VAKINO.COM
მთავარი მსახიობები სერიალები

» » ჯოზეფ ფაინსი / Joseph Fiennes

ჯოზეფ ფაინსი / Joseph Fiennes

რეიტინგი:
დაბადების სახელი:
ჯოზეფ ალბერიკ ფაინსი
დაბადების თარიღი:
27 მარტი, 1970წელი
დაბადების ადგილი:
სოლსბერი, უილთშირი, ინგლისი, დიდი ბრიტანეთი
პროფესია:
მსახიობი, რეჟისორი, პროდიუსერი
კარიერა:
1995 წლიდან
სიმაღლე:
183 სმ.
ბიოგრაფია: ჯოზეფ ფაინსი ნიჭიერი ინგლისელი მსახიობი გახლავთ, რის გამოც მას განსაკუთრებული წარდგენა არ ჭირდება. მის ნამუშევრებს შორის, მრავლად მოიპოვება კინოსა და ტელევიზიაში ბრწყინვალედ შესრულებული როლები.
ჯოზეფ ალბერიკ ისკარიოტ თვისლეთონ ბიკეჰემ-ფაინსი ანუ უბრალოდ ჯოზეფ ფაინსი, სამყეროს1970 წლის 27 მაისს მოევლინა ქალაქ სალისბერში. მამამისი ცნბილი ინგლისელი ფოტოგრაფიიყო. დედა კი - სარჩოს რომანების წერით მოიპოვებდა. მარს ფაინსისა და ჯენიფერ ლეშის ოჯახში ჯოზეფის გარდა, კიდევ 6 ბავშვი ზრდებოდა. მსახიობი მათ შორის ყველაზე უმცროსი იყო. საყურადღებოა, რომ ჯოზეფის ძმებმა და დებმა პირად საქმიანობაში განსაკუთრებულ წარმატებებს მიაღწიეს, რისი უნარებიც მათ ალბათ, მემკვიდრეობით ერგოთ. განსაკუთრებით ცნობილი გახდა, მსახიობის უფროსი ძმა - რეიფ ფაინსი, რომლის სამსახურებრივ მონაპოვარშიც BAFTA -სა და „ტონის“ პრემიებია, აგრეთვე „ოსკარის“ ორი ნომინაციაც.
მსახიობის ბავშვობის უმეტესმა ნაწილმა, აქეთ-იქეთ მიმოსვლაში გაირბინა. ის ცხოვრობდა: ლონდონში, დუბლინში, უილთშირში და რამდენიმე სხვა ქალაქში. საშუალო სკოლაში ის ირლანდიაში ყოფნისას შევიდა, საიდანაც შემდეგ სალისბერის კერძო სკოლაში გადაიყვანეს. აქ ჯოზეფი დიდხანსარ დარჩენილა.
თინეიჯერობის ასაკში მსახიობმა საფოლკის საგრაფოში მხატვრულ აკადემიაში დაიწყო სწავლა, სადაც ერთ წელიწადზე მეტი გაატარა. პროფესიონალური გამოსვლა, მან სცენაზე პირველად Young Vic Youth Theatre - ს დასთან ერთად განახორციელა, რცა მისი წევრი გახდა. დასში მოღვაწეობის პარალელურად, ჯოზეფი ლონდონში გილდჰალის მუსიკისა და დრამის სკოლაში სწავლობდა. აღნიშნული სასწავლებელი მან 1993 წელს დაამთავრა. 90-იანი წლების პირველ ნახევარში მსახიობი ძირითადად თეატრის სცენაზე მუშაობდა. მსახიობი წლების მანძილზე იყო შექსპირის კომპანიის სამეფო დასის წევრი. ამ პერიოდისთვის თეატრის სცენაზე მისი მუდმივი პარტნიორი მსახიობი ჰელენ მირენი გახლდათ.
1995 წელს მსახიობის პირველი დებიუტი ტელევიზიაში შედგა. ის საკმაოდ მსხვილ როლს თამაშობდა სატელევიზიო დრამაში „პოპი კერიუ გადაწყვეტილების გარეშე“. ამ ნამუშევარს მისთვის განსაკუთრებული პოპულარობა და წარმატება არ მოუპოვებია. თუმცა, მომდევნო წელს, ის ლივ ტაილერთან ერთად ფილმში „გაქცეული სილამაზე“ მოგვევლინა. აღნიშნული ფილმი კანის ფესტივალის პროგრამის ძირითად ნაწილში წარადგინეს. ამ დრამამ მსახიობს დიდი ქარმატება მოუტანა, რის შემდეგაც იგი კარგა ხანს პროდიუსერთა და კინორეჟისორთა ამოჩემებული სამიზნე გახდა. შემდეგში, თავისი პოპულარობა მსახიობმა განსაკუთრებულად გაამყარა ფილმებით: „მართა - ფრანკის, დანილისა და ლოურენსის ნაცნობი“, „ელიზავეტი“ და „შეყვარებული შექსპირი“. უკანასკნელმა ფილმმა მას აშშ-ს კინომსახიობთა გილდიის პრემია, MTV - არხის პრიზი და პრემია BAFTA - ს ნომინაცია მოუტანა. სწორედ ამ დროისთვის შევიდა მსახიობის კარიერა აპოგეაში.
2000 წლიდან მსახიობი მაყურებელს ახალი ფილმებით წარუდგა. მათგან განსაკუთრებით აღსანიშნავია: „მტერი კარიბჭესთან“, „მომკალი ნაზად“, ისტორიული დრამა „ლუთერი“ და „ვენეციელი ვაჭარი“, „დინების საწინააღმდეგოდ“. ბოლო ფილმებმა მსახიობს სანდენსის, ვუდსტოკისა და სიეტლის ფესტივალზე გამარჯვება მოუპოვა. ამ პერიოდისთვის მსახიობს ხშირად იღებენ ამერიკულსა და ევროპულ ბლოკბასტერებში. მისი მპნაწილეობით გადაღებულმა ბევრმა ფილმმა მსოფლიო კინოგაქირავებისას შემქმნელ კომპანიებს დიდი შემოსავალი მოუტანა. თუმცა, როლების კარგ შესრულებას აშკარა ჩავარდნებიც მოსდევდა, რის გამოც ის უბრალოდ, ამოვარდა ჰოლივუდის პირველი კატეგორიის, ვარსკვლავ მსახიობთა სიიდან და იძულებული შეიქნა უფრო მოკრძალებული როლები ეთამაშა.
უკვე ბოლო წლებია, რაც მსახიობი სატელევიზიო პროექტებში გადაღებებით დაკავდა. 2008 წელს მან ტრანსის როლი (ბობი) შეასრულა სურათში „საკმაოდ ლამაზი“. შემდეგ კი - უფრო პოპულარულ ტელეპროექტში, სერიალებში „მომავლის ხილვა“ და „კამელოტი“, სადაც მისი პარტნიორი ევა ფრინია.
მსახიობის ერთ-ერთწარმატებულ ნამუშევრად რჩება მის მიერ ერთ-ერთ სეზონში შესრულებული როლი, სერიალში „საშინელებათა ამერიკული ისტორია“.
პ ი რ ა დ ი: მსახიობის პირადი ცხოვრება მრავალ სასიყვარულო ისტორიას იტევს. მათგან განსაკუთრებით ხანგრძლივი აღმოჩნდა მისი კავშირიშვეიცარიელ მოდელთან მარია დოლორეს დიეგესთან, რომელიც შემდეგში, თანდათან მისი მეუღლე გახდა. ამჟამად, მათ უკვე ორი შვილი ჰყავთ.

ფ ი ლ მ ე ბ ი:
1996 - Stealing Beauty
1998 - Martha, Meet Frank, Daniel and Laurence
1998 - Elizabeth
1998 - Shakespeare in Love
1999 - Forever Mine
2001 - Dust
2002 - Leo
2003 - Killing Me Softly
2003 - Sinbad: Legend of the Seven Seas
2003 - Luther
2004 - The Merchant of Venice
2005 - The Great Raid
2005 - Man to Man
2006 - Running with Scissors
2006 - The Darwin Awards
2007 - Goodbye Bafana
2008 - The Escapist
2008 - The Red Baron
2008 - You Me and Captain Longbridge
2008 - Spring 1941
2009 - Against the Current
2014 - The Games Maker
2014 - Hercules
2015 - Strangerland
2015 - Psy
2016 - Risen
2016 - Elizabeth

ს ე რ ი ა ლ ე ბ ი:
2008 -Pretty/Handsome
2009-2010 - FlashForward
2011 - Camelot
2012- 2013American Horror Story: Asylum





თარგმნა: ვ. ჩომახიძე

ჯოზეფ ფაინსი / Joseph Fiennes

კომენტარები

დატოვე კომენტარი
avatar