loading...
რებეკა ფერგიუსონი - დანიელ ესპინოსას ახალი ფილმის მთავარ როლში!

შვედი რეჟისორი, დანიელ ესპინოსა მუშაობს ფილმზე „სიცოცხლე“(Life), რომლის სცენარიც ფილმ-კომიქსის „დედპული“, ავტორების: რეტა რიზას და პოლ ვერნიკას შექმნილია. ფილმში მთავარ როლს რებეკა ფერგიუსონი შეასრულებს, რომელიც მსოფლიომ სერიალით „თეთრი დედოფალი“ და მძაფრსიუჟეტიანი ფილმით -“შეუსრულრბელი მისია. გარიყულთა ტომი“ - გაიცნო.
სიჟეტის მიხედვით, კოსმოსური ხომალდის საერთაშორისო ეკიპაჟი, მარსზე მიემგზავრება. მათ იქიდან რაღაც ნიმუში ჩამოაქვთ დედამიწაზე. ეკიპაჟი აღმოაჩენს, რომ მოტანილი მასალა სიცოცხლის ნიშნებს შეიცავს და უფრო მეტიც, ის იმაზე მეტად ჭკვიანია, ვიდრე თავდაპირველად მიაჩნდათ კოსმონავტებს.
რაც შეეხება რებეკა ფერგიუსონს, „გარიყულთა ტომის“ შემდეგ, ის მოთხოვნადი მსახიობი გახდა. ამჟამად რებეკას, დეტექტივის ჟანრის ფილმში „თოვლის კაცი“ (The Snowman) - მთავარ როლში იღებენ, სადაც მისი პარტნიორი მაიკლ ფასბენდერია. „თოვლის კაცის“ სცენარი, მწერალ იუ ნესბიოს რომანის მიხედვითაა გაკეთებული. ფილმის მსოფლიო პრემიერა 2017 წლის 13 ოქტომბრისთვისაა დაგეგმილი.
რებეკამ ასევე, მონაწილეობა მიიღო ბეტსელერის „გოგონა მატრებელში“ (The Girl on the Train) გადაღებებში, რომლის მსოფლიო პრემიერაც მიმდინარე წლის 6 ოქტომბერს გაიმართება.
მოსალოდნელია, რომ რებეკა - ილზი ფაუს როლში დაბრუნდეს „შეუსრულებელი მისიის“ მომდევნო ახალ ფილმში, რომლის გადაღებებიც აგვისტოს თვეში დაიწყება.
შვედი რეჟისორი, დენიელ ესპინოსა კი - კინოსამყაროსთვის ცნობილი გახდა 2010 წელს გადაღებული თრილერის - „ადვილი ფული“ (Snabba cash) - წყალობით. ამის შემდეგ ის ჰოლივუდში მიიწვიეს, სადაც 2012 წელს გადაიღო სურათი „უსაფრთხო სახლი“ (Safe House).
მან ბოლოს, 2014 წელს გადაიღო დრამა - „ბავშვი 44“ (Child 44). საყურადღებოა, რომ ეს ფილმი რუსეთის კინოგაქირავებაში აკრძალეს, რადგან მისი სიუჟეტი გასული საუკუნის 50-იან წლებს ეხება. სსრკ-ის მოსკოვის უსაფრთხოების სამსახურის ოფიცერს, ლევ დემიდოვს ბავშვების სერიული მკვლელობის გამოძიებას უბრძანებენ. მაგრამ პრობლემა იმაშია, რომ ეს ბრძანება - წინააღმდეგობაში მოდის რუსთა დიდი ბელადის - ამხანაგ სტალინის „ბრძნულ გამონათქვამთან“:«у нас убийств нет»!
ეტყობა პუტინის რუსეთის კინოკრიტიკოსებმა ფილმში ისეთი რამ აღმოაჩინეს, რაც გარკვეულწილად - „მათი რუსეთის“ იმიჯის „შელახვასაც“ ემსახურებოდა!

ნანახია 269 | 2016-12-04
სხვა სიახლეები
«მოკალი სტალინი» "Убить Сталина" - სერიალის განხილვა
ვუდი ალენი, მაილი საირუსს სერიალში გადაიღებს!
“ოქროს გლობუსზე” ნომინირებული რუსული ფილმი
„ვალერიანი“ („Valerian“) - ფანტასტიური ჟანრის ფილმი, რომელშიც მსახიობი ითან ჰოუკი მიიწვიეს
ოსკარ აიზეკმა შეიძლება „უცხოელში“ ითამაშოს
ნილ ბლომკამპმა, ფილმზე - „Alien“ - „უცხოელი" - მუშაობა შეწყვიტა!

კომენტარი (0)
avatar
კინო სიახლეები
ნავიგაცია
სიახლე
Загрузка...
მსახიობები ყველას ნახვა
კინო სიახლე ყველას ნახვა
საავტორო მფლობელებისთვისკონტაქტი

© 2015
მაღლა