loading...
„ვალერიანი“ („Valerian“) - ფანტასტიური ჟანრის ფილმი, რომელშიც მსახიობი ითან ჰოუკი მიიწვიეს

ფრანგმა რეჟისორმა ლიუკ ბესონმა თავის Instagram-ზე ფანტასტიური ჟანრის ფილმის „Valerian“ -ის, რომლის სრული სახელწოდებაა - „Valérian and the City of a Thousand Planets“ („ვალერიანი და ათასი პლანეტის ქალაქი“), მსახიობთა სიას, ახალი სახელი დაუმატა. პროექტს შეუერთდა კინოვარსკვლავი ითან ჰოუკი. ჯერჯერობით, არ არის ცნობილი, თუ რომელ როლს შეთავაზებენ მსახიობს. ფილმში მთავარ როლებს დეინ დეჰაანი და კარა დელევინი ასრულებს. ეს წყვილი, ასევე ერთად თამაშობს ფილმში - „Tulip Fever“ („ტიტების ციებ-ცხელება“). „ვალერიანში“ როლებზე მიწვეულნი არიან აგრეთვე, მსახიობი კლაივ ოუენი და მომღერალი რიჰანა.



ფილმი დაფუძნებული იქნება კომიქსზე - „ვალერიანი და ლორელინი“, რომლის ავტორიცაა პიერ კრისტინა და ჟან-კლოდ მეზერი. კომიქსი, საფრანგეთში 1967 წლიდან 2010 წლის ჩათვლით გამოიცემოდა. მისი მთავარი პერსონაჟია ახალგაზრდა ვალერიანი, რომელიც თავისი წითელთმიან თანამგზავრთან ერთად, კოსმოსურ სივრცეებში მოგზაურობს. ის, დედამიწას და მის მეზობელ პლანეტებს 28-ე საუკუნეში, ცუდი ბიჭებისგან იცავს. ფიქრობენ, რომ პირველწყარომ გარკვეული გავლენა მოახდინა სამეცნიერო ფანტასტიკაზე. ამ ნაწარმოების კვალი მრავალ ფილმში ჩანს, მათ შორის: „ვარსკვლავურ ომებში“, „მეხუთე ელემენტში“ და „ავატარში“.
ბესონს, დიდი ხანია კომიქსის მიხედვით ფილმის გადაღების სურვილი კლავდა. მაგრამ ჯეიმს ქემერონის სურათის გამოსვლის შემდეგ, გადაწყვიტა კომიქსის სცენარის განახლებული ვარიანტის შექმნა. მიმდინარე წლის ივლისში, Comic-Con -ის კონვენტზე, რეჟისორმა ჟურნალისტთა პატარა ჯგუფის წინაშე ჩანახატები და არტ-პროექტის კონცეფცია წარადგინა.
ასე რომ კინემატოგრაფისტისთვის, „ვალერიანი“ კიდევ ერთი გამოცდა იქნება, სამევნიერო-ფანტასტიური ჟანრის ფილმთა სივრცეში. როგორც გამოტყდა, ბესონი კომიქსის ეკრანიზაციისთვის სპეცეფექტების 2370 კადრის გამოყენებას აპირებს. (ცნობისთვის მაშინ, როცა - „მეხუთე ელემენტში“, გამოყენებულია სპეცეფექტების 180 კადრი). პროექტის მსოფლიო პრემიერა 180 მილიონიანი ბიუჯეტით კომპანია EuropaCorp - ის მიერ დაგეგმილია 2017 წლის 20 ივლისისთვის. რაც შეეხება, კინოვარსკვლავ ითან ჰოუკს, მას 2016 წელს ვიხილავთ ალეხანდრო ამენაბარას თრილერში „დაბნელება“ („The Eclipse“).

ნანახია 454 | 2016-12-10
სხვა სიახლეები
«კუბო. ლეგენდა სამურაიზე» (Kubo and the Two Strings) - მულტფილმი, რომელიც ეკრანებზე აგვისტოში გამოჩნდება!
მხატვრული ფილმი - «Black Mass» - «შავი მესა» - განხილვა
“ შავი პანტერას ” („Black Panther“) გადაღებას, რეჟისორ რაიან კუგლერს სთავაზობენ
ჟერარ დეპარდიე სტალინის როლში!
სერიალი „Fear the Walking Dead“ – „გეშინოდეთ მოსიარულე მკვდრების“ განხილვა
„მოჩვენება აბჯარში“ - ახალი ფილმი, რომელშიც მაიკლ პიტი ბოროტმოქმედის როლს ითამაშებს!

კომენტარი (0)
avatar
კინო სიახლეები
ნავიგაცია
სიახლე
Загрузка...
მსახიობები ყველას ნახვა
კინო სიახლე ყველას ნახვა
საავტორო მფლობელებისთვისკონტაქტი

© 2015
მაღლა