loading...

კირილ საფონოვი / Кирилл Сафонов

რეიტინგი: 4.4 (7 ხმა)
  • დაბადების სახელი: კირილ საფონოვი
  • დაბადების თარიღი: 21 ივნისი, 1973 წელი
  • დაბადების ადგილი: ერმაკოვსკოე, კრასნოდარის მხარე, რუსეთი
  • პროფესია: თეატრისა და კინოს მსახიობი
  • კარიერა: 2002 წლიდან
  • ზოდიაქო:ტყუპები
  • სიმაღლე: 191 სმ.


  • ბიოგრაფია: როცა მომავალი მსახიობი 12 წლის იყო, მისი მშობლები ერთმანეთს დაშორდნენ. დედა, რომელიც რუსული ენისა და ლიტერატურის მასწავლებელი იყო, სამ ბავშვს მარტო ზრდიდა. კირილს ორი უფროსი და ჰყავს. მან სკოლაში სიარული ქალაქ ლვოვში დაიწყო, ხოლო, გასული საუკუნის 90-იანი წლების დასაწისში, ოჯახი კვლავ კრასნოიარსკში დაბრუნდა.
    კირილი სამსახიობო ხელოვნების დაუფლებას მშობლიურ ქალაქში შეუდგა. 1993 წელს მან კრასნოიარსკის ხელოვნების ინსტიტუტის თეატრალურ ფაკულტეტზე დაიწო სწავლა. აქ სულ ერთი წელი დაჰყო, შემდეგ კი - მოსკოვის სახელმწიფო თეატრალურ ინსტიტუტში გადავიდა. აქ სწავლა მაიაკოვსკის სახელობის თეატრის მთავარ რეჟისორ, ალექსანდრ გონჩაროვის ჯგუფში დაიწყო.
    კირილი ოთხი წლის მანძილზე იმყოფებოდა ქორწინებაში და მეუღლე ელენასთან ერთად, ქალიშვილ ანასტასიას ზრდიდა. თავდაპირველად, ოჯახი სტუდენტთა საცხოვრებელში ბინადრობდა. მოგვიანებით კი - მსახიობს მაიაკოვსკის სახელობის მსახიობთა თეატრის სახლში მისცეს ბინა.
    თანაკურსელების თქმით, სტუდენტობაში კირილი სიჯიუტით გამოირჩეოდა. ის საერთოდ არ ცნობდა თავის ლექტორთა წოდებას და ჩინს და ადვილად აცდენდა ლექციებს. ალექსანდრე გონჩაროვი, რომელიც მკაცრი ხასიათით გამოირჩეოდა, თავდაპირველად, ყურადღებას არ აქცევდა სტუდენტის გულგრილობას და აღიარებდა მის ნიჭიერებას. მაგრამ ამან მსახიობს დიდხანს ვერ უშველა. 1997 წელს კირილმა სადიპლომო სპექტაკლის გენერალური რეპეტიცია ჩააგდო - შუაში გაწყვიტა და ბოლომდე არ შეასრულა მონოლოგი, რის გამოც ინსტიტუტიდან გარიცხეს.
    თუმცა, ამას მისთვის სპეციალობის მიხედვით სამუშაოს დაწყებაში, ხელი არ შეუშლია. კირილი სტანისლავის თეატრის დასის წევრი გახდა. აქ მან მირზოევის სპექტაკლებში: „მეთორმეტე ღამე“ და „ჭირვეულის მორჯულება“ - ითამაშა. მაგრამ მსახიობს თანხა, რომელსაც უხდიდნენ, ცოლშვილის სარჩენად არ კმაროდა. მაშინ კირილმა დამატებითი შემოსავლის ძებნა დაიწყო. მან ღამ-ღამობით კარტინგზე დაიწყო მუშაობა. ორი სამსახურის შეთავსება კი - ძნელი აღმოჩნდა. მას უძილობა ტანჯავდა და ხშირად თეატრში რეპეტიციებზე ეძინებოდა. ერთხელ პირდაპირ საჭესთან ჩაეძინა მოძრაობისას. საბედნიეროდ, საქმე ტრაგედიამდე არ მისულა.
    „რეპეტიციებზე მე დარბაზში ვიჯექი და სცენაზე გამოსასვლელად ვემზადებოდი. რეჟისორმა შემანჯღრია და ყურში ჩამჩურჩულა: „კირილ, ის მაინც არ შეგიძლია, რომ არ იხვრინვო?“ - იხსენებს მსახიობი. შემდეგ კი - რამდენიმე დღეში, საჭესთან ჩამეძინა. თუმცა, ცარიელ გზაზე მივდიოდი, მაგრამ მოულოდნელად გავითიშე. საბედნიეროდ - დროზე გამეღვიძა. სხვაგვარად... საშინელი წარმოსადგენია! აქ კი -მივხვდი, რომ ბალანსი დამერღვა და რაღაც უნდა შემეცვალა“.
    არც ოჯახში იყო საქმე დალაგებულად... ცოლქმრის ურთიერთობებში ბზარი გაჩნდა... და 1999 წელს, როცა კირილმა ისრაელიდან თაეტრ „გეშერის“ მიწვევა მიიღო, მსახიობმა სიხარულით განაცხადა თანხმობა. რადგან სჯეროდა, რომ ოჯახის ხელმოკლეობას უკვე ბოლო მოეღებოდა და ოჯახშიც ურთიერთობები დალაგდებოდა. ის ცოლშვილთან ერთად ისრაელის ქალაქ იოფოში გადავიდა. იქ მას განსხვავებული ცხოვრება ელოდა. თეატრში მსახიობს პირობა წაუყენეს: აუცილებლად უნდა შეესწავლა ებრაული ენა. კირილმა ენა 2 თვეში აითვისა. ისრაელის თეატრში მსახიობი 2001 წლამდე ნაყოფიერდ მუშაობდა. შემდეგ კი - სამუშაო აღარ იყო სასიამოვნო და ქორწინებაც ჩამოინგრა. ერთ მომენტში, ელენამ ნივთები შეაგროვა, ქმარი მიატოვა და მშობლებს მიაშურა.
    კირილი ამ ამბავს მძიმედ განიცდიდა, მაგრამ მან მაინც შეძლო თავისი ქალიშვილის დედასთან მეგობრული ურთიერთობების დამყარება. ამის შემდეგ, კირილის ცხოვრებაში ნამდვილი მიგრაცია მოხდა და ცხოვრების ნულიდან შექმნა დაიწყო. მსახიობმა აგენტი და პროფესია შეიცვალა. ბარმენად ერთდროულად ორ დაწესებულებაში მოეწყო. მის ცხოვრებაში ისევ სადღეღამისო მუშაობა დაიწყო. პარალელურად, კირილიჰოლივუდის კინოსურათებს ახმოვანებდა და ისრაელის ფილმებში ეპიზოდურ როლებს ასრულებდა. რამდენიმე სინჯის შემდეგ კირილი დაამტკიცეს როლზე, რეჟისორ ეითან ანერის ფილმში „ნახევრად რუსული ისტორია“. 2006 წელს ეს ფილმი მოსკოვის კინოფესტივალის საკონკურსო პროგრამაში შეიტანეს. კრიტიკოსებმა სურათი თბილად მიიღეს. მოსკოვში, ფესტივალზე მსახიობიც ჩამოვიდა.
    „მე არ მსურდა, რუსეთი საბოლოოდ დამეტოვებინა. მხოლოდ გამარჯვებული მსურდა დავბრუნებულიყავი აქ. და დღეს, ის ფაქტი, რომ მე თქვენს წინაშე წარვსდექი, როგორც ისრაელის მსახიობი, ეს ჩემთვის გამარჯვების ტოლფასია! მე გადავწყვიტე: თუკი სამსახურს შემომთავაზებენ, მე დავრჩები!“ - იხსენებს კირილი.
    კირილ საფონოვს წინ დიდი წარმატებები ელოდა. მას ცნობილ სერიალში „ტატიანა“, ერთ-ერთი მთავარი როლი შეთავაზეს. სერიალი ძალიან პოპულარული შეიქნა არა მარტო რუსეთში. ამის შემდეგ, სამი წლის მანძილზე მსახიობი სხვადასხვა სერიალებსა და ფილმებში გადაიღეს, რომელთაგან აღსანიშანავია: „რწმენის კრიზისი“, „ჩემი შემოდგომის ბლუზი“, „ორნი წვიმაში“, „ჟუროვი“, „დათვის კუთხე“, „ჩრდილთან დევნა“ და სხვა. ბოლო დროინდელი ნამუშევრებიდან, შეგვიძლია გამოვყოთ კინოსურათები: „საბრძოლო დაზვერვა. დასავლეთის ფრონტი“(2010 წ.), „სასწაული“(2010 წ.), „საერთაშორისო ხაზების პილოტი“(2011), „დაე, არ დასრულდეს სიყვარული“(2011 წ.), „ნაძარცვი“(2011) და „კონტრაქტის პირობები“(2011-2013 წ.). პ ი რ ა დ ი: უნდა აღვნიშნო, რომ მსახიობის ყოფილი ცოლი და ქალიშვილი ისრაელში დარჩა. ოფიციალურ განქორწინებას კირილმა კარგა ხანს ვერ მიაღწია. მაგრამ თავის ნამდვილ სიყვარულს იგი მოთმონებით ელოდა. 2009 წელს ის ჯგუფ „ფაბრიკას“ სოლისტს საშა საველევას შეხვდა. წყვილმა ერთმანეთი შემთხვევით გაიცნო - ღამის კლუბში. საშა და კირილი სხვადასხვა კომპანიებში ისვენებდნენ. სხვათა შორის, საშას ასეთი ადგილები არ მოსწონს, მაგრამ იქ წასვლა მეგობარი გოგონების დაჟინებული თხოვნით გადაწყვიტა. ასეთი რამ დაემართა კირილთან მიმართებაშიც. დაწესებულებაში ის მეგობარმა მიიყვანა. საღამოზე კირილი და საშა რამდენიმე სიტყვით შემოიფარგლნენ. მაგრამ უკვე მეორე დღეს, მსახიობი მიხვდა, რომ გოგონაზე ფირობდა. მან ნაცნობების დახმარებით საშას ტელეფონის ნომერი მოიპოვა და მას დაურეკა. საშა საველევა და კირილი, თავიანთ ურთიერთობებს სხვებს უმალავდნენ. მსახიობს ეშინოდა, რომ მისი გოგონა დედინაცვალს არ მიიღებდა.
    ოფიციალურად საშა და კირილი მხოლოდ ერთხელ გამოჩნდნენ - ჯგუფ „ფაბრიკის“ სოლისტის დაბადების დღეზე. თუმცა, ხანდახან დახურულ ღამის წვეულებებზეც დადიოდნენ. არავისთვის უთქვამთ ქორწილზე, რომელიც 2010 წლის 17 აპრილს შედგა. ამის შესახებ საშა ამბობს, რომ „არ იმალებოდა, უბრალოდ არ უნდოდათ, რადგან სურდათ რომ ეს დღე მხოლოდ მათი ყოფილიყო“.
    პერიოდულად გამოჟონავდა ხოლმე ინფორმაციები, რომ მშვენიერი წყვილი ერთმანეთს დაშორდა. სავარაუდოდ, კირილი ცოლთან ღამეს არ ათევდა, რადგანაც მისი ახალგაზრდული მაქსიმალიზმით გადაღლილია. თუმცა, ეს ფაქტი არ დადასტურებულა. გამოდის, რომ მსახიობი უბრალოდ გადაღებებითაა დაკავებული. მუშაობის შემდეგ კი - მაშინვე სახლში მიეშურება საყვარელ მომღერალთან.
    უნდა აღინიშნოს ისიც, რომ კირილ საფონოვი შესანიშნავად მღერის და უკრავს გიტარაზე. მსახიობი პოლიგლოტიც არის. ფლობს: ებრაულ, უკრაინულ, გერმანულ, ინგლისურ ენებს. ამასთან, ფარიკაობითაა გატაცებული. მსახიობი, ისრაელის და რუსეთის მოქალაქეა და დრო და დრო ორივე ქვეყანაში ცხოვრობს.
    ფ ი ლ მ ე ბ ი:
    2000 — Пыль
    2002 — Вечер спасённых (Израиль)
    2003 — Птице всё равно
    2004 — Под знаком «Венус»
    2005 — Полурусская история (Sipur Hatzi-Russi, Израиль)
    2006 — Плохие девчонки (Yeladot Ra’ot, Израиль)
    2007 — Кризис Веры
    2007 — Код апокалипсиса
    2007 — Спасибо за любовь
    2008 — Двое под дождём
    2008 — Мой осенний блюз
    2009 — Ещё один шанс (Россия, Украина)
    2009 — Журов
    2009 — Медвежий угол
    2009 — Чудо
    2009 — Правило лабиринта
    2009 — Телохранитель 3
    2009 — Частный сыск полковника в отставке
    2010 — Погоня за тенью
    2010 — Военная разведка. Западный фронт
    2011 — Пилот международных авиалиний
    2011 — Бабло
    2011 — Расплата
    2011 — Хранимые судьбой
    2012 — Возвращение
    2012 — Пусть не кончается любовь
    2012 — Затерянные в лесах
    2012 — Искупление
    2012 — Случайные знакомые
    2014 — Улыбка пересмешника
    2014 — Новая жена
    ს ე რ ი ა ლ ე ბ ი:
    2007 - Татьянин день
    2011 - Условия контракта
    2011 - Краткий курс счастливой жизни
    2013 - Дурная кровь
    2014 - Хорошие руки
    2015 - Влюбленные женщины
    2015 — Эти глаза напротив





სხვა მსახიობები
კომენტარი (0)
avatar
ნავიგაცია
სიახლე
Загрузка...
მსახიობები ყველას ნახვა
კინო სიახლე ყველას ნახვა
შემთხვევითი
რასელ ქროუ / Russell Crowe
რეიტინგი: 5.0
ხმა: (2)
ნეჯიპ მემილი / Necip Memili
რეიტინგი: 0.8
ხმა: (2)
ნორმან რიდუსი / Norman Reedus
რეიტინგი: 0.0
ხმა: (0)
კიტ ჰერინგთონი / Kit Harington
რეიტინგი: 5.0
ხმა: (2)
ელენა აროსიევა / Елена Аросьева
რეიტინგი: 0.0
ხმა: (0)
კეიტ ბოსვორტი / Kate Bosworth
რეიტინგი: 0.0
ხმა: (0)
მარია პოროშინა / Мария Порошина
რეიტინგი: 0.0
ხმა: (0)
საავტორო მფლობელებისთვისკონტაქტი

© 2015
მაღლა
loading...