VAKINO.COM

» » კატრინა კეიფი / Katrina Kaif

კატრინა კეიფი / Katrina Kaif

რეიტინგი:
დაბადების სახელი:
კატრინა ტერკოტი
დაბადების თარიღი:
1983 წლის 16 ივლისი
დაბადების ადგილი:
ბრიტანეთის ჰონკონგი, ჩინეთი
პროფესია:
მსახიობი, მოდელი
კარიერა:
2003 წლიდან
ჰოროსკოპი:
კირჩხიბი
სიმაღლე:
173 სმ
ბიოგრაფია: კატრინა კეიფი, რომელიც 1983 წლის 16 ივლისს დაიბადა ჰონკონგში, ბრიტანულ-ინდურ მსახიობად ითვლება. პირველ რიგში, ბოლივუდური ფილმებითაა ცნობილი. იმას გარდა, რომ ბოლივუდის ერთ-ერთ ყველაზე მაღალ ანაზღაურებად მსახიობს წარმოადგენს, იგი ცნობილია, როგორც ინდოეთის საინფორმაციო საშუალებების ერთ-ერთი ყველაზე მიმზიდველი მედია სახედაც.

კატრინა ჯერ კიდევ ბავშვი იყო, როცა მისი მშობლები ერთმანეთს დაშორდნენ და დედამ გოგონა თავის გვარზე Katrina Turquotte გადაიყვანა. მსახიობის დედა - სიუზანა, ევროპულ ბრიტანული წარმოშობისაა. მამა - მოჰამედ კეიფი ინდუსია, რომელიც განქორწინების შემდეგ, საცხოვრებლად აშშ-ში გადავიდა. იგი კაშმირში დაიბადა, მაგრამ ბრიტანეთის მოქალაქეობა აქვს და ბიზნესმენია. დედა ინგლისელი ადვოკატი და ქველმოქმედია. მსახიობი მრავალშვილიან ოჯახში დაიბადა. ჰყავს 6 და და ერთი ძმა. დები: სტეფანი, ქრისტინი და ნატაშა უფროსები არიან. მელისა, სონია და იზაბელი კი - უმცროსები. ეს უკანასკნელი მსახიობი და მოდელია. ძმას მიხეილი ჰქვია და ის კატრინაზე უფროსია. მსახიობი იხსენებს, რომ მამამისს არანაირი წვლილი არ მიუძღვის შვილების აღზრდაში, ყველაფერი მხოლოდ დედის მხრებზე გადადიოდა. მამასთან დაკავშირებით, მან ერთ-ერთ ინტერვიუში განაცხადა: „როცა მე ვხედავ ჩემს მეგობრებს, რომლებსაც შესანიშნავი მამები ჰყათ და რომლებიც მტკიცე მხარდამჭერნი არიან თავიანთი ოჯახების, საკუთარ თავს ვეუბნები, ნუთუ მხოლოდ მე მქონდა ასეთი ბავშვობა. ნაცვლად იმისა, რომ ისინი მათი მადლობელნი უნდა იყვნენ, წუწუნებენ და ჩივიან კიდეც. მე ყველაფერი მაქვს, მაგრამ არ მყავს მამა“.

სანამ ინდოეთში გადმოვიდოდნენ, კეიფების ოჯახი რამდენიმე ქვეყანაში ცხოვრობდა. მსახიობის დაბადების შემდეგ ოჯახი ჩინეთში, აქედან კი - იაპონიაში გადავიდა. 8 წლის იყო, როცა იაპონია დატოვა და საფრანგეთში მოხვდა, შემდეგ რამდენიმე ხნით ცხოვრობდა ბელგიაში, პოლონეთში, შვეიცარიაში და ევროპის კიდევ რამდენიმე ქვეყანაში. შემდეგ მსახიობი, ოჯახთან ერთად ჰავაიზე გადავიდა და საბოლოოდ დედამისის სამშობლოში, ინგლისში დამკვიდრდა. ხშირი ადგილმონაცვლეონის გამო, ბავშვებს ძირითადად ოჯახში, აღმზრდელთან ერთად, დაქირავებული მასწავლებლები ასწავლიდნენ. მიუხედავად იმისა, რომ კატრინას ჰგონია ინგლისში აღიზარდა, აქ მან მხოლოდ სამი წელი დაჰყო, სანამ ინდოეთში გადავიდოდა. გოგონამ დედის გვარი Turquotte, რადგანაც ძნელი წარმოსათქმელი იყო, შეიცვალა და მამის Kaif გვარზე გადავიდა.

14 წლის ასაკში, კატრინამ ჰავაიზე სილამაზის კონკურსში გაიმარჯვა და საიუვილერო კომპანიის ნაკეთობათა სახე გახდა. ამის შემდეგ, პროფესიონალ მოდელიორად მუშაობდა ლონდონში. ლონდონის მოდის კვირეულის ერთ-ერთი ჩვენებისას, ის რეჟისორმა Kaizad Gustad - მა შენიშნა და გოგონა 2003 წელს ინგლისურ-ჰინდურ ეროტიულ ფილმში „Boom“, Rina Kaif (Popdi / Chinchpokli) -ის როლზე, როგორც მსახიობთა დასის წარმომადგენელი, ისე აიყვანა. დასის შემადგენლობაში იყვნენ ისეთ ცნობილი სახეები, როგორიცაა: ამითაბჰ ბაჩანი, გულშან გროვერი, ჯეკი შროფი, მადჰუ საპრე და პადმა ლაკშმი. მართალია, ფილმი კანის ფესტივალზე მოხვდა, მაგრამ მან კომერციული და კრიტიკული თვალსაზრისით, ნეგატიური შეფასება მიიღო. მათ შორის, მსახიობიც უარყოფითად შეაფასა პუბლიკამ. არ მოეწონათ მისი ინდური დიქცია, რომელიც ბრიტანულით იყო დამძიმებული. თავის მხრივ, არც კატრინას სურს ამ პერიოდის გახსენება და ინტერვიუში ხშირად ამბობს, რომ დიდი მნიშვნელობა მას ამ ფილმისთვის არასოდეს მიუნიჭებია. ინდოეთში ყოფნისას გოგონამ სხვა შეთავაზებებიც მიიღო და იქ დარჩენა გადაწყვიტა.

2003 წელს ინდოეთის მოდის კვირეულზე, Fashion Week, ის მოდელის რანგში და პირველად Kingfisher კალენდარში გამოჩნდა. შემდეგში, მსახიობმა ინდოეთის სამოდელო სივრცეში დაიპყრო რა ისეთი ბრენდები, როგორიცაა: Coca-Cola, LG, Samsung и Fevicol, ბრწყინვალე სამოდელო კარიერა გაიკეთა. ამან კი - კატრინას ბოლივუდისკენ გაუხსნა გზა.

2003 წლის კრახის შემდეგ, მსახიობი 2004 წელს ბოლივუდის პროექტში კვლავ გამოჩნდა ფილმში„Malliswari“, სადაც მთავარ როლს, პრინცესას როლს ასრულებდა. ფილმის კომერციული შემოსავალი 7,5 მილიონი აშშ დოლარი იყო და მსახიობმაც სამხრეთ ინდოეთის კინომსახიობებს შორის, იმ დროისთვის ყველაზე დიდი ანაზღაურება მიიღო. მომდევნო წელს, კატრინამ რამა გაპალა ვარმიდ პოლიტიკურ თრილერში „Sarkar“ აბჰიშეკ ბაჩანის მეგობარი გოგონას, პოოჯას ეპიზოდურ როლებში მოგვევლინა.

მსახიობის აზრით, ბოლივუდში მან პირველი სერიოზული სვლა, რეჟისორ დევიდ დჰავანის რომანტიულ-კომედიური ფილმით „Cactus Flower“ გააკეთა. 2006 წელს კეიფი რამდენიმე ფილმსა და კრიმინალურ თრილერში გამოჩნდა.

2007 წლიდან მსახიობის საკარიერო ცხოვრება რადიკალურად იცვლება უკეთესობისკენ. ის მალე ბოლივუდის 4 საუკეთესო ფილმში გამოჩნდა და უამრავი თაყვანიმსცემელი გაიჩინა. 2008 წელს მან სამ თრილერში ითამაშა. მათგან ერთი, მძაფრსიუჟეტიანი იყო. მალე მსახიობი, აკშაი კუმარისა და ანეს ბეზმეს კომედიურ პროექტს „Singh Is Kinng“ შეუერთდა, რომელმაც 20 მილიონი აშშ დოლარი შემოსავალი მოიტანა.

2012 წელს კატრინა "Chikni Chameli"- ში გამოჩნდა, ხოლო, 2013 - ში თრილერში „Dhoom 3“. კეიფს აქ ცირკის მსახიობის როლი უნდა შეესრულებინა, რის გამოც მან მთელი წელიწადი, საჰაერო ღვედებით, ფუნქციონალურ ტრენინგებში გაატარა. ფილმა ბოლივუდის ისტორიაში 2014 წლამდე არნახული შემოსავალი მოიტანა, 86 მილიონი აშშ დოლარი. 2014 წელს მსახიობმა ფილმში „Bang Bang!“ ჰარლენ შაჰნის როლი შეასრულა. 2015 წლის თებერვალში კი - კატრინას მონაწილეობით, დასრულდა ტერორიზმის წინააღმდეგ მიმართული ფილმის „Phantom“ გადაღება.

პ ი რ ა დ ი კეიფის პირადი ცხოვრებით უსაზღვროდ იყო დაინტერესებული მასობრივი ინფორმაციის საშუალებები. მსახიობს არ უნდა, რომ მისი ცხოვრება ვიღაცეების განსჯის საგანი გახდეს. ერთ-ერთ ინტერვიუში მან განაცხადა: „მე ყოველთვის მიმაჩნდა, რომ არსებობს ცხოვრება ქორწინებამდე და ქორწინების შემდგ. ქორწინებამდე ... თქვენ ვერ დამისახელებთ ვერც ერთ ქალს.., მე ვირჩევ, რომ ჩემი ცხოვრების ეს ნაწილი აბსოლუტურ ღირსებასა და საკუთარი შეხედულებისამებრ გავატარო“. მიუხედავად იმისა, რომ ჭორები მისი სალმან ჰანომთან რომანის შესახებ 2003 წლიდან აგორდა, კეიფმა სერიოზული ურთიერთობების თაობაზე, მხოლოდ 2010 წელს განაცხადა - „ჩვენ მეგობრებად დავრჩით. იმაში, რომ მან უზარმაზარი როლი ითამაშა ჩემს კარიერაში, ეჭვი არ მეპარება. მე ვითვალისწინებ და ვაფასებ მის შეხედულებებს, მაგრამ როგორც ადამიანს, სალამანს დიდი გავლენა ჰქონდა ჩემს ცხოვრებაზე. მე მასთან მეგობრობა ახალგაზრდობაში დავიწყე. ის ძალიან ძლიერი პერსონაა. ახლა რომ ვიხსენებ, მისი გავლენა ჩემს ცხოვრებაზე მართლაც რომ უდიდესი იყო“.

მოარული ხმების მიხედვით, წყვილის განშორების მიზეზი, რანბირ კაპურისა და კატრინა კეიფის სიახლოვე იყო. ამ უცნაური სიყვარილის ისტორიამ თავი გადაღებების დროს იჩინა. თუმცა, ეს ფაქტი ორთავემ მაშინვე უარყო მასობრივი ინფორმაციის საშუალებების წინაშე. 2013 წელს მასმედიაში კაპურისა და კეიფის ინტიმური სურათები გამოჩნდა, რომელებიც წყვილის იბიცაზე დასვენების მომენტებს ასახავდნენ. კეიფმა ღია წერილში განაცხადა, რომ ამ „პრობლემებით შეძრწუნებულია და მედიას უფლება არა აქვს შეიჭრეს მის პირად ცხოვრებაში და დაარღვიოს იგი“. მოგვიანებით გამოტყდა, რომ კაპური „მისი ცხოვრების მნიშვნელოვანი ნაწილია“ და მხოლოდ უბრალო ურთიერთობაზე შეჩერებას არ აპირებს.

მიუხედავად იმისა, რომ კატრინას ინდოეთში არა აქვს სახლი, მან ის ლონდონში შეძინა. როგორც ბრიტანეთის მოქალაქე, ინდოეთში ვიზით გადაადგილდება. მას მჭიდრო ურთიერთობა აქვს საკუთარ ოჯახთან. უმამობამ, ჯერ კიდევ მოზარდ გოგონას, ოჯახისადმი პასუხისმგებლობის გრძნობა ჩამოუყალიბა და ამ ვალს არც დღეს გაურბის. იმ დროს, როცა მსახიობის დედა ქრისტიანი იყო, მამა კი- მუაულმანი, თავად გოგონა - ორთავე კონფესიის მიხედვით აღიზარდა და ამბობს, რომ „ღმერთის მტკიცედ სწამს“. 2009 წელს ინდოეთის მასმედიაში აცხადებდნენ, რომ სანამ კატრინა გადაღებებისგან თავისუფალია: Siddhivinayak-ას ტაძარში, Mount Mary-ის ეკლესიასა და Dargah Sharif- ში დაიარება სუფისტური სიწმინდეების მოსანახულებლადო.
წყაროებიდან ინფორმაციები მოიპოვა და მასალა მოამზადა: ვაჟა ჩომახიძემ

ფ ი ლ მ ე ბ ი:
2003 - Boom
2004 – Malliswari
2005 - Sarkar
2005 - Maine Pyaar Kyun Kiya?
2005 - Allari Pidugu
2006 - Humko Deewana Kar Gaye
2006 - Balram vs. Tharadas
2007 - Namastey London
2007 - Apne
2007 - Partner
2007 - Welcome
2008 - Race
2008 - Singh Is Kinng
2008 - Hello
2008 - Yuvvraaj
2009 - New York
2009 - Blue
2009 - Ajab Prem Ki Ghazab Kahani
2009 - De Dana Dan
2010 - Raajneeti
2010 - Tees Maar Khan
2011 - Zindagi Na Milegi Dobara
2011 - Bodyguard
2011 - Mere Brother Ki Dulhan
2012 - Agneepath
2012 - Ek Tha Tiger Zoya
2012 - Jab Tak Hai Jaan
2013 - Main Krishna Hoon
2013 - Bombay Talkies
2013 - Dhoom 3
2014 - Bang Bang!
2015 - Phantom
2016 - Fitoor Film has yet to be released
2016 - Jagga Jasoos Film has yet to be released

თარგმნა: ვ. ჩომახიძე

კატრინა კეიფი / Katrina Kaif

კომენტარები

დატოვე კომენტარი
avatar