loading...
«ოსკარი» ციფრებში!

ახლა, როცა დასრულდა „ოსკარი 2016“ -ის ციებცხელება და ლეონრდო დიკაპრიო, როგორც იქნა, ამ ჯილდოს მფლობელი გახდა (ჩემის აზრით, რომ არა გენიალური რეჟისორი ალეხანდრო გონსალეს ინიარიტუ, რომელმაც დიდი მხარდაჭერა გამოუცხადა ამ ტალანტ მსახიობს და თავის დრამაში „გადარჩენილი“, მთავარ როლზე აიყვანა - დიკაპრიო წელსაც „ოსკარის“ გარეშე დარჩებოდა) და როცა გაირკვა, რომ „ოსკარის“ წლევანდელ ტრანსლაციას ყველაზე დაბალი რეიტინგი ჰქონდა უკანასკნელი 8 წლის მანძილზე (34,3 მილიონი მაყურებელი) და „ოსკარის“ მაქსიმუმი (სულ ექვსი) „შეშლილ მაქსს“ ხვდა წილად, შეგვიძლია ყურადღება სხვა ციფრებზეც გავამახვილოთ:

2 — ადამიანმა იცის ლაურეატთა სახელები, ვიდრე სცენაზე კონვერტებს გახსნიდნენ.

4 კილოგრამია თითქმის ყველა სტატუეტი.

680 დოლარია ერთი სტატუეტის ღირებულება.

3 — თვე სჭირდება 50 სტატუეტის დამზადებას.

270 ადამიანი ესწრებოდა ამერიკული კინოაკადემიის პრემიით პირველ დაჯილდოვებას, რომელიც 1929 წელს შედგა.

5 დოლარი ღირდა - კინოაკადემიის პრემიებით პირველი დაჯილდოვების ცერემონიალზე დასასწრები ბილეთი.

15 წუთი გრძელდებოდა „ოსკარის“ პირველი ცერემონიალი.

263 წუთი გახლდათ ცერემონიალის ყველაზე ხანგრძლივი ტრანსლაცია, რომელიც 2002 წლის 24 მარტს შედგა.

42 000 000 — ამერიკელი მაყურებელის ყურადღება მიიპყრო 2002 წლის 24 მარტის ტრანსლაციამ, მიუხედავად ქრონომეტრაჟისა.

100 წუთია — „ოსკარის“ ყველაზე მოკლე ტრანსლაციის ხანგრძლივობა, რომელიც 1959 წლის 6 აპრილს შედგა.

2 — „ოსკარი“ მიიღო ფილმმა „ყურადღების ცენტრში“, რომელიც 2015 წლის საუკეთესო სურათი გახდა.

63 — წელი გავიდა მას შემდეგ, რაც მსგავსი შემთხვევა მოხდა, როცა მელოდრამამ „მსოფლიოს დიდი შოუ“, ნომინაციაში „საუკეთესო ფილმი“ და „საუკეთესო სცენარი“ ორი ჯილდო მოიპოვა, ხოლო, დანარჩენ სამ ნომინაციაში დამარცხდა.

3 — რეჟისორმა მიიღო „ოსკარი“ ნომინაციაში „საუკეთესო რეჟისურა“, ზედიზედ ორი წლის მანძილზე. ესენია: ჯონ ფორდი, ჯოზეფ ლეო მანკევიჩი და ალეხანფრო გონსალეს ინიარიტუ.

10 —მა ოპერატორმა მოიპოვა სამი და მეტი „ოსკარი“. ესენია: ლეონ შემროი და ჯოზეფ რუტენბერგი - 4 ოსკარი. რობერტ სიორტისამ, კონრად ლ’ჰოლამ, რობერტ რიჩარდსონმა, არტურ ჩ. მილერმა, ფრედი იანგმა, ვიტორიო სტორარომ და უინტონ ს. ჰოჩამ - სამსამი ოსკარი.

1 — ოპერატორია „ოსკარების“ ისტორიაში ოპერატორი ემანუელ ლიუბეცკი, რომელმაც 3 წლის მანძილზე ზედიზედ მოიპოვა ოსკარი.

22 — წელი გავიდა მას შემდეგ, რაც ლეონარდი დიკაპრიო პირველად გახდა ოსკარის კანდიდატი ნომინაციაში „მეორე რანგის როლისთვის“ ფილმით „რა აწუხებს გილბერტ გრეიფს?“
28- ე ფილმმა მოუტანა დიკაპრიოს „ოსკარი“! მისი კარიერა კი კინოში ფილმით „კბილოსნები 3“ დაიწყო.

3 — მსახიობი მუშაობს ამჟამად ჰოლივუდში, რომლებმაც ჯერჯერობით, ვერ მოიგეს ოსკარის ვერც ერთ ნომინაციაში. ესენია: გლენ კლოუზი 6 ნომინაცია, ხუთ-ხუთი ალბერტა ფინისა და ემი ადამსს.

$13 474 429 — ასეთია დრამის „ოთახი“ შემოსავალი, რომელიც წელს „ოსკარზე“ იყო ნომინირებული კატეგორიაში „საუკეთესო ფილმი“.
13 მსახიობი იყო „ოსკარზე“ ნომინირებული, რომლებიც რეჟისორმა სტივენ სპილბერგმა გადაიღო თავის ფილმებში.

128 — ჯერ იყო „ოსკარის“ ნომინაციაზე წარდგენილი სტივენ სპილბერგის ყველა ფილმი.
1/100 — ასეთი გახლდათ ბუკმეკერების ფსონი წელს, ლეონარდო დიკაპრიოს გამარჯვებაზე!

200 დოლარი — თითო კონვერტის ღირებულება, რომელშიც გამარჯვებული მსახიობის ვინაობაა დასახელებული. კონვერტების ავტორი დიზაინერი მარკ ფრიდლენდია.

497 წუთი არის ყველაზე დიდი ხანგრძლივობა იმ ფილმისა, რომელმაც „ოსკარი“ მოიპოვა. ეს გახლავთ სერგეი ბორდანჩუკის დრამა „ომი და მშვიდობა“, რომელმაც „საუკეთესო უცხო ენოვანი ფილმის“ ნომინაციაში გაიმარჯვა.

2 200 000 — დოლარი გახლავთ 30 წამიანი სარეკლამო რგოლის ღირებულება „ოსკარის“ ცერემონიალის ტრანსლაციისას.

212 წუთი — გაგრძელდა 2016 წლის „ოსკარის“ პრემიების გადაცემის ცერემონიალი. ეს ზუსტად იმდენი დროა, რამდენ ხანსაც გრძელდება ფილმი „ბენ-გური“, რომელმაც 1960 წელს 11 „ოსკარი“მოიპოვა!

ნანახია 316 | 2016-12-05
სხვა სიახლეები
«კანის» 69-ე ფესტივალის მოლოდინი
«სამმაგი საზღვარი» (Triple Frontier) - ფილმი, რომელითაც ჯონი დეპი დაინტერესდა
წყევლა 2 / The Conjuring 2 - პრემიერა!
„ავატარი 2“ (Avatar 2) - 2017 წლის 25 დეკემბრიდან მსოფლიო ეკრანებზე!
მხატვრული ფილმი „Everest“ – „ევერესტი“ განხილვა
ფილმს „Gambit“ - „გამბიტი“, რეჟისორი დაგ ლაიმანი გადაიღებს!

კომენტარი (0)
avatar
კინო სიახლეები
ნავიგაცია
სიახლე
Загрузка...
მსახიობები ყველას ნახვა
კინო სიახლე ყველას ნახვა
საავტორო მფლობელებისთვისკონტაქტი

© 2015
მაღლა