loading...
რატომ ვერ მოხვდა, შარლიზ თერონი ფილმში - „Showgirls“ – „შოუგოგონა“ - მთავარ როლზე

მიმდინარე წლის სექტემბერში, პოლ ვეხოვენის ფილმის „შოუგოგონას“ შექმნიდან, 20 წელი შესრულდა. რეჟისორმა რამდენიმე ხნის უკან განაცხადა, რომ კინაღამ ყველასთვის უცნობ შარლიზ თერონს მისცა ეს როლი. საბედნიეროდ, მას გაუმართლა და „შოუგოგონას“ როლი უფრო მეტად ცნობილ, ელიზაბეთ ბერკლს შეხვდა.
„შოუგოგონა“ - ეროტიული ჟანრის დრამაა. მისი გმირი, ნომი მალოუნი, ლოს-ანჟელესის დასაპყრობად ჩამოდის და უბრალო სტროპტიზიორიდან, თანდათანობით, ბურლესქის მოცეკვავე ხდება. მაგრამ ვეგასის სამყარო, ისეთი როდია, როგორადაც გეჩვენება. ფილმის ბიუჯეტი 45 მ-ნ დოლარს შეადგენდა, მაგრამ თავისი გამოკვეთილი სცენების წყალობით, აშშ-ში კინოგაქირავებისთვის მომაკვდინებელი რეიტინგი, NC-17-ის ნიშანი მიიღო. საინტერესოა, რომ დღესდღეისობით, „შოუგოგონა“ ერთადერთი ფილმია, რომელიც პორნოგრაფიული რეიტინგით რჩება ჰოლივუდის კინოისტორიაში და, რომელმაც ფართო რელიზი მოიპოვა. თუმცა, ამან ვერ გადაარჩინა სურათი. თავის სამშობლოში, მან სულ 20,3 მ-ნი შემოსავალი მოიტანა და ჩავარდა. კინოკრიტიკოსებმა 20 წლის უკან, ერთი ამბავი ატეხეს ნახევრად შიშველი ბავში გოგონას დანახვაზე.
„ნიუ იორკ დეილთან“ საუბრისას, რეჟისორი ვერხოვენი გამოტყდა, რომ „შოუგოგონას“ პროექტმა „დაანგრია ელიზაბეთ ბერკლის კარიერა, მაგრამ არც ჩემსას დააკლო ხელი, თუმცა მასთან შედარებით, ნაკლებად დავზარალდი. გოგონას კი - საერთოდ ზურგი აქცია ჰოლივუდმა. თუ ვინმე უნდა დავადანაშაულოთ ამაში, ის ერთადერთი მე ვარ, რადგან მე გადავწყვიტე, რომ საინტერესო იქნებოდა ასეთი ისტორიის შექმნა“.
ვერხოვენი აგრძელებს: „მე ვიმედოვნებდი, რომ ფინალში გასაგები იქნებოდა, თუ რატომ იქცევა მთავარი გმირი მაინცდამაინც ასე, და არა სხვაგვარად. მე დაგანახეთ მისი წარსული, რომელიც ნარკოტიკებთან გახლდათ დაკავშირებული, მაგრამ ვაღიარებ რომ ეს დიდი შეცდომა იყო“.
სანამ ელიზაბეთ ბერკლი რეჟისორ ვერხოვენს შეხვდებოდა, მან პოპულარობა სერიალით - „Saved by the Bell“ მოიპოვა. მაგრამ, ჯო ესთერჰაზის სცენარის მიხედვით შექმნილმა დრამამ, მისი ცხოვრება კოშმარად აქცია. თუმცა, რეჟისორი ამტკიცებს, რომ ელიზაბეთი სიხარულით გადიოდა „კარგი გოგონას“ სტერეოტიპის ჩარჩოებიდან, რისი გამოცდილებაც მან აღნიშნული სერიალიდან მიიღო და ეროტიული სცენების გადაღებაზე დათანხმდაო. ვერხოვენი გულწრფელად აღიარებს, რომ ბერკლის შეეძლო ახალი მერილ სტრიპი გამხდარიყოო. „კინიკრიტიკოსები გააცოფა მისმა სიშიშვლემ და უბადრუკებმა, ხორცის იქით მსახიობის ნიჭიერება ვერ დაინახესო“ - ამბობს იგი.
ვაესკვლავები რომ სხვაგვარად შეთანხმებულიყვნენ, „შოუგოგონა“, დამწყები მსახიობის შარლიზ თერონის კარიერას დაასამარებდა. მაშინ, 90-იანების შუა წლებში, სამხრეთ აფრიკიდან ჰოლივუდში ქერათმიანი გოგონა ჩამოვიდა და საკუთარი ძალები ნომის როლში მოსინჯა. „არ მახსოვს, რომ მას რაიმე პრობლემა ჰქონოდა გაშიშვლებაზე“ - ამბობს ვერხოვენი - „ის კარგი იყო, სურდა ეთამაშა ეს როლი, მაგრამ სამწუხაროდ, მას მაშინ არავინ იცნობდა. ჩვენ კი -ცნობილი მსახიობი გვინდოდა როლზე. ამიტომ ვუთხარით უარი შარლიზს“.
„ძალიან ვაფასებ შარლიზ სთოუნს, მაგრამ მას რომ „შოუგოგონაში“ ეთამაშა მთავარი როლი, შესაძლოა „დაბრმავებული“ ჰოლივუდი მასაც ისევე მოპყრობოდა, როგორც მოექცა ელიზაბეთს. მე შემიძლია მას მივულოცო ეს ამბავი, რადგან წინააღმდეგ შემთხვევაში, იგი საშინელ 20 წელს გაატარებდა" - დასძინა ვერხოვენმა.
„შოუგოგონას“ ნაცვლად, შარლიზმა კრიმინალურ დრამაში, „2 Days in the Valley“ – „ორი დღე ხეობაში“ - გაიარა დებიუტი, რამაც მას აღიარება მოუტანა.
ვერხოვენის აზრით, მისი ფილმი გაუგებარი დარჩა: „ჩვენ გადავიღეთ ფილმი, რომელშიც ყველაფერი განზრახ არის გადაჭარბებული. „შოუგოგონას“, ამჟამადაც ცუდ ფილმად აღიქვამენ, მაგრამ ჩემი აზრით, უბრალოდ დღესაც ვერ ხვდებიან ადამიანები მის არსს. მე ვცდილობდი ფილმი ლას ვეგასივით შემემკო, მაგრამ როგორც აღმოჩნდა, რეალობით შევამკე და ეს ვერც „ფსევდოეთიკით აღჭურვილმა“ კრიტიკამ გაიგო და ვერც საზოგადოებამ. ამიტომაც აღიქვეს ფილმის მუსიკალური ნომრები ცუდი სახით. მე პრინციპულად წინააღმდეგი ვიყავი, რომ კარგი მუსიკა დამედგა იმ სცენებზე, რადგან ეს უდიდესი შეცდომა იქნებოდა“- ო. ამბობს გულდაწყვეტილი რეჟისორი.
ბოლოს იგი გამოტყდა, რომ როგორც წესი, თავის ფილმებს ხელახლა არ ნახულობს. მაგრამ „შოუგოგონა“ მის ამ წესებს არ ემორჩილება! იგი მან 20-ჯერ ნახა და მისი აზრით, დღემდე წაუქცეველ ფილმად რჩება, რომელიც რეჟისორმა დიდი ელეგანტურობით შექმნა.

ნანახია 237 | 2016-12-08
სხვა სიახლეები
მეთ დეიმონი და ბენ აფელკი HBO-ს ახალი ფილმის თანაპროდიუსერები იქნებიან
სერიალი „Fear the Walking Dead“ – „გეშინოდეთ მოსიარულე მკვდრების“ განხილვა
რეიჩელ მაკადამსი ახალ ფილმში, უილ სმიტთან ერთად იმუშავებს
„სამი იქსი“ (xXx) - ქსანდერ კეიჯი ბრუნდება!
«სამმაგი საზღვარი» (Triple Frontier) - ფილმი, რომელითაც ჯონი დეპი დაინტერესდა
ახალი ფილმის, „მტაცებელი“ - „Predator“, სცენარი უკვე მზადაა

კომენტარი (0)
avatar
კინო სიახლეები
ნავიგაცია
სიახლე
Загрузка...
მსახიობები ყველას ნახვა
კინო სიახლე ყველას ნახვა
საავტორო მფლობელებისთვისკონტაქტი

© 2015
მაღლა