loading...
„შანარის“ ქრონიკები - აშშ-ს ახალი ფენტეზურ- სათავგადასავლო სერიალი 2016 წლის 5 იანვრიდან მსოფლიოს წამყვან ტელეარხებზე!

21- საუკუნის დასასრულს - დედამიწა ომებმა მოიცვა, რაც პოლიტიკურმა, ტერიტორიულმა, ნაცონალურმა და რელიგიურმა უთანხმოებებმა გამოიწვია. ამ ომებს „დიდი ომები“ (The Great Wars) უწოდეს.
ქიმიური და ბიოლოგიური მასობრივი განადგურების იარაღის გამოყენებამ კი - ადამიანებში მუტაცია გამოიწვია, რის შედეგადაც მათი გარკვეული ნაწილი დაიღუპა. მაგრამ ომი, ამით არ დამთავრებულა. ადამიანები დაახლოებით 20 წელი ცხოვრობდნენ დანგრეულ მსოფლიოში. როცა უკანასკნელი ატომური აფეთქება მოხდა, დედამიწის ლანდშაფტი მაშინვე შეიცვალა და ცივილიზაცია საბოლოოდ განადგურდა (თუმცა, გადარჩენილ ადამიანთა და მუტანტთა ნაწილმა თავი უსაფრთხო ადგილს შეაფარა).
ზოგიერთმა შეძლო დაბომბვებს გადარჩენოდა: ვინ მიწის ქვეშ დაიმალა, ვინ მაგიის გამოყენებით გადაირჩინა თავი, ზოგიერთს კი - უბრალოდ გაუმართლა.
„შანარის“ კონტინენტზე, მიწები ოთხ ნაწილადაა დაყოფილი: ჩრდილოეთის მიწებზე - ტროლებია დასახლებული, დასავლეთში - ელფები ცხოვრობენ, სამხრეთით - ადამიანები, ხოლო, აღმოსავლეთით - დვორფები და მათი მოწინააღმდეგე გნომები.
დედამიწის რუკის შუაში - პარანორის კოშკია გამოსახული, რომელშიც დრუიდები, ბრძენები და ჯადოქრები ცხოვრობენ.
ოთხი მიწისგან შემდგარი სამყარო, ეს არის: ჩრდილოეთ ამერიკა, რომელმაც შორეულ წარსულში ბირთვული ომისგან დამანგრეველი კატასტროფა განიცადა. ტროლების თანამედროვე რასა, დვორფები და გნომები რადიაციის ზემოქმედების შედეგად გარდასახული არსებები არიან, რომლებიც ადრე ადამიანები იყვნენ. ელფები, მათგან განსხვავებით, ყოველთვის არსებობდნენ და ომის შემდეგ, „გაგიჟებულ ადამიანებს“ ემალებოდნენ.
დედამიწაზე ასევე ცხოვრობენ ადამიანები, რომლებმაც „დიდი ომები“ გადაიტანეს და მუტაცია არ განუცდიათ. ისინი ძირითადად სამხრეთის მიწებზე ბინადრობენ. ასევე, ამოსავლეთით მონადირეები არიან, ხოლო, დასავლეთით მოგზაური ზღვაოსანი სკიტალები, რომელთა წინაპრებიც ბოშები იყვნენ.
სამხრეთის ქვეყნებს კოალიციური საბჭო მართავს, რომელსაც სათავეში ფედერაცია უდგას. ისინი გაუგონარ, უსაფუძვლო აგრესიას იჩენენ იმ მოსახლეობის მიმართ, ვინც არაადამიანური სისხლისაა. მათ დასავლეთის მიწებიდან ელფები და დვორფები განდევნეს. ფედერალების არმია დიდხანს ითვლებოდა ყველაზე ძლიერად. ფედერაციის დედაქალაქია - არიშაიგი. ფედერალების გამოჩენამდე, სამხრეთი რამდენიმე სამეფოდ იყო დაყოფილი, რომელსაც მონარქია განაგებდა.
გნომები - ისხალხია, რომლებიც დვორფებთან ერთად ცხოვრობდნენ აღმოსავლეთის მიწებზე. ისინი ქიმიკატებისა და რადიაციისგან დაზარალებული ადამიანების შთამომავლები არიან. გნომები - ტანდაბალი, ყვითელკანიანი და კუზიანი ჯუჯებია. შურიანი გნომები თავიანთ მეზობელ დვორფებს ებრძვიან და ასევე აგრესიულად არიან განწყობილი სხვა რასის მიმართ. ისინი რასების მეორე და მესამე ომების დროს ჯადოქრების მხარეს იბრძოდნენ.
გ ნ ო მ ე ბ ი ს რამდენიმე ტიპი არსებობს: 1. ჩ ვ ე უ ლ ე ბ რ ი ვ ი გნომები - რომლებიც აღმოსავლეთში და ჩრდილოეთში ცხოვრობენ.
2. გნომი - ო ბ ო ბ ე ბ ი - ისინი ველურები არიან, სამოსელს არ ატარებენ და ოთხით გადაადგილდებიან. ცხოვრობენ ვოლფსტაგის მთებში და მაქციებს ეთაყვანებიან.
3. უ რ დ ე ბ ი - ნახევარ-გნომები, ნახევარ-ტროლები. ცხოვრობენ ჩრდილოეთში.
4. ს ტ ო რ ე ბ ი - გნომთა შორის ყველაზე ცივილიზებულნი არიან და სხვა რასებთან მეგობრობენ. ისინი სოფელ სტორლოკში ცხოვრობენ, რომელიც აღმოსავლეთ მიწაზე მდებარეობს. გნომებს ერთიანი სახელმწიფო არა აქვთ. ისინი ტომებად არიან დაყოფილი, რომელსაც სათავეში ბელადი, ან ლიდერი ჰყავთ.
ე ლ ფ ე ბ ი - ძველი მსოფლიოს ხალხია, რომლებსაც არანაირი კავშირი არა აქვთ ადამიანებთან.ისინი ათასობით წელი ემალებოდნენ ტყეებში „მძვინვარე ადამიანებს“ და მხოლოდ დიდი ომების შემდეგ დაიწყეს მათთან კონტაქტი. ელფები დასავლეთის მიწებზე ცხოვრობენ. ისინი არც უკვდავები არიან და არც მაგები. ეს თვისებები მათ დიდი ხნის უკან დაკარგეს. ოთხივე მხარის ელფები მშვიდობის მოყვრულებია და ადამიანთა და ბუნების განკურნების უნარებს ფლობენ. როცა ფედერაციამ ელფები ოთხი მიწიდან განდევნა, ცხოვრება მოროვინდში განაგრძეს, შემდეგ კი - უკან დაბრუნდნენ. ელფებს სათავეში მეფე ჰყავთ. მათი დედაქალაქი არბორლონია. ე ლ ფ ე ბ ი - ორ ტიპად იყოფიან:
1. დ ე დ ა მ ი წ ი ს ელფები - ისინი არბორლონსა და მის შემოგარენში ცხოვრობენ.
2. ზ ე ც ი უ რ ი ელფები - ზღვის სანაპიროებზე და ცაში დაფრინავენ.
დ ე მ ო ნ ე ბ ი - ბოროტი არსებები არიან. ისინი დიდი ხანია ელფებსა და სხვა ჯადოქარ არსებებს მტრობენ.
თავისქალას მ ა ც ნ ე ე ბ ი - ყოფილი დრუიდები არიან, რომლებიც მაგმა ელფებმა შექმნეს. ისინი ჯადოქარ ბრონთან მეგობრობენ და მისი მაცნეები არიან. მახინჯი ოთხფრთიანი არსებები ბრონს იცავენ. მათ ერთად გააჩაღეს რასების პირველი, მეორე და მესამე ომები. ბრონის არმიის ძირითადი საბრძოლო იარაღი მწვანე ცეცხლია. როცა ბრონი შანარმა მახვილით განგმირა, თავისქალას მაცნებიც დაიხოცნენ და მტვრად გაიფანტნენ.
სერიალზე „შანარის“ ქრონიკები (The Shannara Chronicles) ოთხი რეჟისორი მუშაობს: ბრედ ტერნერი, ჯონათან ლიბესმენი, ჯეიმს მარშალი და ჯესი უარნი. სცენარის ავტორებია: ალფრედ გოფი, მაილზ მილარი, ივან ენდიკოტი, ჯოშ სტოდარდი, ეიპრილ ბლერი და ტერი ბრუკსი. ოპერატორებია: როდნი ჩარტერსი, აარონ მორტონი, და მაიკლ ბონვილეინი. მუსიკა ეკუთვნის - კომპოზიტორ ფელიქს ერსკინს. სერიალს აფორმებენ მხატვრები: რობერთ გილისი, რობერთ ბევინი, ენდი მაკლარენი, ჯეინ ჰოლენდი და მეგან ვერტელი. მონტაჟზე მუშაობდნენ: ჯოშ ბილი, მარტინ ბერნფელდი, პიტერ გვოზდასი და კრის პეპე. თითო სერიის ხანგრძლივობა 42 წუთია. თუ სერიალის პირველი სეზონი მაყურებელმა მოიწონა, მაშინ შესაძლოა პროექტზე მუშაობა გაგრძელდეს.
სერიალი მაღალი კინოტექნოლოგიებითაა გადაღებული. მისი ვიზუალური მხარე ვირტუალურია. ულამაზესი ლანდშაფტები პროფესიონალურადაა შერწყმული კომპიუტერული ტექნოლოგიით დამუშავებულ ფენტეზურ წარმოსახვებთან. მსახიობები უბადლოდ ასრულებენ სახასიათო როლებს. მძაფრი სიუჟეტები, გარკვეულწილად აღავსებს ადრენალინით მაყურებელს.
ასე რომ, ამ ჟანრის მოყვარულებს სერიალის ნახვა უახლოეს ხანებში შეგეძლებათ ჩვენს საიტზე.

ნანახია 1241 | 2016-12-11
სხვა სიახლეები
“პრომეთეს” სიკველმა ახალი გმირი ქალბატონი იპოვა
Hollywood Film Awards - ზე: «ფორსაჟი7», საუკეთესო ბლოკბასტერად აღიარეს!
"Ant-Man", „ადამიანი-ჭიანჭველა“ - ს გაგრძელებას, ისევ პეიტონ რიდი გადაიღებს!
«ექიმი ჰაუსის» და «ამერიკული ოჯახის» შერწყმა
„ოსკარის“ 88 - ე დაჯილდოების ცერემონიალს - კრის როკი გაუძღვება
რეიჩელ მაკადამსი, ჰოლივუდის „ვარსკვლავი“ არ არის, მაგრამ ნიჭიერი, ჭკვიანი და სექსუალურია!

კომენტარი (0)
avatar
კინო სიახლეები
ნავიგაცია
სიახლე
Загрузка...
მსახიობები ყველას ნახვა
კინო სიახლე ყველას ნახვა
საავტორო მფლობელებისთვისკონტაქტი

© 2015
მაღლა