loading...
რობერტ დაუნი უმცროსი “რკინის კაცისა“ და „კაპიტან ამერიკა“-ს ბრძოლის შესახებ

მხატვრული ფილმის, „კაპიტანი ამერიკა: სამოქალაქო ომი“ (Captain America: Civil War) სარეკლამო რგოლებმა უკვე იხილეს დღის სინათლე და ყველაზე სწრაფად გავრცელებადი გახდნენ კინოსტუდია Marvel -ის ისტორიაში. გამოცემა Entertainment Weekly -ს მთავარი როლების შემსრულებლები პირადად ესაუბრნენ ამ ორი სუპერგმირის კონფლიქტისა და მათ მიერ კინოსამყაროს შევსებაზე.
კაპიტან ამერიკასა და რკინის კაცს შორის წარმოშობილი ერთ-ერთი კონფლიქტის მიზეზი ზამთრის ჯარისკაცი გახდა, რის გამოც შურისმაძიებლები ორ ჯგუფად გაიყვნენ: კეპას მხარესაა - ადამიანი ჭიანჭველა, ალისფერი ჯადოქარი, შევარდენის თვალი და ცხადია, თავად ბაკი. ტონის მხარეს დაიჭერენ: მებრძოლი, შავი ქვრივი, ვიჟენი და შავი პანტერა. ჯერჯერობით, საიდუმლოდ რჩება, თუ რა როლს შეასრულებს ამ ისტორიაში ადამიანი-ობობა, რადგან იგი ტრეილერში საერთოდ არ არის ნაჩვენები. „ ეს ისტორია ოჯახის შესახებ და იმაზეა, თუ რა მოხდება მას შემდეგ, როცა მის წევრებს შორის უთანხმოებაა - განაცხადეს რეჟისორებმა: ჯო და ენთონი რუსოებმა - ჩვენ ამ ბრძოლას, ქორწილში ჩხუბთან ვათანაბრებთ. ვის მხარეს დადგებით, თუკი თქვენი ორი ძმა ერთმანეთს ჩხუბს დაუწყებს?“
ქრის ევანსი გვიყვება, რა შეიძლება იყოს, რთული მორალური კონფლიქტის მამოძრავებელი. „სურათების უმეტესობა მაყურებლის წინაშე არ აყენებს საკითხს, თუ რომელი გმირის მხარეს უნდა დადგეს ფილმის მაყურებელი. მაშინ, როცა ყველამ ვიცით, რომ ნაცისტები და უცხო პლანეტელები - ორივენი ბოროტებაა, Civil War - „სამოქალაქო ომი“, გაურკვეველია და იგი არც ისე ერთმნიშვნელოვნად გასაგებია: კეპიც და ტონიც თავისებურად მართლები არიან“.
უნდა ითქვას, რომ Civil War-ის ტრეილერმა 24 საათის მანძილზე, ინტერნეტ ქსელში 61 მილიონი მნახველი მოაგროვა, რაც სტუდია „მარველის“ ისტორიაში ყველაზე საუკეთესო რეზულტატია. თუ „შურისმაძიებელ 2“ -ს შევადარებთ, მისი მონაცემი 34 მილიონი მნახველი იყო.
ტონი სტარკს ფილმში ვერ უწოდებ ბოროტმოქმედს, მაგრამ აშკარა ანტაგონისტი ნამდვილად არის. „მე ეს საერთოდ არ მაწუხებს - გამოტყდა რობერტ დაუნი-უმცროსი - მე ყოველთვის ვუყურებდი ტონის, როგორც საკუთარი თავის მოწინააღმდეგს. ეს ბიჭი მხოლოდ პრობლემებში იცნობა, რადგან თავად არის პრობლემა. და მას რაღაც განსაკუთრებული თვისება აქვს მუდმივად შექმნას ისინი.“
კეპსა და რკინის კაცს დაუნი როკ-ჯგუფის ფრონტმენებს ადარებს, რომელთა მხრებზე ბევრი ჰიტია, მაგრამ ისინი ძალიან გადაიღალნენ ერთმანეთით. ამასთან ერთად იგი არ თვლის, რომ სტარკი ფილმში მართალი არ ყოფილა: „მე სრულად ვეთანხმები მის მოქმედებებს. ასეთი რამის თქმა კი, ბევრ ფილმზე როდი შემიძლია“. „კაპიტანი ამერიკა 3“ - ში, დიდ ეკრანზე პირველად გამოჩნდება სტუდია „მარველის“ ახალი გმირი. ეს გახლავთ შავი პანტერა, რომლის როლსაც ჩედვიკ ბოუზმანი ასრულებს და თავად სტუდიის თავის ქევინ ფაიგის მხარდაჭერით, იგი ფილმში ერთ-ერთ მთავარ როლს შეასრულებს: „ეს უბრალოდ კამეო არ არის. შავი პანტერა - ფილმის სრულფასოვანი გმირია. ჩვენ მას მაყურებელს გავაცნობთ და მივცემთ თავის სიუჟეტურ ხაზს“.
მიუხედავად იმისა, რომ შავი პანტერა დასაწყისში რკინის კაცს უცხადებს მხარდაჭერას, მისი დამოკიდებულება კონფლიქტის მიმართ, არაერთმნიშვნელოვანი იქნება. ზოგიერთ საკითხებში, გმირი კაპიტანი ამერიკას პოზიციას იზიარებს. გარდა ამისა, ეს პერსონაჟი სურათში განსხვავებული იქნება კომიქსისგან, სადაც „პანტერა ცნობილია თავისი სიბრძნით, მაგრამ ახალ ფილმში, იგი წარმოდგენილია ადრეულ ასაკში, უფრო ნაკლები გამოცდილებითა და უფრო დიდი მგზნებარებით“.
დასასრულ გსაცნობებთ, რომ ფილმის მსოფლიო პრემიერა გაიმართება - 2016 წლის 27 აპრილს. საქართველოში მისი გაშვება დაგეგმილია - 2016 წლის 2 მაისისთვის.

ნანახია 447 | 2016-12-07
სხვა სიახლეები
2015 წლის ყველაზე მოთხოვნადი სერიალები
„პატარა პრინცი“ ბერლინში უჩვენეს!
ცნობილი რუსი მსახიობი, ანასტასია ზავაროტნიუკი რუსული ბანკის დიდ ვალებში გადავარდა
"Ant-Man", „ადამიანი-ჭიანჭველა“ - ს გაგრძელებას, ისევ პეიტონ რიდი გადაიღებს!
ალისია ვიკანდერს «ჩაყვინთვა» (The Dive) ემუქრება
მხატვრული ფილმი „Mad Max: Fury Road“ – „შეშლილი მაქსი: მრისხანების გზა“ განხილვა

კომენტარი (0)
avatar
კინო სიახლეები
ნავიგაცია
სიახლე
Загрузка...
მსახიობები ყველას ნახვა
კინო სიახლე ყველას ნახვა
საავტორო მფლობელებისთვისკონტაქტი

© 2015
მაღლა