VAKINO.COM
მთავარი მსახიობები სერიალები

» » ფილმი „გოძილა კინგ-კონგის წინააღმდეგ “, 2020 წლისთვის გამოვა ფართო ეკრანებზე
მთავარი » ფაილები » სიახლე

ფილმი „გოძილა კინგ-კონგის წინააღმდეგ “, 2020 წლისთვის გამოვა ფართო ეკრანებზე
[ · გადმოწერა წაშლილია () ] 2015-10-16, 3:21 PM
კინოსტუდია Warner და კომპანია Legendary მხატვრული ფილმის „Godzilla vs. Kong“ გადაღებისთვის გაერთიანდნენ. ასე რომ, ორი კლასიკური მონსტრი მასშტაბურ ფილმში დაუპირისპირდება ერთმანეთს. ფილმში მონაწილეობას მიიღებენ სხვადასხვა სტუდიების პერსონაჟები.

ფილმი სუპერგიგანტური არსებების ერთგვარი „ეკოსისტემა გახდება“, როგორც კლასიკური თვალსაზრისით, ისე ნოვაციურითაც. 2014 წელს „გოძილას“ შემოქმედი ორგანიზაცია "Monarch", თავის მოღვაწეობას მრავალფეროვანი მიმართულებით წარმართავს.

პირველი ფილმები, რომლებზეც სტუდიებმა უკვე იმუშავეს, დაანონსებულია. ესენი გახლავთ: „Kong: Skull Island“, რომელიც ეკრანებზე 2017 წლის 9 მარტს გამოვა და „Godzilla 2“, რომლის რელიზიც 2018 წლის 7 ივნისისთვისაა დაგეგმილი. ხოლო, ფილმის “Kingu Kongu tai Gojira“ ჩვენება 2020 წლისთვისაა დაგეგმილი.

2013 წელს სტუდია Legendary, სტუდია Warner-დან სტუდია Universal-ში გადავიდა, სადაც საფუძველი ჩაეყარა ამ ახალი პროექტის შექმნას. კომპანიის დამფუძნებელი თომას ტული, თავისი ფილმებისა დატელეპროგრამების ფართო დამოუკიდებლობისთვის თავგამოდებით იბრძვის და მიმართულია გააგრძელოს ისეთი ფილმების გადაღება, რომლებიც პოპ ლკულტურის მოყვარულებს იტაცებს. სტიდია Warner - ს მხარდაჭერა არ გამოუცხადეს და ამიტომ თომას ტული იძულებული გახდა სტუდია Universal - ში გადასულიყო.

რაც შეეხება ფილმს „Kong: Skull Island“, მისი გადაღებები მიმდინარე წლის 19 ოქტომბრიდან დაიწყება. ფილმში დაკავებულია მსახიობები: თომ ჰიდლსტონი, ბრი ლარსონი, ჯონ გუდმანი, სემიუელ ლ. ჯექსონი და ჯონ სი რაილი. ფილმის რეჟისორი კი - ჯორდან ვოთ-რობერთსია. სცენარი ეკუთვნის: მაქს ბორენშტეინს, დერეკ ქონოლსა და ჯონ გეიტინსს. ფილმის ოპერატორი ლარი ფონგია.

თომას ტულმა ერთ-ერთ ინტერვიუში „კინ-კონგისა და გოძილას“ ფრანჩიზთან (შერწყმასთან) დაკავშირებით განაცხადა: “მაყურებელმა კარგად მიიღო „გოძილა“. სიამოვნებით განვაცხადებ, რომ ეს ფილმი გასართობი სამყაროს ახალი მასშტაბური დასაწყისია ამ ჟანრის კინომოყვარულთათვის. მე ყოველთვის მსურდა გამეგო, რა მოხდებოდა, რომ „კინგ-კონგი“, „გოძილას“ შეხვედროდა და ბოლოს და ბოლოს ამის შესაძლებლობა მომეცა!“

კომპანია ვარნერის ხელმძღვანელი, ქევინ ცუტჯიჰარა ეთანხმება თომას ტულს და მიაჩნია, რომ მსგავსი ფრანჩიზი კინემატოგრაფიაში დამატებით შესაძლებლობებს გახსნის.

მინდა შეგახსენოთ, რომ „კინგ-კონგი“ და „გოძილა“, ეკრანზე უკვე დაუპირისპირდნენ ერთმანეთს 1962 წელს ისირა ჰონდას მიერ გადაღებულ იაპონურ ფილმში „Kingu Kongu tai Gojira“, რომლის ხანგრძლივობაც 1 სთ-ი და 14 წთ-ია. ეს ფრანჩიზის ტიპის მესამე იაპონური ფილმი გახლდათ ცნობილ რადიოაქტიურ მონსტრზე გადაღებული და პირველი, გიგანტური გორილას მონაწილეობით გადაღებული ორი ფილმიდან. იგი გასული საუკუნის 30-იან წლებში შექმნა სტუდია Toho - მ და დღემდე, კომერციული თვალსაზრისით, ყველაზე შემოსავლიანია იაპონიაში, გოძილაზე გადაღებულ ფილმებს შორის.

კატეგორია: სიახლე | დაამატა: mirza | ტეგები: ეკრანებზე, ფილმი, ფართო, 2020 წლისთვის, გამოვა, წინააღმდეგ, კინგ-კონგის, გოძილა
ნანახია: 711 | რამოტვირთვები: 5 | რეიტინგი: 0.0/0
სულ კომენტარები: 0
avatar