loading...

იულია ზიმინა / Юлия Зимина

რეიტინგი: 3.5 (2 ხმა)
  • დაბადების სახელი:იულია ზიმინა
  • დაბადების თარიღი:1981 წლის 4 ივლისი
  • დაბადების ადგილი: კრასნი კუტი, სარატოვის ოლქი, რუსეთი
  • პროფესია: მსახიობი
  • კარიერა: 2005 წლიდან
  • ზოდიაქო: კირჩხიბი
  • სიმაღლე: 165 სმ.


  • ბიოგრაფია: იულია ზიმინა რუსული კინოსა და ტელევიზიის აქტიური მსახიობი და ტელეწამყვანია. ის ძალიან ნიჭიერი ქალბატონია, რაზეც კარგად მეტყველებს მის მიერ განვლილი პროფესიული ცხოვრების გზა.
    მსახიობი 1981 წლის 4ივლისს დაიბადა სარატოვის ოლქში. მისი მშობლები მაღალი საზოგადოების საშუალო ფრთის წარმომადგენლები იყვნენ და ხელოვნების სამყაროსთან უშუალო კავშირი არ ჰქონიათ. მამამისი ვეტერინარ-ექიმად მუშაობდა, შემდეგ შესაბამის ტექნიკუმში კითხულობდა ლექციებს. იულიას დედა კი - ქიმიკოს-ბიოლოგი გახლდათ. ოჯახში, ერთადერთი ვინც ამ სფეროსთან შეხება ჰქონდა - მსახიობის და გახლდათ, რომელიც ადგილობრივი კულტურის სახლში ხალხური სიმღერების გუნდს ხელმძღვანელობდა.
    გოგონა ბავშვობიდანვე გატაცებული იყო მუსიკით და ამსფეროში წარმატებები, გარკვეული ხნის მანძილზე მის სამსახიობო ტალანტს ჩრდილავდა. იგი სამუსიკო სკოლის წარმატებული მოსწავლე გახლდათ. ამის გამო ყველა ფიქრობდა, რომ ის თავის კარიერას მუსიკის დარგით განავითარებდა. მაგრამ საშუალო სკოლის დამთავრების შემდეგ, მან მშობლებს განუცხადა, რომ სამსახიობო ფაკულტეტზე აპირებდა შესვლას. ყველა გაკვირვებული დარჩა, მაგრამ მისი ნების წინააღმდეგ არავინ წასულა. ასე გახდა იულია სარატოვის სობინოვის სახელობის სახელმწიფო კონსერვატორიის თეატრალური ინსტიტუტის სტუდენტი.
    მსახიობისთვის ვარსკვლავური გზა ინსტიტუტში სწავლიდანვე გაიხსნა. ის ხშირად მონაწილეობდა თაეტრალურ დადგმებში და საკმაოდ წარმატებით. ინსტიტუტის დასრულების შემდეგ, მას გამუდმებით იწვევდნენ სხვადასხვა ქალაქების თეატრები. მაგრამ იულიას უფრო მაღალი მიზნები ჰქონდა და ყველას უარით ისტუმრებდა.
    2003 წელს, დიპლომის აღებისთანავე, გოგონამ დედაქალაქს მიაშურა. მოსკოვში, თავდაპირველად, საქმე ისე ვერ აეწყო, როგორც მას სურდა. მსახიობმა საბავშვო თეატრში დაიწყო მუშაობა და ასევე სარეკლამო აქციებშიც გამოდიოდა. იულია ფარხმალს არ ჰყრიდა და ერთ დღესაც, ახალგაზრდა პროვინციელი მსახიობი კლასიკურ თეატრში მიიღეს, სადაც მაშინვე შეთავაზეს მთავარი როლები. ის თანდათან ცნობილი ხდებოდა.
    მაგრამ ნამდვილი აღიარება მსახიობმა 2005 წელს მოიპოვა, როცა მან შემთხვევით გაიგო სერიალის - „კარმელიტა“, ქასთინგების შესახებ. გოგონა პროექტში მივიდა და თავისი „გამომწვევი“ გარეგნობით სწრაფად მოირგო კარმელიტას მთავარი როლი. (ამჟამად, ეს სერიალი ქართული გახმოვანებით ტელე „მაესტროზე“ გადის). იულია ამ სერიალით ერთბაშად გახდა რუსეთის ტელევარსკვლავი! შემდეგ კი - მსახიობმა სხვადასხვა ფილმებსა და სერიალში ერთიანად წარმოაჩინა თავისი მოზღვავებული სამსახიობო ნიჭიერება.
    ასევე წარმატებული აღმოჩნდა მის მიერ შესრულებული როლები პროექტებში: „მოუფიქრებელი მკვლელობა“ და „სტრიპტიზ კლუბი“ ასევე ითამაშა ფილმებში: „ნათელმხილველი“, „რას მალავს სიყვარული“და სხვა.
    პარალელურად მსახიობი აქტიურად მონაწილეობდა სხვადასხვა სატელევიზიო შოუებსა პროექტებში. ის იყო პროექტში „ფორტ ბოიარდი“ და „ცეკვავენ ვარსკვლავები“.
    2010 წლიდან კი - მსახიობი რუსეთის პირველი არხის ტელეწამყვანად მოგვევლინა. მუშაობდა ასევე პროექტში „დილა მშვიდობისა“.
    2014 წელს მსახიობი ყაზახურ ფილმში „ფეიკი“ იხილა მაყურებელმა, ხოლო, 2015 წელს სერიალში - „ორ ცეცხლს შუა“ - ითამაშა.
    პ ი რ ა დ ი: იულია გარკვეული პერიოდი თავის კოლეგას, მსახიობ ვლადიმირ ჩერეპოვსკის ხვდებოდა, რომელიც მაყურებლისთვის ტელესერიალში „კარმელიტა“, ბოშა სტიოპკას სახელითაა ცნობილი. მაგრამ წყვილის სასიყვარულო რომანი დიდხანს არ გაგრძელებულა.
    შემდეგ, მსახიობი 2 წლის მანძილზე, კიდევ ერთ მსახიობს, მაქსიმ შჩეგოლევს ხვდებოდა, მაგრამ ამ სიყვარულმაც ვერ გაუძლო დროის გამოცდას. პრესის ცნობით, იგი ჯერჯერობით თავისუფალია რომანული თავგადასავლებისგან.
    ფ ი ლ მ ე ბ ი:
    2007 - Контракт на любовь
    2009 - Непридуманное убийство
    2009 - Стриптиз клуб
    2009 - Ясновидящая
    2010 - Что скрывает любовь
    > 2011 - Наследница
    2013 - Книга
    2014 -Фэйк

    ს ე რ ი ა ლ ე ბ ი:
    2005 - Кармелита
    2005 - Рублёвка
    2006 - Студенты
    2007 - Я сыщик
    2008 - Монтекристо
    2009 - Суд
    2009 - 2010 - Кармелита
    2013 - Братья по обмену
    2014 - Братья по обмену 2
    2015 - Между двух огней









სხვა მსახიობები
კომენტარი (0)
avatar
ნავიგაცია
სიახლე
Загрузка...
მსახიობები ყველას ნახვა
კინო სიახლე ყველას ნახვა
შემთხვევითი
ემილია კლარკი / Emilia Clarke
რეიტინგი: 3.8
ხმა: (2)
ტოლგაჰან საიშმანი / Tolgahan Sayisman
რეიტინგი: 5.0
ხმა: (2)
ჰალით ერგენჩი / Halit Ergenc
რეიტინგი: 3.0
ხმა: (3)
ლენა ჰედი / Lena Headey
რეიტინგი: 0.0
ხმა: (0)
ბარუნ სობტი / Barun Sobti
რეიტინგი: 3.5
ხმა: (10)
ელენა აროსიევა / Елена Аросьева
რეიტინგი: 0.0
ხმა: (0)
სონგიულ ოდენი / Songul Oden
რეიტინგი: 5.0
ხმა: (3)
საავტორო მფლობელებისთვისკონტაქტი

© 2015
მაღლა
loading...