loading...
«მოკალი სტალინი» "Убить Сталина" - სერიალის განხილვა

გახმაურებული რუსული სერიალის «მოკალი სტალინი» (Убить Сталина) მსოფლიო ჩვენება 2013 წლის 4 ნოემბერს შედგა, ხოლო, რუსეთში - 2013 წლის 25 ნოემბერს. აღნიშნული სერიალი, მომავალი კვირიდან ქართული თარგმანით ტელეარხ „მაესტროზე“ გავა.
სერიალი გადაიღო ცნობილმა რუსმა რეჟისორმა სერგეი გინზბურგმა (წარმოშობით გერმანელი გახლავთ). სცენარი იგორ ტერ-კარაპეტოვს ეკუთვნის. სერიალზე მუშაობდნენ პროდიუსერები: ვლად რიაშინი, ანდრეი ანოხინი და დენის კონსტანტინოვი. ოპერატორი გახლავთ ვასილი სიკაჩინსკი. მუსიკა ეკუთვნის კომპოზიტორ გლებ მატვეიჩუკსა და ანდრეი კომისაროვს. სერიალზე მუშაობდა მხატვართა ჯგუფი: იური კონსტანტინოვის, ჟანა ლანინას, ქსენია მავრინასა და სხვათა შემადგენლობით. მონტაჟიეკუთვნის: ოლგა პროშკინასა და ირინა მიჩურინას.
როლებს ასრულებენ რუსული კინოსა და ტელევიზიის ვარსკვლავები: ალექსანდრ დომოგაროვი, მიხაილ პორეჩენკოვი, ეკატერინა ვილკოვა, პაველ ტრუბინერი, ანდრეი გუსევი, ვასილი მიშჩენკო, იგორ ხრიპუნოვი და სხვები.
სერიალი დეტექტივისა და საომარ ჟანრებს განეკუთვნება. ერთი სერიის ხანგრძლივობა - 50 წთ. და 50 წმ-ია. სერიალის მწარმოებელი კომპანია გახლავთ STAR MEDIA.
პირველი, რაც მაყურებლის ინტერესს იწვევს, პროექტის დამაინტრიგებელი სათაურია - «მოკალი სტალინი» (Убить Сталина)! ასევე ყურადსაღებია ცნობილი რუსი რეჟისორი და ასევე საკმაოდ ცნობილი მსახიობებიც.
რუს მაყურებლებში, სერიალის მოლოდინი განსხვავებული გახლდათ და ასევე განსხვავებულია მისი შეფასებებიც. მე არ ვიქნები ზედმეტად მკაცრი მის შეფასებებში, რადგან კინემატოგრაფია ხელოვნების ისეთი დარგი გახლავთ, რომელსაც ბევრი ლაფსუსის ატანა შეუძლია, რისგანაც დაცული რუსული კინო კი არა, თვით „დიდი ჰოლივუდიც“ არ გახლავთ!
რეჟისორმა სერგეი გინსბურგმა კი, განსაკუთრებით თავი 2011 წელს გადაღებული პროექტით „მიშა იაპონჩიკის ცხოვრება და თავგადასავალი“ (Жизнь и приключения Мишки Япончика), გამოიჩინა.
რაც შეეხება სცენარს, ვერც მას დაუდებ განსაკუთრებულ წუნს.
მისი მოკლე შინაარსი ასეთია: „1941 წლის შემოდგომაა... გერმანელი ფაშისტები მოსკოვამდე მივიდნენ. აქ ისინი საბჭოთა მეომრების გმირულმა თავგანწირვამ და ნაადრევმა ზამთარმა შეაჩერა. მაგრამ ფრონტზე მდგომარეობა, უკიდურესად დამძიმდა... მტერს ძლივს აჩერებენ.
რაიხის ხელმძღვანელობამ ვერაგული გეგმა ჩაიფიქრა - გამანადგურებელი დარტყმა მიაყენოს საბჭოთა არმიას და მუხანათურად მოკლას სტალინი! სტალინის ლიკვიდაცია გერმანელ ოფიცერთა სპეციალურ ჯგუფს - «აბვერი» «ბრანდენბურგ-800» -სს დაევალა, რომელსაც საბჭოთა არმიაში ღრმად ჩანერგილი გერმანელი აგენტი ეხმარება.
რაიხის განზრახვას წინ აღუდგებიან სსრკ-ის უსაფრთხოების სამსახურის ჭკვიანი და მამაცი თანამშრომლები“...
დიალოგები სერიალში გასაგებია, მონაცვლეობები მოულოდნელი და იუმორის გარეშე, რაც შეიძლება ითქვას, გასაოცარიც კია. თავად სერიალის ისტორია თითქმის შემდგარია. სიუჟეტი - გამოცანაა - ვინ არის მოღალატე და რატომ? რაღაცნაირად ის საომარ თემაზე გადაღებულ დრამას - «გამქრალები» (Исчезнувшие) ჩამოჰგავს.
რაც შეეხება მთავარი როლის შემსრულებელ მსახიობს - ალექსანდრ დომოგაროვს, რომელიც სახელმწიფო უსაფრთხოების სამსახურის ჭკვიანი ოფიცერს თამაშობს, გმირის სახის შექმნა გამოუვიდა! ასევე კომფორტულად გრძნობს თავს მაიორ აბვერის ფორმაში მსახიობი მიხაილ პორეჩენკოვიც. სხვა მსახიობებც დამაკმაყოფილებლად ასრულებს მეორეხარისხოვან, თუ ეპიზოდურ როლებს. მუსიკალური კომპოზიციებიც შესაბამის დატვირთვას აძლევს სერიალში განვითარებულ მოვლენებს.
ჩემი აზრით, ბოლო ოთხი წლის მანძილზე, მსგავს თემატიკაზე გადაღებული სერიალებისგან განსხვავებით, აღნიშნული პროექტი წარმატებულია, მაგრამ მთლიანობაში ის ვერ უტოლდება სერიალს «ლიკვიდაცია» (Ликвидации).
რაც შეეხება სერიალის გადაღებების შიდა სამზარეულოს, აქ რამდენიმე კურიოზი მოხდა:

• სერიალის გადაღებები მიმდინარეობდა: მოსკოვში, რიბინსა და იაროსლავში. საბრძოლო ბატალური სცენების გადაღების ადგილად კი - ქალაქ როსლავლი გამოიყენეს.
• მასიური სცენების მსახიობთათვის გადაღების პროცესი რთული აღმოჩნდა, რადგანაც მძლავრი ყინვა იყო და მათ 5-6 საათის მანძილზე უხდებოდათ ქუჩაში დგომა, ან მიწაზე დაგდებული „მკვდარი ჯარისკაცის“ პოზაში ყოფნა.
• ქალაქ რიბინსკში გადაღებებისას, ერთ ყინვიან დღეს, მსახიობი მიხაილ პროჩენკოვი გადასაღებ მოედანზე ადგილობრივ ტყეში მოპოვებული ნანადირევით გამოჩნდა და გადამღებმა ჯგუფმა გემრიელი მწვადები მიირთვა.
• სტალინის როლის შესრულება, მსახიობ ანატოლი ძივაევს მიანდეს, რომელმაც ბელადის როლი მერვედ შეასრულა. მან სტალინი განასახიერა ისეთ სერიალებში, როგორებიცაა: «ჟუკოვი» (Жуков), «ტუხაჩევსკი. მარშალის შეთქმულება» (Тухачевский. Заговор маршала), «ბელადის ვაჟი» (Сын отца народов) და სხვ.
• ყველაზე რთული აღმოჩნდა ომის ეპოქის დროინდელი ნამდვილი მბრუნავი ბაბინებიანი მაგნიტოფონის პოვნა. სცენარის მიხედვით, ბოროტმოქმედი, რომლის როლსაც პერეჩენკოვი ასრულებს, სახლს დანაღმავს, რომელიც უნდა აფეთქდეს, მაშინ როცა ფირი ბოლომდე გადაიხვევა. როგორც იქნა მაგნიტოფონი იპოვეს, მაგრამ ბაბინები არ მოძრაობდა! "მე და პაშა ტრუბინერი დილის ოთხ საათამდე ამ მაგნიტოფონზე ვჯადოქრობდით - ღიმილით იხსენებს დომოგაროვი. ჯამში კი - ეკრანზე ყველაფერი დამაჯერებლად აისახა".
• მასიური გადაღებებში მონაწილე ერთ-ერთ მსახიობს, იური სკორინკინს, გერმანელი დივერსანტის როლი და დიალოგი ფართო პლანით უნდა ეთამაშა. მაგრამ გადასაღებ მოედანზე, ყველაფერი შეიცვალა... უყურადღებობის გამო, მას რიგითი ჯარისკაცის ფორმა ჩააცვეს, მისცეს ავტომატი და პირდაპირ „ჯოჯოხეთში“ გაგზავნეს.
• ფაშისტების როლების შემსრულებლებს, გადასაღებ მოედანძე „ნაძირლებს“ ეძახდნენ. როგორც კი რეჟისორი დაიძახებდა „მოტორი!“ მისი თანაშემწე მეგაფონის დახმარებით დაიყვირებდა: „ფაშისტი ჯარისკაცების გამამხნევებელ სიტყვებს:“ნაძირლებო, წინ!“
• დომოგაროვი რეცენზიაში იხსენებს: „ როსლავლში დეკემბრის გადაღებების დროს, ისეთი სიცივე იყო, რომ პირველი დუბლის გადაღებისას კიდევ შეგეძლო დალაპარაკება, მაგრამ მეორე დუბლისას - მომენტალურად იყინებოდი.“
• გადამღები ჯგუფს ნამდვილად არ ჰქონდა სამხიარულოდ საქმე. მაშინ, როცა ერთ-ერთი კადრის გადაღებისას, კინაღამ დაეღუპათ კასკადიორი. იღებდნენ სცენას, სადაც ერთ-ერთი მთავარი გმირი, მანქანით ბომბების საწყობს უნდა შეჯახებოდა და აეფეთქებინა. შეჯახების დროს მანქანის კარები მოულოდნელად გაიჭედა და მას ცეცხლი წაეკიდა. შიგ კი - კასკადიორი ჩარჩა, რომელიც გამოსვლას ვერ ახერხებდა. რამდენიმე ცდის შემდეგ მან კარებზე ფეხის კვრით მოახერხა სამშვიდობოს გამოსვლა. ის იმას განიცდიდა, რომ საყვარელი შარვალი ცეცხლმა დაუზიანა.
• მორიგი აფეთქების გადაღებისას, სიკვდილს ძლივს გადაურჩა ერთ-ერთი პროდიუსერი. აფეთქების დარტყმის ტალღამ, ქვიშით სავსე ერთი ტომარა, 20 მეტრის სიმაღლეზე ააგდო, რომელიც პრაქტიკულად მილიმეტრებში, პროდიუსერ ანდრეი ანოხინის გვერდით დაეცა. მას გაუმართლა, მხოლოდ ქვიშა გადაეყარა.

ნანახია 577 | 2016-12-07
სხვა სიახლეები
ჟერარ დეპარდიე სტალინის როლში!
შონ პენი, HBO - ს სერიალში აშშ-ს მე-7 პრეზიდენტის როლს ითამაშებს
"Ant-Man", „ადამიანი-ჭიანჭველა“ - ს გაგრძელებას, ისევ პეიტონ რიდი გადაიღებს!
სერიალის - “ქსენა: მებრძოლი პრინცესა“ (Xena: Warrior Princess) - ახალი ვერსია, ეკრანებზე 2016 წლიდან გამოჩნდება!
სერიალი „სიკვდილის უდაბნოში“ – „Into the Badlands“ - განხილვა
«მოკალი სტალინი» "Убить Сталина" - სერიალის განხილვა

კომენტარი (0)
avatar
კინო სიახლეები
ნავიგაცია
სიახლე
Загрузка...
მსახიობები ყველას ნახვა
კინო სიახლე ყველას ნახვა
საავტორო მფლობელებისთვისკონტაქტი

© 2015
მაღლა