VAKINO.COM

» » ერკან პეთეკაია / Erkan Petekkaya

ერკან პეთეკაია / Erkan Petekkaya

რეიტინგი:
დაბადების სახელი:
ერკან პეთეკაია
დაბადების თარიღი:
1971 წლის 11 დეკემბერი
დაბადების ადგილი:
ელიაზიგი, თურქეთი
პროფესია:
მსახიობი
კარიერა:
1998-2012
ბიოგრაფია: ახალგაზრდა თურქ მსახიობთა თაობისთვის სამაგალითო და ქალთა გულისმპყრობელი ცნობილი თურქი მსახიობი, ერქან პეთექაია 1971 წელს დაიბადა. ის ჯერ კიდევ პატარა იყო, როცა ოჯახი მივარდნილ ქალაქ ელაზიგიდან, სტამბულში გადასახლდა. მსახიობმა ბავშვობა აქ გაატარა.

სკოლის დამთავრების შემდეგ, გადაწყვეტილება მიიღო სწავლა ანატოლიის სახელმწიფო კონსერვატორიის დრამატულ ფაკულტეტზე გაეგრძელებინა. ჯერ კიდევ სტუდენტი იყო, როცა სამსახიობო ძალების მოსინჯვა ფილმში "Alman Avrat'ın Bacısı" სცადა, სადაც რიგითი როლი შეასრულა. ამ ფილმს მისთვის წარმატება არ მოუტანია. კონსერვატორიაში სწავლის დამთავრები შემდეგ, 1993 წელს ერქანი სტამბულის სახელმწიფო თეატრში იწყებს მუშაობას.

1998 წელს ახალგაზრდა მსახიობს კვლავ მიეცა შესაძლებლობა გამოჩენილიყო ეკრანზე. მართალია, სატელევიზიო სერიალში „Aynali tahir“, მას მთავარი როლი არ შეხვდა, მაგრამ კადირ არსლანის როლი ისე დამაჯერებლად შეასრულა, რომ ცნობილმა თურქმა რეჟისორმა ერჰან ბაითიმირმა, იმავე წელს - სერიალში „Guzel Gunler“ მიიწვია ერთ-ერთ მთავარ როლზე. აქ განსახიერებულმა როლმა მსახიობს დიდი წარმატება და სახელი მოუტანა. ის უკვე ცნობილი გახდა თურქეთში. მაგრამ, ქვეყნის გარეთ საყოველთაო აღიარებას, ერქანმა 2008 წელს მიაღწია სერიალში „Sessiz firtina“ ვიგით სანჯაქთარის როლის შესრულებით. ამ ორი სერიალის 10 წლიანი შუალედის შემდეგ, მსახიობი არჩევანის წინაშე დადგა: დარჩენილიყო თეატრში, თუ თავისი შემდგომი კარიერა კინოსთვის დაეკავშირებინა. ცხადია, მსახიობმა კინო აირჩია, რითაც საკუთარი თაყვანისმცემლები ძლიერ გაახარა. ერქანმა სამსახიობო კარიერის მანძილზე, 15 სურათის გადაღებაში მიიღო მონაწილეობა. მათგან განსაკუთრებით აღსანიშნავია: 2003 წელს ფილმი «Tastan kalp», იმავე წელს მინი-სერიალი „Serseri“, 2005 წელს მინი-სერიალი „Köpek“, 2005-2007 წწ-ში სერიალი „Beyaz Gelincik“, 2008 წელს სერიალი „Son bahar“, 2009 წელს ფილმი „Gecenin Kanatlari“, 2010-2013 წწ-ში სერიალი „Oyle Bir Gecer Zaman ki“. 2012 წელს, მსახიობმა კვლავ შეძლო ქალთა გულების დაპყრობა სერიალში - „Dila Hanim“, რიზა სელამოღლუს როლის შესრულებით.

ასევე წარმატებულად ასრულებს იგი ჯიჰანის როლს, 2014 წელს დაწყებულ პროექტში, „Paramparça“ – „ნამსხვრევები“, რომლის გადაღებებიც დღემდე გრძელდება. 2015 წელს მსახიობმა, მუშაობა დაიწყო ახალ სერიალზე „Yeni Dünya“, სადაც ის მთავარ როლს (მეჰმეთ ალი) თამაშობს. მსახიობი ამ როლის აღებაზე, თავდაპირველად, თავს იკავებდა, რადგან მას უარყოფითი პერსონაჟი უნდა ეთამაშა. ძალიან განიცდიდა იმას, თუ როგორ მიიღებდა მას მაყურებელი და ხომ არ გამოიწვევდა ამ როლის განსახიერება, საყვარელ თაყვანისმცემელთა შემცირებას? საბედნიეროდ, ყველაფერმა მშვიდობიანად ჩაიარა და კაპიტან ალის როლი ერქანის შემოქმედებაში ერთ-ერთი საუკეთესო შეიქნა. ამ როლმა მისი თაყვანისმცემელთა რაოდენობა - არა თუ შეამცირა, არამედ ერთი ორად გაზარდა. აღნიშნულ სერიალში, კაპიტან ალის როლის შესრულებისთვის მსახიობმა უკვე 22 ჯილდო მიიღო.

ერქანი ძირითადად ისეთ ჟანრებში მუშაობს, როგორიცაა: მელოდრამა, დრამა და სათავგადასავლო.

პ ი რ ა დ ი: ერქან პეთექაია, არა მარტო ნიჭიერი მსახიობია, არამედ ჩინებული მეოჯახეც. მას ჰყავს მეუღლე დიდემ პეთექაია, რომელიც ძალიან უყვარს. წყვილი ერთად ზრდის ვაჟიშვილს, რომელსაც ჯანო ჰქვია.
წყაროებიდან ინფორმაციები მოიპოვა და მასალა მოამზადა: ვაჟა ჩომახიძემ

ფ ი ლ მ ე ბ ი:
2009 - Gecenin Kanatlari
2003 - Tastan kalp

ს ე რ ი ა ლ ე ბ ი:
2015 - Yeni Dünya
2014 - Paramparça
2012 - Dila Hanim
2010 - 2013 - Oyle Bir Gecer Zaman ki
2008 - Son bahar
2007 - 2008 -Sessiz firtina
2005 - 2007 - Beyaz Gelincik
2005 - Köpek
2003 - Serseri
1998 - Guzel Gunler
1998 - 1999 - Aynali tahir

თარგმნა: ვ. ჩომახიძე

ერკან პეთეკაია / Erkan Petekkaya

კომენტარები

დატოვე კომენტარი
avatar