loading...

დენიელ დეი-ლიუისი / Daniel Day-Lewis

რეიტინგი: 0.0 (0 ხმა)
  • დაბადების სახელი: დენიელ მაიკლ ბლეიქ დეი-ლიუისი
  • დაბადების თარიღი: 29 აპრილი, 1957 წელი
  • დაბადების ადგილი: ლონდონი, ინგლიდი, დიდი ბრიტანეთი
  • პროფესია: მსახიობი
  • კარიერა: 1965 წლიდან
  • ზოდიაქო: ვერძი
  • სიმაღლე: 188 სმ.


  • ბიოგრაფია: ეჭვგარეშეა რომ, დენიელ დეი-ლიუისი თანამედროვე ჰოლივუდის ისტორიაში ერთ-ერთი საუკეთესო მსახიობია. მისი ცხოვრება განუყრელადაა დაკავშირებული კინემატოგრაფიასთან. იგი ამერიკული კინოს ნაწილი გახდა. მისი სამსახიობო ისტორია მრავალ როლსა და სხვადასხვა კონოფესტივალების ჯილდოებს მოიცავს.

    მსახიობი 1957 წელს დაიბადა ლონდონში. მისი ოჯახი არისტოკრატიული წარმოშობისაა. ის ბავშვობიდანვე ყველაფრით უზრუნველყოფილი გახლდათ და ამიტომ თავად შეეძლო აერჩია მომავლის პროფესია. დენიელმა მსახიობობა გადაწყვიტა. ის თავის დაიკოსთან ერთად, ხშირად მართავდა ოჯახურ დადგმებს საყვარელი ნაწარმოებებდან, რომლებსაც მშობლები და მოწვეული სტუმრები ესწრებოდნენ.

    დენიელის მამა - სესილ დეი-ლიუისი ცნობილი პოეტი იყო და შვილს ყველაფერში მხარდაჭე-რას უცხადებდა. დედა - ჯილ ბლექონი, გავლენიანი კინომაგნატის ქალიშვილი იყო. მსახიობს ბავშვობიდანვე ამეცადინებდნენ თეატრის პედაგოგებთან და რეპეტიტორებთან. მომავალი, თითქოს უღრუბლო სჩანდა, მაგრამ ერთ წამში დაინგრა ყველაფერი...

    13 წლის ასაკში, დენიელს მამა კიბოთი გარდაეცვალა. ამ მოვლენამ ბიჭს დიდი სულიერი ტრავმა მიაყენა. მას პრობლემები გაუჩნდა თანაკლასელებთან. ხულიგნობის გამო, ის ელიტური სკოლიდან გარიცხეს. ამის შემდეგ, ყველაფერი აირია. ახალ სკოლაში დენიელი ახალგაზრდული ბანდის წევრი გახდა, შემდეგ კი - მუდმივი პრობლემები ჰქონდა სამართალ დამცავებთან.

    ერთადერთ სულიერ საზრდოს იგი თეატრში პოულობდა, რომელიც მას არასოდეს დაუტოვებია. სკოლაში ჩამორჩენილობის კვალდაკვალ, მას უდიდესი წარმატებები ჰქონდა თეატრში, რამაც გარკვეულ წილად შეუწყო ხელი იმ გარემოებას, რომ სკოლა მშვიდობიანად დაემთავრებინა.

    რაოდენ პარადოქსად არ უნდა მოგვეჩვენოს, სწორედ, ინგლისურ ბანდებთან კავშირმა შეუწყო ხელი მსახიობის დიდ კინოში მოხვედრას. ზუსტად ამ პერიოდისთვის, 1971 წელს, რეჟისორი ჯონ შლეზინგერი თავისი ფილმისთვის „Sunday Bloody Sunday“, რამდენიმე „ქუჩის ბიჭს“ ეძებდა. საბოლოოდ, ყურადღება დენიელსა და მის მეგობრებზე შეაჩერეს. მიუხედავად იმისა, რომ ბიჭმა ფილმში ეპიზოდური როლი შეასრულა, ამან გარკვეული გავლენა მოახდინა მის ცნობიერებაზე. დენიელმა გადაწყვიტა ცნობილი მსახიობი გამხდარიყო.

    1982 წელს მსახიობმა პატარა როლი ითამაშა „ოსკაროსან“ ფილმში „Gandhi“. სამი წლის შემდეგ კი - ორ ფილმში: „My Beautiful Laundrette“ და „A Room with a View“ გადაიღეს. 1985 წელი ნამდვილი ტრიუმფი აღმოჩნდა ახალგაზრდა მსახიობისთვის. მისი ორთავე როლი, აშშ-ს კინოკრიტიკოსთა ნაციონალური საბჭოს და ნიუ-იორკის კინოკრიტიკოსთა საზოგადოების პრესტიჟული ჯილდოებით აღინიშანა. ეს მხოლოდ დასაწყისი იყო, მის ვარსკვლავურ გზაზე.

    1988 წელს დენიელმა პირველიად შეასრულა მთავარი როლი სურათში „Unbearable Lightness of Being“, რომელიც მსახიობისთვის ახალი ტრიუმფი აღმოჩნდა. ამ დღიდან, დენიელი ჰოლივუდის საუკეთესი მსახიობთა დასის წევრი გახდა. 1989 წელს მსახიობი BAFTA-ს პრემიით დააჯილდოვეს ფილმში „My Left Foot: The Story of Christy Brown“ შესრულებული როლისთვის, რითაც მან ერთი ნაბიჯი გადადგა „ოსკარისკენ“.

    მიუხედავად იმისა, რომ აღნიშნული ჯილდოს ნომინაციაზე მსახიობი რამდენიმეჯერ წარადგინეს, მან ოსკარის მოპოვება მხოლოდ სამჯერ შესძლო: პირველად 1990 წელს, მხატვრულ ფილმში „My Left Foot: The Story of Christy Brown“ კრისტი ბრაუნის როლის შესრულებით, მეორედ - 2008 წელს ფილმში „There Will Be Blood“, დენიელ პლეინვიუს როლით და მესამედ, ფილმში „Lincoln“ აბრაამ ლინკოლნის როლის შესრულებით.

    პ ი რ ა დ ი: 1990 წელს დენიელმა ფრანგი მსახიობი იზაბელ აჯანი გაიცნო. მათი ურთიერთობა ხუთი წელი გაგრძელდა, მაგრამ საბოლოოდ სკანდალით დასრულდა. ყოფილი შეყვარებულის სახლი ქალმა დატოვა და დენიელს თავისი ორსულობის შესახებ ფაქსით შეატყობინა. შვილსა და აჯანს მსახიობი იშვიათად მოინახულებს ხოლმე. ამის შემდეგ, დენიელმა ახალი რომანი ცნობილ რეჟისორ რებეკა მილერთან გააბა. რამდენიმე ხნის შემდეგ, წყვილი დაქორწინდა და მათ ორი შვილი შეეძინათ.
    ფ ი ლ მ ე ბ ი:
    2012 - Lincoln as Abraham Lincoln
    2012 - Access to the Danger Zone as Narrator
    2009 - Nine as Guido Contini
    2007 - There Will Be Blood as Daniel Plainview
    2005 - The Ballad of Jack and Rose as Jack Slavin
    2002 - Gangs of New York as Bill 'The Butcher' Cutting
    2002 - Forever Ealing as Narrator
    1997 - The Boxer as Danny Flynn
    1996 - The Crucible as John Proctor
    1993 - In the Name of the Father as Gerry Conlon
    1993 - The Age of Innocence as Newland Archer
    1992 - The Last of the Mohicans as Hawkeye/Nathaniel Poe
    1990 - Eversmile, New Jersey as Dr. Fergus O'Connell
    1989 - My Left Foot: The Story of Christy Brown as Christy Brown
    1988 - Stars & Bars as Henderson Dores
    1988 - The Unbearable Lightness of Being as Tomas
    1986 - The Insurance Man
    1985 - A Room with a View as Cecil Vyse
    1985 - My Beautiful Laundrette as Johnny
    1984 - The Bounty as John Fryer
    1982 - Gandhi as Colin
    1982 - How Many Miles to Babylon? as Alex
    1979 - Shoestring - (1 episode)
    1979 - Shoestring - (22 episodes) as DJ
    1971 - Sunday Bloody Sunday as Youth vandalizing car
    1965 - Play of the Month - (1 episode)
    1929 - The Academy Awards - (2 episodes)
    1900 - Artemis 81 - (0 episodes)
    1900 - Thank You, P.G. Wodehouse - (0 episodes) as Psmith
    1900 - How Many Miles to Babylon? - (0 episodes) as Alex









სხვა მსახიობები
კომენტარი (0)
avatar
ნავიგაცია
სიახლე
Загрузка...
მსახიობები ყველას ნახვა
კინო სიახლე ყველას ნახვა
შემთხვევითი
ჯესიკა ბილი / Jessica Biel
რეიტინგი: 0.0
ხმა: (0)
შაჰიდ კაპური / Shahid Kapoor
რეიტინგი: 5.0
ხმა: (1)
ჰატიჯე შენდილი / Hatice Sendil
რეიტინგი: 4.0
ხმა: (6)
ილაიდა ჩელიქი / İlayda Çelik
რეიტინგი: 5.0
ხმა: (1)
სერჰატ თეომანი / Serhat Teoman
რეიტინგი: 5.0
ხმა: (3)
პიტერ დინქლეიჯი / Peter Dinklage
რეიტინგი: 0.0
ხმა: (0)
აიტანა სანჩეს ხიხონი / Aitana Sanchez-Gijon
რეიტინგი: 0.0
ხმა: (0)
საავტორო მფლობელებისთვისკონტაქტი

© 2015
მაღლა
loading...