VAKINO.COM
მთავარი მსახიობები სერიალები

» » ბარიშ არდუჩი / Barış Arduç

ბარიშ არდუჩი / Barış Arduç

რეიტინგი:
დაბადების თარიღი:
9 ოქტომბერი, 1987 წელი
დაბადების ადგილი:
შერცინგენი, შვეიცარია
პროფესია:
მსახიობი, მოდელი
კარიერა:
2009 წლიდან
ჰოროსკოპი:
სასწორი
სიმაღლე:
187 სმ.
ბარიში 1987 წელს დაიბადა შვეიცარიის ქალაქ შერცინგენში. მისი მშობლები: მამა - ეროლ არდუჩი და დედა - გიულაი არდუჩი, წარმომავლობით ალბანელები არიან. მსახიობს უფროსი ძმა - ონურ არდუჩი და უმცროსი ძმა - მერთ არდუჩი ჰყავს.

8 წლის ასაკში მისი ოჯახი საცხოვრებლად თურქეთში გადავიდა. აქ მან 1998 წელს ადალაზარის საშუალო სკოლა დაამთავრა. 1999 წელს იმითში მომხდარი მიწისძვრის შემდეგ, ოჯახი საცხოვრებლად ბოლუში გადავიდა. ბოლუში მსახიობმა სკოლის საშუალო კლასები დაამთავრა და ერთი წელი უფროს კლასში ისწავლა. შემდეგ, ოჯახმა ისევ მოიცვალა საცხოვრებელი და სტამბულის რაიონ უსქიუდარში დამკვიდრდდა, სადაც ბარიშმა, 2005 წელს საშუალო სკოლა დაამთავრა. იმავე წელს, მსახიობმა სწავლა ქაისერში ერსიესის სპორტულ აკადემიაში განაგრძო და ერთი წლით უფასო სწავლის გრანტი მოიგო.

აკადემიაში ბარიში 2005-2006 წწ-ში სწავლობდა და მალე მიხვდა, რომ სპორტი მისი საქმე არ იყო.

თუმცა, აღსანიშნავია, რომ ბარიშს ბავშვობიდანვე უყვარდა სპორტის ისეთი სახეობები, როგორიცაა: ცურვა, ყვინთვა, ფეხბურთი, კალათბურთი, ხელბურთი და ტრენაჟიორები. 2016 წლის მაისში, მან კრივის გაკვეთილებზე დაიწყო სიარული კრივის სასწავლო EFSANE სტუდიაში და ჭიდაობის კლუბის «BVJIN» - ის აქტიური წევრი გახდა.

ასევე უყვარს მას ველოსიპედისა და მოტოციკლის ტარება, ხოლო, 2016 წლის აპრილიდან სააფროსნო (საიალქნო) სპორტის შესწავლას შეუდგა.

სპორტული აკადემიიდან წამოსვლის შემდეგ, ბარიშმა სწავლა კონსერვატორიაიში განაგრძო, სადაც შემოქმედებისა და ხელოვნებისადმი ინტერსი გაუღვივდა. მან სამსახიობო დაოსტატების გაკვეთილებზე დაიწყო სიარული.

2007-2009 წლებში, ბარიშმა სტამბულის სადრის საოჯახო თეატრში, სამსახიობო დაოსტატების კურსები გაიარა.

კონსერვატორიის დამთავრების შემდეგ, ახალგაზრდამ საკუთარი შესაძლებლობების მოსინჯვა გადასაღებ მოედანზე დაიწყო.

ბარიშს ნათელი, ეფექტური გარეგნობა და კარგი სამსახიობო შესაძლებლობები აქვს, ამიტომ კონსერვატორიის დამთავრების დიპლომის აღებისთანავე, მან მაშინვე შეძლო ტელე-სერიალში "Pis Yedili" / "საძაგელი მეშვიდე" - ერთ-ერთი როლის მიღება. ეს იყო 2011 წელს. პარალელურად, იგი კიდევ ორ სერიალში მიიწვიეს სხვადასხვა ტელეარხებმა. სერიალებში: " Küçük Hanımefendi" / "პატარა ლედი" და "Dinle Sevgili" / "მისმინე ძვირფასო".

2012-2014 წლებში, მსახიობი მაღალ რეიტინგულ სერიალში "ნუ მიდარდებთ" / Benim İçin Üzülme მიიწვიეს. 2014 წელს, მან ასევე რეიტინგულ სერიალში "Bugünün Saraylısı" / "დღეს თქვენი სასამართლოა" მიიღო მონაწილეობა.

2014 წლიდან მსახიობი მხატვრულ ფილმებშიც გამოჩნდა. ამავე წელს, მან რეიტინგულ ფილმში "Sadece Sen" / "მხოლოდ შენ" და ნაკლებად რეიტინგულ სურათში "Deliha" - ითამაშა. 2015 წელს ეკრანებზე გამოვიდა სერიალი "რაკონი: ჩემი ოჯახისთვის" / "Racon: Ailem İçin", მაგრამ გაურკვეველი მიზეზებით, მეოთხე სერიის გადაღების შემდეგ, მასზე მუშაობა შეწყდა და პროექტი დაიხურა.

2015 წელს სტარტს იღებს ყველაზე მაღალრეიტინგიანი და სერიოზული კომედიური დრამის ჟანრის სერიალი თურქული კინოს ისტორიაში -"დაქირავებული სიყვარული" / "სიყვარული ქირით" / "Kiralık Aşk", სადაც ბარიშმა მისი პირველი მთავარი, ფეხსაცმლის მდიდარი დიზაინერის, ომერ იპლიქჩის როლი შეასრულა, რამაც მსახიობს ფართო აღიარება მოუპოვა, როგორც თურქეთში, ისე მის საზღვრებს გარეთაც. პირველი სეზონის გადაღების პერიოდში, 2015—2016 წწ-ში, ბარიში აქ შესრულებული როლისთვის, ჯილდოს ჯილდოზე იღებს.

2016 წელს ტელეარხმა StarTV სერიალის მეორე სეზონის გაგრძელება გადაწყვიტა და მისი ეთერში გაშვება სექტემბრიდან დაიწყო, რომელიც 69 სერიით, 2017 წლის იანვარში დაასრულა. 2016 წლის ნოემბერში კი - მსახიობი მორიგ ჯილდოს "საუკეთესო კომედიური მსახიობი", ხოლო, სერიალი - "საუკეთესო კომედიურ სატელევიზიო სერიალი" - ღებულობს, თურქეთის პრესტიჟულ კინო-პრემიაზე "ოქროს პეპელა".

პ ი რ ა დ ი: მსახიობი თავისუფლად ფლობს ოთხ უცხო ენას: ინგლისურს, თურქულს, ესპანურსა და ალბანურს. სერიალში "დაქირავებული სიყვარული", იგი ცოტას - იტალიურადაც საუბრობს.

თავისუფალ დროს, ბარიში აქტიურად მონაწილეობს ტელე და მედია-რეკლამების გადაღებებში. მას უამრავი თაყვანისმცემელი ჰყავს. Instagram «arducbrs» - ის გვერდზე კი - 2017 წლის თებერვლის მონაცემებით მისი თაყვანისმცემლების რიცხვი - 3.4 მილიონამდე ავიდა.

მსახიობში კინოკრიტიკოსები დიდ მომავალს ხედავენ და მას თურქული კინოს ახალგაზრდა ვარსკვლავად თვლიან.

მსახიობი არ ჩქარობს ჭორიკან-ჟურნალისტებს თავისი პირადი ცხოვრების შესახებ მოუთხროს, რადგან ის იმ ადამიანთა რიცხვს ეკუთვნის, რომლებსაც სექსო-რომანტიული თავგადასავლების ჩატარება, უჩინრად და უხმაუროდ უყვარს.

თუმცა, პაპარაცებსა და აფთარი პრესის გაიძვერა თვალს ვერ დაუძვრები, რადგან ისინი სხვისი იდუმალი ცხოვრების დეტალების ცოდნით კაიფობენ და აკეთებენ მაყუთს ... და სწორედაც, მომხიბვლელი ბარიში ერთ დღესაც, მშვენიერ ახალგაზრდა მსახიობ გოგონა - გიულსე ოზაისთან კურკურში შენიშნეს. ისინი უკვე ერთი წელია ერთმანეთს ხვდებიან თურმე, ერთად ისვენებენ და დროს მაღალი საზოგადოების წვეულებებზე ერთად ხნავენ...
თარგმნა: ვ. ჩომახიძე

ბარიშ არდუჩი / Barış Arduç

კომენტარები

დატოვე კომენტარი
avatar