VAKINO.COM
მთავარი მსახიობები სერიალები

» » “სიმღერა” (Sing) - მულტფილმი, რომელსაც 2016 წლის დეკემბერში იხილავთ!
მთავარი » ფაილები » სიახლე

“სიმღერა” (Sing) - მულტფილმი, რომელსაც 2016 წლის დეკემბერში იხილავთ!
[ · გადმოწერა წაშლილია () ] 2016-02-17, 11:25 AM
სტუდია Illumination Entertainment-ი, რომელმაც შექმნა მულტფილმი „მინიონები“ (Minions) - მალე ამ ჟანრის მოყვარულებს ახალ პროექტს, „სიმღერა“ (Sing) შეთავაზებს! სტუდიამ ამ პროექტში ერთად შეკრიბა „ვარსკვლავ“ მსახიობთა დასი, რომელთა შემადგენლობაშია: მეთიუ მაკონაჰი, სკარლეტ იოჰანსონი, რიზ უიზერსპუნი, თერონ ეჯერტონი და ნიკ ოფერმანი.
მულტფილმის სიუჟეტის ცენტრში კოალაა, რომელსაც ბასტერი ჰქვია. ის იმ თეატრის უფროსია, რომელიც ოდესღაც აყვავებული იყო. ახლა კი - ჩავარდნასა და წარუმატებლობას განიცდის. თეატრის გადასარჩენად ბასტერი მუსიკალური კონცერტის ორგანიზებას გადაწყვეტს, რომელშიც მონაწილეობას მიიღებენ: მაიმუნი „განგსტერი-გორილა“, „მარდი“ თაგუნია, ველური პანკი და სხვა არაორიდინალური მხეცები.
რა შედეგებით დასრულდება თეატრის გადარჩენა ამას 2016 წლის 26 დეკემბრიდან გაიგებთ მაშინ, როცა მულტფილმის მსოფლიო პრემიერა დაიწყება. პროექტის წარმატების მოლოდინის რეიტინგი 95 პროცენტია.
წელსვე, ოღონდ უფრო ადრე, 24 ივნისისთვის სტუდია Illumination Entertainment-ი, კიდევ ერთ ახალ მულტფილმს - „ცხოველების საიდუმლო ცხოვრება“ (The Secret Life of Pets) - შემოგვთავაზებს.
მულტფილმის სიუჟეტი ძაღლ მაქსზე მოგვითხრობს, რომლის ცხოვრებაც თავდაყირა დადგება მას შემდეგ, როცა მისი პატრონი კიდევ ერთ ახალ ძაღლს - დიუკს მოიყვანს. მაქსა და დიუკს შერიგება მოუწევთ, როცა გაიგებენ, რომ საყვარელი ყურცქვიტა „ფიფქია“, მიტოვებულ ცხოველთა მთელი არმიას აგროვებს, რომ შური იძიოს ბედნიერ შინაურ ცხოველებსა და მათ პატრონებზე.
მულტფილმის მოსალოდნელი წარმატების რეიტინგი 93 პროცენტია.
ქვემოთ იხილეთ მულტფილმის თრეილერი
კატეგორია: სიახლე | დაამატა: mirza | ტეგები: იხილავთ, მულტფილმი, სიმღერა, დეკემბერში, sing, 2016 წლის
ნანახია: 12263 | რამოტვირთვები: 23 | რეიტინგი: 0.0/0
სულ კომენტარები: 0
avatar