loading...
სერიალის - “ქსენა: მებრძოლი პრინცესა“ (Xena: Warrior Princess) - ახალი ვერსია, ეკრანებზე 2016 წლიდან გამოჩნდება!

ტელეარხმა NBC, რომელიც დიდი ხანია სერიალის “ქსენა: მებრძოლი პრინცესა“ (Xena: Warrior Princess) ახალი ვერსიის გადასაღებად ემზადებოდა, ბოლოს და ბოლოს, იპოვა სცენარისტი, რომელსაც მიმდინარე წლის ივლისის თვიდან ეძებდა... და იგი გახლავთ 2004-2010 წწ-ში გადაღებული პოპულარული სერიალის „გაქცევა“, სცენარის ავტორი - ჯავიერ გრილო-მარქსუა.
„ემის“ პრემიის ლაურეატი სცენარისტი, პროექტის აღმასრულებელი პროდიუსერიც იქნება, რომელსაც უკვე რობ ტამპერტი და სემ რეიმი კურირებს. ორიგინალი სერიალის მხოლოდ 6 სეზონია (1995-2001 წწ.) ბოლომდე დაწერილი და გადაღებულიც.
შეგახსენებთ, რომ სერიალის - “ქსენა: მებრძოლი პრინცესა“ - ისტორია, ბერძნულ-რომაული მითოლოგიისა და სხვა ხალხების თქმულებების მიხედვითაა სცენარისტების მიერ შეთხზული: „მთავარი გმირი, მებრძოლი დედოფალი ქსენა, წარსულში სასტიკი მკვლელი იყო, რომლის არმიაც ირგვლივ ყველაფერს ანადგურებდა. მათ არ იცოდნენ სიბრალული და თანაგრძნობა. საბოლოოდ, მებრძოლი პრინცესა ნათელ გზას დაადგა და ეხმარება იმათ, ვინც ამის საჭიროებას მოითხოვს“.
დაგეგმილი ახალი ვერსიის სცენარის შესახებ, ჯერჯერობით არაფერია ცნობილი. სატელევიზიო პროექტის შემოქმედებითი კოლექტივი ამჟამად, მთავარი როლის შემსრულებელი მსხიობი გოგონას ძებნითაა დაკავებული. ქსენას როლის შემსრულებელს ძირითადად სამი რამ მოეთხოვება: აუცილებლად უნდა იყოს ქარიზმატული, უნდა იყოს ისეთი მომხიბვლელი, როგორიც ლიუსი ლოუესი, ქსენას როლის შემსრულებელია ძველ ვერსიაში და ისეთი გონებამახვილი, როგორიც „შიმშილის თამაშებში“ - კიტნის ევერდინია. პროდიუსერები ცდილობენ თინეიჯერ მაყურებელთა თაობებს, მათთვის სასურველი თანამედროვე გმირი გოგონას სახე შესთავაზონ.
მიმდინარე წლის აგვისტოში NBC Entertainment - ის პრეზიდენტმა, ბობ გრინბალტმა განაცხადა: „ლოულესს შეუძლია მონაწილეობა მიიღოს ახალ ვერსიაში, ოღონდ იმ შემთხვევაში, თუკი პროექტის გუნდი დარწმუნდება იმაში, რომ ძველი ვერსია არ მოახდენს არანაირ გავლენას სერიალის ახალ ვერსიაზე. თუმცა, სტუდიის ბოსებმა განაცხადეს, რომ მსახიობი, რომელიც ტაპერტის ცოლია, უსიტყვოდ მოახდენს სერიალის გადატვირთვაზე ზეგავლენასო“.
ვარაუდობენ, რომ სერიალის - “ქსენა: მებრძოლი პრინცესა“ (Xena: Warrior Princess) -ახალი ვერსია, ეკრანებზე 2016 წელს გამოჩნდება!
დასასრულ, თუ არ ჩავთვლით სერიალ „დაკარგულებს“, სცენარისტ გრილო-მარქსუას ანგარიშზეა შემდეგი სერიალების სცენარები: „პრეტენდენტი“(The Pretender 2004-2010), „სამი“(Three 1998), „მოხიბლული“(Charmed 1998-2006) და „ჩარლის ანგელოზები“ (Charlie's Angels 2011).

ნანახია 454 | 2016-12-06
სხვა სიახლეები
«Экипаж» - „ეკიპაჟი“ - უახლესი 3D-IMAX ციფრული კამერით გადაღებული, მეორე რუსული ფილმია
«თორი 3» (Thor: Ragnarok)- მა ახალი სცენარისტი შეიძინა
«Steve Jobs» - «სთივ ჯობსი» - ამერიკულ კონოგაქირავებაში ჩავარდა!
ახალი ფილმის, „მტაცებელი“ - „Predator“, სცენარი უკვე მზადაა
ჟერარ დეპარდიე სტალინის როლში!
კრისტიან ბეილი, სკოტ კუპერის ვესტერნით დაინტერესდა

კომენტარი (0)
avatar
კინო სიახლეები
ნავიგაცია
სიახლე
Загрузка...
მსახიობები ყველას ნახვა
კინო სიახლე ყველას ნახვა
საავტორო მფლობელებისთვისკონტაქტი

© 2015
მაღლა