loading...
„ოსკარის“ ჯილდოები და პრემიები

„ოსკარი“ (Oscar), აშშ-ში მთავარ კინემატოგრაფიულ პრემიად ითვლება. 1927 წელს შეიქმნა ამერიკული კინოხელოვნების აკადემია, რომლის შემადგენლობაში სულ 6000 კაცი შედის. 1929 წელს, სასტუმრო „ბალტიმორში“ სადილი გაიმართა, რომელზეც კინოს სფეროში მიღწევებზე ისაუბრეს და მისი განვითარების ღონისძიებები დაგეგმეს. მსჯელობის შედეგად, სკულპტორი ჯორჯ სთენლი სტატუეტის შემქმნელად აირჩიეს და ასე მოგვევლინა რაინდი, რომელიც ხელში კინოფირით და ხმლით აღჭურვილი დგას კვარცხლბეკზე.
ოსკარის სტატუეტის დიზაინი სედრიკ გიბონსონმა შექმნა და ყველა სტატუეტი მზადდება ოქროთი დაფარული ბრიტანიუმისგან, რომელიც შავი მარმარილოს კვარცხლბეკზე დგას. სტატუეტის სიმაღლე 34 სმ-ია, დიამეტრი 13 სმ-ი, წონა - 3,85 კგ. მისი დამზადება ხუთ ეტაპს მოიცავს: კალისა და ტყვიის შენადნობს სპილენძით ფარავენ, შემდეგ ნიკელით, ნიკელს ვერცხლით გადაფარავენ და ბოლოს 24 კარატიანი ოქროს შემოავლებენ. სტატუეტი კინოლენტის კოჭაზე ორთავე ხელში ხმლით მდგარ რაინდს გამოხატავს და ხუთი ნაწილისგან შედგება, რომელიც სიმბოლურად კინოაკადემიის ხუთ მიმართულებას: მსახიობებს, რეჟისორებს, პროდიუსერებს, ტექნიკურ სპეციალისტებსა და სცენარისტებს განასახიერებს.
დღევანდელი სახით არსებული ოსკარის ოქროს სტატუეტი, პირველსავე ცერემონიალზე გადაეცა მფლობელს, ოღონდ სახელწოდება „ოსკარი“ მან მხოლოდ 1939 წელს მიიღო. ყველაზე გავრცელებული ვერსიის თანახმად, ჯილდოს ეს სახელწოდება აკადემიის ბიბლიოთეკარის (მოგვიანებით, აღმასრულებელი დირექტორის) მარგარეტ ჰერიკის დამსახურებაა, რომელმაც მისი დანახვისთანავე წამოიყვირა: „ეს ფიგურა ბიძაჩემ ოსკარს მაგონებს!“ ასე თუ ისე, 1939 წლიდან აკადემია ამ სახელითაა ცნობილი და იგი ჩვენს პლანეტაზე ყველაზე პრესტიჟულ კინოჯილდოს წარმოადგენს.
ოსკარის ცერემონიალის ჩატარება მისი ისტორიის მანძილზე, სულ სამჯერ გადაიდო: 1. 1938 წელს - ლოს-ანჯელესში მომხდარი დამანგრეველი წყალდიდობის გამო 2. 1968 წელს - მარტინ ლუთერ კინგის მკვლელობასთან დაკავშირებით 3. 1981 წელს - პრეზიდენტ რონალდ რეიგანზე თავდასხმის გამო. ყველაზე ხშირად ცერემონიალი დოროთი ჩანდლერის პავილიონში (Doroty Chandler Pavillion) ტარდებოდა. (სულ 25-ჯერ ჩატარდა). „ოსკარის“ გადაცემის პირველი ცერემონიალი ჰოლივუდში „რუზველტ-ჰოტელში“ შედგა 1929 წელს და მისი ხანგრძლივობა სულ 4,5 წუთს შეადგენდა.
დღესდღეისობით, „ოსკარის“ მფლობელთა რეკორდი უოლტ დისნეის, სტუდია - Walt Disney Pictures - ეკუთვნის. მან სულ 26-ჯერ მოიპოვა ეს ჯილდო.
„ოსკარის“ რაოდენობის თვალსაზრისით, (სულ 11 -ჯერ) სამი ფილმი ლიდერობს: 1959 წელს გადაღებული „ბენ-გური“, 1997 წელს გადაღებული „ტიტანიკი“ და 2003 წელს გადაღებილი „ბეჭდების მბრძანებელი: მეფის დაბრუნება“. ამ უკანასკნელმა, უნიკალურ მიღწევას - 11 შესაძლებლობიდან 11-ივე ოსკარს დაეუფლა.
„ოსკარის“ ანტირეკორდი ეკუთვნის 1985 წელს გადაღებულ ფილმს „The Color Purple“ (იისფერი) ეკუთვნის. მან 11 შესაძლებლობიდან, ერთიც ვერ აიღო.
„ოსკარის“ წითელი ხალიჩის სიგრძე დაახლოებით 150 მ-ია, სიფართე - 10 მეტრი და რამდენიმე გრაგნილისგან შედგება, თითეული მათგანი 135 კგ-ს იწონის. მისი საერთო წონა კი - 5 000 კგ-ია. კინოთეატრში წითელი ხალიჩა, ცერემონიის დაწყებამდე 4 დღით ადრე მოაქვთ, ორი დიდი სატვირთო ავტოთი. ხალიჩის დასაფენად ორი დღეა საჭირო და ამ საქმეს 21 კაცი ემსახურება. ცერემონიის დაწყებისთანავე, ხალიჩის აღებას იწყებენ, რასაც სულ 4 საათს ანდომებენ.
„ოსკარის“ დიდი ქანდაკებები, რომლებიც წითელი ხალიჩის გასწვრივ არის ჩაამწკრივებული და 2,5 მ-დან, 8 მ-მდე სიმაღლისაა, 550 კგ-მდე იწონის. ისინი ბოჭკოვანი მინისგან არის დამზადებული, რომელებსაც გარსს თხელი ალუმინის ფურცლებით უფარავენ და ყვითელი საღებავით ღებავენ, არა იმის გამო, რომ ოქრო ენანებათ, არამედ სპეციალურად დამზადებული ყვითელი საღებავი სოფიტების (soffit) შუქზე უკეთ გამოიყურება, ვიდრე ოქრო.
ვარსკვლავებს რომ არ აერიოთ ვინ სად ზის, სავარძლებთან მათ პორტრეტებიან პლაკატებს დგამენ, სახელი და გვარის წარწერით. მსახიობებს, რომლებიც ერთ ფილმში მონაწილეობენ, ერთმანეთის გვერდით სვამენ, მაგრამ ამასთან, ითვალისწინებენ მათ ოჯახურ მდგომარეობასაც: მეუღლეები და „საყვარლები“, დარბაზში ერთმანეთის სიახლოვეს სხედან.
ცერემონიის დაწყებამდე, დეტალურ შემოწმებას ვარსკვლავებიც კი ექვემდებარებიან. თავდაპირველად, პოლიცია ლიმუზინებს ამოწმებს, რომლითაც ისინ მობრძანდებიან კინოთეატრში. წითელ ხალიჩაზე გასვლის წინ, ყველა ცნობადი სახე სპეციალური მიწვევის შემდეგ, ლითონის დეტექტორში გაივლის და ასე აღმოჩნდება დანიშნულების ადგილზე.
ამჟამად, ნომინანტებზე მიცემული ხმების დათვლას კომპანია Pricewaterhouse - ს სპეციალური აუდიტორები ითვლიან, რომლის შემადგენლობაშია: კომპანიის ორი ექსპერტი, ოთხი მათი დამხმარე, რომლებიც ამერიკული კინოაკადემიის წევრების გამოგზავნილ დაახლოებით 6 000 ბიულეტენს ამუშავებენ 3 დღეღამის მანძილზე. აუდიტორები, მკაცრად გასაიდუმლოებულ ადგილზე იმყოფებიან. „ოსკარის“ საზეიმო გადაცემამდე გამარჯვებულთა სხელები Pricewaterhouse - ს მხოლოდ ორმა ექსპერტმა იცის. აუდიტორების დამხმარეებიც კი - მხოლოდ წინასწარი ხმის დათვლის პროცედურის დაწყებამდე დაიშვებიან.
მას შემდეგ, რაც ყოველ კატეგორიაში გამარჯვებულები გამოვლინდებიან, მათი სახელითა და გვარით აღნიშნული კონვერტში ჩადებული ბარათები, ცერემონიის პროცესში გაიხსნება. Pricewaterhouse - ს თანამშრომლები ასეთი კონვერტების ორ კომპლექტს ამზადებენ და სპეციალურ პორტფელებში დებენ. „ოსკარის“ გადაცემის წინა დღეს, ორი პორტფელი ცერემონიის ჩატარების ადგილზე მიაქვთ სხვადასხვა დროს, სხვადასხვა მარშრუტებით. ეს პროცედურაც მკაცრად გასაიდუმლოებულია.

ნანახია 289 | 2016-12-07
სხვა სიახლეები
„გალაქტიკის მცველები 2“ - ს (Guardians of the Galaxy Vol. 2) -შეიძლება კურტ რასელი შეუერთდეს
«ოსკარი» ციფრებში!
ალისია ვიკანდერს «ჩაყვინთვა» (The Dive) ემუქრება
სილვესტერ სტალონეს "Rambo" ტელევიზიაში შემოაქვს
„ვალერიანი“ („Valerian“) - ფანტასტიური ჟანრის ფილმი, რომელშიც მსახიობი ითან ჰოუკი მიიწვიეს
სკანდალი ამერიკულ კინოაკადემიაში! მალე „ოსკარის“ ჟიურის წევრობის წესები შეიცვლება!

კომენტარი (0)
avatar
კინო სიახლეები
ნავიგაცია
სიახლე
Загрузка...
მსახიობები ყველას ნახვა
კინო სიახლე ყველას ნახვა
საავტორო მფლობელებისთვისკონტაქტი

© 2015
მაღლა