loading...
„მოჩვენება აბჯარში“ - ახალი ფილმი, რომელშიც მაიკლ პიტი ბოროტმოქმედის როლს ითამაშებს!

გრძელდება ანიმაციის „მოჩვენება აბჯარში“ (Ghost in the Shell), ინგლისურ ენოვანი ვერსიის მხატვრულ ფილმად გადაღების ქასთინგები. როგორც ცნობილია, მთავარ როლს სკარლეტ იოჰანსონი შეასრულებს, ხოლო, მის მოწინააღმდეგედ, ბოროტმოქმედის როლში, მსახიობი მაიკლ პიტი იქნება, რომელიც განსაკუთრებით ცნობილია 2010-2014 წლებში გადაღებული სერიალიდან „მიწისქვეშა იმპერია“ (Boardwalk Empire).
ფილმში, მაიკლ პიტი ითამაშენს პერსონაჟს, რომელსაც მეტსახელად „მოცინარ კაცს“ ეძახიან. იგი ბოროტი და შურისძიებით შეპყრობილი ადამიანია, რომლის სხეულის ზოგიერთი ნაწილები მექანიკურია. „მოცინარ კაცს“ გრძნობათა თავისებური სტილი ახასიათებს, სცენარში კი - ის წარმოდგენილია, როგორც ბოროტმოქმედი, რომელიც თითქოს ქუჩის მხატვრის პრიზმაშია გატარებული.
სკარლეტ იოჰანსონი, კიბორგი გოგონას როლს შეასრულებს, რომელიც ელიტურ რაზმს, „მეცხრე განყოფილებას“ მეთაურობს. რაზმი კომპანია Hanka Robotics მიეკუთვნება. „მეცხრე განყოფილება“, ყველაზე საშიშ დამნაშავეთა და ექსტრემისტთა წინააღმდეგ საბრძოლველად შეიქმნა. ბნელ სამყროს სათავეში „მოცინარი კაცი“ უდგას, რომლის მიზანსაც კომპანიის ტექნოლოგიური მონაპოვრის განადგურება წარმოადგენს.
დანიელი მსახიობი, იოჰან ფილიპ ასბეკი კი - პერსონაჟ ბატის როლს ითამაშებს, რომელიც „მეცხრე განყოფილების“ ყველაზე საუკეთესო მებრძოლია. მამორუ ოსის ანიმაციის თანახმად, ეს „კიბორგ-ურჩხული“ მრავალი სისხლიანი კონფლიქტის მონაწილეა, რომელმაც სახელი გაითქვა, როგორც უმკაცრესი „სტომატოლოგიური მეთოდებით“ წამების სპეციალისტმა.
რუპერტ სანდესი ფილმის რეჟისორი იქნება. ფილმის გადაღებები თებერვლის ბოლოს დაიწყება ახალ ზელანდიაში. მსოფლიო პრემიერა კი - 2017 წლის 29 მარტიდან დაიწყება!
პროექტში - „მოჩვენება აბჯარში“ (Ghost in the Shell) მონაწილეობენ აგრეთვე ცნობილი მსახიობები: კევინ კოსტნერი, გარი ოლდმანი, გალ გადოტი, ტომი ლი ჯონსი და რაიან რეინჰოლდსი.
დღეის მონაცემებით, ფილმის წარმატების მოლოდინის რეიტინგი, თითქმის მაქსიმალურია - იგი 98 პროცენტს შეადგენს.
კინო სიახლეების მოყვარულთ კი - დამატებით ინფორმაციებს სურათის ტრეილერის გამოჩენისთანავე მოგაწვდით!

ნანახია 553 | 2017-09-25
სხვა სიახლეები
“სიმღერა” (Sing) - მულტფილმი, რომელსაც 2016 წლის დეკემბერში იხილავთ!
მალე, ლეონარდო დი კაპრიო Volkswagen-ზე გადაღებული სკანდალური ფილმის პროდიუსერად მოგვევლინება
კინოსტსტუდია „სონი“, კომიქსის -“Descender“ (დამშვები) -მიხედვით ფილმს გადაიღებს!
სკანდალი ამერიკულ კინოაკადემიაში! მალე „ოსკარის“ ჟიურის წევრობის წესები შეიცვლება!
ჯოზეფ გორდონ-ლევიტის ინტერვიუ საჰაერო გასეირნებასა და შთაგონებაზე
«სამმაგი საზღვარი» (Triple Frontier) - ფილმი, რომელითაც ჯონი დეპი დაინტერესდა

კომენტარი (0)
avatar
კინო სიახლეები
ნავიგაცია
სიახლე
loading...
Загрузка...
მსახიობები ყველას ნახვა
კინო სიახლე ყველას ნახვა
საავტორო მფლობელებისთვისკონტაქტი

© 2015
მაღლა