loading...

ანა სნატკინა / Анна Снаткина

რეიტინგი: 2.2 (3 ხმა)
  • დაბადების სახელი: ანა ალექსეევნა სნატკინა
  • დაბადების თარიღი: 11 ივლისი, 1983 წელი
  • დაბადების ადგილი: მოსკოვი, რუსეთი
  • პროფესია: მსახიობი
  • კარიერა: 2003 წლიდან
  • ზოდიაქო: კირჩხიბი
  • სიმაღლე:167 სმ.


  • ბიოგრაფია: ანა სნატკინა, 1983 წელს დაიბადა მოსკოვში. მას ეს სახელი დიდი ბებიის საპატივცემლოდ დაარქვეს. მსახიობი ქართველი მაყურებლისთვის ცნობილია 2007-2008 წლებში გადაღებული, გახმაურებული სერიალით „ტატიანა“-„Татьянин день“, სადაც ის ტატიანა რაზბეჟკინას მთავარ როლს თამაშობს.

    თავისი ოჯახის შესახებ, მსახიობი ინტერვიუში იხსენებს: „ჩვენ, ბიძის სახლში (დედის მხრიდან) ვცხოვრობდით წყნარ ადგილზე, სამოთახიანი ბინის პატარა ოთახში. როცა ჩემი და მაშა დაიბადა, მისი საწოლის დასადგმელი ადგილიც კი არ გვქონდა და პატარას პირდაპირ მაგიდაზე ეძინა“. ანა მოუსვენარი გოგონა იყო და ის თითქმის ეზოში გაიზარდა, ხშირად ეჩხუბებოდა ბიჭებს და ძალიან უყვარდა მამასთან ერთად ფეხბურთის თამაში.

    ხშირად ავადმყოფობდა და ამის გამო მშობლებმა ფიზიკური გაჯანსაღების მიზნით, სპორტულ ტანვარჯიშში შეიყვანეს. გოგონამ რამდენიმე თვეში დასძლია აკრობატიკის რთული ილეთები და ლიდერთა სათავეში მოექცა, ამიტომ მალე, მაღალ კლასში გადაიყვანეს.

    სკოლაში გოგონას ყველაზე მეტად ქიმია სძულდა და საერთოდ კარგად არ იყო განწყობილი სხვა ზუსტი მეცნიერებების საფუძვლების მიმართ. სამაგიეროდ, ძალიან უყვარდა ლიტერატურა.

    ხუთი კლასის დამთავრების შემდეგ, ოჯახში დიდი ღირსშესანიშნავი მოვლენა მოხდა. მშობლებმა ცალკე შეიძინეს ბინა, რომელიც სპორტული სკოლიდან ძალიან მოშორებით იყო. ანა შემდეგ სპორტულმა აერობიკამ გაიტაცა. ამ სახეობის მრავალ ტურნირში მიაღწია წარმატებას და გუნდთან ერთად, მოსკოვის ჩემპიონიც გახდა.

    ანა რომ მსახიობი გახდებოდა, ამას ოჯახი ვერც კი წარმოიდგენდა. დედას სურდა, ქალიშვილი ეკონომისტი გამოსულიყო, მამას კი - სპორტული მწვრთნელი. მერვე კლასში იყო ანა, როცა მშობლებს მოულოდნელად განუცხადა, რომ თეატრალური ინსტიტუტის სტუდენტი გახდებოდა, რამაც ისინი ძალიან გააოცა, რადგან იმ დროისთვის, კინოსა და თეატრს რუსეთში ჩავარდნები ჰქონდა.

    ანას მსახიობად გახდომის სურვილი, მეორე კლასში სწავლისას გასჩენია, როცა მხატვრული ფილმში „პირადი მცველი“, მსახიობისა და მომღერლის, უითნ ჰიუსტონის ლამაზი და წარმატებული ცხოვრება უნახავს. პატარა გოგონასაც მოუნდა თურმე, ასეთი წარმატებული და ცნობილი ყოფილიყო.

    მე-8 კლასიდან, ანა სერიოზულად შეუდგა მეცადინეობას. იგი დაღამებამდე იჯდა ბიბლიოთეკაში და თეატრის ისტორიასა და სტანისლავსკის სისტემას სწავლობდა. მონაწილეობას ღებულობდა სასკოლო დადგმებში.

    მე - 10 კლასში სწავლისას, გოგონამ გადაწყვიტა ВГИК-ი დაელაშქრა. პედაგოგებმა ურჩიეს, რომ მომავალ წელს მისულიყო. მაგრამ ანა სასწრაფოდ შევიდა შჩუკინის სასწავლებლის სამსახიობო დაოსტატების მოსამზადებელ კურსებზე. მე-11 კლასში გადასვლისთანავე მოეწყო ამ უმაღლეს სასწავლებლის კურსებზე და საბოლოოდ შეიყვარა: პედაგოგები, საოსტატო და კინოკამერები.

    ანამ სამი უმაღლეს სასწავლებელი დაამთავრა: ГИТИС-ი, МХАТ-ის სკოლა-სტუდია და ВГИК-ი. ის დროს უქმად არ კარგავდა. პირველ კურსე იყო, როცა სამსახიობო ფოტოები გადაიღო და მოსკოვის სხვადასხვა კინოკომპანიებში მიიტანა. თავდაპირველად, რეკლამებში გადაიღეს, ხოლო, პირველი სერიოზული წინადადება მეორე კურსზე ყოფნისას მიიღო. იგი ქასთინგზე მიიწვიეს, შემდეგ კი - სურათში «Московская сага» ელკას როლზე აიყვანეს.

    მესამე კურსზე სწავლისას, ანა ტელეფილმ «Участок» ნინი სტასოვას როლზე დაამტკიცეს. ამ დროისთვის, მსახიობს სერიოზული პრობლემები შეექმნა ჯანმრთელობასთან დაკავშირებით. ადრე მიღებული სპორტული ტრავმის გამო, მალთაშუა თიაქარი ჩამოუყალიბდა. მსახიობი რეამინაციაში მოხვდა. ექიმებმა მას კორსეტი ჩააცვეს, რომელსაც ის ორი წელი ატარებდა და გადაღებების დრისაც კი. კინოსადმი დიდმა სიყვარულმა გოგონას ავადმყოფობა დააძლევინა.

    მეოთხე კურსზე ყოფნისას, როდესაც თანაკურსელებმა სადიპლომო სპექტაკლისთვის დაიწყეს სამზადისი და თეატრში გადასასვლელად ემზადებოდნენ, ანა ფილმებზე: «Боец» და «Я не вернусь» დაამტკიცეს. მას გადაღებები დაეწყო მოსკოვსა და სხვა ქალაქებში. მსახიობი იხსენებს: „ძალიან მჭიდრო გრაფიკი შემექმნა, რის გამოც, გადაწყვეტილება მივიღე: ან თანაკურსელებთან დავრჩენილიყავი სპექტაკლში ჩასართველად, ან გადაღებებზე წავსულიყავი. მე კინო ვარჩიე“.

    ამის შემდეგ, მსახიობი მთავარი როლებით მოგვევლინა სერიალებში: Вызов", "Аэропорт", «Нечаянная радость», «Есенин».

    დღეს ანა სნატკინა წარმატებული და მოთხოვნადი მსახიობია, რომელსაც 20-ზე მეტი საინტერესო სხვადასხვა როლი აქვს შესრულებული. ამათგან, ერთერთმა განსაზღვრა მისი ბედისწერა. ეს იყო ნატალია გონჩაროვას როლი მხატვრულ ფილმში «Пушкин. Последняя дуэль». ფილმი გაქირავებაში 2006 წელს გამოვიდა.

    ამჟამად, მსახიობი საკუთარ ძალებს თეატრის სცენაზე სინჯავს და პარალელურად განაგრძობს მუშაობას ფართო მასშტაბიან მხატვრულ ფილმებსა და სატელევიზიო პროექტებში.

    პ ი რ ა დ ი: ანა სნატკინა 2012 წელს პეტერბურგელ მსახიობსა და შოუმენს ვიქტორ ვასილიევს გაჰყვა ცოლად. მათი ქორწილი საიდუმლო ვითარებაში შედგა სანკტ-პეტერბურგის საზაფხულო სასახლეში. ქორწილზე მხოლოდ უახლოესი ნათესავები და მეგობრები მიიწვიეს. 2013 წელს წყვილს გოგონა ვერონიკა შეეძინა.

    მსახიობი გატაცებულია: მოგზაურობით, ფიტნესით, მუსიკითა და მშვილდოსნობით. უყვარს კრევეტი. სახლში ჰყავს ზღვის გოჭი მოტია. მისი საყვარელი პოეტებია: პუშკინი, ნიკოლაი ზაბროცკი, მარია პეტროვიხი, ლერმონტოვი. საყვარელი მსახიობებია: ვივიენ ლი, ალისა ფრენდლიხი, ირინა მურავიოვა, ანჯელინა ჯოლი. საყვარელი ყვავილია - ვარდი. საყვარელი ფერი - ცისფერი. უყვარს კლასიკური მუსიკა. საყვარელი მომღერალებია: ადრიანო ჩელენტანო, უითნი ჰიუსტონი და მადონა. საყვარელი ჯგუფია - «Scorpions».

    ანა სნატკინა თავისუფალ დროს ფიტნეს კლუბში, საცურაო აზში, რუსულ აბანოში, კონსერვატორიაში საორღანო კონცერტებზე და ტირში ატარებს.
    ფ ი ლ მ ე ბ ი:
    Тайна Снежной Королевы (2014)
    Спасти или уничтожить (ТВ, 2013)
    Варвара 3D (2012)
    Убить Дрозда (ТВ, 2012)
    Когда на юг улетят журавли (ТВ, 2010)
    Летом я предпочитаю свадьбу (2009)
    Малахольная (ТВ, 2009)
    Правосудие волков (2009)
    Наша Маша и Волшебный орех (2009)
    Снегурочка для взрослого сына (2007)
    Пушкин: Последняя дуэль (2006)
    Нечаянная радость (ТВ, 2005)

    ს ე რ ი ა ლ ე ბ ი:
    Полицейский участок - 2015
    Снайпер: Последний выстрел - 2015
    Процесс - 2013
    Русская наследница - 2012
    Эффект Богарне - 2012
    Моя большая семья - 2012
    Записки экспедитора Тайной канцелярии 2 - 2011
    На солнечной стороне улицы - 2011
    Не плачь по мне, Аргентина! - 2011
    Сорок третий номер - 2010

    Общая терапия 2 - 2010
    Вера. Надежда. Любовь - 2010
    Десантура - 2009
    Общая терапия - 2008
    Туда, где живет счастье - 2007
    Одна любовь души моей - 2007
    Диверсант 2: Конец войны - 2007
    Татьянин день - 2007 - 2008
    Аэропорт 2 - 2006
    Заколдованный участок - 2006
    Вызов - 2006 – 2009
    Я не вернусь - 2005
    Есенин – 2005
    Аэропорт - 2005
    Обреченная стать звездой - 2005 - 2007
    Боец - 2004
    Московская сага - 2004
    Участок - 2003







სხვა მსახიობები
კომენტარი (0)
avatar
ნავიგაცია
სიახლე
Загрузка...
მსახიობები ყველას ნახვა
კინო სიახლე ყველას ნახვა
შემთხვევითი
ებრუ აკელი / Ebru Akel
რეიტინგი: 0.0
ხმა: (0)
ლივ ტაილერი / Liv Tyler
რეიტინგი: 0.0
ხმა: (0)
ელენა აროსიევა / Елена Аросьева
რეიტინგი: 0.0
ხმა: (0)
აიჩა აიშინ თურანი / Ayça Ayşin Turan
რეიტინგი: 4.7
ხმა: (3)
ჯოშ ჰათჩერსონი / Josh Hutcherson
რეიტინგი: 5.0
ხმა: (3)
ჯეიმს მაკევოი / James McAvoy
რეიტინგი: 0.0
ხმა: (0)
ნევე ქემპბელი / Neve Campbell
რეიტინგი: 0.0
ხმა: (0)
საავტორო მფლობელებისთვისკონტაქტი

© 2015
მაღლა
loading...