loading...
სილვესტერ სტალონეს "Rambo" ტელევიზიაში შემოაქვს

სტუდია „ფოქსი“, წარმოებაში უშვებს სერიალს „რემბო: ახალი სისხლი“, რომელიც მოგვითხრობს არა მხოლოდ ვიეტნამის ომის ვეტერანზე, არამედ მის შვილზეც. როგორც ამბობენ, სილვესერ სტალონე ამ ტელესერიალში, შემსრულებელ პროდიუსერად მოგვევლინება.
„ახალი სისხლი“ ძირითადად ჯონ რემბოსა და მისი ვაჟის რთულ ურთიერთობაზე ფოკუსირდება. შვილი მამამისის საქმეს განაგრძობს და საზღვაო ფეხოსნებში მსახურობს. ეს გმირი სპეციალურად ტელესერიალისთვის გამოიგონეს, ორიგინალურ სერიალში კი - ის საერთოდ არ არსებობს. ახალი სერიალის სცენარზე პასუხისმგებელი იქნება - ჯებ სტიუარტი, რომელიც „კერკეტი კაკალის“, „მორბენალის“ და „სატუსაღოს“ სცენარებზე მუშაობდა.
სტალონე პროექტის კურირებაზეა პასუხისმგებელი, მაგრამ ჯერჯერობით უცნობია მოირგებს თუ არა იგი ხელახლა გმირის სახეს. ჯონ რემბო პირველად დიდ ეკრანზე 1982 წელს გამოჩნდა ფილმში „რემბო: პირველი სისხლი“. ამის შემდეგ, კიდევ სამი ფილმი გამოვიდა, მათ შორის ბოლოა - „რემბო IV“, რომელიც 2007 წელიდან იხილა მაყურებელმა. საერთი ჯამში, ყველა მათგანმა მსოფლიო გაქირავებაში - 728 მილიონი დოლარი შეაგროვა.
უნდა ითქვას, რომ კომპანია Entertainment One -ს და პროდიუსერ ავი ლერნერის მიერ „რემბოს“ მოტივებზე სერიალის გადაღების, ეს უკვე რიგით მეორე მცდელობაა. ლერნერი, რომლის ყურადღებაც ძირითადად ორიგინალური ფილმებისკენაა მიმართული, ამ პროექტზე მუშაობას 2013 წლიდან შეუდგა, მაგრამ რემბოს შვილის ხაზი მაშინ არ ყოფილა გათვალისწინებული.
2014 წელს სტალონემ სურვილი გამოთქვა თავად გადაეღო რემბოს თემატიკაზე არსებული ფრანჩაიზის სრულმეტრაჟიანი მეხუთე ნაწილი, მაგრამ დღემდე სურათის შესახებ არაფერია ცნობილი.
2015 წლის 25 ნოემბერს, სილვესტერ სტალონე დიდ ეკრანზე გამოჩნდა, ფილმში -„კრიდი: როკის მემკვიდრეობა“. კინო კრიტიკოსებმა თბილად მიიღეს სურათი და მაღალი შეფასება მისცეს მსახიობს და უწინასწარმეტყველეს „ოსკარის“ პრემიაზე წარდგენა ნომინაციაში - „მამაკაცის მეორე ხარისხოვანი საუკეთესო როლი“.

ნანახია 235 | 2016-12-05
სხვა სიახლეები
«ტომას კრაუნის აფიორა» (The Thomas Crown Affair) ფილმი, რომელშიც მთავარ როლს მაიკლ ბ. ჯორდანი ითამაშებს!
„ შიშილის თამაშები 5 „ - მალე სტუდია Lionsgate -ს გადასაღებ მოედანზე!
საუკეთესო „სულელები“ კინოში!
«Furious 8» - «ფორსაჟ 8» -ს, მხატვრული ფილმის - „პირდაპირ კომპტონიდან“ - რეჟისორი გადაიღებს
სანდრა ბალოკს, ფილმ - «Ocean's Eleven» - „ოუშენის 11 მეგობარი“- ქალურ ვერსიაში გადაიღებენ
სპილბერგს სურს - ფორდი კვლავ ინდიანა ჯონსის როლში გადაიღოს!

კომენტარი (0)
avatar
კინო სიახლეები
ნავიგაცია
სიახლე
Загрузка...
მსახიობები ყველას ნახვა
კინო სიახლე ყველას ნახვა
საავტორო მფლობელებისთვისკონტაქტი

© 2015
მაღლა