სხვადასხვა სფეროში ეცადა ბედი. მან მომღერლობა მოსინჯა და 2002 წელს კომპანია Estefan Enterprises-თან გააფორმა კონტრაქტი ხუთი ალბომის ჩაწერაზე.

2003 წელს, ლინდსი კვლავ გამოჩნდა დიდ ეკრანზე. მან ბრწყინვალედ შეასრულა მოზარდი გოგონა, ანა კოულმანის როლი რეჟისორ მარკ ს. უოტერსის ფილმში „Freaky Friday“. ამ ფილმში პირველად გაისმა ლინდსის სიმღერა «Ultimate». ამის შემდეგ, ის აღიარეს არა როგორც ტალანტი ბავშვი, არამედ როგორც პერსპექტიული ახალგაზრდა მსახიობი. ამ ფილმით ლინდსიმ პრესტიჟული პრიზი „ოქროს გლობუსი“ დაიმსახურა. ამის შემდეგ, მისი სამსახიობო კარიერა სწრაფი ტემპებით მიიწევს წინ. მან მთავარი როლი შეასრულა კომედიაში „Confessions of a Teenage Drama Queen“. ფილმმა წარუ-შლელი შთაბეჭდილება დატოვა კინოკრიტიკოსებზე და რეჟისორებზე. 2004 წელს ის ფილმში „Mean Girls“ თამაშობს. ფილმი იმდენად პოპულარული შეიქნა, რომ მან გაქირა-ვებაში 86 მილიონი დოლარი შემოსავალი მოიტანა.

თავბრუდამხვევმა წარმატებებმა ლინდსი ლოჰანი დასახულ მიზანს ვერ დააშორა. გოგონა ენერგიულად განაგრძობს მუსიკალურ მომზადებას და 2004 წლის ნახევარში კონტრაქტს სდებს სტუდია Casablanca Records-თან. იმავე წლის ბოლოს დღის სინათ-ლეზე გამოვიდა მისი ალბომი «Speak». ამ ალბომმა ბრიტანულ ჩატებში მეოთხე პოზიცია დაიკავა. ამის შემდეგ, პრესაში ხმები დაირხა, რომ მადონას მსახიობთან ერთად დუეტის ჩაწერა სურდა.

დაძაბულმა სამუშაო გრაფიკმა მსახიობი (2005 წელს მას ერთდროულად ხუთ ფილმის გადა-ღებებში უწევდა მონაწილეობის მიღება) სტრესულ მდგომარეობამდე მიიყვანა და იგი ნარკოტი-კებისა და ბულიმიის ტყვეობაში მოჰყვა. ლოჰანი გარკვეული ხნით თაყვანისმცემელთა ხედვის არედან გავიდა. მას ნორმალური ცხოვრებისკენ მობრუნებასა და ეკრანზე კვლავ გამოჩენაში ნათესავები და მკურნალი ექიმი დაეხმარა. 2006 წელს ლინდსი მხატვრულ ფილმში „Friends of the house on the prairie“ და „Bobby“ გამოჩნდა. ასევე 2007 წელს ის მოგვევლინა ფილ-მში „Chapter 27“, რომელიც ჯონ ლენონის სიკვდილზე მოგვითხრობს.

მიუხედავად სრული უზრუნველყოფისა, მსახიობი საკუთარ განათლებაზე ზრუნვას იწყებს. მას სწავლის გაგრძელება და ბაკალავრის ხარისხის მიღება სურს ნიუ-იორკის უნივერსიტეტში.

დღემდე, მსახიობის ფილმოგრაფია დაახლოებით 20-მდე სურათს მოიცავს. ამასთან ერთად, იგი კომპანია «Louis Vuitton» სახეს წარმოადგენს. მისი ოსტატობა რამდენიმე პრესტიჟული ჯილდოთი შეფასდა. ლინდსის მუსიკალური ალბომები უდაო წარმატებებით სარგებლობს. კომპანია «Mattel»-ის დიზაინერებმა გადაწყვიტეს მისი მსგვსი ბარბის ტიპის თოჯინა დაამზა-დონ. მსახიობი გათანაბრებულია ისეთ ვარსკვლავებთან, როგორიცაა: ბრიტნი სპირსი, ნაომი ქემპბელი და მერილინ მონრო.

პ ი რ ა დ ი: ამერიკულ და მსოფლიო შოუბიზნესში, ლინდსი ლოჰანი ერთ-ერთი ყველაზე განსჯადი პერსონაა. მსახიობის ნების წინააღმდეგ, მისი პირადი ცხოვრების შესახებ, პრესა თითქმის ყოველდღიურადაა დაკავებული. პრესის სამიზნე, ის 17 წლის ასაკიდან გახ-და. ეს იყო 2004 წელს. ამ პერიოდში გოგონამ ურთიერთობა გააბა მსახიობ ვილმერ ვალდე-მართან, თუმცა მათი რომანი ხანმოკლე აღმოჩნდა. რამდენიმე თვეში ისინი ერთმანეთს დაშორდნენ. მსახიობს, ნიკოლ რიჩსა და პერის ჰილტონივით, ძალიან უყვარს ფართებზე სიარული. ღამის ცხოვრების სიყვარულის წყალობით, მისი პირადი ცხოვრების შესახებ საკმაო ინფორმაციები გროვდება. მიუხედავად ამისა, ლინდსი ერთხელაც არ შეუყვანიათ მსოფლიოს ყველაზე სექსუალურ ქალთა შემადგენლობაში. მსახიობის საქმროთა რიგში ვილმერ ვალდერა-მის გარდა, შედიოდნენ: ჰარი მორტონი და კალუმ ბესტი. მაგრამ ამ კაცებს, მასთან თანა-ცხოვრებამ არ მოუწიათ, რადგან მსახიობმა ბედნიერება გოგონას გვერდით იპოვა. 2008 წელს საბოლოოდ დაამტკიცდა ლინდსი ლოჰანისა და სამანტა რონსონის რომანი.

2006 წელს ლინდსი ავტომობილის ნასვამ მდგომარეობაში მართვისთვის დააკავეს, ხოლო, ჩხრეკისას ავტომობილში კოკაინის მაგვარი საშუალება იპოვნეს. ერთი წლის შემდეგ, მან ნათესავების ზეგავლენით მალიბუს ნარკოტიკული რეაბილიტაციის ცენტრში გაიარა მკურ-ნალობა. გოგონამ აქ მთელი თვე დაჰყო და შემდეგ საკუთარ ადვოკატთან ერთად პოლიციაში თითის ანაბეჭდები დატოვა. რამდენიმე დღის შემდეგ, მსახიობმა პირადი ასისტენტის დედას დაუწყო დევნა, რომელიც ხელების ქნევითა და ყვირილით სანტა-მონიკას ავტოსადგომზე დაინახეს. დაზარალებულის ზარის შემდეგ, პოლიციელები გამოჩნდნენ. მსახიობი პოლიციაში მიიყვანეს და სისხლის ანალიზი აუღეს. იგი გადამეტებული ალკოჰოლის გავლენის ქვეშ აღმოჩნდა. ჯიბეში კი - კოკაინი უპოვეს. ის კვლავ სამართალდამცავების წინაშე წარსდგა და თავდებით 25 ათას დოლარად გამოუშვეს. ინციდენტის შემდეგ, გოგონა კვლავ კლინიკაში მოხვდა. თუმცა, სასამართლომ მას მაინც გამოუტანა განაჩენი: ერთი დღით ციხეში მოთასება, 10 დღით საგადოებრივი სამსახურით დასაჯეს და სამი წელი პირობითი მიუსაჯეს. საზოგა-დოებრივ სამუშაოს ლინდსი ვერ გადაურჩა, მაგრამ ციხიდან 2 საათის შემდეგ გაათავისუფ-ლეს, რადგან კამერები გადაჭედილი იყო და მისთვის იქ ადგილი არ აღმოჩნდა.

ფ ი ლ მ ე ბ ი:
1998 - The Parent Trap
2000 - Life-Size
2002 - Get a Clue
2003 - Freaky Friday
2004 - Confessions of a Teenage Drama Queen
2004 - Mean Girls
2005 - Herbie: Fully Loaded
2006 - A Prairie Home Companion
2006 - Just My Luck
2006 - Bobby
2006 -Friendly Fire
2006 - The Holiday
2007 - Chapter 27
2007 -Georgia Rule
2007 - I Know Who Killed Me
2009 - Labor Pains
2010 - Teenage Paparazzo
2010 - Lindsay Lohan's Indian Journey
2010 - Machete
2012 - First Point
2012 - Love, Marilyn
2012 - Liz & Dick
2013 - Inappropriate Comedy
2013 - Scary Movie 5
2013 - The Bling Ring
2013 - The Canyons

ს ე რ ი ა ლ ე ბ ი:
1996 - 97- Another World
2000 - Bette
2004 - 12 - Saturday Night
2004 - King of the Hill
2004 - 2006 - That '70s Show
2008 - Ugly Betty
2008 - Living Lohan Herself
2009 - Project Runway
2010 - Double Exposure
2011 - Keeping Up with the Kardashians
2012 - Glee
2013 - Million Dollar Decorators
2013 - Anger Management
2013 - Oprah's Next Chapter
2013 - Eastbound & Down
2014 - Lindsay
2014 - Funny or Die's Billy on the Street
2014 - 2 Broke Girls

თარგმნა: ვ. ჩომახიძე

ლინდსი ლოჰანი / Lindsay Lohan

კომენტარები

დატოვე კომენტარი
avatar