loading...

ევა გრინი / Eva Green

რეიტინგი: 5.0 (2 ხმა)
  • დაბადების სახელი: ევა გაელ გრინი
  • დაბადების თარიღი:6 ივლისი, 1980 წელი
  • დაბადების ადგილი: პარიზი, საფრანგეთი
  • პროფესია:კინოსა და თეატრის მსახიობი, მოდელი
  • კარიერა: 2003 წლიდან
  • ზოდიაქო: კირჩხიბი
  • სიმაღლე: 168 სმ.


  • ბიოგრაფია: ევას მამა წარმოშიბით შვედია. პროფესიით სტომატოლოგი. დედა - ცნობილი მსახიობი მარლენ ჟობერია. ის წარმოშობით, ალჟირელი ფრანგია ებრაული ძირებით. ქალბატონი ამჟამად, საბავშვო ლიტერატურაზე მუშაობს. ევა გრინს და ჯოი ჰყავს, რომელიც მისი ტყუპისცალია. გოგონების ბიძა ცნობილი კინო ოპერატორი კრისტიან ბერგერია.

    ევა 1980 წელს დაიბადა პარიზში, ის ტყუპისცალია. და ევას საერთოდ არ ჰგავს ფიზიკურად. ისინი ერთმანეთისგან არა მარტო ამ ნიშნით განსხვავდებიან, არამედ ემოციური თვალსაზრისითაც. ევა, თუმცა ბუნებრივი ქერაა, მაგრამ 14 წლის ასაკიდან თმებს ყავისფრად იღებავს. ჯოი კი - თავისი ბუნებრიობის ერთგულია და ქერა თმებს ატარებს.

    რამდენადაც უცნაურად არ უნდა მოგვეჩვენოს, დებს ერთმანეთთან თითქმის არა აქვთ ურთიერთობა. ის კი არა და - ჯოის, ევას მონაწილეობით, არც ერთი ფილმი არ უნახავს. მას უბრალოდ არ უყვარს თეატრი და კინო. მთელი თავით ბიზნესშია ჩართული, რაც ამ პროფესიის უდიდესი ნაწილისთვისაა დამახასიათებელი. ჯოი უფრო პრაქტიკული და კონკრეტულია ვიდრე, მისი შემოქმედი დაიკო - ევა.

    17 წლის ასაკში, ევამ საფრანგეთი დატოვა და ინგლისური ენის შესასწავლად კენტის საგრაფოში, რამსგეითში გაემგზავრა. შემდეგ, სამშობლოში დაბრუნდა და სწავლა ამერიკულ სკოლაში განაგრძო. გოგონამ აქვე მიიღო გადაწყვეტილება - მსახიობი გამხდარიყო. ამიტომ სასწავლებლად რამდენიმე ევროპული და ამერიკული უნივერსიტეტი აირჩია, სადაც ის სამსახიობო ხელოვნებისა და რეჟისურის კურსებს გადიოდა. ევას, პარიზის სენ-პოლის დრამატული ხელოვნების, ლონდონის ვებერ დაგლასის დრამატული ხელოვნების აკადემიის და ნიუ-იორკის უნივერსიტეტის Tisch ხელოვნების სკოლის დიპლომები აქვს.

    უნივერსიტეტებში სწავლის შემდეგ, გოგონა მშობლიურ პარიზში დაბრუნდა. აქ დაგეგმა მან სამსახიობო კარიერა და პირველი ნაბიჯები რამდენიმე თეატრალურ სპექტაკლში გადადგა. თეატრის სცენაზე გოგონა ცნობილმა რეჟისორმა, ბერნარდ ბერტოლუჩიმ შენიშნა და მას „უსაზღვროდ ლამაზი“ უწოდა. რეჟისორმა ევა მხატვრულ ფილმში „The Dreamers“ განებივრებული პარიზელი გოგონას, იზაბელის როლზე მიიწვია. ეს მოხდა 2003 წელს.

    ამ როლმა ევას მომენტალურად მოუპოვა აღიარება და დიდება. ევამ 2004 წელს კიდევ ერთ ფრანგულ ფილმში „Arsène Lupin“ ითამაშა კლარისას როლი და ამის შემდეგ, მიწვევები მიიღო ჰოლივუდიდან.

    ჰოლივუდურ ფილმში მსახიობმა დებიუტი 2005 წელს შეასრულა, რეჟისორ რიდლი სკოტის სურათში „Kingdom of Heaven“ იერუსალიმის დედოფალ სიბილას როლით. ევა აქ უბრალოდ ბრწყინვალე იყო და კინოსამყაროს კიდევ ერთხელ დაუმტკიცა თავისი ტალანტი. მსახიობი ამ ფილმს ყველაზე საუკეთესოდ თვლის, რადგან იგი მის კუმირ მსახიობთან, ედვარდ ნორტონთან ერთად თამაშობდა, რომელიც ბოლდუინის როლს ასრულებს სურათში.

    ევასთვის მომდევნო როლი კიდევ უფრო გამოკვეთილი შეიქნა. მან ბონდის ლეგენდარული გოგონას, ვესპერ ლინდის სახე შექმნა, როცა რეჟისორებმა აგენტ 007-ზე ახალი სურათის შექმნა გადაწყვიტეს. ეს მოხდა 2006 წელს. დიდ ეკრანებზე გამოვიდა ფილმი „Casino Royale“, ბონდიანას ახალი სერია, მთავარ როლში დენიელ კრეიგის მონაწილეობით.

    ერთი წლის შემდეგ, მსახიობმა ფანტასტიუტი ზღაპრის „The Golden Compass“ - ის ეკრანიზაციაში სერაფინა პეკალას როლით გაიბრწყინა. ამას მოჰყვა იგივე სახის, ჯადოქარ სერაფინას შექმნა - ფილიპ პულმანის წიგნის მიხედვით 2014 წელს გადაღებულ სერიალში „Penny Dreadful“.

    ევა გრინი ყოველთვის ყურადღებით ირჩევს თავის როლებს. იგი უპირატესობას საბედისწერო პერსონაჟებს ანიჭებს. მისი სიმპათიები დაბალბიუჯეტიანი ფილმებისკენ იხრება, ამის მაგალითია 2007 წელს გადაღებული „Franklyn“, სადაც ის ორი ურთიერთსაწინააღმდეგო პერსონაჟის - ემილიას და სალის როლს თამაშობს. ასევე, 2009 წელს გადაღებულ მხატვრულ ფილმში „Cracks“, ევამ იმიტომ ითამაშა, რომ ხიფათის მოყვარული ცურვის მასწავლებლის, მის ჯის სახე უნდოდა შეექმნა და სურათსაც მაყურებელთა უმეტესობა, მსახიობის გამო ნახულობდა.

    ევას შეეძლო ფილმში „შავი ორქიდეა“ ეთამაშა. მაგრამ რეჟისორ ბრაიან დე პალმას შემოთავაზებაზე, მან რატომღაც უარი განაცხადა. ჯერჯერობით, მის ანგარიშზე 10 - ზე მეტი ჰოლივუდური ფილმია.

    რაც შეეხება მოდელობას, ევა აქ მსოფლიოს ცნობილ კომპანიებთან: Christian Dior, Lancôme, Emporio Armani თანამშრომლობს.

    ამჟამად, ევა გრინი Breil Jewels პროდუქციას უწევს რეკლამას. ევა ახალი სუნამოს Dior Midnight Poison - ის სახესაც წარმოადგენს.

    პ ი რ ა დ ი: მსახიობს გადატვირთული ცხოვრება აქვს. თავისუფალი დროს გატარებას, ევა მყუდრო გარემოში ცდილობს. ის უბრალოდ სეირნობს სოფლის მიდამოებში ძაღლთან ერთად, დადის კინოში მეგობრებთან ერთად. ბუნებით, მსახიობი „old lady“ - ია და აღნიშნავს ხოლმე, რომ ის ამ ხმაურიან საუკუნეს არ ეკუთვნის. მისი ნება რომ იყოს, მე-19 ს-ში იცხოვრებდა, მდიდრულ ოჯახში.

    2005 წელს მხატვრული ფილმის „Kingdom of Heaven“ გადაღებისას მან მსახიობი მარტინ ჩოკაშე გაიცნო. წყვილი სურათში ცოლქმარს თამაშობდა. ისე მოხდა, რომ სცენიდან ერთმანეთისადმი სიმპათიებმა, რეალურ ცხოვრებაში გადაინაცვლა. მაგრამ ქორწინებამდე საქმე არ მისულა. 2009 წელს წყვილი ერთმანეთს დაშორდა.

    ამჟამად, ევა ორ ქვეყანაში ცხოვრობს. მას სახლი პარიზსა და ლონდონში აქვს. მისი საყვარელი მსახიობებია: ედვარდ ნორტონი და იზაბელ აჯანი. როგორც მსახიობმა აღნიშნა, მას კინოსკენ ფილმის „L'histoire d'Adèle H.“ ნახვამ უბიძგა, სადაც მთავარ როლს აჯანი ასრულებდა.
    ფ ი ლ მ ე ბ ი:
    2016 - Miss Peregrine's Home for Peculiar Children
    2014 - Sin City: A Dame to Kill For
    2014 - The Salvation
    2014 - White Bird in a Blizzard
    2013 - 300: Rise of an Empire
    2012 - Dark Shadows
    2010 - Perfect Sense
    2010 - Womb
    2009 - Cracks
    2008 - Franklyn
    2007 - The Golden Compass
    2006 - Casino Royale
    2005 - Kingdom of Heaven
    2004 - Arsène Lupin
    2003 - The Dreamers
    ს ე რ ი ა ლ ე ბ ი:
    2014 - Penny Dreadful
    2011 - Camelot









სხვა მსახიობები
კომენტარი (0)
avatar
ნავიგაცია
სიახლე
Загрузка...
მსახიობები ყველას ნახვა
კინო სიახლე ყველას ნახვა
შემთხვევითი
პოპი დრეიტონი / Poppy Drayton
რეიტინგი: 4.7
ხმა: (3)
ილაიდა ჩელიქი / İlayda Çelik
რეიტინგი: 5.0
ხმა: (1)
სერჰატ თეომანი / Serhat Teoman
რეიტინგი: 5.0
ხმა: (3)
რასელ ქროუ / Russell Crowe
რეიტინგი: 5.0
ხმა: (2)
ანა საფრონჩიკი / Anna Safroncik
რეიტინგი: 4.0
ხმა: (1)
ჰო ჩჟუნ ჰო / Hu Joon Ho
რეიტინგი: 5.0
ხმა: (2)
ბრედ პიტი / Brad Pitt
რეიტინგი: 0.0
ხმა: (0)
საავტორო მფლობელებისთვისკონტაქტი

© 2015
მაღლა
loading...