loading...
მალე! ემილია კლარკი ახალ ფილმში - «შენთან შეხვედრამდე» (Me Before You)!

ბრიტანელი მწერალი ქალბატონი, ჯოჯო მოიესი - იმ მცირედენ ავტორთა შემადგენლობაში ერთ-ერთია, რომელმაც ორჯერ მიიღო პრემია სასიყვარულო თემატიკაზე შექმნილი რომანის გამო. მის წიგნებს მთელი მსოფლიო კითხულობს. ამიტომ რომანის პირველი ეკრანიზაცია მხოლოდ დროის საქმე გახლდათ და ეს დროც დადგა!
ახლახან გამოვიდა მისი რომანის მიხედვით გადაღებული ფილმის - «შენთან შეხვედრამდე» (Me Before You) ტრეილერი, სადაც მთავარ როლებს ემილია კლარკი და სემ კლაფლინი ასრულებს.
სერიალ „სამეფო კარის თამაშების“ - ვარსკვლავი, ახალ ფილმში უბრალო გოგონას ლუიზას როლს განასახიერებს, რომელიც სულ ახლახან უმუშევარი დარჩა. ის მზად არის შემოთავაზებულ ნებისმიერ ახალ სამსახურს დათანხმდეს და პარალიზებულ საწოლში ჩავარდნილ ავადმყოფს მომვლელად დაუდგეს.
თუმცა, მას ავადმყოფის მოვლის არანაირი გამოცდილება არა აქვს. ლუიზას მოვლის სუბიექტი, მდიდარი ოჯახის მოძრაობის უნარდაკარგული ხალგაზრდა კაცია, რომელიც მოტოციკლმა გაიტანა. მის როლს „შიმშილის თამაშებიდან“ კარგად ცნობილი მსახიობი (კლაფლინის როლით) - უილიამ ტრეინორი ასრულებს. ფილმის გმირი თავისთავად კარგი პიროვნებაა, მაგრამ უკიდურესად მკაცრია თავისი ახალი მომვლელის მიმართ. მხოლოდ ლუიზას გულწრფელობა შეუცვლის მას გოგონასთან და ცხოვრებაზე დამოკიდებულებას.
ემილიამ განაცხადა, რომ მთლიანად გადაყლაპა მოიესის რომანი, როცა მას „ტერმინატორის“ მეხუთე ფილმში იღებდნენ და ირგვლივ ბომბები ფეთქდებოდა. იგი სულით ხორცამდე შეძრული იყო ფილმში განვითარებული სიუჟეტით და რეჟისორ ტეა შეროკს სთხოვა, რომ მისთვის ახალი როლი მიეცა. მიუხედავად იმისა, რომ მას „მაგარი“ გოგოს როლი მისცეს, ემილია დარწმუნებულია თავის თავში, რომ მის სულს მხოლოდ ლუიზას გმირი განასახიერებს.
„რეჟისორებმა, „ძლიერი გოგონების“ როლების შესრულებით გამანებივრეს - ამბობს მსახიობი. - სინამდვილეში, მე საშინლად მოუხერხებელი ვარ. მუდმივად უადგილოდ ვამბობ რაღაცას და ამის გამო, ძალიან ვმორცხვობ. ასე რომ, ჩემი მეგობრები და მშობლები ყოველდღე ასეთად მიყურებენ“.
ფილმში - „შენთან შეხვედრამდე“ - კლარკთან და კლაფლინთან ერთად თამაშობენ მსახიობები: ჯენა კოულმანი, რომელიც ცნობილია კინოსურათიდან „დოქტორი ვინ“, მეთიუ ლიუისი, რომელიც ცნობილია „ჰარი პოტერიდან “ და ჩარლს დენსი, რომელიც ასევე, „სამეფო კარის თამაშებში“ მონაწილეობს.
ფილმის პროდიუსერებია: ელისონ ოუენი, კარენ როზენფელტი, სიუ ბადენ-პოუელი და სხვა. ოპერატორია - რემი ადეფარაზინი. მუსიკა - კომპოზიტორ კრეიგ ამსტრონგს ეკუთვნის. მონტაჟი ჯონ უილსონმა შეასრულა. სამხატვრო საქმეზე კი - მუშაობდნენ: ენდრიუ მაკალპაინი, ნიკ დენტი, ანტუან მარონი და სხვები.
ფილმი დრამის ჟანრს განეკუთვნება და მისი წარმატების მოლოდინის რეიტინგი, დღეის მონაცემებით, 90 პროცენტს წარმოადგენს.
სურათის მსოფლიო პრემიერა 2016 წლის 31 მარტს შედგება!

ნანახია 6004 | 2016-12-05
სხვა სიახლეები
რეჟისორი გილერმო დელ ტორო, თავის მომდევნო ფილმზე მოგვითხრობს
სერიალი „Fear the Walking Dead“ – „გეშინოდეთ მოსიარულე მკვდრების“ განხილვა
რუპერტ სანდერსის ფილმში - «მოჩვენება აბჯარში» - მთავარ როლს, ეურონა გრეიჯოიას განმასახიერებელი, იოჰან ასბეკი შეასრულებს
«Экипаж» - „ეკიპაჟი“ - უახლესი 3D-IMAX ციფრული კამერით გადაღებული, მეორე რუსული ფილმია
„გალაქტიკის მცველები 2“ - ს (Guardians of the Galaxy Vol. 2) -შეიძლება კურტ რასელი შეუერთდეს
„მოჩვენება აბჯარში“ - ახალი ფილმი, რომელშიც მაიკლ პიტი ბოროტმოქმედის როლს ითამაშებს!

კომენტარი (0)
avatar
კინო სიახლეები
ნავიგაცია
სიახლე
Загрузка...
მსახიობები ყველას ნახვა
კინო სიახლე ყველას ნახვა
საავტორო მფლობელებისთვისკონტაქტი

© 2015
მაღლა