VAKINO.COM
მთავარი მსახიობები სერიალები

» » დოლფ ლუნდგრენი / Dolph Lundgren

დოლფ ლუნდგრენი / Dolph Lundgren

რეიტინგი:
დაბადების სახელი:
ჰანს ლუნდგრენი
დაბადების თარიღი:
1957 წლის 3 ნოემბერი
დაბადების ადგილი:
სტოკლჰოლმი, შვეცია
პროფესია:
მსახიობი, რეჟისორი,სცენარისტი, პროდიუსერი
კარიერა:
1985 წლიდან
ჰოროსკოპი:
მორიელი
სიმაღლე:
195 სმ
ბიოგრაფია: ამერიკელი მსახიობი, რეჟისორი, სცენარისტი და პროდიუსერი დოფ ლუდდგრენი შვედური წარმოშობისაა. ის ცნობილია 1980-90 - იან წლებში გადაღებული მძაფრსიუჟეტიანი ფილმებით. ცნობილი გახდა 1985 წელს შესრულებული საბჭოთა მოკრივის ივან დრაგოს როლით მხატვრული ფილმიდან „Rocky IV“. ის გადაღებულია 50-ზე მეტ ფილმში, რომელთაგან აღსანიშნავია: „Showdown in Little Tokyo, Universal Soldier, Masters of the Universe, The Joshua Tree, The Punisher, The Expendables 2 “. დოლფი სპანგში დაიბადა, სტოკჰოლმის გარეუბანში. კარლ და ბრიგიტას საშუალო ფენის ოჯახში. კარლი ინჟინერი იყო და ეკონომისტად მუშაობდა შვეციის მთავრობაში, ბრიგიტა კი - სკოლაში უცხო ენებს ასწავლიდა. ოჯახში დოფის გარდა კიდევ სამი ბავშვი იყო: გოგონები - ანიკა და კატარინა და ძმა იოჰანი. როგორც მსახიობის მოგონებებიდან ჩანს, მამა ხშირად ატეხდა თავს რისხვას დაფს და დედამისს. ჩხუბისას კარლი თავის შვილს ხშირად უწოდებდა „წარუმატებელს“, რაც ბიჭს იმის სურვილით აღავსებდა, რომ მამისთვის საწინააღმდეგო დაემტკიცებინა. მან ერთ-ერთ ინტერვიუში განაცხადა: „მიუხედავად ყველაფრისა, მე მაინც ძველებურად მიყვარს მამაჩემი“. სწორედ, მამასა და შვილს შორის არსებულმა წინააღმდეგობამ განაპირობა კონტაკტური ორთაბრძოლებისადმი ბიჭის გატაცება და სიყვარული. მან ძალები მოსინჯა: ძიუდოში, კარატე გოძიურიუში და ბოლოს, არჩევანი კიოკუსინკაიზე შეაჩერა.

მსახიობი საშუალო სკოლის დამთავრების შემდეგ, აშშ-ში წავიდა და სწავლა ვაშინგტონის უნივერსიტეტში დაიწყო, შემდეგ კი - კლემსონის უნივერსიტეტში განაგრძო. მაგრამ მალე სამშობლოში დაბრუნდა, რათა თავისი ქვეყნის შეიარაღებულ სამსახურში საყოველთაო ვალი მოეხადა. არმიაში ჩარიცხვის შემდეგ, ის სამსახურისთვის ფლოტში გაამწესეს და მომზადება გაიარა შვედეთის სპეცდანიშნულების სასწავლო ცენტრში, რომელიც 1979 წელს დაამთავრა. სამსახურისას მან სერიოზული ტრავმა მიიღო და ჯარიდან ვადაზე ადრე დაითხოვეს.

რეზერვში გასვლის შემდეგ, მსახიობმა სტოკჰოლმის სამეფო ტექნოლოგიური ინსტიტუტი დაამთავრა და ქიმიკოს-ინჟინერის ბაკალავრის ხარისხი მიიღო. 1982 წელს მან სიდნეის უნივერსიტეტის ქიმიკოს მანქანათმშენებლის მაგისტრის დიპლომი აიღო. 1983 წელს იგი ფულბრაიტ მასაჩუსეტის ტექნოლოგიური ინსტიტუტის სტიპენდიანტი გახდა, რითაც გზა გაეხსნა მეცნიერებათა დოქტორის ხარისხის მოსაპოვებლად. სიდნეის უნივერსიტეტში სწავლისას, დოფი ღამის კლუბში მუშაობდა, სადაც მომღერალ გრეის ჯონსთან გააბა ურთიერთობა, რომელიც აქ კონცერტების ჩასატარებლად იყო ჩამოსული. ჯონსმა იგი პირად მცველად აიყვანა. თანდათან მათ შორის მჭიდრო ურთიერთობა ჩამოყალიბდა და ლუნდგრენი ბოსტონის ნაცვლად ნიუ-იორკში გადავიდა.

აქ მსახიობი, ჯონსთან ერთად ცხოვრობდა. მან სამოდელო ბიზნესში გადაწყვიტა მოღვწეობა, მაგრამ დაიწუნეს ზედმეტი სიმაღლის გამო. მაშინ დოლფმა ღამის კლუბში დაიწყო მუშაობა, სადაც ჩეზ პალმინტერი გაიცნო. დღისით, დოლფი უორენ რობერტსონის სამსახიობო დაოსტატების სკოლაში დადიოდა, სადაც ის დაუმეგობრდა: ენდი მაკდაუელს და ტომ ჰალსომს. თავისი გასაოცარი აღნაგობის წყალობით, ის მკვეთრად გამოირჩეოდა საზოგადოებაში და მეგობრების გამალებით უჩიჩინებდნენ, რომ ძალები კინოში მოესინჯა. და ისიც ასე მოიქცა. „ჯეიმს ბონდის“ ერთ-ერთი ნაწილის გადაღებისას, გრეის ჯონსის დახმარებით, მას კგბ-ს გენერლის მცველის პატარა როლი მისცეს. ამან ინტერესი გამოიწვია მსახიობში და მალე ქასტინგების აგენტს, რომელიც სილვესტერ სტალონესთან მუშაობდა, თავისი ფოტოები გაუგზავნა ვიდეო ფირთან ერთად. აგენტი მაშინ ფილმ „როკი 4“-სთვის, მთავარი როლში, უარყოფითი გმირის შემსრულებელ მსახიობს ეძებდა. თავდაპირველად, 195 სმ-იანი შვედი აქაც დაიწუნეს სიმაღლის გამო, მაგრამ მსახიობმა ახალი ფოტოები დაამზად მოკრივის ფორმაში და 5000 ათას კანდიდატს შორის მაინც შეძლო საბჭოელი მოკრივის, ივან დრაგოს როლი მისი გამხდარიყო. სტალონემ მას შესთავაზა, რომ გადაღებისას ნამდვილად, სერიოზულად ეჩხუბათ. დოლფი ამაზე უარს ამბობდა, მაგრამ სილვესტერმა ვერ მოისვენა და შედეგად ის მიიღო, რომ ორი ნეკნი გაუტეხეს და საავადმყოფოში მოათავსეს, რის გამოც ფილმის გადაღება გარკვეული ხნით შეჩერდა. ერთ-ერთი პრემიერისას, დოლფმა ინტერვიუში განაცხადა, რომ „დარბაზში შევედი, როგორც გრეის ჯონსის ბიჭი, იქედან კი - 90 წუთის შემდეგ, გამოვედი როგორც - კინოვარსკვლავი დოლფ ლუნდგრენი“.

პირველი მთავარი როლი მსახიობმა 1987 წელს შეასრულა მძაფრსიუჟეტიან ფანტასტიკურ ფილმში „Masters of the Universe“. ფილმი ფაქტიურად ჩავარდა. ის არც მაყურებელს მოეწონა და არც კრიტიკას. 1992 წელს მან უარყოფითი გმირის სახე ითამაშა ფილმში „universal Soldier“. 2010 წელს და 2012- ში ამ ფილმის მესამე და მეოთხე ნაწილებში თამაშის შემდეგ, მას მაყურებელმაც და კრიტიკამაც შედარებით მოწყალე თვალით გადახედა. მსახიობი 2015 წელს 4 ფილმში გადაიღეს. ასევე იღებენ მას 3 ფილმში, რომლის გამოცემას 2016 წელსაა დაგეგმილი.

პ ი რ ა დ ი: გრეის ჯონსის გარდა, მსახიობს ახლო ურთიერთობა ჰქონდა ფოტო-მოდელ პოლ ბარბერთან, ჯენის დიკინსონთან და სტეფანი ადამსთან. ასევე მსახიობებთან: სამანტა ფილიპსთან და ლესლი ენ ვუდვორდთან. 1990 წელს დოლფმა სამკაულების დიზაინერი, შვედი ანეტ კვიბერგი გაიცნო და 1993 წელს ფილმის „universal Soldier“ პრესტურისას ხელი შესთავაზა. 1994 წელს მათ იქორწინეს და წყვილი თაფლობის თვის აღსანიშნავად მარაკეში გაემგზავრა. იქიდან დაბრუ-ნების შემდეგ - ესპანეთში, მარბელში დასახლდნენ, სადაც მათი ქორწილი შედგა. 1996 წელს მათ ქალიშვილი იდა სიგრიდ ლუნდგრენი შეეძინათ, 2001 წელს კი - მეორე ქალიშვილი გრეტა ეველინ ლუნდგრენი. ბავშვები რომ ნორმალურად აღეზარდათ წყვილმა ჰოლივუდისგან მოშორებით ცხოვრება გადაწყვიტა.

2009 წელს დოლფის ვილას სამი ნიღბიანი მძარცველი დაესხა თავს, რომლებმაც სახლში მყოფი მეუღლე გათოკეს, მაგრამ გაიქცნენ, როცა გაიგეს, რომ სახლი ლუნდგრენს ეკუთვნოდა. მოგვიანებით მსახიობი ირწმუნებოდა, რომ მძარცველები აღმოსავლეთ ევროპიდან იყვნენ და თავისი კავშირებით ცდილობდა მათ პოვნას, რაც საბოლოოდ მან ვერ შეძლო.

2011 წელს ცოლქმარმა განქორწინებაზე გააკეთა განცხადება, თუმცა ამ დროს ისინი ერთმანეთისგან განცალკევებით ცხოვრობდნენ. 2011 წელს ოსკარის გადაცემისას, შვედური პრესა იუწყებოდა, რომ მსახიობი ახალ შეყვარებულთან ერთად იხილეს. ფ ი ლ მ ე ბ ი:
1985 - A View to a Kill
1985 - Rocky IV
1987 - Masters of the Universe
1988 - Red Scorpion
1989 - The Punisher
1990 - I Come in Peace
1991 - Cover-Up
1991 - Showdown in Little Tokyo
1992 - Universal Soldier
1993 - Joshua Tree
1994 - Pentathlon
1994 - Men of War
1995 - Johnny Mnemonic
1995 - The Shooter
1996 - Silent Trigger
1997 - The Peacekeeper 1998 - The Minion
1998 - Sweepers
1999 - Bridge of Dragons
1999 - Storm Catcher J
2000 - Jill Rips
2000 - The Last Warrior
2001 - Agent Red
2002 - Hidden Agenda
2003 - Detention Sam Decker
2004 - Direct Action
2004 - Fat Slags
2004 - Retrograde
2004 - The Defender
2005 - The Mechanik
2006 - The Inquiry
2007 - Diamond Dogs
2007 - Missionary Man
2009 - Direct Contact
2009 - Command Performance
2009 - Universal Soldier
2010 - Icarus
2010 - The Expendables
2011 - In the Name of the King 2: Two Worlds
2012 - Small Apartments
2012 - Stash Хоусе
2012 - Universal Soldier: Day of Reckoning
2012 - One in the Chamber
2012 - The Expendables 2
2013 - The Package
2013 - Legendary: Tomb of the Dragon
2013 - Battle of the Damned
2013 - Ambushed
2013 - Blood of Redemption
2013 - A Man Will Rise
2014 - Puncture Wounds
2014 - The Expendables 3
2014 - Skin Trade
2016 - Hail, Caesar!








თარგმნა: ვ. ჩომახიძე

დოლფ ლუნდგრენი / Dolph Lundgren

კომენტარები

დატოვე კომენტარი
avatar