იულია ტაკშინა / Юлия Такшина

რეიტინგი: 0.0 (0 ხმა)
  • დაბადების სახელი: იულია ევგენიევნა ტაკშინა
  • დაბადების თარიღი: 1980 წლის 9 ივლისი
  • დაბადების ადგილი: ბელგოროდი, რისეთის ფედერაცია
  • პროფესია: მსახიობი, მოდელი
  • კარიერა: 2005 წლიდან
  • ზოდიაქო: კირჩხიბი
  • სიმაღლე: 171 სმ


  • ბიოგრაფია: იულია ტაკშინა რუსი მსახიობი ქალბატონია, რომელიც მაყურებლისთვის კარგად არის ცნობილი თავისი როლით, სერიალში «Не родись краси-вой», სადაც მან უარყოფითი გმირის, ვიკა კლოჩკოვას როლი ითამაშა და იგი მომენტალურად გახდა ცნობილი ყოფილი საბჭოეთის თითქმის ყველა ქვეყანაში.

    იულია 1980 წლის 9 ივლისს დაიბადა რუსეთის ქალაქ ბელგოროდში. მისი ოჯახი, საბჭოთა სინამდვილეში მცხოვრები ოჯახების უმრავლესობის მსგავსად, ძალიან უბრალოდ ცხოვრობდა. მამა ქარხანაში «Энергомаш» მუშაობდა ჩამომსხმელად. დედა კი - გაზეთის «Трудовая слава» რედაქტორი იყო.

    გოგონამ მსახიობობა ადრეულ ასაკში დაიწყო. ის მონაწილეობას იღებდა სასკოლო სპექტაკლებში და თავისი ენერგიული და ხალასი თამაშით პედაგოგთა განსაკუთრე-ბულ ყურადღებასა და გაკვირვებას იწვევდა. მსახიობობაზე ფიქრი მან ადრეული ბავშვობიდანვე დაიწყო, მაგრამ მოგვიანებით ამას სხვა გატაცებებიც დაემატა. თავდაპირველად, გოგონამ საბალეტო ცეკვებზე დაიწყო სიარული, უფროსი კლასიდან კი - სერიოზულად გაიტაცა ჟურნალისტიკამ. მისი სტატიები ბევრ ადგილობრივ გამოცემებში იბეჭდებოდა და მკითხველებში დიდი პოპულარობით სარგებლობდა. ამ სფეროში პირველმა წარმატებებმა, მსახიობი სერიოზულად დააფიქრა ჟურნალისტის სპეციალობაზე.

    სკოლის დამთავრების შემდეგ, მან სცადა გამოცდების ჩაბარება ჟურნალისტიკის ფაკულტეტზე. მაგრამ, პრესტიჟულ უმაღლეს სასწავლებელში მოხვედრა ვერ შეძლო, რადგან რამდენიმე ქულა დააკლდა. ამ ფაქტმა ძლიერი ფსიქოლოგიური დარტყმა მიაყენა გოგონას, მაგრამ ის ბრძოლის გარეშე ფარ-ხმალის დაყრას არ აპირებდა. მან მშობლიურ ქალაქში დაბრუნებაზე უარი განასხადა და საბალეტო ცეკვებში მეცადი-ნეობები განაგრძო. ამასთან ერთად, მომზადება დაიწყო სხვადასხვა რეპეტიტორთან. იულია მუხლჩაუხრელად და დიდი მონდომებით მუშაობდა და ამან სულ მალე თავისი ნაყოფი გამოიღო.

    ერთ-ერთი გამოსვლისას ის ოლეგ გოზმანოვმა შენიშნა და გოგონა თავისი ცეკვის კოლექტივში Diamond Girls მიიწვია. ამის პარალელურად იულიამ ღამის კლუბებში დაიწყო გამოსვლები და მას კარგი შემოსავალიც გაუჩნდა. მალე გოგონას მოდელად მუშაობაც შესთავაზეს. მან მონაწილეობა მიიღო სხვადსხვა მოდური კატალოგების გადაღებებსა და ფოტოსესიებში. მსახიობის ეროტიული სურათები დღესაც იკავებენ წამყვან ადგილს ინტერნეტის გლობალურ სივრცეში. წამყვანი მოდელის რანგში მსახიობი რამდენიმე მუსიკალურ ვიდეო რგოლშიც მოგვევლინა. იულია მალე მიხვდა, რომ ხელოვნების ამ დარგებში მიღწევები დიდხანს არ გაგრძელდებოდა და გადაწყვიტა მსახიობის პროფესიას დაუფლებოდა. მან თავი დაანება ძველ საქმიანობას და საბუთები ბორის შჩუკინის სახელობის თეატრალურ ინსტიტუტში შეიტანა და პრესტიჟულ ინსტი-ტუტში პირველი მცდელობისთანავე ჩააბარა. ოღონდაც, ამ დროისთვის მსახიობი უკვე 22 წლის გახლდათ.

    სახელდობრ, ამ მიზეზის გამო გამოჩნდა გოგონა კინოეკრანებზე მოგვიანებით. მისი პირველი, როგორც კინიმსახიობის დებიუტი, 2005 წელს შედგა სერიალში «Не родись красивой» და დიდ წარმატებას მიაღწია. იულია მომენტალურად გახდა რუსული კინოს ნამდვილი ვარსკვლავი. მას იწვევენ სხვადსხვა გადაცემებში და ხშირად სთხოვენ ინტერვიუს მიცემას. ამის წყალობით, ყველასთვის უცნობი მსახიობი, პოპულარული ტელეშოუს მთავარ ვარსკვლავად გადაიქცა.

    სერიალში გადაღების შემდეგ, იულიამ კინოში გადაღებები გააგრძელა. დასაწყისში, ის სატელევიზიო სერიალების მეორე ხარისხოვანი როლებით შემოიფარგლა. თუმცა, სხვა მსახიობთაგან ყოველთვის გამოირჩეოდა თავისი ხალასი და განუმეორებელი ქარიზმით. აღსაბიშნავია, მისი როლები სერიალებში: «А вы ему кто?», «Гений пустого места», «Человек без пистолета».

    რაღაც მომენტებში რეჟისორები იძულებულნი შეიქნენ სხვა რაკურსით დაენახათ მსახიობი. მას უფრო მოზრდილი როლების შესრულება მიანდეს, რის შედეგადაც იულიას პოპულიარობა განუხრელად გიზარდა: «Пари на любовь», «Неадекватные люди», «Роман выходного дня», «Давай поцелуемся» და ასევე სატელევიზიო კომედიური სერი-ალი «Кухня», ეს სრული სია არ გახლავთ იმ სურათებისა, სადაც იულიამ შეასრულა სხვაფსხვა სახასიათო როლები. «Кухня»-იას გადაღებისას იულია ისეთი პოპულარული მსახიობების გვერდით მუშაობდა, როგორიცაა: ვიქტორ ხორინიაკი, მარკ ბოგატირევი, ელენა პოდკამინსკაია და სხვანი. მსახიობი დღითიდღე შეუპოვრად მიიწევდა შოუ-ბიზნესის მწვერვალების დასაპყრობად და თავდაუზოგავად მუშაობდა გადასაღებ მოედნზე, რამაც ნაყოფი გამოიღო და დღეს ის ყველაზე მოთხოვნად მსახიობად აქცია რუსეთის ტელევიზიაში. ამის ნათელ დადასტურებას წარმოადგენს 2013 წელი. 12 თვის მანძილზე მან ზედიზედ 5 მხატვრულ ფილმსა და ტელესერიალში მოასწრო თამაში.

    არანაკლებ წარმატებული აღმოჩნდა მისთვის 2014 წელიც. ის გადაიღეს სერიალში „Тайный город“ და მხატვრულ ფილმებში „Давай поцелуемся“ და „Испытание счастьем“.

    პ ი რ ა დ ი სერიალის «Не родись красивой» გადაღებისას იულია ტაკშინამ თავი-სი მომავალი ქმარი, მსახიობი გრიგორი ანტიპენკო გაიცნო. შეყვარებულებმა ერთად 6 წელი იცხოვრეს და ამ ხნის მანძილზე ორი საერთო შვილი, ვაჟები: ივანი და ფიოდორი შეეძინათ. მიუხედავად ამისა 2012 წელს წყვილი ერთმანეთს დაშორდა, რისი მიზეზიც მეორე ცნობილი რუსული კინოს ვარსკვლავი ტატიანა არნტჰოლცი გახდა. ამჟამად, იულია თავისუფალია და მისი ხელახალი დაპყრობა, როგორც თავად ამბობს, ჯერ კიდევ შეუძლია ღირსეულ მამაკაცს.

    წყაროებიდან ინფორმაციები მოიპოვა და მასალა მოამზადა: ვაჟა ჩომახიძემ

    ფ ი ლ მ ე ბ ი:
    2006 - А Вы ему кто?
    2007 - В ожидании чуда
    2007 - Человек без пистолета
    2008 - Гений пустого места
    2008 - Пари на любовь
    2008 - Роман выходного дня
    2009 - Окна
    2010 - Неадекватные люди
    2011 - Комплекс полноценности
    2013 - Коммунальный детектив
    2013 - Алмаз в шоколаде
    2014 - Давай поцелуемся
    2014 - Испытание счастьем
    2015 - 12 месяцев. Новая сказка

    ს ე რ ი ა ლ ე ბ ი:
    2005—2006 - Не родись красивой
    2007 – Бывшая
    2010 – Партизаны
    2011 - Группа счастья
    2011 - Девичья охота
    2011 - Русская наследница
    2012 – Кухня
    2013 – Гюльчатай
    2013 - Одинокие сердца
    2013 - Следователь
    2013 – Станица
    2014 - Тайный город

















სხვა მსახიობები
კომენტარი (0)
avatar
ნავიგაცია
სიახლე
loading...
Загрузка...
მსახიობები ყველას ნახვა
კინო სიახლე ყველას ნახვა
შემთხვევითი
სვეტლანა ივანოვა / Светлана Иванова
რეიტინგი: 0.0
ხმა: (0)
ვილმა ელესი / Wilma Elles
რეიტინგი: 0.0
ხმა: (0)
სემ უორტინგტონი / Sam Huntington
რეიტინგი: 0.0
ხმა: (0)
აიჩა აიშინ თურანი / Ayça Ayşin Turan
რეიტინგი: 4.7
ხმა: (3)
სელჩუქ იონთემი / Selçuk Yöntem
რეიტინგი: 1.0
ხმა: (1)
ქიმ ქეთროლი / Kim Cattrall
რეიტინგი: 0.0
ხმა: (0)
შრადჰა ერია / Shraddha Arya
რეიტინგი: 4.0
ხმა: (10)
საავტორო მფლობელებისთვისკონტაქტი

© 2015
მაღლა