VAKINO.COM
მთავარი მსახიობები სერიალები

» » დენიელ რედკლიფი / Daniel Radcliffe

დენიელ რედკლიფი / Daniel Radcliffe

რეიტინგი:
დაბადების სახელი:
დენიელ ჯეიკობ რედკლიფი
დაბადების თარიღი:
1989 წლის 23 ივლისი
დაბადების ადგილი:
ფულჰემი, ლონდონი, ინგლისი, დიდი ბრიტანეთი
პროფესია:
მსახიობი
კარიერა:
1999 წლიდან - დღემდე
ჰოროსკოპი:
ლომი
სიმაღლე:
165 სმ.
ბიოგრაფია: დენიელ რდკლიფი 1989 წელს დაიბადა 23 ივლისს, ლონდონის დასავლეთით - ფულჰემში. ოჯახში მხოლოდშობილი ბავშვი იყო. დედა - მარსია ჯანინ გრეშემ ჯეიკობსონია, ქასთინგების აგენტი. წარმოშობით ებრაელი. მამა - ალან ჯორჯ რედკლიფი, ლიტერატურის აგენტი, პროტესტანტი, რომელიც ჩრდილო ირლანდიიდან ჩამოსულთა ოჯახიდანაა წარმოშობით.

დენიელი ჯერ კიდევ 5 წლის იყო, როცა მსახიობობისადმი ინტერესი გამოიჩინა. ის სკოლის წარმოდგენაში გამოჩნდა მაიმუნის როლის შესრულებით. მსახიობი მოგვიანებით ინტერვიუში გამოტყდა, რომ ძალიან ეშინია იმის, თუ როდესმე ეს სასკოლო წარმოდგენის ჩანაწერი ტელე ეთერში მოხვდება. რედკლიფმა ვაჟთა ორ კერძო სკოლაში მიიღო განათლება: «Sussex House» - ში და City of London -ში. აქ გასათვალისწინებელია ის გარემოება, რომ სკოლაში სიარული გარკვეულ ხანს ბიჭს გაუჭირდა, რადგან ჰარი პოტერის პირველ ნაწილში როლის შესრულების გამო, შურიანი თანაკლასელები მის მიმართ მტრულად განეწყვნენ. საბოლოო ჯამში, ბიჭმა სკოლას თავი დაანება ჰარი პოტერის პირველი ნაეილის გადაღებისთანავე.

დევიდს დიდი სურვილი ჰქონდა ჩარლზ დიკენსის ოლივერ ტვისტის როლი ეთამაშა ტელეფილმში და მშობლებს ნებართვას სთხოვდა, მაგრამ დედ-მამამ ბიჭს ამაზე საუბარი აუკრძალა, რადგან არ სურდათ თავიანთი ერთადერთ შვილს ოცნებები დამსხვრეოდა. თუმცა 1999 წელს, ახალგაზრდა მსახიობი, პირველად გამოჩნდა ეკრანზე, ჩარლზ დიკენსის რომანის მიხედვით გადაღებულ BBC - ის სატელევიზიო ფილმში, დევიდ კოფერფილდის როლით. ამჯერად, თავად დედამ გაგზავნა შვილის ფოტოსურათი BBC - ში. მაყურებელმა ტელეფილმი კარგად მიიღო, ხოლო, დევიდი, რომელმაც ასობით ბიჭს აჯობა ქასთინგზე, ფილმის პროდიუსერმა, ქეით ჰარვუდმა, შეაქო. მან განაცხადა, რომ: „ყმაწვილისთვის დამახასიათებელია ბუნებრიობა და სანდომიანობა. ამასთან, მასთან მუშაობა ძალიან ადვილია“. 2001 წელს ახალგაზრდა მსახიობს, ეპიზოდური როლი შეხვდა ფილმში „მკერავი პანამიდან“. დენიელმა აქ ჯეიმი ლი კერტისა და ჯეფრი რაშას შვილის როლი ითამაშა. სანამ რედკლიფს ფილმში იღებდნენ, მანამ ინგლისში ტალანტების ძებნა დაიწყეს ბავშვებში პოპულარული წიგნის „ჰარი პოტერის“ ეკრანიზაციისთვის.

პოტერის პირველი ორი სურათის გადაღების შემდეგ, რეჟისორი კრის კოლამბუსი, ერთხელ „დევიდ კოპერფილდის“ კასეტას წააწყდა. მან ფილმი ბოლომდე ნახა და თავის ასისტენტს სთხოვა მოეძებნა მთავარი როლის შემსრულებელი ახალგაზრდა მსახიობი. იმ დროისთვის, ჰარი პოტერის სინჯები 9 თვის დაწყებული იყო და მისი როლისთვის ქასტინგი 16 ათას ბიჭს ამაოდ ჰქონდა გავლილი. ის კი არა და, უკვე ხუმრობდნენ კიდეც, რომ ფილმის გადაღება მთავარი გმირის გარეშე მოუწევდათ.

თუმცა, როცა რედკლიფი სინჯებზე მიიწვიეს, მისმა მშობლებმა ფეხები ითრიეს. მათ არც ამჯერად სურდათ შვილი სინჯებზე გაეშვათ. მაგრამ, პროდიუსერი შემთხვევით შეხვდა დენიელს მობლებთან ერთად თეატრში. აღმოჩნდა, რომ დევიდ ჰეიმანი დენიელის მამას, ალანს იცნობდა. ჰეიმანმა ყურადღებით დაათვალიერა ბიჭი და მიხვდა, რომ მას ყველაფერი ჰქონდა, რაც ჰარი პოტერს სჭირდებოდა. მომავალი ვარსკვლავის მამა საბოლოოდ დარწმუნდა, რომ გადაღებები გარდაუვალი იყო, რადგან მისი ვაჟი რეალურად შეეფერებოდა ჰარის როლს და რედკლიფი მართლაც დაამტკიცეს ამ როლზე. „მე ორგვარი რეაქცია მქონდა, როცა როლის შესახებ გავიგე, - ამბობდა დენიელი, რადგან ძალიან ბედნიერი ვიყავი! შემდეგ კი, რამდენიმე საათში, შუაღამისას, გამომეღვიძა, მივირბინე მშობლებთან საძინებელში და ვკითხე მათ, ეს მართლა მოხდა, თუ დამესიზმრა“.

დენიელს რუპერტ გრინომთან და ემა უოთსონთან ერთად მოუწევდა თამაში. წიგნის ავტორმა, ჯოანა როულინგმა, ახალგაზრდა მსახიობები პირადად დაამტკიცა როლებზე. 2000 წელს დაიწყეს ფილმის, „ჰარი პოტერი და ფილოსოფიური ქვა“, გადაღება. სურათი ეკრანებზე 2001 წლის ნოემბერში გამოვიდა. პრემიერიდან სამი დღის შემდეგ, ფილმის მეორე ნაწილის „ჰარო პოტერი და საიდუმლო ოთახი“ გადაღება დაიწყეს, რომელიც ეკრანებზე 2002 წელს გამოვიდა. ფილმის პირველმა პრემიერამ ხმაურიანი აღიარება მოუტანა ახალგაზრდა მსახიობს. მსოფლიო გამოცემების ყდები მისი ფოტოსურათებით მოიფინა.

გადაღებების დროს ყველა გაოცებული იყო დენიელის ფიზიკური მომზადებით. ის თავად ასრულებდა ყველა ტრიუკს და მხოლოდ ყველაზე სახიფათო სცენებში უკეთებდნენ კასკადიორები დუბლირებას. შემდგომ სურათებში: „ჰარი პოტერი და უზნაკ აზკაბანი“ (2004), „ჰარი პოტერი და ცეცხლის თასი“ (2005), ტრიუკები უფრო გართულდა. დენიელი ბევრს ვარჯიშობდა წყალქვეშა გადაღებებისთვის და თავად გადმოხტა 50 ფუტის სიმაღლიდან. 2007 წელს გამოვიდა „ჰარი პოტერი და ფენიქსის ორდენი“. ამ დროისთვის, მსახიობი რამდენადმე უფროსი იყო თავის გმირზე, მაგრამ პუბლიკა მის გამოჩენას ჰარი პოტერის როლში, დიდი აღფრთოვანებით შეხვდა. ჰარი პოტერის მე - 4 და მე -5 სეზონების შუალედში, მსახიობი დრამატულ ფილმში „დეკემბრის ბიჭი“ გადაიღეს. ეს სურათი ოთხ მეგობარზეა, რომლებიც ოჯახური ბედნიერებისთვის ერთმანეთს დაუპირისპირდნენ.

დენიელმა, ჰარი პოტერის პირველ ფილმში მონაწილეობისთვის, 120 ათასი ფუნტი სტერლინგი მიიღო ჰონორარი, ხოლო, ფილმში „ცეცხლის თასი“ უკვე 5,6 მილიონი. მორიგი სერიებისთვის კი არა უმცირეს 8 მილიონისა. ამჟამად, მსახიობი 40 მილიონი ფუნტი სტერლინგის მფლობელია. თუმცა, მსახიობმა კინოს გარდა, სხვა საქმითაც დაკავება გადაწყვიტა. მაგალითად, წიგნის დაწერა ან რეჟისორობა. მსახიობი სერიოზულად არის დაკავებული მუსიკით. ის გატაცებულია პან-როკითა და ბრიტ-პოპით. თავად ბას-გიტარაზე უკრავს და ოცნებობს ჯგუფის შექმნისთვის თანამოაზრეების პოვნაზე. კინოს გარდა, დენიელი 2004 წელს მუსიკალური კომედიის «The Play What I Wrote» - ის ლონდონურ ვერსიაში ითამაშა. 2007 – 2009 წწ-ში მსახიობმა ვესტ-ენდში, პიტერ შეფერის პიესაში ითამაშა, შემდეგ კი ბროდვეიში.

[b]პირადი ცხოვრება:[/b] 2008 წელს დენიელმა განაცხადა, რომ დისპრაქსიისგან იტანჯება. და საკუთარი ხელით ფეხსაცმლის თასმების შეკვრაც კი არ შეუძლია. იმავე წელსვე აღიარეს, რომ დენიელი ალკოჰოლიზმითაა შეპყრობილი. მას შემდეგ, რაც მსახიობმა წარმატებებს მიაღწია, გადაწყვიტა ცხოვრებისეულ სიამოვნებებს მინდობოდა. მოგვიანებით მან თავის მავნე ჩვევაზე განაცხადა. დენიელი ათეისტია. ის ამაყობს იმით, რომ ებრაელია. 2009 წელს რედკლიფმა განაცხადა, რომ მხარს ლიბერალ დემოკრატებს უჭერს. დენიელი განსხვავებული ორიენტაციის პირების დიდი ქომაგია. მსახიობი გეების უფლებებისთვის იბრძვის და ჰომოჰობიის წინააღმდეგ გამოდის. მან განაცხადა, რომ სძულს ის ხალხი, ვინც ლესბოსელებს ვერ იტანს. 2011 წელს, დევიდმა დიდი თანხა ჩადო სექსუალურ უმცირესობათა დაცვის პროექტში, რისთვისაც «Hero Award» - ის ჯილდო გადაეცა.

212 წელს მსახიობმა განაცხადა, რომ რეჟისორის ასისტენტ როზი კოკეს ხვდება, მაგრამ, ოქტომბერშივე გახდა ცნობილი, რომ წყვილი ერთმანეთს დაშორდა.

ნომინაციები: 2002 - 2006 -.2012 წწ. - MTV Movie Awards U.S.
>b>წყაროებიდან ინფორმაციები მოიპოვა და მასალა მოამზადა: ვაჟა ჩომახიძემ

ფ ი ლ მ ო გ რ ა ფ ი ა:
1999 - David Copperfield
2001 - The Tailor of Panama
2001 - Harry Potter and the Philosopher's Stone
2002 - Harry Potter and the Chamber of Secrets
2004 - Harry Potter and the Prisoner of Azkaban
2005 -Harry Potter and the Goblet of Fire
2006 - The Children's Party at the Palace
2007 - Order of the Phoenix
2007 - December Boys
2007 - My boy Jack
2009 - Harry Potter and the Half-Blood Prince
2010 - «Treehouse of Horror XXI» The Simpsons: Treehouse of Horror
2010 - Harry Potter and the Deathly Hallows – Part 1
2010 - Harry Potter and the Forbidden Journey
2011 - Harry Potter and the Deathly Hallows – Part 2
2012 - The Woman in Black
2012 - A Young Doctor's Notebook
2013 - Kill Your Darlings
2013 - The F Word / What If
2013 - Horns
2015 - Frankenstein
2016 - Now You See Me: The Second Act

თარგმნა: ვ. ჩომახიძე

დენიელ რედკლიფი / Daniel Radcliffe

კომენტარები

დატოვე კომენტარი
avatar