loading...
მეთ დეიმონი და ბენ აფელკი HBO-ს ახალი ფილმის თანაპროდიუსერები იქნებიან

HBO Films-ი აპროექტებს სურათს „Thirst“, რომლშიც მოქმედებები წყლის გლობალური კრიზისის ფონზე ვითარდება. მეთ დეიმონი და ბენ აფლეკი პროექტის თანაპროდიუსერები იქნებიან.

ფილმის სცენარის ავტორია ცნობილი ჩარლზ ლივიტი ფილმებით: „K-PAX“, „Blood Diamond“ და „In the Heart of the Sea“. იგი ასევე 2016 წლისთვის დაგეგმილი რეჟისორ დუნკან ჯონსის ფენტეზის ჟანრის ფილმის „Warcraft“ ადაპტაციაშიც მონაწილეობს. ფილმის დამდგმელი რეჟისორი იქნება ელიოტ ლესტერი. რომელიც HBO-ში დრამაზე „Nightingale“ მუშაობდა 2014 წელს.

„ჩვენ მოხარულები ვართ, რომ ვითანამშრომლებთ HBO-ში ამ პროექტთან დაკავშირებით, რადგან ვთვლით რომ ეს საუკეთესო პარტნიორობაა ამ ფილმისთვის. შემოქმედებითი ჯგუფი კი ისეთია, რომ ბევრ სანახაობრივ მასალას შესთავაზებს მაყურებელს და ჩვენ სიამოვნებით ვიქნებით მისი ნაწილი“, განაცხადეს თანაპროდიუსერებმა.

HBO-ს პროგრამების ხელმძღვანელი მაიკლ ლომბარდო, თავის მხრივ, კმაყოფილებას გამოთქვამს, რომ ფილმზე ოსკარის ლაურიატები იმუშავებენ.

დეიმონი და აფლეკი HBO-სთან 2001 წლიდან თანამშრომლობს, რომელიც დოკუმენტური სერიალების Project Greenlight ციკლით დაიწყეს.

ისიც უნდა ითქვას, რომ რამდენიმე დღის უკან, მეთ დეიმონი გამოტყდა, რომ ბავშვობაში ბენ აფლეკსთან ერთად მძაფრსიუჟეტიან, ფენტეზურ-ფანტასტიურ ფილმში „Daredevil“ თამაშზე ოცნებობდა. „როცა 2003 წელს შემომთავაზეს ამ როლში მონაწილეობა, მე შემეშინდა და უარი განვაცხადე. ბენი კი დათანხმდა “- ამბობს მეთი. ის თვლის, რომ საბოლოო ჯამში, ფილმი კარგი გამოდგა. თუმცა, „ბენი ამით დიდად აღტაცებული არ უნდა იყოსო.“ აღნიშნულ სუპერგმირს, იმ შემთხვევაში შევასრულებდი დიდი სიხარულით, მისი რეჟისორი კრისტოფერ ნოლანი, რომ იყოსო. „კრისი რომ ჩემთან მოსულიყო და ეთქვა: “მინდა Daredevil“-ში გადაგიღო! - მაშინ კი ნამდვილად დავთანხმდებოდი“. - განაცხადა მან.

ნანახია 452 | 2017-07-23
სხვა სიახლეები
“შეშლილი მაქსი” ქვენტინ ტარანტინომ 2015 წლის საუკეთესო ფილმად დაასახელა!
«გამყინვარების პერიოდი: შეტაკება გარდაუვალია» -მულტფილმი, რომლის პრემიერაც 2016 წლის ივნისში შედგება!
«თორი 3» (Thor: Ragnarok)- მა ახალი სცენარისტი შეიძინა
“ვარსკვლავური ომები: ძალთა აღზევება” და დეიზი რიდლის ინტერვიუ
“ოქროს გლობუსზე” ნომინირებული რუსული ფილმი
«მოკალი სტალინი» "Убить Сталина" - სერიალის განხილვა

კომენტარი (0)
avatar
კინო სიახლეები
ნავიგაცია
სიახლე
Загрузка...
მსახიობები ყველას ნახვა
კინო სიახლე ყველას ნახვა
საავტორო მფლობელებისთვისკონტაქტი

© 2015
მაღლა