loading...
„პირველი მოთამაშე მზადყოფნაში“ (Ready Player One) - სტივენ სპილბერგის ფილმი, რომელშიც ტაი შერდანი ითამაშებს!

რამდენიმე თვის ძიების შემდეგ, შედეგს მიაღწიეს. სტივენ სპილბერგის ფილმისთვის „პირველი მოთამაშე მზადყოფნაში“, მთავარი როლის შემსრულებელი იპოვეს და ის მსახიობი ტაი შერდანია. ტაის მიმდინარე წელს იხილავს მაყურებელი ახალგაზრდა მუტანტი ციკლოპის როლში ფილმში - „იქს ადამიანები: აპოკალიფსი“.
შერიდანს დიდი კინოსკენ გზა ტერნეს მალიკმა გაუხსნა, როცა რეჟისორმა იგი თავის ექზისტენციალურ დრამაში „ცხოვრების ხე“ (The Tree of Life), ერთ-ერთი ძმის მთავარ როლზე დაამტკიცა. ამის შემდეგ, ახალგაზრდა მსახიობი გადაიღეს ფილმებში: „მადი“ (Mud), „ჯოი“ (Joe) (რომლისთვისაც მან ვენეციის კინოფესტივალის პრემია მოიპოვა), „სტენფორდის ციხის ექსპერიმენტი“ (The Stanford Prison Experiment) და „ბნელი საიდუმლოებები“ ( Dark Places).
ერნესტ კლაინის წიგნში - „Ready Player One“ – „პირველი მოთამაშე მზადყოფნაში“ სანამ ის გამოვიდოდა, 2011 წელს სტუდია Warner-მა ექვსციფრიანი თანხა გადაიხადა. ამ რომანზე თვალი სტუდია Fox-Paramount-საც ეჭირა, მაგრამ პირველმა დაასწრო. რომანი თაროებზე გამოჩენისთანავე გახდა ბეტსელერი და მსოფლიოს მრავალ ენაზე ითარგმნა.
სიუჟეტი ახლო მომავალში ვითარდება, რომელშიც მსოფლიო ძალიან მოსაწყენი გახდა. სამაგიეროდ, ადამიანებს „ოაზისი“ აქვთ, ვირტუალური სამყაროს სახით. უტოპია, რომელმაც ჩვეულებრივი ცხოვრება რადიკალურად შეცვალა. აქ შეგიძლია: ითამაშო, ისწავლო, გამოიმუშავო ფული და გაიცნო ახალი ადამიანები (ან მინიმუმ მათი ავატარები).
თუკი მის მოსაწყენ რეალობას გავითვალისწინებთ, მოზარდი უეიდ უოტსი, მხიარულად ატარებს დროს ვირტუალურ სამყაროში, „ოაზისში“ მცხოვრები მილიონობით ადამიანების მსგავსად. უეიდი სამი გასაღების პოვნაზე ოცნებობს, რომლებიც „ოაზისის“ გარდაცვლილმა შემქმნელმა, მსოფლიოში ყველაზე მდიდარმა ადამიანმა - ჯეიმს ჰოლიდემმა დატოვა. მოარული ხმების მიხედვით, გასაღების მპოვნელი მოთამაშე, ჰოლიდემის მემკვიდრე გახდება. ვირტუალურ სამყაროში მაცხოვრებლებისთვის ეს თამაში უბრალო რამ არ გახლავთ, მათ ნამდვილი საშიშროება მოელით. უეიდი პირველ გასაღებს იპოვის, მაგრამ მას კვალში უდგას ორგანიზაცია, რომელიც მისი მემკვიდრეობის გაყოფას ცდილობს არამარტო ვირტუალურ სამყაროში.
უნდა აღინიშნოს, რომ „ოაზისის“ შემოქმედი, 1980-იანი წლების პოპ-კულტურის თაყვანისმცემელი იყო. აქედან წამოვიდა მისი კლასიკური ნიმუშები: „უკან მომავალში“ და „ვარსკვლავური ომები“.
გასაღებების ძიებაში, უაიდის თანამზრახველი გოგონას როლს, მსახიობი ოლივია კუკი შეასრულებს, ხოლო, მთავარი ბოროტმოქმედის როლში - მსახიობი ბენ მელდენსონი მოგვევლინება.
თავდაპირველად, სტუდია Warner-ი ფილმის გამოშვებას 2017 წლის შობისთვის გეგმავდა, მაგრამ „ვარსკვლავური ომების“ გამო, მისი რელიზი 2018 წლის 30 მარტისთვის გადაიტანეს!

ნანახია 267 | 2016-12-11
სხვა სიახლეები
„Luther“-ის სცენარისტი - ნილ კროსი, „Escape from New York“ -ის ახალ ვერსიას შექმნის
ჯოზეფ გორდონ-ლევიტის ინტერვიუ საჰაერო გასეირნებასა და შთაგონებაზე
სერიალი „Fear the Walking Dead“ – „გეშინოდეთ მოსიარულე მკვდრების“ განხილვა
“ შავი პანტერას ” („Black Panther“) გადაღებას, რეჟისორ რაიან კუგლერს სთავაზობენ
„X-ადამიანები: აპოკალიფსი“ (X-Men: Apocalypse) - მალე ფართო ეკრანებზე
„შანარის“ ქრონიკები - აშშ-ს ახალი ფენტეზურ- სათავგადასავლო სერიალი 2016 წლის 5 იანვრიდან მსოფლიოს წამყვან ტელეარხებზე!

კომენტარი (0)
avatar
კინო სიახლეები
ნავიგაცია
სიახლე
Загрузка...
მსახიობები ყველას ნახვა
კინო სიახლე ყველას ნახვა
საავტორო მფლობელებისთვისკონტაქტი

© 2015
მაღლა