loading...
მხატვრული ფილმი „Everest“ – „ევერესტი“ განხილვა

ევერესტის მიუწვდომელი მთის დალაშქვრა, ბევრი პროფესიონალი მთასვლელის ოცნებაა. მისი მწვერვალების დაპყრობის მსურველი ერთი ექსპედიცია ნამდვილი ტრაგედიით დასრულდა. მაგრამ ეს ფაქტი როდი აფერხებს უშიშარ და მამაც ალპინისტებს!

სწორედ ამ თემაზე გადაიღო 2015 წელს მძაფრსიუჟეტიანი სათავგადასავლო ფილმი „Everest“ – „ევერესტი“, რეჟისორმა ბალთაზარ კორმაკურმა. (რეჟისორი ცნობილია ფილმებით: „Contraband“ და „Brúðguminn“. მას გადაღებული აქვს კიდევ 28 ფილმი).

კინოსურათი „ევერესტი“ აშშ-ს, დიდი ბრიტანეთისა და ისლანდიის ერთობლივი ნაწარმოებია. მისი ბიუჯეტი 55 000 000 $ შეადგენს. ფილმის ხანგრძლივობა 2 სთ-ი და 1 წთ-ია. რეიტინგია - IMDb 7.9. როლებს ასრულებენ მსახიობები: ჯეისონ კლარკი, ჯოშ ბროლინი, ჯონ ჰოუკსი, რობინ რაიტი, ემილი უოთსონი, კირა ნაითლი, სემ უორთინგტონი, ჯეკ ჯილენჰოლი, თომას რაითი, მარტინ ჰენდრესონი, ემი შინდლერი, შარლოტა ბიუვინგი. პროდიუსერებია: ნიკი კენტიშ ბარნსი, დევიდ ბრიშერსი, ერიკ ფელნერი, დევიდ ნიკოლსი, ტაილერ ტომპსონი და სხვ. სცენარისტებია: უილიამ ნიკოლსონი და საიმონ ბოფოი. ფილმის ოპერატორია სალვატორე ტოტინო. კომპოზიტორია - დარიო მარიანელი. მხატვრებია: ალესანდრო სანტუჩი და თომ სტილი. მონტაზე იმუშავა მიკ ოდსლიმ.

ფილმის გადაღებები ნეპალში მიმდინარეობდა. ჯერჯერობით უცნობია, ევერესტის თუ რომელი ნაწილია რეალურად გადაღებული და რომელი კომპიუტერული ტექნოლოგიით დამუშავებული. მაგრამ კარგი ნამუშევარი მართლაც რომ არის, ეს არცაა გასაკვირი. ევერესტი ხომ ბუნებრივად უმშვენიერესია... და ოპერატორმა ამ სილამაზის გადაღება რომ ვერ შეძლოს, ან ხელმრუდე უნდა იყოს, ან ელამი. სალვატორ ტოტინო კი - შესანიშანავი ოპერატორია და მისმა მახვილმა თვალმა წარმატებულად შეძლო ევერესტის თვალწარმტაცი სანახების კადრში დაჭერა. მისი სიღრმეების შავ-თეთრსა და 3D ფორმატში გადაწყვეტა.

ფილმის მთავარი გმირი ბეკი, თავიდანვე დარწმუნებულია და ყოველი ფეხის ნაბიჯზე იმეორებს, რომ ამჯერად, ყველაფერი კარგად გამოუვა და მიაღწევს დანიშნულების ადგილამდე. იგი ამის შესახებ, ორსულ მეუღლეს ატყობინებს. ქალი ბოლთას სცემს და უკვირს, რომ ქმარს ადრე არასოდეს დაურეკავს ასეთი რამ - „მას გული რაღაცას უგრძნობს“. გმირი ევერესტამდე მიაღწევს, თუ არა ეს სიურპრიზად დარჩეს. მაგრამ აქ მთავარი ის არის, რომ რეჟისორი თოვლის ხაფანგში ჩარჩენილი ბეკის ცოლთან სატელიტური საუბრის სიუჟეტით ცდილობს მანიპულირება მოახდინოს გულჩვილი მაყურებელის გრძნობებზე.

მიეკუთვნება, თუ არა ეს სურათი ბლოკბასტერს, დიდბიუჯეტიანი და მაღალშემოსავლიანი ფილმების რიგს, ეს არ არის მთავარი. მთავარია რისკენ იყო გამიზნული მისი გადაღება. რა უნდოდა რეჟისორს ეთქვა? ვინც ევერესტის დალაშქვრას აპირებთ თავი შეიკავეთო, თუ - ვინც გულგრილობას იჩენს შეაგულიანა?

ნანახია 606 | 2016-12-04
სხვა სიახლეები
“ბოროტების სავანე: 6”- ის გადაღებისას, უბედური შემთხვევის გამო, ადამიანი დაიღუპა
ოსკარ აიზეკმა შეიძლება „უცხოელში“ ითამაშოს
«მაკბეტი» - «Macbeth» - განხილვა
“ შავი პანტერას ” („Black Panther“) გადაღებას, რეჟისორ რაიან კუგლერს სთავაზობენ
„შანარის“ ქრონიკები - აშშ-ს ახალი ფენტეზურ- სათავგადასავლო სერიალი 2016 წლის 5 იანვრიდან მსოფლიოს წამყვან ტელეარხებზე!
ალისია ვიკანდერს «ჩაყვინთვა» (The Dive) ემუქრება

კომენტარი (0)
avatar
კინო სიახლეები
ნავიგაცია
სიახლე
Загрузка...
მსახიობები ყველას ნახვა
კინო სიახლე ყველას ნახვა
საავტორო მფლობელებისთვისკონტაქტი

© 2015
მაღლა