loading...
რეჟისორმა და მსახიობმა, ენდი ვაჩოვსკიმ სქესი შეიცვალა!

ტრილოგიების: „მატრიცა“, „იუპიტერის აღზევება“, ასევე სერიალის „მერვე გრძნობა“ - რეჟისორებს, თამამად შეუძლიათ თქვან, რომ ამიერიდან დები არიან! გუშინ, ღამით ცნობილი გახდა, რომ ენდი ვაჩოვსკიმ ისევე, როგორც მისმა ძმამ ლარიმ, სქესი შეიცვალა! ლილი ვაჩოვსკი ცხოვრებას „ახალი ორგანოთი“ მოევლინა!..
სამწუხაროდ, აღიარება ნაადრევი აღმოჩნდა. ლილის თქმით, მას ბრიტანული ტაბლოიდი Daily Mail-ი აშანტაჟებდა და მან საბოლოოდ გადაწყვიტა თავის შესახებ, საიტ Windy City News-ის გვერდზე დაეწერა.
რეჟისორის თქმით, გამომცემლობა Daily Mail-ის კორესპონდენტი მისი სახლის ზღრუბლზე გამოჩნდა და ფოტოს გადაღება და თავისი ისტორიის მოყოლა სთხოვა „ახალი ამბებისთვის.“ «ამ „ამბებმა“, მთავარი როლი ითამაშეს სკოლის მასწავლებლისა და ტრანს-ქალბატონის, ლიუსი მედოუსის სკანდალში, რომელმაც თავი მოიკლა დიდ ბრიტანეთში - წერს ლილი. - და აი ისინი ჩემს კარებზეც აკაკუნებენ, სიტყვებით: „შეხედეთ, აი, კიდევ ერთი! მოდი გამოვათრიოთ სამზიანეთს და კარგად დავათვალიეროთ!“».
«დიახ, მე ტრანსგენდერი ვარ - განაცხადა ლილიმ. და დიახ! - მე შევიცვალე სქესი».
საიტზე განთავსებული წერილის წერას ვაჩოვსკი ასე იწყებს: « „სქესის შოკის მომგვრელი შეცვლა! ძმები ვაჩოვსკები, ახლა დები გახდნენ!“ მე გასული წლის მანძილზე, დღემდე გაბრაზებული ველოდი ასეთ სათაურს. „ამბები“ რამდენჯერმე გაჟღერდა პრესაში გაბოროტებული ჩემი აგენტის წერილებით, რომელსაც ჟურნალისტები ეკითხებოდნენ: „შეიცვალა თუ არა ენდი ვაჩოვსკიმ სქესი“».
ამჯერად, რამდენიმე ამონარიდს შემოგთავაზებთ ამ წერილიდან:
«ჩვენ ჩემი და ლანასთან ერთად, ვცდილობთ პრესას განვერიდოთ. მე ძალიან მიჭირს საკუთარ შემოქმედებაზე საუბარი, ხოლო, პირადულზე საუბარი ხომ, საერთოდ აუტანელია. მე ვიცოდი, რომ რაღაც მომენტში, საკუთარი თავის შესახებ საქვეყნოდ გაცხადება მომიწევდა. მაგრამ, იცით, როცა ტრანსგენდერი ხარ, ამის დაფარვა ძალიან ძნელია. მე უბრალოდ, დრო მჭირდებოდა, რათა კომფორტულად მეგრძნო თავი. მაგრამ, ყველაფრის მიუხედავად, ეს ჩემი გადასაწყვეტი არ შეიქნა».

«ტრანსგენდერად ყოფნა ძნელია. ჩვენ ბინარულ გენდერულ სამყაროში ვცხოვრობთ, რომელსაც უმრავლესობა მართავს. ეს კი იმას ნიშნავს, რომ თუკი ტრანსგენდერი ხარ, შენ მკაცრ რეალობასთან მოგიწევს შეგუება: სიცოცხლის ბოლო წუთამდე, ისეთ სამყაროში მოგიწევთ ყოფნა, რომელიც ღიად იქნება შენი მტერი».

«მე გამიმართლა, რადგან ოჯახი მიჭერდა მხარს და ასევე ექიმები და თერაპევტები, რომლებმაც გადამატანინეს ეს რთული პროცესი. ტრანსგენდერები დაუცველები არიან. მათ არსებობისა და პრივილეგიების უფლებები არა აქვთ. ფუფუნებაზე საუბარი ხომ საერთოდ სისულელეა და ამას ბევრი ვერ უძლებს და... ან თავს იკლავს, ან ჰკლავენ. 2015 წელს ქვეყნის ისტორიაში, ტრანსგენდერთა თვითმკვლელობამ პიკს მიაღწია. მათგან უმეტესი - ფერადი ტრანს-ქალები იყვნენ. და ეს ის რაოდენობაა, რომელიც პოლიციელთა პროტოკოლში მოხვდა. რამდენადაც ტრანსგენდერები ბინარულ გენდერულ სტატისტიკაში არ აღირიცხებიან, მათი რიცხვი გაცილებით დიდია».

ნანახია 430 | 2017-07-24
სხვა სიახლეები
«Steve Jobs» - «სთივ ჯობსი» - ამერიკულ კონოგაქირავებაში ჩავარდა!
«მუმია» ფართო ეკრანებზე კვლავ ბრუნდება, სადაც მთავარი მონსტრი ქალი იქნება!
შონ პენი, HBO - ს სერიალში აშშ-ს მე-7 პრეზიდენტის როლს ითამაშებს
ჟერარ დეპარდიე სტალინის როლში!
«გამყინვარების პერიოდი: შეტაკება გარდაუვალია» -მულტფილმი, რომლის პრემიერაც 2016 წლის ივნისში შედგება!
ვუდი ალენი, მაილი საირუსს სერიალში გადაიღებს!

კომენტარი (0)
avatar
კინო სიახლეები
ნავიგაცია
სიახლე
Загрузка...
მსახიობები ყველას ნახვა
კინო სიახლე ყველას ნახვა
საავტორო მფლობელებისთვისკონტაქტი

© 2015
მაღლა