loading...

კარან სინგჰ გროვერი / Karan Singh Grover

რეიტინგი: 4.3 (19 ხმა)
  • დაბადების სახელი: კარან სინგჰ გროვერი
  • დაბადების თარიღი: 23 თებერვალი, 1982 წელი
  • დაბადების ადგილი: ნიუ-დელი, ინდოეთი
  • პროფესია: მსახიობი, მოდელი, რადიო წამყვანი
  • კარიერა: 2004 წლიდან
  • ზოდიაქო: თევზები
  • სიმაღლე: 180 სმ.


  • ბიოგრაფია: კარანი პენჯაბელი სიგჰების ოჯახში დაიბადა. წარმოშობით, ოჯახი ამბალადანაა (ჰარიანას შტატი). მას ერთი უმცროსი ძმა ჰყავს. ბავშვობაში მისი ოჯახი საუდის არაბეთში, ალ-ჰობარში გადასახლდა. აქ ის საერთაშორისო ინდურ სკოლაში სწავლობდა.
    2002 წელს ბიჭი მუმბაიში დაბრუნდა და სასტუმრო მენეჯმენტის განხრით მიიღო განათლება. სწავლის დასრულების შემდეგ, მასკატში (ომანი) გადავიდა, სადაც მისი ოჯახი ცხოვრობდა და აქ დაახლოებით ერთი წლის მანძილზე, სასტუმრო „შერატონში“, მაკეტინგის დირექტორის რანგში მუშაობდა.
    მოგვიანებით, ის ინდოეთში დაბრუნდა და გადაწყვიტა სამოდელო კარიერაში ეცადა ბედი. 2004 წელს კარანმა მონაწილეობა Gladrags Manhunt-ის კონკურსში მიიღო და გაიმარჯვა, სადაც „ყველაზე პოპულარული მოდელის“ ტიტული მოიგო.
    ტელევიზიაში კარიერის დაწყებამდე, მსახიობი მოდელად მუშაობდა, დადიოდა პოდიუმებზე, მონაწილეობდა სარეკლამო გადაღებებში და მცირე დროით რადიოშიც კი მუშაობდა.
    2013 წელს გროვერი მე-13 ნომრად დაასახელეს აზიის „ტოპ-50“-ში პლანეტის ყველაზე სექსუალურ მამაკაცთა შორის. 2014 წელს კი - მეთორმეტე ნომრად. ის რამდენიმეჯერ იხილეს თაიმსის „ტოპ 50“-ში, როგორც „ყველაზე სასურველი მამაკაცი.“
    კინოსამყაროში მსახიობის პირველი დებიუტი 2004 წელს შედგა. სერიალში „Kitni Mast Hai Zindagi“, სადაც არნავ დოელის როლი შეასრულა. აქედან იწყება მისი ინტენსიური მუშაობა ტელევიზიაში, სადაც ის სხვადასხვა შოუებში გვევლინება, როგორც წამყვანი და მონაწილე. იგი საცეკვაო რეალითი-შოუშიც მონაწილეობდა, სადაც მეორე ადგილზე გავიდა.
    2012 წლიდან კი - სხვადასხვა შოუების ორგანიზატორად და დამდგმელად გვევლინება. მათგან აღასანიშნავია შოუ „იდეალური წყვილი“. ამავე წელს, პარალელურად, სერიალების გადაღებებშიც მონაწილეობდა.
    რაც შეეხება „ბოლივუდს“, მსახიობის პირველი დებიუტი აქ 2008 წელს შედგა, როცა მან მთავარი გმირის მეგობრის პატარა როლი შეასრულა ფილმში - „ილუზია“ (Bhram).
    მსახიობი ტელევიზიაში ცნობილია სალმან კჰანის სახელით.
    სერიალებში როლების წარმატებულად შესრულებისთვის მას ბევრი ჯილდო აქვს მიღებული: 2007 წელს - „დიდი მოლოდინის მსახიობი“, 2008 წელს - „საუკეთესო ეკრანული წყვილი“, 2010 წელს „საუკეთესო მსახიობი“ და სხვ.
    პ ი რ ა დ ი: 2008 წლის 2 დეკემბერს კარან გროვერი მსახიობ შრადჰა ნიგამზე დაქორწინდა. მაგრამ ამ რომანტიულმა იდილიამ მხოლოდ 10 თვე გასტანა. წყვილი ერთმანეთს დაშორდა. ქალთა მოყვარულმა მსახიობმა, მალე თავის ქორეოგრაფ ნიკოლთან გააბა რომანი.
    4 წლის შემდეგ კი - თვალი მსახიობ ჯენიფერი ვინგეტს დაადგა. ვინგეტმა იცოდა ნიკოლისა და კარანის ურთიერთობის შესახებ და კაცს ქორწინებაზე არ თანხმდებოდა, მაგრამ ბოლოს ცდუნებას ვერ გაუძლო და ფარხმალი დაჰყარა. 2012 წლის 9 აპრილს ისინი დაქორწინდნენ. ორი წლის შემდეგ წყვილმა განქორწინებაზე შეიტანა განაცხადი.
    მათი მეგობრები ამბობდნენ, რომ კარანი ქორწინების შემდეგ ძალიან შეიცვალაო. ორთავემ სხვაგან დაიწყო მუშაობა და ერთმანეთს თითქმის არ ხვდებოდნენო. ასე რომ მათი ვნებიანი გატაცება გაცივდა! ხოლო, მას შემდეგ, რაც 2015 წელს, კარანი ბოლივუდის სადებიუტო ფილმში - „მარტოობაში“ (Alone) გადაიღეს მსახიობ ბიპაში ბასუსთან ერთად, ცოლქმარს შორის ურთიერთობა უკიდურესად დაიძაბა.
    ზოგიერთების აზრით, ბიპაშთან რომანი, სარეკლამო ხრიკი იყო, ახალი ფილმი გამოსვლის წინ, მაგრამ ჯენიფერი ასე არ ფქრობდა, რადგან ძალიან კარგად იცოდა „ქალთა მუსუსი“ ქმრის ამბავი.
    რამდენიმე აქციასა და პრესკონფერენციაზე კარანი საქორწინო ბეჭდით გამოჩნდა. მაგრამ ბიპაშთან ურთიერთობას არ უარყოფს!
    ერთ-ერთ ინტერვიუში გროვერმა განაცხადა, რომ რელიგიური არ არის. მსახიობი დაკავებულია ფიტნესითაც.

    ფ ი ლ მ ე ბ ი:
    2008 - Bhram
    2012 - I M 24
    2015 - Alone
    2015 - Hate Story 3
    2016 - 3 Dev


    ს ე რ ი ა ლ ე ბ ი:
    2004 - Kitni Mast Hai Zindagi
    2005 - Princess Dollie Aur Uska Magic Bag
    2005 – 06 - Kasautii Zindagii Kay
    2006 – 07 - Solhah Singaarr
    2007 - Parrivaar
    2007 - 10 Dill Mill
    2008 - Zara Nachke Dikha
    2009 - Jhalak Dikhhla Jaa 3
    2009 - Idea Rocks India
    2010 - Fear Factor: Khatron Ke Khiladi
    2011 - Perfect Couple
    2012 - Teri Meri Love Stories
    2012 - Dil Dosti Dance
    2012 - 13 - Qubool Hai
    2014 - Star Masti Holi Gulaal Ki
    2015 - Thank You Maa
    2015 - Selfie







სხვა მსახიობები
კომენტარი (0)
avatar
ნავიგაცია
სიახლე
Загрузка...
მსახიობები ყველას ნახვა
კინო სიახლე ყველას ნახვა
შემთხვევითი
სვეტლანა ივანოვა / Светлана Иванова
რეიტინგი: 0.0
ხმა: (0)
შაჰიდ კაპური / Shahid Kapoor
რეიტინგი: 5.0
ხმა: (1)
ილქერ აქსუმი / Ilker Aksum
რეიტინგი: 5.0
ხმა: (1)
სურბჰი ჯიოტი / Surbhi Jyoti
რეიტინგი: 4.7
ხმა: (66)
პრაჩი დესაი / Prachi Desai
რეიტინგი: 0.0
ხმა: (0)
ოზლემ ილმაზი / Özlem Yılmaz
რეიტინგი: 4.4
ხმა: (5)
კიანუ რივზი / Keanu Reeves
რეიტინგი: 5.0
ხმა: (3)
საავტორო მფლობელებისთვისკონტაქტი

© 2015
მაღლა
loading...
loading...