VAKINO.COM
მთავარი მსახიობები სერიალები

» » ჯესიკა ლენგი / Jessica Lange

ჯესიკა ლენგი / Jessica Lange

რეიტინგი:
დაბადების სახელი:
ჯესიკა ფილის ლენგი
დაბადების თარიღი:
1949 წლის 20 აპრილი
დაბადების ადგილი:
მინესოტას შტატი, აშშ
პროფესია:
მსახიობი
კარიერა:
1976 წლიდან
ჰოროსკოპი:
ვერძი
სიმაღლე:
173 სმ.
ბიოგრაფია: მამამისი კომივოიაჟერად მუშაობდა, ამიტომაც ოჯახი სულ მოგზაურობაში იყო. როგორც მსახიობი იხსენებს, მათ საცხოვრებელი სულ 18-ჯერ მოიცვალეს. მიუხედავად ადგილის ხშირი მონაცვლეობისა, გოგონა სკოლაში ყოველთვის კარგად სწავლობდა. ამას გარდა, ის ჩინებულად ხატავდა. მსახიობის მამა ემოციებით აღსავსე საოცარი ადამიანი იყო, რამაც დიდი გავლენა მოახდინა ჯესიკას ფორმირებაზე. ბავშვობაში გოგონა ფიქრობდა, რომ აი, სადაცაა რაღაც შეუძლებელი და უცნაური მოხდება. იგი ამ განცდებით ცხოვრობდა. სკოლის დამთავრების შემდეგ, მან სწავლა მინესოტის უნივერსიტეტში დაიწყო, სადაც სტიპენდიასაც იღებდა. იქ ხატვაშიც განაგრძო მეცადინეობა. სულ ერთი წელი გავიდა და ჯესიმ სწავლას თავი დაანება. ახალგაზრდა ესპანელ მხატვარს, პაკო გრანდეს აეკიდა და ამერიკის სივრცეებში ჰიპურ ცხოვრებას მიჰყო ხელი. ძალიან მალე გაუნელდა ქუჩის ავარდნილი ცხოვრებისადმი ინტერესი და პანტონიმის ხელოვნების შესწავლის მიზნით, პარიზს გაემგზავრა. მისი მასწავლებელი გახდა ცნობილი მიმიკოსი და იმიტატორი ეთიენ დე კურა. მსახიობმა რამდენიმე თვეში „კომპერაშიც“ დაიწო გამოსვლა. მას მოსწონდა ეს ცხოვრება, ტკბებოდა ფერწერით, ხელოვნებით, მოგზაურობით. ხანდახან მოდელადაც მუშაობდა, მაგრამ ეს როდი იყო ის პროფესია, რომელიც სრულად გაიტაცებდა ლენგს.

მალე ჯესიკამ პანტონიმაზეც აიყარა გული და ცოტა ხნით, ფოტოგრაფობითა და ფერწერით დაკავდა. ასე გაატარა რამდენიმე წელი პარიზსში, შემდეგ კი ყველაფერი მიაგდო და ამერიკისკენ დაუბერა... აქ ოფიციანტად მოეწყო და ცეკვასა და სამსახიობო დაოსტატებაში დაიწყო მომზადება. ჯესიკა ბუნებით ძალიან მორცხვი იყო, ამიტომაც პრობლემები ექმნებოდა ადამიაებთან ურთიერთობაში. შემდეგში ის იხსენებს, რომ ცეკვებმა მთლიანად შეცვალეს ჩემი ცხოვრებაო. გოგონამ მოგვიანებით სამოდელო სააგენტოში იშოვნა სამუშაო. აქ ჰკიდა მას თვალი ფოტოგრაფმა და პროდიუსრმა დინო დე ლაურენტისმა, რომელიც გამალებული ეძებდა მთავარ როლში მსახიობ გოგონას მხატვრული ფილმი „კინგ-კონგის“ ახლი ეკრანიზაციისთვის. იგი მოიხიბლა ჯესიკას მშვენიერებით. პროდიუსერმა ჯესიკას როლი შესთავაზა და მანაც ითამაშა მუდმივად შეშინებული და მყვირალა გოგონას როლი.

მიუხედავად იმისა, რომ ამ ფილმის მიმართ კრიტიკოსები არ იყვნენ კარგად განწყობილნი, მსახიობი შეუმჩნეველი მაინც არ დარჩენილა. მაშინ ის 27 წლის იყო. მალე ჯესი რამდენიმე მსხვილი ჟურნალის ყდაზე გამოჩნდა და თვის გოგონადაც დაასახელეს. ახლა, მას ის უნდა გადაეწყვიტა საბოლოოდ გაჰყვებოდა, თუ არა კინოს. რადგან, კინოკარიერის კარგი დასაწყისი ელოდა წინ. ლენგმა მიიღო მსახიობად გახდომის გადაწყვეტილება.

1979 წელს მან ჯეკ ნიკოლსონთან ითამაშა ფილმში „All That Jazz“. შემდეგ, მცირე როლები შეასრულა რამდენიმე სურათში. მსახიობის კარიერაში განსაკუთრებული აღმოჩნდა 1981 წელს გადაღებული ფილმი „The Postman Always Rings Twice“, სადაც მან კორა სმითის როლი ითამაშა. აქაც ნიკოლსონთან იყო დაწყვილებული. ეს დრამატული როლი ლენგმა ჩინებულად შეასრულა. 32 წლის ასაკში ის კინოვარსკვლავი გახდა. მსახიობის რეპუტაცია კიდევ უფრო განამტკიცა 1982 წელს გადაღებულმა ფილმებმა: „Tootsie“, და „Frances“. მისი პოპულარობა გაიზარდა და ის ახლა უფრო მოთხოვნადი გახდა. „Frances“- ის გადაღებისას მსახიობმა იგრძნო, რომ მას არ ჰყოფნის პროფესიული განათლება და ამიტომ, მილი როსტოვას კურსები დაამთავრა. იქ ის 30-იანი წლების სამსახიობო ტექნიკასა და სტანისლავსკის სისტემას დაეუფლა. ამ დროისთვის, მან „ოსკარი“ ორჯერ აიღო. ამ დღიდან, მსახიობი თავად აკეთებდა არჩევანს, თუ როგორ როლებს შეასრულებდა.

1996 წელსჯ ესიკამ განაცხადა, რომ სურს კარიერას გამოეთხოვოს მას შემდეგ, რაც ფილმში „A Streetcar Named Desire“ დაამთავრებს გადაღებებს. თუმცა, ის კინოდან არ წასულა. ერთი წლის შემდეგ, კიდევ ორი ფილმი გამოვიდა ეკრანებზე მისი მონაწილეობით: „Cousin Bette“ და „A Thousand Acres“.

2002 წელს მსახიობი გადაიღეს ფილმში "Dressed and unnamed", სადაც მასთან ერთად მუშაობდნენ ჯეფ ბრიჯესი, პენელოპა კრუსი, ჯონ გუდმანი და სხვები. ამ ფილმმა მსახიობი ენთუზიზმით აღავსო და შემდგომი გადაღებებისთვის დადებითად განაწყო. 2003 წელს მან მუშაობა დაიწყო რეჟისორ თიმ ბერთონთან პროექტში „Big Fish“. აქ მას პატარა როლი ჰქონდა.

2011 წელს ჯესიკამ, ასევე მონაწილეობა მიიღო პროექტში „American Horror Story“, სადაც ელსა მარსის როლი სეასრულა, რისთვისაც 2012 წელს პრემიით „ემი“ და „ოქროს გლობუსი“ დააჯილდოვეს.

ამჟამად, მსახიობი იშვიათად თუ გამოჩნდება კინოში. ის ძირითადად თეატრში მუშაობს. მან 2013 წელს კიდევ ერთხელ განაცხადა, რომ საერთოდ ასრულებს კინოში კარიერას. თუმცა, 2014 წელს რობეტას როლი შეასრულა ფილმში „The Gambler“.

პ ი რ ა დ ი მსახიობს სამი შვილი ჰყავს. გოგონა ალექსანდრა მან რუს მოცეკვავე მიხაილ ბარაშნიკოვთან მძაფრი რომანისას შვა, ხოლო, დრამატურგ სემ შეპარდს, ორი შვილი გაუჩინა - გოგონა ჰანა და ვაჟი სემი. მსახიობი და მისი ქმარი უკვე კარგა ხანია ერთად ცხოვრობს. ისინი ოფიციალურად არ არიან ქორწინებაში რეგისტრირებული. მსახიობი გადაღებებს შორის სემთან და თავის სამშვილთან ერთად საკუთარ რანჩოზე ცხოვრობს. ის უპირატესობას დიასახლისობას ანიჭებს და შვილებს გულმოდგინედ ზრდის და უვლის. ჯესიკასა და მის ქალიშვილ ალექსანდრას მარცხენა იდაყვზე, ერთნაირი ტატუ, კელტური ჯვარი აქვს გამოსახული. ჯესიკა ლენგმა არაერთხელ მიიღო მონაწილეობა სხვადასხვა საქველმოქმედო აქციებში, მათ შორის აღსანიშნავია, მისი თავგამოდებული ბრძოლა „შიდსის“ წინააღმდეგ, ქველმოქმედების მიზნით იმოგზაურა აფრიკის რამდენიმე ქვეყანაში.

წყაროებიდან ინფორმაციები მოიპოვა და მასალა მოამზადა: ვაჟა ჩომახიძემ

ფ ი ლ მ ე ბ ი:
1976 - King Kong
1979 - All That Jazz
1980 - How to Beat the High Co$t of Living
1981 - The Postman Always Rings Twice
1982 - Tootsie
1982 - Frances
1984 - Country
1985 - Sweet Dreams
1986 - Crimes of the Heart
1988 - Far North
1988 - Everybody’s All-American
1989 - Music Box
1990 - Men Don’t Leave
1991 - Cape Fear
1992 - Night and the City
1994 - Blue Sky
1995 - Losing Isaiah
1995 - Rob Roy
1997 - A Thousand Acres
1998 - Hush
1998 - Cousin Bette
1999 - Titus
2001 - Prozac Nation
2003 - Masked and Anonymous
2003 - Big Fish
2005 - Broken Flowers
2005 - Don’t Come Knocking
2005 - Neverwas
2006 - Bonneville
2012 - The Vow
2013 - In Secret
2014 - The Gambler

ს ე რ ი ა ლ ე ბ ი:
1984 - Cat on a Hot Tin Roof
1992 - O Pioneers!
1995 - A Streetcar Named Desire
1998 - Stories from My Childhood
2003 - Normal
2007 - Sybil
2009 - Grey Gardens
2011 - American Horror Story
2012 – 2013 - Horror Story: Asylum
2013 – 2014 - American Horror Story: Coven
2014 – 2015 - American Horror Story: Freak Show

თარგმნა: ვ. ჩომახიძე

ჯესიკა ლენგი / Jessica Lange

კომენტარები

დატოვე კომენტარი
avatar