loading...
“ვარსკვლავური ომები: ძალთა აღზევება” და დეიზი რიდლის ინტერვიუ

ეჭვგარეშეა, რომ ბრიტანელები და „ვარსკვლავური ომები“ ეს ნამდვილი კლასიკაა. სერ ალექს გინესისა და პიტერ კუშინგის შემდეგ უშორეს გალაქტიკაში, ნისლიანი ალბიონიდან სხავადასხვა წარმომადგენლები მოხვდნენ, მაგრამ მხოლოდ ახლა აღმოჩნდნენ ისინი მთავარ როლებში. ახლა ერთ მათგანზე - დეიზი რიდლიზე მოგითხრობთ, რომელიც ფილმში “ვარსკვლავური ომები: ძალთა აღზევება” ერთ-ერთ მთავარ როლს ასრულებს.
რეისა და ფინის როლებზე მსახიობების შერჩევისას, ჯეი ჯეი აბრამსს სურდა ისეთივე ეფექტისთვის მიეღწია, როგორც ეს „ახალ იმედებში“ შეძლო: მაშინ მაყურებელმა არა მარტო ჩინებული სურათი იხილა, არამედ თავისთვის ახალი მსახიობებიც აღმოაჩინა. დღეს მთავარ როლებში ახალი მსახიობების აყვანა მხოლოდ მსხვილ კინო სტუდიებს შეუძლია. ჩვეულებრივ, მათ ირგვლივ კი - „მოქმედი“ ვარსკვლავები ტრიალებენ. ამ მხრივ, არც „ძლთა აღზევება“ ყოფილა გამონაკლისი. ჰარისონ ფორდი, კერი ფიშერი, მარკ ჰემილი, პიტერ მეიჰიუი და ენთონი დენიელსი ძველებურად მწყობრში დგანან, მაგრამ თანამედროვე ვარსკვლავთაგან ფილმში გამოჩნდნენ: გველდონილ კრისტი, ადამ დრაივერი, დონალ გლისონი, ენდი სერკისი, ლუპიტა ნიონგო (თუმცა ეს უკანასკნელი ციფრულ ფორმატშია). ასევე უნდა გავითვალისწინოთ მსახიობი მაქს ფონ სიუდოვი, რომლის როლიც ფილმის ერთ-ერთ მთავარ საიდუმლოს წარმოადგენს.
გულწრფელად შეიძლება ითქვას, რომ „ძალთა აღზევების“ ირგვლივ მრავალი საიდუმლო იყრის თავს. ყველაფერი ჯეი ჯეი აბრამსის სტილშია, რომელსაც სიურპრიზების გაკეთება უყვარს კინოში. ყველაფერი ეს კი - სტუდია „დისნეის“ დამსახურებაა, რომელიც მხარს უჭერს ფილმის საიდუმლოების შენახვას და სარეკლამო რგოლებში სურათის ინფორმაციას ისეთი მინიმალური დოზირებით იძლევა, რომ დიდი სურვილის მუხედავად, მაინც ვერ შეძლებ მიხვდე სინამდვილეში რა ხდება ფილმში.
რაც შეეხება ინგლისელ მსახიობ დეიზი რიდლის, მან ხუთი მოსმენა გაიარა, ვიდრე რეის - ცნობილი მშობლებისა და იდუმალი წარსულის მქონე გოგონას, მთავარ როლზე დაამტკიცებდნენ.
გთავაზობთ, ამონარიდს დეიზი რიდლის ინტერვიუდან, რომელიც მან პორტალ kinopoisk.ru - ს ჟურნალისტს მისცა. დეიზი ამ დროს გაცივებული იყო, მაგრამ ის მაინც დათანხმდა საუბარზე.
— დეიზი, დარწმუნებული ხარ, რომ საუბარს შეძლებ?
— არც ისე ძალიან, მაგრამ რახან ასე შორიდან ჩამოხვედი, რა გაეწყობა, დავიწყოთ!
— შენ ჩვეულებრივ ისეთი მხიარული და პოზიტიური ჩანხარ...
— (დეიზი აწყვეტინებს) ჩვეულებრივად, მე ჯანმრთელი ვარ და არც სურდო მაწუხებს! მაგრამ იცით, მე ძალიან დადებითად დამუხტულ ადამიანებთან ვმუშაობდი, რის გამოც არ გამჭირვებია კარგი განწყობილების შენარჩუნება... და საერთოდ მე, როგორც მეჩვენება ძალიან ენერგიული ადამიანი ვარ.
— შენ ნახე ფილმი? როგორი გამოვიდა ის?
— ძალიან კარგი! მეტის არაფრის თქმა შემიძლია!
— მას შემდეგ, რაც თავი იმ სამყაროს ნაწილად იგრძენი, ჯაბ ჰატთან ერთად ამ სამყაროში როგორ გრძნობ თავს?
— სანამ გადაღებები არ დავიწყეთ, მანამ არ მქონია ასეთი განცდა. თუმცა არა, როცა ბოლო სინჯს ვიწერდით, მაშინ ცოტათი შევიგრძენი. მაგრამ მაინც ბევრი დრო დამჭირდა, რომ საბოლოოდ მეგრძნო თავი ამ სამყაროში. მე არასოდეს ვყოფილვარ ფანატი, მე უბრალოდ დამწყები მსახიობი ვიყავი.
— რამ შეიძლება გაიძულოთ, რომ კონკრეტული წიგნი წაიკითხოთ, ან კონკრეტული ფილმი ნახოთ?
— ჩვეულებრივ იმას ვკითხულობ, რასაც დედაჩემი. ჩემს მშობლებს ძალიან უყვართ წიგნები. ისინი კინოზე მეტ პრიორიტეტს ანიჭებენ მას. დედა მეგობრებს სისტემატურად უცვლის წიგნებს. მე კი, როცა თავისუფალი დრო გამომიჩნდება, მაშინვე მივდივარ და ვიღებ წიგნს, კინოსთან დაკავშირებით კი - გარკვეული კრიტერიუმი გამაჩნია, რომლის მიხედვითაც ვარჩევ ფილმებს. ..
— იქნებ რეჟისორის მიხედვით?
— ოჰ, არა! მე კინოს ამ კუთხით არ ვუყურებ. უფრო მეტად სიუჟეტი მიტაცებს, მაინტერესებს არის თუ არა იქ რაიმე სიყვარულზე?“
— როგორი ფილმები გიყვარს?
— (დეიზი ჩაფიქრდა) მისმინე, ალბათ რომანტიული. იმიტომ რომ ძალიან მიყვარს ძლიერი ემოციების განცდა. კიდევ კომედიები მიყვარს, განსაკუთრებით უილ ფერელის, რომლებიც ძალიან სასაცილოა.
— შენი მეგობარი „ძალთა აღზევებიდან“ - დროიდი BB8 , რატომღაც ეჭვი მაქვს, რომ ის უფრო მეტად „მდედრია“, ვიდრე „მამრი“!
— ჰო! როცა ჩვენ პირველად სცენარი ერთად წავიკითხეთ, ასეთი კითხვა არ დაგვბადებია. ჩვენ BB8 - ს ყოველთვის „მამრად“ აღვიქვამდით, არა იმის გამო, რომ ის „ბიჭია“. მაგრამ, მე მას სრულფასოვან „გოგოდ“ აღვიქვამ!
— შენ მასთან ყოველდღიური ურთიერთობა გაქვს ფილმში?
— დიახ, დიახ, დიახ! ყოველდღიური!
— როგორც R2D2?-თან?
— სახელდობრ! ჩვენ ბრწყინვალე დამოკიდებულება გვაქვს! BB8 რეის ნამდვილი მეგობარია. ის მასთან უეთიერთობს და მე ძალიან გამიმართლა, რომ მათ შექმნეს დროიდი, რის გამოც ასე უფრო ადვილია თამაში.
— მახსოვს, ის ანაჰაიმში Star Wars Celebration -ზე გვიჩვენეს, შენც იქ იყავი ძალიან ლამაზ ვარდისფერ კაბაში
— ოჰ, გმადლობთ!
— მართლა, კაბაზე. შენ არ გქონია იმის განცდა, რომ ნატალი პორტმანი ლამაზი კოსტიუმით დასეირნობდა, შენ კი - უდაბნოს სამოსლის ტარება გიწევდა?
— მე მიყვარს ჩემი კოსტიუმი!
— მიამბე მასზე.
— ძალიან პრაქტიკულია. მასში თავს ისე ვგრძნობ, როგორიც უნდა ვიყო. რეი ჯაკზე ცხოვრობს. ჩვენ ეს პლანეტა აბუ დაბში გადავიღეთ. საერთოდ, ჯაკზე იწყება ყველაფერი და ჩემი კოსტიუმიც გარემომცველ ბუნებას გამოხატავს. მე ძალიან მომწონს, თუ როგორ ფრიალებს ის ქარში და იმდენად მაგრილებს, რომ შესაძლებელია მისი უდაბნოში ტარება. სხვა ვერაფერი წარმომიდგენია ჩაიცვას კაცმა იქ!
— ე.ი. შენ ერთი კოსტიუმით ხარ მთელი ფილმის მანძილზე?
— (რიდლი ჭკვიანურად ჭუტავს თვალებს) კარგი, კარგი, შეიძლება არსებობს კიდევ ერთი კოსტიუმი!
— რანაირი?
— ფილმში ნახავ!
— როგორც ჩანს, თქვენთან კონფიდეციალურობა უმაღლეს დონეზე იყო დაცული. შენ ალბათ ისწავლე საიდუმლოს შენახვა?
— მე ჩვეულებრივ საიდუმლო არ გამაჩნია - ასე რომ სალაყბო არაფერი მაქვს. მაგრამ სხვები კი - ხშირად მანდობენ საკუთარ საიდუმლოს. მიყვებიან ამბებს ... და მერე ისეთებს, რომ!.. დიახ! ასეა, სხვათა საიდუმლოს შენახვა შემიძლია... და „ძალთა აღზევების“ შემთხვევაში არსებული საიდუმლოება, ეს ჩემი საიდუმლო არ არის, ეს ძალიან ბევრი ადამიანის საიდუმლოა.
— მე ვიფიქრე, რომ რჩევებს მომცემდი, როგორ შევინახო საიდუმლოებები.
— დაივიწყე ყველაფერი მათზე და მეტი არაფერი! მე უბრალოდ ვივიწყებ, რასაც მეუბნებიან, ეს ადვილია!
— იქნებ მაინც მითხრა, რაზეა საერთოდ ფილმი?
— (დეიზი უცებ გადადის პროფესიულ და დამუშავებულ პასუხზე). ის გარკვეულწილად წარმოადგენს ჯორჯ ლუკასის ორიგინალურ ტრილოგიას. ბრუნდებიან ცნობილი პერსონაჟები. ესთეტიკა თითქმის იგივეა. სანახაობრივი ეფექტები - პრაქტიკული. გარდა ამისა, ეს საინტერესო ახალი ამბავია. ჩემი აზრით, ჯეი ჯეიმ ჩინებულად შეაერთა ძველი ფილმების სულისკვეთება და ახალი პერსონაჟები. მან ძალიან დააბალანსა ყველაფერი. რაც შეეხება სიუჟეტს, თემები იგივეა: სიკეთე ბოროტების წინააღმდეგ, დამოკიდებულებები, ოჯახები. მაგრამ ყველაფერი ეს ახლებურადაა დანახული.
— ე.ი სკაიუოკერების ოჯახური საგა გრძელდება?
— დიახ, დიახ, დიახ! უდავოა, „ვარსკვლავურ ომებში“ ასე იქნება ყოველთვის.
— თუმცა, „ძალთა აღზევებაში“ სიუჟეტის ცენტრში კვლავ გოგონაა.
— მე ასე არ ვიტყოდი, რომ მე პირდაპირ სიუჟეტის ცენტრში ვარ. მაგრამ ქალებს ნამდვილად ექნებათ იმის საშუალება, რომ ფილმში იპოვონ ისეთი გმირები, რომლებთანაც საკუთარი თავის ასოცირებას შეძლებენ. ჩვენ გვყავს რეი, ფაზმა, მაზ კანატა და კიდევ ბევრი სხვა, რომელთაც შენ კინოთეატრში იხილავ. და მე დიდ იმედს გამოვთქვამ, რომ „ძალთა აღზევების“ შემდეგ, „ვარსკვლავურ ომებს“ უფრო მეტი თაყვანისმცემელი გამოუჩნდება გოგონების მხრიდან.
— ახლა ბოლო კითხვა მაქვს. დაასახელე სამი რამ, რისი გაკეთებაც გადაღებებზე მოგიხდა.
— ჰო. პირველი: სირბილი! ოჰ, ღმერთო, არ ვიცი კიდევ რა ვთქვა! ჰო, თვალების ჭუტვა! ეს ორი (დეიზი ძალიან სასაცილოდ გამოხატავს ამ მდგომარეობას და ჟურნალისტი წუხს, რომ სურათის გადაღება არ შეუძლია, თითქოს მთელი მისი სახე ერთ წერტილში იყრის თავს). და მესამე ... სულით ჭვრეტა!

ნანახია 266 | 2016-12-04
სხვა სიახლეები
მხატვრული ფილმი „Legend“ – „ლეგენდა“ განხილვა
ოსკარ აიზეკმა შეიძლება „უცხოელში“ ითამაშოს
მალე, ლეონარდო დი კაპრიო Volkswagen-ზე გადაღებული სკანდალური ფილმის პროდიუსერად მოგვევლინება
კრისტიან ბეილი, სკოტ კუპერის ვესტერნით დაინტერესდა
"Ant-Man", „ადამიანი-ჭიანჭველა“ - ს გაგრძელებას, ისევ პეიტონ რიდი გადაიღებს!
ვუდი ალენი, მაილი საირუსს სერიალში გადაიღებს!

კომენტარი (0)
avatar
კინო სიახლეები
ნავიგაცია
სიახლე
Загрузка...
მსახიობები ყველას ნახვა
კინო სიახლე ყველას ნახვა
საავტორო მფლობელებისთვისკონტაქტი

© 2015
მაღლა