loading...
„X-ადამიანები: აპოკალიფსი“ (X-Men: Apocalypse) - მალე ფართო ეკრანებზე

„X-ადამიანები: აპოკალიფსი“ - ის (X-Men: Apocalypse) შემქმნელები, მალე მაყურებელს მუტანტების ახალ გუნდს გააცნობენ. ისინი ჩვენთვის უკვე კარგად ცნობილ გმირებთან ერთად, ყველაზე საშიში მტრების, რომლებიც კაცობრიობას განადგურებით ემუქრებიან, წინააღმდეგ ბრძოლებში არიან ჩართულები.
ფილმის დამდგმელი რეჟისორია - ბრაიან სინგერი. სცენარის ავტორებია: მაიკლ დოგერტი, დენ ჰარისი, საიმონ კინბერგი და ბრაიან სინგერი. სურათის ოპერატორია -ნიუტონ თომას სიგელი. კომპოზიტორი - ჯონ ოტმენი. პროექტზე მუშაობდა მხატვართა ჯგუფი, შემდეგი შემადგენლობით: გრანტ მეიჯორი, მიშელ ლალიბერტი, ლუიზ მინგენბახი, ენ კალჯიენი და ვერონიკ მენე. მონტაჟი ეკუთვნის ჯონ ოტმენს.
ფილმი „X-ადამიანები: აპოკალიფსი“ (X-Men: Apocalypse) ფანტასტიურ, ფენტზურ, მძაფრსიუჟეტიანსა და სათავგადასავლო ჟანრებს განეკუთვნება.
სცენარის მოკლე შინაარსი ასეთია: X-ადამიანების სამყაროს, ერთ-ერთი ყველაზე უძველი და ძლიერი მუტანტი „აპოკალიფსი“ ემუქრება. რამდენიმე ათასწლეულების მიღმა მიძინებულმა აპოკალიფსმა, გაიღვიძა და ყველაზე ძლიერი შურისმაძიებელი მუტანტების გუნდის შეკრება დაიწყო. მათ შორისაა საკუთარი თავის ამოცნობაში მყოფი მუტანტი მაგნეტო, რომლის როლსაც მაიკლ ფასბენდერი ასრულებს. აპოკალიფსის წინააღმდეგ საბრძოლველად, პროფესორ იქსის (როლში - ჯეიმს მაქევოი) დახმარებით, მთავარი გმირი რეივენი, რომლის როლსაც ჯენიფერ ლოურენსი ასრულებს, მუტანტების ახალ გუნდს ჩაუდგება სათავეში. ამ გუნდის შემადგენლობაშია: ციკლოპი (როლში - ტაი შერიდანი), ჯინ გრეი (როლში - სოფი ტერნერი) და სხვა ცნობილი გმირები.
მუტანტმა „აპოკალიფსმა“ კარგად იცის, რომ ეს ბრძოლა შეიძლება ბოლო აღმოჩნდეს არა მარტო „X-ადამიანებისთვის“, არამედ მთელი სამყაროსთვის. გამარჯვების გზების ძიების პროცესში, „X-ადამიანებს“ მოუწევთ უფრო მეტი გაიგონ თავიანთი წარმომავლობის შესახებ. მაგრამ „აპოკალიფსი“ და მისი გუნდი განუზომლად ძლიერია და ბრძოლის მოგების ალბათობა უფრო და უფრო მცირდება იმიტომ, რომ მას მტკიცედ სჯერა - მხოლოდ უძლიერსს აქვს გადარჩენის უფლება!
ფილმის მოლოდინის რეიტინგი უმაღლესია - 95%. მისი მსოფლიო პრემიერა კი - 2016 წლის 18 მაისს შედგება. თუ რამდენი დაჯდა ფილმის ბიუჯეტი, ამას ჯერჯერობით არ ახმაურებენ.

ნანახია 1230 | 2017-03-30
სხვა სიახლეები
ოსკარ აიზეკმა შეიძლება „უცხოელში“ ითამაშოს
ახალი ფილმის, „მტაცებელი“ - „Predator“, სცენარი უკვე მზადაა
ჟერარ დეპარდიე სტალინის როლში!
Netflix-ი და ბრედ პიტი კორეელი რეჟისორის ფილმს „Okja“ –„ოკჯა“, მხარს დაუჭერს!
ბერლინი -2016: მერილ სტრიპმა ყველაფერი სწორად გააკეთა
ფილმი „გოძილა კინგ-კონგის წინააღმდეგ “, 2020 წლისთვის გამოვა ფართო ეკრანებზე

კომენტარი (0)
avatar
კინო სიახლეები
ნავიგაცია
სიახლე
Загрузка...
მსახიობები ყველას ნახვა
კინო სიახლე ყველას ნახვა
საავტორო მფლობელებისთვისკონტაქტი

© 2015
მაღლა