VAKINO.COM
მთავარი მსახიობები სერიალები

» » აიშვარია რაი ბაჩანი / Aishwarya Rai Bachchan

აიშვარია რაი ბაჩანი / Aishwarya Rai Bachchan

რეიტინგი:
დაბადების სახელი:
აიშვარია კრიშნარაჯ რაი
დაბადების თარიღი:
1 ნოემბერი, 1973 წელი
დაბადების ადგილი:
მანგალორი, ინდოეთი
პროფესია:
მსახიობი, მოდელი
ჰოროსკოპი:
მორიელი
სიმაღლე:
170 სმ.
ბიოგრაფია: აიშვარია რაის, ქართველი მაყურებელი განსაკუთრებით კარგად იცნობს 2005 წელს აშშ-სა და ინგლისის ერთობლივად გადაღებული მხატვრული ფილმით „Mistress of Spices“ – „სუნელების პრინცესა“.

მსახიობი1973 წელს დაიბადა ინდოეთის შტატ კარნატაკას ქალაქ მაჰგალორში. მამამისი სავაჭრო ფლოტის ოფიცერი იყო. დედა, ვრინდა რაი, კი - მწერალი. მას უფროსი ძმა ჰყავს. მსახიობის მშობლიური ენაა ტულუ, რომელიც კარნატაკას შტატის სამხრეთ-დასავლეთითაა გავრცელებული. მოგვიანებით, გოგონამ: ჰინდის, ტამილის, მარათჰისა და ინგლისური ენები შეისწავლა.

აიშვარია სკოლაში წარჩინებული მოსწავლედ ითვლებოდა. გატაცებული იყო ცეკვებითა და კლასიკური მუსიკით. ასევე გამორჩეული იყო თავისი სილამაზით, უბრალოებითა და კომუნიკაბელობით. სკოლის დამთავრების შემდეგ, Jai Hind College შევიდა და მალე აქედან Ruparel College-ში გადავიდა. კოლეჯის დამთავრების შემდეგ, რახეჯლის უნივერსიტეტში არქიტექტურა შეისწავლა.

უნივერსიტეტის დასრულების შემდეგ, გოგონამ სამოდელო სააგენტოში დაიწყო მუშაობა. 1994 წელს მან მონაწილეობა მიიღო „მის მსოფლიოს“ კონკურსში და გაიმარჯვა. ამის შემდეგ, აიშვარია ხელსაყრელ სარეკლამო გადაღებებში სთავაზობდნენ მონაწილეობას. აიშვარია „პეპსის“ სარეკლამო სახე გახდა ინდოეთში. შემდეგ „შანელის“ და „დიორის“ კოსმეტიკური საშუალებების რეკლამებშიც გამოჩნდა. მალე გოგონა ურნალ Vogue-ეს გარეკანზეც იხილეს.

არც ბოლივუდის რეჟისორებს დაუტოვებიათ მშვენიერი აიშვარია უყურადღებოდ და მას კინოგადაღებებში მონაწილეობა შესთავაზეს. მსახიობის დებიუტი კინოში, 1997 წელს შედგა, რეჟისორ მანი ტანამის ფილმში „Iruvar“. ფილმი კრიტიკოსებმა დაიწუნეს და დაბალი შეფასება მისცეს. იმავე წელს, მსახიობი ახალ ფილმში „Aur Pyaar Ho Gaya“ გადაიღეს, აში კაპურის როლში. ამ როლისთვის მან დებიუტანტის პრემია მოიპოვა.

1999 წელს აიშვარია მხატვრულ ფილმში „Hum Dil De Chuke Sanam“ ნანდინის როლში გადაიღეს. ამ ფილმმა მას 2000 წელს, ქალის როლის საუკეთესოდ შემსრულებლის პრემია მოუტანა. 2001 წელს მსახიობი Filmfare Awards (ინდურ ოსკარზე) წარადგინეს ფილმში „Hamara Dil Aapke Paas Ha“ პრიტი ვაისის როლისთვის.

2002 წელს, აიშვარია რაიმ რეჟისორ სანჯაი ლილა ბჰანსალის სასიყვარულო დრამაში, «Devdas», პარვატის როლი შეასრულა. ფილმი ბოლივუდის ისტორიაში ყველაზე წარმატებული აღმოჩნდა და იგი 2003 წელს, კანის კინოფესტივალზეც უჩვენეს, სადაც მსახიობი ჟიურის წევრი გახლდათ.

2003 წელს, მსახიობი კოსმეტიკურ კომპანია L'Oreal - ის სარეკლამო სახე გახდა. იგი მალე, სასმელ Coca-Cola-სა და ბრილიანტების მწარმოებელი ფირმას - DeBeers წარმოადგენდა რეკლამებში.

მიაღწია რა მსოფლიო აღიარებას, აიშვარიამ ჰოლივიდის დაპყრობაც გადაწყვიტა. 2004 წელს იგი რეჟისორ გურინდერ ჩანდრას, აშშ-სა და დიდი ბრიტანეთის ერთობლივ ინგლისურ ენოვან პროექტში „Bride & Prejudice“ გამოჩნდა, ლალიტ ბაქშის მთავარი როლით. ფილმი მსოფლიო გაქირავებაში ძალიან წარმატებული აღმოჩნდა.

მსახიობი ჰოლივუდურ ფილმებში გადაღებებს განაგრძობდა და 2005 წელს იგი სუნელების მაღაზიის მეპატრონის, ტილოს მთავარ როლში მოგვევლინა ფილმში „სუნელების პრინცესა“ - „Mistress of Spices“. ამავე წელსვე, მან მონაწილეობა მიიღო ამერიკულ თოქ-შოუებში: „Show with David Letterman," "60 Minutes", "The Oprah Winfrey Show."

აიშვარია ჰოლივუდის დაპყრობას განაგრძობდა: ის 2007 წელს გამოჩნდა ფილმში „The Last Legion“, 2008 წელს გადაიღეს სურათში „ასტერიქსი და ობელიქსი ოლიმპიადაზე“, 2009 წელს კი - ლეგენდარულ მსახიობებთან: ალენ დელონთან და ჟერარ დეპარტიესთან ერთად, ფილმში „The Pink Panther 2“ სონიას როლი შეასრულა.

2015 წელს აიშვარია რაი, რეჟისორ სანჯაი გუპტას ახალ ინდურ მხატვრულ ფილმში „Jazbaa“ ანურადჰა ვერმას მთავარი როლით მოგვევლინა.

2016 წლისთვის, დაგეგმილია რეჟისორ კარან ჯოჰარის ინდურ ფილმში „Ae Dil Hai Mushkil“ მსახიობის ერთ-ერთ მთავარ როლზე მიწვევა.

ამჟამად, მსახიობის პოსტერები და მასზე ინფორმაციები განთავსებულია დაახლოებით მსოფლიოს 17 000 საიტზე. აიშვარია ხშირად ილუსტრირებულია ცნობილი გამოცემების: „New York Times, GQ, Stuff Magazine“-ს გვერდებზე. ის პირველი ინდოელი ქალია, რომლის ფიგურაც მადამ ტიუსოს მუზეუმში გამოჩნდა.

პ ი რ ა დ ი: რამდენიმე წლის განმავლობაში, აიშვარია ცნობილ ინდოელ მსახიობს, სალმან კჰანს ხვდებოდა, რომელიც მისი პარტნიორი იყო 1999 წელს გადღებულ ფილმში „Hum Dil De Chuke Sanam“. სალმანი ქალთა გულისმპყრობელადაა მიჩნეულიდა ვერც აიშვარიამ გაუძლო მის მომნუსხველ ჯადოს. წყვილმა ერთად ცხოვრება გადაწყვიტა. ორთავეს თაყვანისმცემელი მაყურებელი აღტაცებას ვერ მალავდა, ჟურნალისტები კი - წყვილს ყველაზე ლამაზად და საუკეთესოდ მიიჩნევდა ინდურ კინოში.

სინამდვილეში, ეს გარეგნული სიდიადე მოჩვენებითი გახლდათ და აიშვარია გულის სიღრმეში ტანჯვას განიცდიდა. მისი შეყვარებული ლოთი აღმოჩნდა. ამასთან, დაუნდობელი მექალთანეც, რომელიც სისტემატურად ღალატობდა აიშვარიას. როგორც ყველა ლოთს, რომელსაც ლამაზი პარტნიორი ჰყავს, სალმან კჰანსაც ეჭვიანობა დასჩემდა და ყოველდღიურ რისხვას ატეხდა გოგონას თავს. აიშვარიას მშობლები წყვილის დაქორწინების სასტიკი წინააღმდეგი აღმოჩნდნენ. გაბოროტებულმა სალმანმა, გოგონა გვარიანად სცემა, რის გამოც აიშვარია 2004 წელს კჰანს დაშორდა.

მოგვიანებით, აიშვარიამ მსახიობი აბიშეკ ბაჩანი გაიცნო, რომელიც დიდი პოპულარობით სარგებლობს ინდოეთში. იგი ბოლუვუდის სექს-სიმბოლოდაა მიჩნეული. 2007 წელს წყვილი დაქორწინდა მუმბაიში. საქორწინო ზეიმი მეგობრების ვიწრო წრეში გაიმართა.

ინდური ტრადიციის მიხედვით, წყვილი ქმრის ოჯახში ბედნიერად ცხოვრობს. მან ჩინებული ურთიერთობა დაამყარა მეუღლის ოჯახის წევრებთან. ამიტაბჰამ ცოლს თავისი კინოკომპანიის Amitabh Bachchan Corporation Ltd-ის პრეზიდენტობა გადაულოცა. 2011 წელს აიშვარიას გოგონა არადია ბაჩანი შეეძინა.
ფ ი ლ მ ე ბ ი:
1997 - Aur Pyaar Ho Gaya
1998 - Jeans
1999 - Aa Ab Laut Chalen
1999 - Hum Dil De Chuke Sanam
1999 - Taal
1999 - Ravoyi Chandamama
2000 - Kandukondain Kandukondain
2000 - Josh
2000 - Hamara Dil Aapke Paas Hai
2000 - Dhaai Akshar Prem Ke
2000 - Mohabbatein
2000 - Sanam Tere Hain Hum
2002 - Devdas
2002 - Hum Tumhare Hain Sanam
2002 - Pyaar To Hona Hi Tha
2002 - 23rd March 1931: Shaheed
2002 - Shakthi: The Power
2003 - Dil Ka Rishta
2003 - Chokher Bali
2003 - Kuch Naa Kaho
2004 - Khakee
2004 - Raincoat
2004 - Kyun!Ho Gaya Na
2004 - Bride & Prejudice
2005 - Shabd
2005 - Bunty Aur Babli
2005 - Mistress of Spices
2006 - Provoked: A True Story
2006 - Umrao Jaan
2006 - Dhoom:2
2007 - Guru
2007 - The Last Legion
2007 - Journey Across India
2008 - Jodhaa Akbar
2008 - Sarkar Raj
2009 - The Pink Panther 2
2010 - Raavan
2010 - Raavanan
2010 - Enthiran
2010 - Guzaarish
2010 - Action Replayy
2015 - Jazbaa









თარგმნა: ვ. ჩომახიძე

აიშვარია რაი ბაჩანი / Aishwarya Rai Bachchan

კომენტარები

დატოვე კომენტარი
avatar