VAKINO.COM
მთავარი მსახიობები სერიალები

» » ბილი პაიპერი / Billie Piper

ბილი პაიპერი / Billie Piper

რეიტინგი:
დაბადების სახელი:
ლეიან პოლ პაიპერი
დაბადების თარიღი:
22 სექტემბერი, 1982 წელი
დაბადების ადგილი:
სუინდონი, ინგლისი, დიდი ბრიტანეთი
პროფესია:
თეატრისა და ტელევიზიის მსახიობი, ყოფილი მომღერალი
კარიერა:
1996 წლიდან
ჰოროსკოპი:
ქალწული
სიმაღლე:
166 სმ.
ბიოგრაფია ბილის მამა, პოლ პაიპერი პროფესიით მშენებელია, დედა - მენდ კენტი დიასახლისი. დაბადებისას ბილს ლიენ პოლი დაარქვეს, მაგრამ რამდენიმე კვირის შემდეგ მშობლებმა გადაწყვეტილება შეიცვალეს და გოგონას ბილი შეურჩიეს სახელად. ოჯახში სულ ოთხი ბავშვი იზრდებოდა: ძმა ჩარლი და ბილის ორი დაიკო - ჰარლი და ელი. მათგან მსახიობი ყველაზე უფროსია. მსახიობი მეტნაკლებად ცნობილია სერიალიდან „დოქტორი ვინ“ როზი ტაილერის როლით და სერიალიდან „გოგონა გამოძახებით საიდუმლო დღიური“ ჰანა ბაქსტერის როლით.
ბილის სამსახიობო კარიერა 14 წლის ასაკიდან დაიწყო, როცა მან 1996 წელს მხატვრულ ფილმში „ევიტა“ მცირე როლი შეასრულა. ამის შემდეგ, გოგონა მოზარდების ჟურნალ "Smash Hits" - ის რეკლამებში გადაიღეს. რეკლამებს, ხმის ჩამწერ სტუდიაში მოღვაწეობის გაგრძელება მოჰყვა და უკვე 15 წლის ბილი დიდი ბრიტანეთის ჰიტ-პარადების სათავეში მოექცა სინგლებით: "Because We Want To" და "Girlfriend". რამდენიმე სინგლის შემდეგ, მომღერალმა გამოსცა ალბომი სახელწოდებით - "Honey to the B", რამელიც რამდენიმე ქვეყანაში გაიყიდა.
2000 წელს პაიპერმა თავისი მეორე ალბომი გამოსცა სახელწოდებით - "Walk of Life". რამდენიმე სინგლი ალბომიდან პოპულარული გახდა, მაგრამ მთლიანობაში იგი ისეთი წარმატებული არ აღმოჩნდა, როგორიც პირველი ალბომი იყო. საბოლოოდ, ბილმა მომღერლობას თავი დაანება და კინოში განაგრძო სამსახიობო კარიერა.
2004 წელს მსახიობმა პატარა როლები შეასრულა ისეთ ფილმებში, როგორიცაა: „კალცის ბიჭი“ და „მოასწარი ამის გაკეთება 30 - მდე“. ჯერ კიდევ 2003 წელს ბი-ბი-სიმ განცხადება გააკეთა ბრიტანული სერიალის „დოქტორი ვინ“, ახალი პროექტის გამოშვებაზე. 2004 წლის მაისში კი - ბილი ამ პროექტში როზი ტაილერის როლზე დაამტკიცეს. ამ როლისთვის მსახიობი რამდენიმეჯერ დააჯილდოვეს ისეთი პრემიებით როგორიცაა: NTA, BBC Drama Awards და TV Choice. ორი სეზონის შემდეგ, პაიპერმა სერიალი დატოვა, მაგრამ მის მეოთხე სეზონში და სერიებში „დროის დასასრული“ და „დოქტორის დღე“ დაბრუნდა.
2007 წლიდან 2011 წლის ჩათვლით, ბილი გადაიღეს სერიალში „გოგონა გამოძახებით, საიდუმლო დღიური“. სერიალის გმირი ჰანა - ელიტის მეძავია, რომელსაც ფსევდონიმად სახელი ბელი აქვს აღებული. სერიალი მეოთხე სეზონის შემდეგ, დახურეს. 2014 წელს ტელეარხმა Showtime გამოსცა სერიალი „ბულვარის საშინელებები“, სადაც ბილმა ბრონ კროფტის როლი შეასრულა. ამჟამად, მსახიობი თეატრითაა დაკავებული. ის ნაციონალურ სამეფო თეატრის დადგმაში - „დიდი ბრიტანეთი“ - თამაშობს.
პ ი რ ა დ ი: 2011 წელს ბილი ტელეწამყვან კრის ევანსს გაჰყვა ცოლად. წყვილი 2004 წელს ერთმანეთს დაშორდა, ხოლო, 2007 წელს ოფიციალურად გააფორმეს განქორწინება. 2006 წელს ბილს ხანმოკლე სასიყვარულო ურთიერთობა ჰქონდა მეთ სმიტთან, რომელიც მისი პარტნიორი იყო რეჟისორ ფილ პულმანის ფილმებში: „რუბინი კვამლში“ და „ჩრდილი პოლარული ვარსკვლავი“. ასევე, ტელესერიალიდან „დოქტორი ვინ“.
2007 წელს ბილი ცოლად გაჰყვა ინგლისელ მსახიობს ლოურენს ფოქსს. წყვილს ვაჟი ჰყავს - უინსთონ ჯეიმს ფოქსი, რომელიც 2008 წელს დაიბადა. 2012 წელს მსახიობებს მეორე ვაჟი - იუჯინ პიპი შეეძინათ.
საყურადღებოა ის, რომ ბილი მომღერლის კარიერის კეთებისას უძილობით იყო დაავადებული. მსახიობს სოციალურ ქსელში „თვითერი“ საკუთარი გვერდი აქვს გახსნილი.
ფ ი ლ მ ე ბ ი:
1996 -The Leading Man
1996 – Evita
2003 - Canterbury Tales
2004 - Bella and the Boys
2004 - The Calcium Kid
2005 - Things to Do Before You're 30
2005 - Spirit Trap
2005 - ShakespeaRe-Told
2006 - The Ruby in the Smoke
2007 - Mansfield Park
2007 - The Shadow in the North
2010 - Konferenz der Tiere

ს ე რ ი ა ლ ე ბ ი:
1999 -Music Chronicles
2005 – 2013 - Doctor Who
2006 - Masterpiece Theatre
2007 – 2011 - Secret Diary of a Call Girl
2010 - A Passionate Woman
2012 - True Love
2014 - Penny Dreadful








თარგმნა: ვ. ჩომახიძე

ბილი პაიპერი / Billie Piper

კომენტარები

დატოვე კომენტარი
avatar